Bashkia Durres

28/07/2026

DURRËS 💙

27/07/2026

25/07/2026

📢 NJOFTIM

Të dashur prindër,

Ju njoftojmë se regjistrimet e fëmijëve në çerdhet dhe kopshtet e Bashkisë Durrës do të zhvillohen 🗓️ në datat 17–31 gusht 2026.

Çerdhet – për fëmijët e moshës 6 muaj – 3 vjeç
Kopshtet – për fëmijët e moshës 3 – 6 vjeç

Prindërit ftohen të regjistrojnë fëmijët në 📍 institucionin më të afërt me vendbanimin e tyre.

Mirëpresim me kënaqësi të gjithë fëmijët në çerdhet dhe kopshtet e Bashkisë Durrës, të cilat ofrojnë kushte optimale, një mjedis të sigurt, edukues dhe gjithëpërfshirës, si dhe kujdes e përkushtim për zhvillimin dhe mirëqenien e tyre.

📄 Dokumentacioni i nevojshëm për regjistrim në çerdhe:
• Çertifikatë familjare
• Çertifikatë personale e fëmijës
• Analiza e koprokulturës, kulturë fyti
• Kartelë vaksinimi nga konsultori i fëmijës
• Vërtetimi i banimit
• Pagesa e kuotës fillestare të rregjistrimit

📄 Dokumentacioni i nevojshëm për regjistrim në kopësht:
• Çertifikatë personale dhe familjare të fëmijës
• Vërtetim pune, të kujdestarit ligjor (të prindërve)
• Vërtetim për kontributet e Sigurimeve Shoqërore e Shëndetësore për Individin nga portali zyrtar e-albania.
• Vërtetimi i banimit
• Vërtetimi i vaksinimit të fëmijës
• Pagesa e kuotës fillestare të regjistrimit

24/07/2026

Gati për një tjetër mbrëmje magjike? 🎶

Këtë të shtunë ju ftojmë të bëheni pjesë e një mbrëmjeje të jashtëzakonshme me muzikën më të mirë elektronike nga JO.KE 🔥

Së bashku me 🎧 BUTE, SAM SAM dhe SLY ON THE MOON, ju pret një eksperiencë e paharrueshme.

Nga perëndimi i diellit deri në mesnatë! 🌇

🗓️ 25 Korrik
⏰ Ora 18.00
📍 Muret rrethuese të qytetit (Pranë Torrës Veneciane)

Mos e humbisni – ejani me miqtë dhe bëhuni pjesë e një nate që do të mbahet mend! ✨🎧

24/07/2026

📍 Në zonën e plazhit vijon puna për rehabilitimin e hapësirave mes pallateve, me një investim që përfshin asfaltimin, trotuaret, ndriçimin publik💡, gjelbërimin 🌳, vendet e parkimit 🅿️dhe sinjalistikën 🚸, duke i dhënë gjithë bllokut një pamje dhe funksionalitet krejt të ri.

Ky transformim përmirëson jetën e rreth 1,500 banorëve, ndërsa krijon një mjedis më të sigurt dhe më mikpritës edhe për pushuesit që frekuentojnë zonën.

24/07/2026

📍 Katund i Ri - Puna e palodhur e fermerëve tanë është themeli i një bujqësie të qëndrueshme dhe cilësore. 🧑‍🌾🚜🍉

Me përkushtim të përditshëm, ata kultivojnë dhe sjellin në treg produkte bio, të freskëta dhe të shëndetshme, duke kontribuar në zhvillimin e ekonomisë vendore. 🌾🥬🍎 Mbështetja për fermerët mbetet një nga prioritetet tona kryesore.

Përmes skemave mbështetëse dhe investimeve konkrete në përmirësimin e infrastrukturës bujqësore, synojmë të krijojmë kushte edhe më të mira për punën e tyre.

Do të vazhdojmë të investojmë në bujqësi sepse ky sektor përfaqëson një potencial të jashtëzakonshëm zhvillimi për të gjithë komunitetin.