Tuine Gemeente

01/06/2026

| Terugkyk Maandag |

Gisteroggend by Tuine Gemeente het ds Janine Bevolo-Manders (’n ou en geliefde bekende hier by ons) die Nagmaal-erediens gelei. Dit was ’n besondere erediens – baie dankie, ds Janine!

Ons Tuine-maats het die geleentheid gehad om eers saam met die gemeente die erediens by te woon, waarna hulle na die gebedskamer beweeg het vir ’n spesiale aktiwiteit.

Die aanddiens het voortgegaan met die Toorwoorde-reeks, waar ons hierdie week by die woord “Dankie” stilgestaan het. Deur die verhaal van die tien melaatses het ds Johnny ons gewys dat dankbaarheid meer is as waardering vir God se gawes; dit is 'n reaksie op God self. Vir die melaatse wat teruggedraai het, was dit nie net die wonderwerk wat saak gemaak het nie, maar die Wonderwerker – Jesus.

31/05/2026

Vriende, hier is die skakel na vanaand se byeenkoms:

Toorwoorde - "Dankie" Ds. Johnny Young

31/05/2026

Vriende, hier is die skakel na vanoggend se diens:

Nagmaal Ds. Janine Bevolo-Manders

29/05/2026

Gebeure tydens die week van 1 - 5 Junie:

Dinsdag | 2 Junie | 09:00 | WOORDGESPREK
Dinsdag | 2 Junie | 18:30 | MANNEBEDIENING
Woensdag | 3 Junie | 11:00 | SENIOR-ETE
Donderdag | 4 Junie | 05:00 | IN VIA

29/05/2026

Sondag, 31 Mei by Tuine Gemeente:

Oggenddiens en Nagmaal | 09:00 | Ds Janine Bevolo-Manders
Kinderkerk | 09:00

Aandbyeenkoms | 17:30 | Ds Johnny Young
Juventus | 17:30

29/05/2026

Jy word genooi! Sien jou Sondag.

26/05/2026

| Dinsdag Gedagte |
Aanbidding begin selde
by sekerheid.

Eers kom die heilige ontwrigting -
God wat my mooi antwoorde
uit my hande neem.

Dan eers leer die hart
om oop te staan,
soos grond ná reën.

25/05/2026

| Terugkyk Maandag |

Gisteroggend het ons weer die besondere voorreg gehad om ’n kindjie te doop. Baie geluk aan pappa Jan en mamma Angeline Johnson met die doop van klein Jan Louwrens!

Ons preekreeks “Rankplek” het voortgegaan met die tema “Aanbidding”. Ons het ontdek dat ware aanbidding nie iets is wat net van ons kant af kom nie, maar iets wat gebeur wanneer ’n mens God ontmoet — en dit kan enige plek gebeur: in die kerk, in die motor, by die huis of by die werk.

In aansluiting by Pinkster en die uitstorting van die Heilige Gees, het die Kinderkerk ook ’n heerlike oggend rondom die vrugte van die Gees beleef.

By die aanddiens het ons vir Evette verwelkom. Ons ken haar reeds goed van die oggenderedienste af, en nou gaan sy ook die musiek by die aanddienste behartig. Ons aandtema, “Toorwoorde”, het voortgegaan met die woordjie “Wow”. Ds Erika het met ons gedeel oor ware verwondering, en hoe mense telkens met verwondering vervul is wanneer hulle Jesus ontmoet het.

24/05/2026

Vriende, hier is die skakel na vanaand se byeenkoms:

Toorwoorde #5 - "WOW!" Ds. Erika Ferreira

24/05/2026

Vriende, hier is die skakel na vanoggend se diens:

Rankplek #6 - Aanbidding Ds. Johnny Young