Drejtoria Vendore e Policisë Dibër

02/09/2026

📌DVP Dibër

Ditën e sotme, në ambientet e Drejtorisë Vendore të Policisë Dibër, Drejtori i Policisë Drejtues i Parë Xhevahir Karaj, së bashku me shefin e sektorit të Burimeve Njerëzore dhe Trajnimeve zhvilluan një takim me 14 punonjës të rinj, të cilët sapo janë emëruar në rolin bazë, në pozicionin “Patrullë e Përgjithshme”.

Gjatë bashkëbisedimit, Drejtor Karaj, u përcolli punonjësve rëndësinë e detyrës që kanë marrë përsipër, duke theksuar se shërbimi në radhët e Policisë së Shtetit kërkon përgjegjshmëri të lartë, përkushtim dhe profesionalizëm në përballimin e çdo situate në shërbim të qytetarëve.

Ai i inkurajoi punonjësit e rinj që në përmbushjen e detyrës të udhëhiqen gjithmonë nga respektimi i ligjit, përgjegjshmëria dhe profesionalizmi, duke i shërbyer me përkushtim qytetarëve.

Në përfundim të takimit, drejtuesit e Policisë, iu uruan 14 punonjësve të rinj suksese në detyrën e tyre, duke u shprehur mbështetjen dhe gatishmërinë për t’i asistuar në çdo hap të rrugëtimit të tyre në radhët e Policisë së Shtetit.

01/09/2026

01/09/2026

31/08/2026

31/08/2026

📍 Policia Rrugore Dibër/ Vijojnë kontrollet intensive me dron, radar dhe makina inteligjente në të gjitha akset rrugore të qarkut, me fokus parandalimin e aksidenteve dhe ngjarjeve rrugore me pasoja, si dhe menaxhimin e trafikut, për shkak të fluksit të shtuar të automjeteve gjatë sezonit veror.

➡️Monitorimi i vazhdueshëm ka në fokus evidentimin dhe parandalimin e shkeljeve që rrezikojnë drejtpërdrejt jetën e përdoruesve të rrugës, veçanërisht drejtimin e mjeteve nën efektin e alkoolit, drejtimin pa leje drejtimi, parakalimet e gabuara, mospërdorimin e rripit të sigurimit dhe kaskës mbrojtëse, përdorimin e celularit gjatë drejtimit të automjetit, si dhe qarkullimin me xhama të errësuar të pahomologuar.

Monitorimi i kryer gjatë periudhës 17–30 gusht 2026 ka sjellë evidentimin e 1760 shkeljeve të ndryshme të Kodit Rrugor, ndaj të cilave janë marrë masat administrative përkatëse, konkretisht:

❌ 364 masa për parakalime të gabuara;
🚗 769 masa për ndalim ose qëndrim të gabuar;
🛑 174 masa për mosvendosjen e kaskës mbrojtëse;
⚠️ 149 masa për mospërdorimin e rripit të sigurimit gjatë drejtimit të automjetit;
🚫 12 masa për drejtim mjeti nën efektin e alkoolit;
🚫 23 masa për xhama të errësuar të pahomologuar;
📵 15 masa për përdorimin e celularit gjatë drejtimit të automjetit;
⚠️ 254 masa për shkelje të tjera të Kodit Rrugor.

🚓 Kontrollet do të vijojnë në të gjitha akset rrugore të qarkut Dibër, me përdorimin e mjeteve bashkëkohore logjistike, me qëllim parandalimin e aksidenteve dhe garantimin e një qarkullimi sa më të sigurt për të gjithë përdoruesit e rrugës.

Policia Rrugore e Dibrës apelon për të gjithë drejtuesit e mjeteve që të respektojnë me rigorozitet rregullat e qarkullimit rrugor.
📞 Ftojmë qytetarët që të denoncojnë, në numrin pa pagesë 112, çdo shkelje të rregullave të qarkullimit rrugor.

⚠️
✅️
🚸
❌shpejtësi❌alkool❌celular📵

30/08/2026

29/08/2026

📌Bulqizë/Mat

Efektivë të Komisariateve të Policisë Bulqizë dhe Mat u bënë pjesë e kauzës “Dhuro gjak, shpëto jetë!”, të organizuar nga Qendra Kombëtare e Transfuzionit të Gjakut, duke dhuruar gjak në ndihmë të pacientëve që jetojnë me talasemi. 🩸🏥

Përmes këtij akti human dhe solidar, efektivët e Policisë së Shtetit dëshmojnë përkushtimin e tyre ndaj komunitetit, duke dhënë një kontribut të drejtpërdrejtë për pacientët që kanë nevojë për gjak dhe duke përcjellë një mesazh të fortë solidariteti, humanizmi dhe përgjegjësie qytetare.

👮‍♀️ Efektivët e Policisë do të vijojnë të mbështesin nisma të tilla, duke përcjellë te komuniteti mesazhe solidariteti, humanizmi dhe përgjegjësie qytetare. 🤝


🤝 🚓 🇦🇱

29/08/2026

Mat/Dhunoi dhe kanosi bashkëshorten, arrestohet në flagrancë 67-vjeçari.

Sekuestrohen një armë zjarri automatik, 2 krehra dhe 55 fishekë.

Shërbimet e Komisariatit të Policisë Mat, pas marrjes së njoftimit për një konflikt familjar në një banesë në qytetin e Burrelit, kanë shkuar menjëherë në vendngjarje.

Falë ndërhyrjes së menjëhershme dhe në kohë të shërbimeve të Policisë, situata është neutralizuar dhe është parandaluar përshkallëzimi i mëtejshëm i konfliktit, duke shmangur një ngjarje potencialisht të rëndë kriminale.

Si rezultat, u arrestua në flagrancë shtetasi B. K., 67 vjeç, banues në qytetin e Burrelit, pasi nga verifikimet e kryera ka rezultuar se ky shtetas kishte dhunuar dhe kanosur bashkëshorten e tij.

Gjithashtu, gjatë kontrollit të banesës, Policia gjeti dhe sekuestroi, në cilësinë e provës materiale, 1 armë zjarri automatik, 2 krehra dhe 55 copë fishekë.

Materialet procedurale i kaluan Prokurorisë pranë Gjykatës së Juridiksionit të Përgjithshëm Dibër, për veprime të mëtejshme.