11/05/2026
ILokishi i Gamalakhe lakhiwa ngaphansi kohlelo olubizwa(R293 Townships)
Lohlelo lokwakha lamaLokishi akhawiwa ngesikhathi sobandlululo e KZN lwasungulwe wuye uhulumeni wobandlululo ngenhloso yokususa abantu ezindaweni ababekade behlala kuzo bayobafaka kulama Lokishi abizwa(R293 Townships), lena yindlela ababeyisebenzisa yokudla umhlaba ababesuke bewufuna ngaleso skhathi.
Iningi lalama Lokishi akhiwe ezindaweni zamaKhosi ngezikhathi zama 1960s kukhuphuka kodwa emva kokuphuma kuka Hulumeni wobandlululo azange lusaqhubeka uhlelo lokuthi kwakhiwe amanye ama Lokishi awuhlelo lwe(R293), njengoba iningi lalama Lokishi lakhiwe ezindaweni zamaKhosi kwathi ngesikhathi sekungena Hulumeni wentando yeningi kwacelwa amaKhosi ezindawo ekwakhiwe lamaLokishi kuzo ukuba adlulisele lamaLokishi koMasipala, kodwa kuthe uma uhulumeni eyilandela leyo wathola ukuthi kusenamaKhosi asaqhubeka nokwengamela lamaLokishi futhi asanika abantu izindawo zokwakha kulama Lokishi noma emhlabeni owawukanyelwe lamaLokishi njengo kuba nezindawo noma izikhala ekungakhiwanga kuzo eLokshini, lokhu yikho okudala kulama Lokishi uthole ukuthi kunesakhamuzi esinencwadi yobunini bendawo obugcwele(Tittle Deed) bese abanye banama(PTO) okuyincwadi eyimvume yokusebenzisa umhlaba kodwa akuwona owakho kodwa niseLokishini nonke niphethe izincwadi ezingafani omunye uphethe evela kuHulumeni kodwa omunye uphethe evela eNduneni noma eNkosini yiyo inkinga ekhona kwiningi lalama Lokishi ngisho ungaya eMtshezi uye Newcastle uyeThekwini uzofica lenkinga kulama Lokishi akhiwa ngaphansi kohlelo(R293).
ILokishi i Gamalakhe laqalwa ngokuthi kwakhiwe olindela(Tin Houses) kwafakwa abantu ababesuswe ezindaweni ezehlukene ezakhele Hibiscus Coast bayofakwa kulabo lindela(Tin Houses), uhulumeni wobandlululo ubese wakha izindlu zezindonga ezibovu ezingo 4 rooms no 5 rooms, kodwa okwababuhlungu ngalezindlu ezingo 4 rooms no 5 rooms zange kuhlomule abantu ababefakwe kolindela(Tin Houses) nokwenza baqhubeka bahlala kolindela kwaze kwaba kuphuma uhulumeni wobandlululo, kwangena owentando yeningi nokuyiwona owaze wakha o 1 room wakhela labantu abahlala kolindela(Tin Houses).
Abaningi abangenalo ulwazi kahle bayaye babone ngathi lendawo enolindela(Tin Houses) ebizwa Tin Town ayiyona inxenye yeLokishi ngenxa yokungaqondi kahle ukuthi yini iLokishi, abanye bazi ukuthi iLokishi imigwaqo yetiyela(Tar Roads) nama Ama Street lights noma ukuthi kukhokhwe ama Rates noma ukuthi ama toilets abesezindlini ngaphakathi kanti cha akunjalo ulwazi olunganothile lolo.
