Prefekti i Qarkut Vlorë

01/08/2026

01/08/2026

Ndërsa forcat në terren vijojnë me përkushtim të jashtëzakonshëm punën për shuarjen e zjarreve dhe mbrojtjen e jetës, pronës e natyrës, ju urojmë të gjithëve një muaj të mbarë gushti.

Qoftë një muaj i qetë, me punë të mbarë për ata që janë në detyrë dhe me pushime të bukura e të sigurta për të gjithë.

Të tregojmë kujdes maksimal ndaj mjedisit, që vera jonë të mbetet e bukur dhe pa rreziqe.

31/07/2026

Kudo që të jeni duke pushuar në Qarkun e Vlorës, mos e humbni mundësinë të vizitoni muzetë dhe parqet arkeologjike që ruajnë historinë dhe identitetin e kësaj treve.

Nga qytetet antike te muzetë historikë, çdo vizitë është një udhëtim në mijëra vite qytetërim, kulturë dhe trashëgimi.

Pushimet nuk janë vetëm det dhe diell, por edhe një mundësi për të njohur rrënjët tona dhe për të përjetuar vlerat që e bëjnë Qarkun e Vlorës një destinacion unik. Ju mirëpresim!

30/07/2026

Në zemër të bregdetit të jugut, mbi kodrën e Sopotit, qëndrojnë gjurmët e një historie mijëravjeçare.

Borshi antik është një nga dëshmitë më të çmuara të trashëgimisë sonë arkeologjike, një qytet i lashtë i fortifikuar që dikur kontrollonte rrugët e rëndësishme të Kaonisë drejt Ilirisë së Jugut dhe territoreve të brendshme të amantëve.

Sot, këto gjurmë të lashta na kujtojnë se bukuria e zonës së Borsh*t nuk qëndron vetëm te deti i kaltër, gjiret dhe peizazhet e rralla natyrore, por edhe te pasuria historike e kulturore që mbart çdo kodër e çdo gur.

Ruajtja dhe promovimi i kësaj trashëgimie është një detyrim ndaj së kaluarës dhe një mundësi për t’ua treguar brezave të ardhshëm historinë e një t**e që ka qenë pjesë e qytetërimeve të mëdha të Mesdheut.

Borshi është një dëshmi se turizmi i së ardhmes ndërtohet duke bashkuar natyrën me historinë, detin me kulturën, bukurinë me identitetin.

30/07/2026

Sipas të dhënave më të fundit të Mekanizmit të Mbrojtjes Civile të Bashkimit Evropian, në ditët në vijim priten temperatura të larta dhe kushte meteorologjike që rrisin ndjeshëm rrezikun e zjarreve në rajon.

Për Greqinë dhe Turqinë parashikohet një nivel shumë ekstrem i rrezikut nga zjarret, ndërsa situata mbetet kritike edhe në disa pjesë të Evropës.

Për shkak të rritjes së temperaturave në rajon, pritet që edhe vendi ynë të përballet me një rrezik të shtuar për shfaqjen dhe përhapjen e zjarreve.

Në këtë kuadër, Agjencia Kombëtare e Mbrojtjes Civile u kërkon njësive të vetëqeverisjes vendore, prefekturave dhe forcave operacionale të mbajnë në gatishmëri kapacitetet njerëzore dhe logjistike, të reagojnë menjëherë ndaj çdo vatre zjarri dhe, në rast të shterimit të kapaciteteve vendore, të kërkojnë pa vonesë mbështetje, sipas procedurave të përcaktuara në sistemin e mbrojtjes civile.

Njëkohësisht, Agjencia Kombëtare e Mbrojtjes Civile u bën thirrje të gjithë qytetarëve të tregojnë kujdes maksimal dhe të respektojnë masat parandaluese:

• Mos ndizni zjarre në ambiente të hapura.
• Mos hidhni bishta cigaresh në pyje, kullota apo pranë bimësisë së thatë.
• Mos digjni mbetje, barishte apo materiale të tjera në kushtet e temperaturave të larta.
• Nëse konstatoni një vatër zjarri, njoftoni menjëherë shërbimet e emergjencës, pasi raportimi në kohë është vendimtar për kufizimin e përhapjes së flakëve.

Parandalimi është përgjegjësi e përbashkët. Me kujdesin dhe bashkëpunimin e të gjithëve, mbrojmë jetën, pronën dhe mjedisin.

29/07/2026

Prefekti është përfaqësuesi i Qeverisë në territor dhe hallka që bashkon të gjitha institucionet për të garantuar rezultate konkrete.

29/07/2026

Prefektja e Qarkut Vlorë zhvilloi sot një takim pune me Kryetarin e Fshatit Kaninë, shoqëruar nga Drejtori i Drejtorisë Rajonale të Trashëgimisë Kulturore, ku u diskutuan problematikat e evidentuara në territor, me fokus të veçantë zhvillimin e turizmit, ruajtjen e vlerave të trashëgimisë dhe përmirësimin e kushteve për banorët dhe vizitorët.

Në vijim të takimit, Prefektja e Qarkut Vlorë inspektoi nga afër punimet për rikonstruksionin e Kalasë së Kaninës, një monument me rëndësi të veçantë historike dhe kulturore për zonën dhe për gjithë qarkun e Vlorës.

Punimet ndodhen në fazën përfundimtare dhe shumë shpejt kjo kala do të jetë plotësisht e restauruar, duke i rikthyer kësaj pasurie të çmuar pamjen dhe vlerën e saj të merituar.

Restaurimi i Kalasë së Kaninës përbën një hap të rëndësishëm në ruajtjen e trashëgimisë kulturore dhe në rritjen e potencialit turistik të zonës, duke e kthyer këtë monument në një destinacion më tërheqës për vizitorët vendas dhe të huaj.

29/07/2026

Udhëzimi i ri i përbashkët nga Ministria e Punëve të Brendshme, Ministria e Mjedisit dhe Ministria e Shëndetësisë dhe Mirëqënies Sociale për nivelin e zhurmave gjatë sezonit turistik.

Udhëzimi do të zbatohet për subjektet që ushtrojnë veprimtari ekonomike ose shoqërore dhe që gjenerojnë zhurmë, si lokale, bare, restorante, diskoteka, klube nate dhe veprimtari të tjera të ngjashme që përdorin muzikë të amplifikuar ose pajisje elektroakustike, të cilët duhet të respektojnë këto nivele kufi të zhurmës të matura në mjedise publike:

🔹 Nga ora 11:00 deri në 20:00, niveli i zhurmës nuk duhet të kalojë 65 dB(A), i matur në intervale prej 15 minutash;

🔹 Nga ora 20:00 deri në 24:00, niveli i zhurmës nuk duhet të kalojë 45 dB(A), i matur në intervale prej 15 minutash.

🔹 Policia e Shtetit dhe autoritetet vendore janë të ngarkuara sipas ligjit me kontrollin dhe zbatimin e këtij udhëzimi, për të parandaluar tejkalimin e niveleve të lejuara të zhurmës.

🔹 Synimi është të garantohet një sezon turistik i qetë, ku pushuesit të shijojnë ambientet publike pa u shqetësuar nga ndotja akustike.

🔹 Udhëzimi është hartuar në përputhje me standardet e Organizatës Botërore të Shëndetësisë (OBSH) për nivelet e lejuara të zhurmës.

28/07/2026

28/07/2026

Arti dhe mbrojtja e mjedisit janë dy vlera që ndërthuren në mënyrën më të bukur në "Porto Palermo Festival".

Nisma e ndërgjegjësimit dhe pastrimit të mjedisit "Preserving Our Sea 4", shënoi hapjen e edicionit të 6-të të festivalit, duke përcjellë një mesazh të rëndësishëm për ruajtjen e detit dhe të bregdetit, një pasuri e çmuar për Qarkun Vlorë dhe për gjithë Shqipërinë.

Prefektja e Qarkut Vlorë përshëndet këtë iniciativë, e cila dëshmon se arti mund të shërbejë edhe si një mjet i fuqishëm për edukimin qytetar dhe mbrojtjen e mjedisit.

Urime organizatorëve, artistit Olen Çezari, vullnetarëve dhe të gjithë pjesëmarrësve për këtë mesazh të bukur qytetar.

Urojmë që edicioni i gjashtë i "Porto Palermo Festival" të jetë një sukses dhe të mirëpresë mijëra artdashës, duke promovuar jo vetëm muzikën cilësore, por edhe vlerat e jashtëzakonshme natyrore e kulturore të Himarës.