Concello de Catoira

27/10/2026

🌱 O Concello de Catoira busca contratar dúas persoas monitoras para desenvolver o proxecto interxeracional ‘A Horta das Xeracións’.
Esta nova iniciativa pretende crear un espazo de convivencia entre as persoas maiores do municipio e os nenos e nenas do CPI Progreso a través da agricultura, a educación ambiental e a recuperación dos coñecementos tradicionais.
A contratación enmárcase no programa +Emprega da Deputación de Pontevedra e permitirá desenvolver esta iniciativa durante doce meses, a partir do 15 de xaneiro de 2027. Os contratos serán de carácter formativo e terán unha retribución bruta mensual de 1.424,50 euros, incluída a parte proporcional das pagas extraordinarias.
As persoas interesadas deberán contar cun ciclo medio de Formación Profesional nalgunha das familias profesionais de Agraria, Actividades Físicas e Deportivas ou Servizos Socioculturais. Entre as titulacións admitidas figuran as de Produción agroecolóxica, Produción agropecuaria, Xardinería e floraría, Aproveitamento e conservación do medio natural, Guía no medio natural e de tempo libre e Atención a persoas en situación de dependencia.
ℹ️ Máis información na sede electrónica municipal:

Sede Electrónica de Catoira

26/10/2026

🌿 Conexión coa Natureza
Actividade gratuíta organizada por María Miguéns.

🗓️ Sábado 14 de novembro de 10:30 a 12:30 h
Saída: Muíños de Vento de Pedras Miúdas
https://maps.app.goo.gl/eWHY5zpHRQdz4gsbA?g_st=ac
Dificultade Baixa, todas as idades

A conexión coa natureza é o vínculo emocional, cognitivo e físico que une aos seres humanos coa súa contorna natural. Estar en contornas naturais diminúe os niveis de cortisol (a hormona da tensión) e reduce a presión arterial. Estimula a produción de endorfinas e serotonina, aliviando síntomas de ansiedade e depresión. Favorece o descanso reparador, mellora a función inmunitaria e diminúe a inflamación xeral do organismo.

🌳 Que imos facer? Espertar os nosos sentidos. Camiñar sentindo o chan cos pés, sintonizarnos coa enerxía das árbores, a auga, o aire... xogaremos ás cartas do poder do bosque e algunha sorpresa co son do tambor.

📝 Formulario de inscrición:
https://forms.gle/g4v9By53gjwRALgx9

26/10/2026

💧 O Concello de Catoira puxo en marcha un dispositivo de apoio á veciñanza de Coaxe que está a sufrir a seca dos seus pozos e traídas particulares pola falta de chuvias.
Para dar resposta a esta situación, o alcalde Xoán Castaño mobilizou o camión cisterna dos bombeiros municipais e desprazouse á zona acompañado do concelleiro Roberto Ferreira e de persoal técnico municipal para subministrar auga ás vivendas máis afectadas.
Realizáronse desprazamentos co vehículo municipal para encher os depósitos de varias casas que xa esgotaran as súas reservas. Cada vivenda conta cun depósito de arredor de 2.000 litros e a auga facilitada destinouse a cubrir necesidades domésticas básicas.

23/10/2026

🚧 O Concello de Catoira esixe á Deputación avances inmediatos na mellora da estrada Dimo-Coaxe (EP-8703).
O Concello leva desde abril de 2026 coa documentación dos terreos necesarios entregada, polo que reclama que a Deputación actualice os prezos do proxecto e avance cara á licitación das obras sen máis demoras.
O alcalde, Xoán Castaño, nun encontro que mantivo esta semana co presidente do ente provincial, Luis López, pediu tamén que os orzamentos provinciais de 2027 inclúan unha partida específica para garantir esta actuación, longamente demandada pola veciñanza para mellorar a seguridade viaria.
📢 «Catoira está esquecida. As palabras están ben, pero toca actuar. A Deputación ten que cumprir xa», reclama o rexedor.

23/10/2026

📌 Informamos da próxima convocatoria para a toma de datos sobre o terreo CONCENTRACIÓN PARCELARIA DE CATOIRA-SUR.

🗓️ DATA: Xoves 29 de outubro de 2026
🕛 HORA: 9:30
📍 LUGAR DE ENCONTRO: Centro social de Abalo

ZONAS: Vilar Novo, Fonte do Torno, Cortellos, Rego da Espiñeira, Fonte Berruga, Cortellos de Abaixo, Ramadeira e Carnisoiras.

CONTACTO: TOPGAL, S.L. 629811979 - 620295784

22/10/2026

🚧 O Concello de Catoira investe máis de 45.000 € na mellora do saneamento entre Outeiro da Vila e Barral.
O Concello adxudica as obras para crear unha nova canalización de máis de 330 metros que permitirá conducir as augas residuais por gravidade, eliminando a dependencia dun bombeo con avarías frecuentes.
Esta actuación mellorará a fiabilidade do servizo, reducirá os custos enerxéticos e de mantemento e diminuirá o risco de verteduras.
♻️ Seguimos modernizando a rede municipal de saneamento para mellorar a calidade de vida da veciñanza e protexer o medio ambiente.

21/10/2026

🌿 O Concello de Catoira inviste 25.000 € na conservación do paseo fluvial das Torres do Oeste.
Os traballos, que comezan este venres, vanse prolongar durante aproximadamente un mes, e permitirán renovar os taboleiros de madeira deteriorados e mellorar a varanda en distintos puntos do itinerario, dende as Torres até o límite co municipio de Valga.
🚧 Durante as obras haberá cortes temporais no paseo.
💚 Desde 2023, o Concello leva investidos máis de 225.000 € na rehabilitación e mellora deste espazo natural, fundamental para a veciñanza e as persoas visitantes.

20/10/2026

🎃💀 Catoira prepárase para a XXVI Procesión de Caveiras!

📅 O sábado 31 de outubro, gozaremos dunha tarde chea de misterio con contacontos de trasnos e meigallos, a tradicional procesión acompañada pola Banda de Música de Catoira e a Escola Municipal de Teatro, e o magosto na Alameda do Concello.

👻 E o domingo 1 de novembro, espectáculo familiar no Auditorio Municipal con Quen dixo medo?, de Barafunda.

ℹ️ Máis información en catoira.gal

19/10/2026

🛝 O Concello de Catoira estuda as mellores datas para iniciar as obras de acondicionamento do parque infantil de Tarrío, en Dimo.
A actuación, que prevé incorporar unha cuberta para darlle máis vida ás instalacións, xa está adxudicada á empresa COCIGAL 2013, S.L. O goberno local está a valorar a planificación dos traballos co obxectivo de causar a menor afectación posible ás escolas infantís autonómica e municipal, situadas a carón do parque.
Tamén está previsto renovar o pavimento, instalando unha capa de 30 centímetros de area. Aproveitaranse os xogos actuais, restaurándoos nos casos necesarios, e vanse instalar dous novos: unha randeeira dobre e un multixogo.
O orzamento das obras ascende a 52.465 euros, financiados a través do Plan +Provincia da Deputación de Pontevedra.

19/10/2026

🐟 Saberes con Sabor enche Catoira de gastronomía e memoria dos oficios tradicionais.
A Sala Celso Emilio Ferreiro do Edificio Multiusos de Catoira acolleu o pasado venres o segundo showcooking do proxecto Saberes con Sabor, que unha vez máis colgou o cartel de completo. O cociñeiro Miguel Mosteiro elaborou en directo, como homenaxe ao produto local, unha «ensalada rusa amostazada con encurtidos e salmón curado en remolacha» e unha «solla con grelos e cachelos», que o público puido degustar. En ambos os pratos combinouse produto de río e de mar con produto da horta, ofrecendo unha mostra de cociña que lembrou a tradición da pesca do salmón e a solla.
A iniciativa, enmarcada no programa O Teu Xacobeo e cofinanciada pola Xunta de Galicia, puxo o foco na sustentabilidade.