Wakkerstroom-Wes PS

11/06/2026

Baie geluk Juffrou Bothman met jou aanstelling as Grondslagfase Departmentshoof!
Jy verdien dit uit en uit 🥳

04/06/2026

Die Here sorg vir Sy kinders!

Die onlangse vloed wat ons gemeenskap getref het, het groot uitdagings vir baie gesinne gebring. Te midde van hierdie moeilike tyd het ons opnuut beleef hoe die Here deur Sy mense werk.

Ons wil ons opregte dank en waardering uitspreek teenoor Jesus Sentraal Gemeente wat met oop harte gereageer het op die nood in ons gemeenskap. Die gemeente het nie net ruim skenkings bymekaar gemaak nie, maar ook die moeite gedoen om dit vanaf Stellenbosch tot hier by Wakkerstroom-Wes aan te ry.

Dankie vir elke pakkie, elke bydrae, elke gebed en elke daad van liefde. Julle omgee en bereidwilligheid om te help, het vir baie mense hoop gebring en herinner ons daaraan dat ons nie alleen staan nie.

Mag die Here elkeen van julle ryklik seën vir die verskil wat julle gemaak het.

Baie dankie van die personeel, leerders en gemeenskap van Wakkerstroom-Wes Primêre Skool.

26/05/2026

🌟 Wat ‘n ongelooflike dag vir ons Graad 4–7 leerders! 🎉
Vandag het hulle die geleentheid gehad om ‘n VR Experience by te woon — ‘n dag vol nuwe kennis, blootstelling, inspirasie en pret! 📚✨

Ons is ongelooflik dankbaar dat ons vir ons kinders hierdie ervaring kon gee en hul wêrelde ‘n bietjie groter kon maak. Sulke geleenthede help ons leerders om te droom, te ontdek en te groei. 🌍💡

By Wakkerstroom-Wes glo ons:
💙 Learning is fun when learners get the chance to experience it!

13/05/2026

Aan al die anonieme Engele van Bonnievale wil ons ons opregte en hartlike dank uitspreek vir julle ongelooflike ruimhartigheid en omgee.😇

Julle skenkings van komberse, waslappe, tandepaste, tandeborsels, klere en onderklere vir klein en groot, asook kos en ander basiese benodighede, het nie net fisiese nood verlig nie, maar ook hoop, warmte en liefde gebring aan baie gesinne in die gemeenskap van Wakkerstroom-Wes PS.

Dit is mense soos julle wat wys dat daar steeds mooi harte en medemenslikheid in ons gemeenskappe leef. Elke item wat geskenk is, dra ‘n boodskap van omgee en ondersteuning. Ons waardeer elke bydrae opreg en bid dat julle goedhartigheid ryklik geseën sal word.

’n Baie spesiale woord van dank gaan ook aan Jakes Gerwel Tegnieseskool vir julle ruimhartige skenkings en bereidwilligheid om hande te vat met die gemeenskap van Wakkerstroom-Wes PS. Julle betrokkenheid en ondersteuning maak ‘n groot verskil in die lewens van baie mense.

Mag elkeen wat bygedra het weet dat julle dade van liefde en naastediens diep waardeer word. Baie dankie dat julle lig en hoop bring waar dit die nodigste is.🤍🙏🏻

11/05/2026

08/05/2026

Geagte Mnr. GC Schoeman

Baie dankie vir die heerlike braaie wat u vir elke personeellid gegee het. U ruimhartigheid en waardering word opreg raakgesien en baie waardeer deur almal.

Dit was nie net lekker nie, maar het ook bygedra tot goeie gees en samehorigheid onder die personeel.
Dankie vir u omgee en ondersteuning.

Met opregte waardering

01/05/2026

Netbal en Rugby
Wakkies VS De Villiers PS
29 April 2026