Akshaya Kendram, Ambalamkunnu

31/12/2025

🌸✨ ഏവർക്കും അക്ഷയ കേന്ദ്രത്തിൻ്റെ ഹൃദയം നിറഞ്ഞ പുതുവത്സര ആശംസകൾ ✨🌸

03/12/2025

💡🧾 വൈദ്യുതി ബിൽ അടക്കാം അക്ഷയയിലൂടെ

ബിൽ അടയ്ക്കാൻ ഇപ്പോഴും ഇലക്ട്രിസിറ്റി ഓഫീസിൽ ക്യൂ നിൽക്കുകയാണോ?
ഇനി അതൊന്നും വേണ്ട!

✔️ അക്ഷയയിലൂടെ നിമിഷ നേരം കൊണ്ട്
വൈദ്യുതി ബിൽ അടയ്ക്കാനുള്ള സൗകര്യം ലഭ്യമാണ് ⚡

---

📞 കൂടുതൽ അറിയാനും അപേക്ഷ സമർപ്പിക്കാനും സമീപിക്കുക.

Akshaya Kendram, Amabalamkunnu
Nettayam PO, Kollam
📱 9388279575 | 🪀 9388279575
📩 [email protected]

👉 ഈ വിവരം മറ്റുള്ളവർക്ക് കൂടി ഷെയർ ചെയ്യൂ.

---

🟩 അക്ഷയയിൽ നിന്നും ലഭിക്കുന്ന മറ്റ് സേവനങ്ങൾ
▫️ ആധാർ സേവനങ്ങൾ
▫️ പാൻ കാർഡ്
▫️ പാസ്സ്പോർട്ട്
▫️ ഇ-ടെൻഡർ
▫️ ഡിജിറ്റൽ സിഗ്നേച്ചർ
▫️ വാഹന ഇൻഷുറൻസ്
▫️ വോട്ടർ ഐഡി
▫️ റവന്യൂ സർട്ടിഫിക്കറ്റുകൾ
▫️ റേഷൻ കാർഡ്
▫️ MVD സേവനങ്ങൾ
▫️ LSG ഡിപ്പാർട്ട്മെന്റ് സേവനങ്ങൾ

🔗 WhatsApp ഗ്രൂപ്പ്
https://chat.whatsapp.com/L3Rw1oOLNERGaaSeTJqasv

---

🟩 എല്ലാവിധ ഓൺലൈൻ സേവനങ്ങൾക്കും — അക്ഷയ കേന്ദ്രം മാത്രം സന്ദർശിക്കുക
അക്ഷയ — ഒരു കേരള സർക്കാർ സംരംഭം 🟩

25/07/2018

കേന്ദ്ര പൊലീസ് സേനകളിൽ 54,953 ഒഴിവ്

കേന്ദ്ര പൊലീസ് സേനകളിൽ 54953 ഒഴിവുകളിലേക്ക് - സ്റ്റാഫ് സിലക്ഷൻ കമ്മിഷൻ - അപേക്ഷ ക്ഷണിച്ചു
സെൻ (5ൽ ആംഡ് പൊലീസ് ഫോ ഴ്സ് (സിഎപിഎഫ്), നാഷനൽ ഇൻവെസ്റ്റിഗേഷൻ ഏജൻസി (എൻഐഎ). സെക്രട്ടേറിയറ്റ് സെക്യൂരിറ്റി ഫോഴ്സ്എസ്എ സ്എഫ്) തുടങ്ങിയ കേന്ദ്ര സേ നാവിഭാഗങ്ങളിൽ കോൺ ബിൾ (ജിഡി) തസ്തികയിലും അസം റൈഫിൾസിൽ റൈഫിൾ മാൻ (ജിഡി) തസ്തികയിലുമാണ് അവസരം.
വിവിധ സേനാവി ഭാഗങ്ങളിലായി പുരുഷന്മാർക്ക് 47,307 ഒഴിവുകളും സ്തീകൾക്ക് 7646 ഒഴിവുകളുമുണ്ട്.
കംപ്യൂട്ടർ അധിഷ്ഠിത പരീക്ഷ, ശാരീരികയോഗ്യത പരിശോധന, കായിക ക്ഷമത പരീക്ഷ, വൈദ്യപരിശോ ധന എന്നിവയുടെ അടിസ്ഥാന ത്തിലാണ് തിരഞ്ഞെടുപ്പ് ഓൺ ലൈനായി അപേക്ഷിക്കണം
അപേക്ഷ സ്വീകരിക്കുന്ന അവ സാന തീയതി 2018 ഓഗസ്റ്റ് 24 എൻഐഎ. - എസ്എസ്എഫ് എന്നീ വിഭാഗങ്ങളിലേക്ക് അഖിലേന്ത്യാ അടിസ്ഥാനത്തിലാണ് തിരഞ്ഞടൂപ്പ്. മറ്റു വിഭാഗങ്ങളിലേക്ക് അതതു സംസ്ഥാനങ്ങളിലെ ഒഴിവുകളുടെ അടിസ്ഥാനത്തി ലായിരിക്കും നിയമനം നക്സൽ ബാധിത ജില്ലകളിലെ ഒഴിവു കൾ ആ ജില്ലകളിലുള്ളവർക്കു -- മാത്രമായിരിക്കും. കേരളത്തിൽ - മലപ്പുറം, പാലക്കാട്, വയനാട് -- എന്നിവയാണ് നക്സൽബാ ധിത ജില്ലകളുടെ പട്ടികയിൽ വരുന്നത്. ഏതെങ്കിലും ഒരു സംസ്ഥാനത്തേക്കു മാത അപേക്ഷ സമർപ്പിക്കാനാകൂ. - അമപക്ഷിക്കുന്ന സംസ്ഥാനവുമായി ബന്ധപ്പെട്ട് അധിവാസ - സർട്ടിഫിക്കറ്റും ഹാജരാക്കണം (കേരളത്തിലെ സ്റ്റേറ്റ് കോഡ് - 18, ലക്ഷദ്വീപ് 19) -
ശമ്പള നിരക്ക്. 21,700-69,100-- രൂപ
- വിദ്യാഭ്യാസ യോഗ്യത: മെട്രിക്കുലേഷൻ/പത്താം ക്ലാസ് ജയം.
| പ്രായം (1.08.2018ന് ): 18-23 - വയസ്സ്.
1995 ഓഗസ്റ്റ് രണ്ടിനു - മുൻപും 2000 ഓഗസ്റ്റ് ഒന്നിനു - ശേഷവും ജനിച്ചവരാകരുത്. - പട്ടികവിഭാഗക്കാർക്ക് അഞ്ചു - ഒബിസിക്ക് മൂന്നും വർഷം ഉയർ - ന്ന പ്രായപരിധിയിൽ ഇളവുണ്ട്. - വിമുക്തന്മാർക്കും സർക്കാർ - ജീവനക്കാർക്കും ഇളവ് ചട്ടപ്രകാരം മറ്റു യോഗ്യരായവർക്കും - നിയമാനുസൃത ഇളവ് ലഭിക്കും.

അപേക്ഷാഫീസ് 100 രൂപ
അപേക്ഷിക്കുന്നതിനായി അക്ഷയ കേന്ദ്രത്തിലെത്തുക

08/08/2016

10/10/2015

സ്ഥാനാര്‍ത്ഥികളുടെ യോഗ്യതകളും അയോഗ്യതകളും സംബന്ധിച്ച വിശദീകരണങ്ങള്‍

തദ്ദേശഭരണ തിരഞ്ഞെടുപ്പിന് മത്സരിക്കുന്ന സ്ഥാനാര്‍ത്ഥികളുടെ യോഗ്യതകളും അയോഗ്യതകളും പൊതു അവബോധത്തിനായി സംസ്ഥാന തിരഞ്ഞെടുപ്പ് കമ്മീഷന്‍ പ്രസിദ്ധപ്പെടുത്തി. ഇത് ആധികാരിക രേഖയായി കണക്കാക്കാതെ ബന്ധപ്പെട്ട നിയമങ്ങളും ചട്ടങ്ങളും പരിശോധിച്ച് യോഗ്യതകളും അയോഗ്യതകളും തീരുമാനിക്കുന്നത് അതാത് വരണാധികാരികളുടെ ചുമതലയാണെന്ന് സംസ്ഥാന തിരഞ്ഞെടുപ്പ് കമ്മീഷന്‍ അറിയിച്ചു.
ഏതെങ്കിലും തദ്ദേശ സ്വയംഭരണ സ്ഥാപനത്തില്‍ ഒരംഗമായി തിരഞ്ഞെടുക്കപ്പെടാനായി മത്സരിക്കുന്ന ഒരാള്‍ക്ക് തദ്ദേശസ്വയംഭരണ സ്ഥാപനത്തിലെ ഏതെങ്കിലും വാര്‍ഡിലെ (നിയോജകമണ്ഡലത്തിലെ) വോട്ടര്‍ പട്ടികയില്‍ പേരുണ്ടായിരിക്കണം. എന്നാല്‍ സ്ഥാനാര്‍ത്ഥിയെ നാമനിര്‍ദ്ദേശം ചെയ്യുന്നയാള്‍ സ്ഥാനാര്‍ത്ഥി മത്സരിക്കുന്ന വാര്‍ഡിലെ വോട്ടര്‍ പട്ടികയില്‍ പേരുള്ള ഒരാളായിരിക്കണം. കൂടാതെ നാമനിര്‍ദ്ദേശ പത്രിക സമര്‍പ്പിക്കുന്ന തീയതിയില്‍ സ്ഥാനാര്‍ത്ഥിക്ക് 21 വയസ്സ് പൂര്‍ത്തിയായിരിക്കുകയും വേണം. ഏതെങ്കിലും സംവരണ സീറ്റില്‍ മത്സരിക്കുന്നയാള്‍ ആ സംവരണ വിഭാഗത്തില്‍പ്പെട്ട ആളായിരിക്കേണ്ടതും, അതു സംബന്ധിച്ച് നിശ്ചിത അധികാരിയില്‍ നിന്നും സര്‍ട്ടിഫിക്കറ്റ് ഹാജരാക്കേണ്ടതുമാണ്.
സംസ്ഥാന സര്‍ക്കാരിന്റേയോ. കേന്ദ്ര സര്‍ക്കാരിന്റേയോ, തദ്ദേശ സ്വയംഭരണ സ്ഥാപനത്തിലേയോ അല്ലെങ്കില്‍ സര്‍ക്കാരോ ഒരു തദ്ദേശ സ്വയംഭരണ സ്ഥാപനമോ നിയന്ത്രിക്കുന്ന ഒരു കോര്‍പ്പറേഷനിലോ അല്ലെങ്കില്‍ സംസ്ഥാന സര്‍ക്കാരിനോ, കേന്ദ്ര സര്‍ക്കാരിനോ. തദ്ദേശ സ്വയംഭരണ സ്ഥാപനത്തിനോ 51 ശതമാനത്തില്‍ കുറയാതെ ഓഹരിയുള്ള ഏതെങ്കിലും കമ്പനിയിലോ, സംസ്ഥാനത്തെ ഏതെങ്കിലും ബോര്‍ഡിലോ, സര്‍വ്വകലാശാലയിലോ ഉള്ള ഉദ്യോഗസ്ഥരും ജീവനക്കാരും സ്ഥാനാര്‍ത്ഥിയാകുന്നതിന് അയോഗ്യനാണ്. ജീവനക്കാര്‍ എന്നതില്‍ പാര്‍ട്ട്‌ടൈം ജീവനക്കാരും, ഓണറേറിയും കൈപ്പറ്റുന്ന ജീവനക്കാരും ഉള്‍പ്പെടുന്നതാണ്. എന്നാല്‍ അംഗണവാടി ജീവനക്കാര്‍ക്കും, ആശാവര്‍ക്കര്‍മാര്‍ക്കും, സാക്ഷരതാ പ്രേരകര്‍ക്കും അയോഗ്യത ഉണ്ടായിരിക്കുന്നതല്ല.
കമ്പനിയെന്നതില്‍ സഹകരണ സംഘങ്ങളും ഉള്‍പ്പെടും എന്നുള്ളതിനാല്‍ സര്‍ക്കാരിനോ, തദ്ദേശ സ്വയംഭരണ സ്ഥാപനത്തിനോ 51 ശതമാനത്തില്‍ കുറയാതെ ഓഹരിയുള്ള സഹകരണ സംഘങ്ങളും ഉള്‍പ്പെടുന്നതാണ്. എന്നാല്‍ സര്‍ക്കാരിന് 51 ശതമാനം ഓഹരിയില്ലാത്ത പ്രാഥമിക സര്‍വ്വീസ് സഹകരണ സംഘങ്ങളിലെ ജീവനക്കാര്‍ക്ക് മത്സരിക്കുന്നതിന് അയോഗ്യത ഉണ്ടായിരിക്കുന്നതല്ല. കെ.എസ്സ്.ആര്‍.റ്റി.സിയിലെ ജീവനക്കാര്‍ക്കും, എംപാനല്‍ കണ്ടക്ടര്‍മാര്‍ക്കും മത്സരിക്കുവാന്‍ അയോഗ്യത ഉണ്ടായിരിക്കുന്നതാണ്. കൂടാതെ ഇലക്ട്രിസിറ്റി ബോര്‍ഡ്, കേരളത്തിലെ സര്‍വ്വകലാശാലാ ജീവനക്കാര്‍, എംപ്ലോയ്‌മെന്റ് എക്‌സ്‌ചേഞ്ചിലൂടെ 179 ദിവസത്തേയ്ക്കു നിയമിക്കപ്പെടുന്ന താത്കാലിക ജീവനക്കാര്‍ എന്നിവര്‍ സ്ഥാനാര്‍ത്ഥിയാകുവാന്‍ അയോഗ്യരാണ്.
കുടുംബശ്രീ അയല്‍കൂട്ടങ്ങളുടെ തദ്ദേശ സ്വയംഭരണ സ്ഥാപനങ്ങളിലെ അപ്പക്‌സ് സംഘമായ കമ്മ്യൂണിറ്റി ഡവലപ്‌മെന്റ് സൊസൈറ്റികളുടെ ചെയര്‍പേഴ്‌സണ്‍മാരെ ജീവനക്കാരായി കരുതുവാന്‍ കഴിയില്ലാത്തതിനാല്‍ തിരഞ്ഞെടുപ്പില്‍ മത്സരിക്കുന്നതിന് അയോഗ്യത ഉണ്ടായിരിക്കുന്നതല്ല. എന്നാല്‍ അവിടത്തെ സി.ഡി.എസ്സ് അക്കൗണ്ടന്റുമാര്‍ക്ക് തിരഞ്ഞെടുപ്പില്‍ മത്സരിക്കുന്നതിന് അയോഗ്യത ഉണ്ടായിരിക്കുന്നതാണ്.
സര്‍ക്കാരുമായോ തദ്ദേശ സ്വയംഭരണ സ്ഥാപനമായോ നിലവിലുള്ള കരാറില്‍ ഏര്‍പ്പെട്ടിട്ടുണ്ടെങ്കില്‍ ഒരാള്‍ അയോഗ്യനാണ്. അപ്രകാരമുള്ള ഒരാള്‍ അയോഗ്യനായി കരുതണമെങ്കില്‍ നിലവില്‍ കരാര്‍ ഉണ്ടായിരിക്കണം. മുമ്പ് ഏതെങ്കിലും കരാറിലോ, പണിയിലോ അവകാശമുണ്ടായിരുന്നു എന്ന കാരണത്താല്‍ അയോഗ്യത ഉണ്ടായിരിക്കുന്നതല്ല. കൂടാതെ സമൂഹത്തിന്റെ നന്മയ്ക്കുവേണ്ടി ഒരു കരാറുകാരന്‍ എന്ന നിലയിലല്ലാതെ സമൂഹത്തിന്റെയോ സ്‌പോണ്‍സറിന്റെയോ ഒരു പ്രതിനിധി എന്ന നിലയില്‍ പഞ്ചായത്തിലെയോ മുനിസിപ്പാലിറ്റിയിലെയോ ഏതെങ്കിലും സഹായകരമായ പണി ഏറ്റെടുക്കല്‍ അയോഗ്യതയല്ല. മാത്രമല്ല പഞ്ചായത്തിന്റെ ഒരു കെട്ടിടമോ കടമുറിയോ വ്യാപാരാവശ്യത്തിനു വാടക വ്യവസ്ഥയിലോ പാട്ട വ്യവസ്ഥയിലോ ഏറ്റെടുത്തിട്ടുണ്ടെങ്കിലും അയോഗ്യത ഉണ്ടായിരിക്കുന്നതല്ല. സര്‍ക്കാരിലേയ്‌ക്കോ തദ്ദേശസ്വയംഭരണ സ്ഥാപനങ്ങളിലേയ്‌ക്കോ ഏതെങ്കിലും കുടിശികക്കാരനാണെങ്കില്‍ അയോഗ്യനാണ്. എന്നാല്‍ കുടിശ്ശികക്കാരനായി കണക്കാക്കണമെങ്കില്‍ അത് സംബന്ധിച്ച് ഒരു ബില്ലോ നോട്ടീസോ നല്കുകയും അതില്‍ വല്ല സമയവും നിര്‍ദ്ദേശിച്ചിട്ടുണ്ടെങ്കില്‍ ആ സമയം കഴിയുകയും വേണം.
ബാങ്കുകള്‍ക്കോ ഏതെങ്കിലും സര്‍വ്വീസ് സഹകരണ സംഘങ്ങള്‍ക്കോ നല്കാനുള്ള കുടിശിക സര്‍ക്കാരിനോ തദ്ദേശസ്വയംഭരണ സ്ഥാപനത്തിനോ നല്‍കുവാനുള്ള കുടിശികയായി കരുതാന്‍ കഴിയില്ല. ബാങ്കുകള്‍, കെ.എഫ്.സി, കെ.എസ്.എഫ്.ഇ മുതലായവക്ക് കൊടുക്കാനുള്ള കുടിശിക റവന്യൂ റിക്കവറി വഴിയാണ് നടത്തുന്നതെങ്കില്‍കൂടിയും അത് കുടിശികയായി പരിഗണിക്കാന്‍ കഴിയുകയില്ല. സര്‍ക്കാരിനോ ഏതെങ്കിലും തദ്ദേശസ്വയംഭരണ സ്ഥാപനത്തിനോ നല്‍കുവാനുള്ള കുടിശികയ്ക്ക് ഇന്‍സ്റ്റാള്‍മെന്റ് അനുവദിച്ചിട്ടുണ്ടെങ്കില്‍ അതില്‍പ്പറയുന്ന ഗഡുക്കള്‍ മുടങ്ങിയിട്ടുണ്ടെങ്കില്‍ മാത്രമേ കുടിശികക്കാരനായി കണക്കാക്കി അയോഗ്യത ഉണ്ടാകുകയുള്ളൂ.
1951-ലെ ജനപ്രാതിനിധ്യ നിയമത്തിലെ 8-ാം വകുപ്പില്‍ പരാമര്‍ശിച്ചിട്ടുള്ള ഏതെങ്കിലും കുറ്റത്തിനു ശിക്ഷിക്കപ്പെട്ടതോ അല്ലെങ്കില്‍ സാന്‍മാര്‍ഗ്ഗിക ദൂഷ്യം ഉള്‍പ്പെട്ട ഒരു കുറ്റത്തിന് മൂന്നു മാസത്തില്‍ കുറയാതെയുള്ള ഒരു കാലത്തേയ്ക്ക് തടവുശിക്ഷ വിധിക്കപ്പെട്ടിട്ടുള്ളതോ ആയ ഒരാള്‍ക്ക് അയോഗ്യത ഉണ്ടായിരിക്കുന്നതാണ്. ശിക്ഷിക്കപ്പെട്ടാല്‍ ജയില്‍ മോചിതനായ ശേഷം ആറു കൊല്ലം വരെ അയോഗ്യതയുണ്ടായിരിക്കുന്നതാണ്. ശിക്ഷ നടപ്പിലാക്കുന്നത് അപ്പീല്‍ കോടതി സ്റ്റേ നല്‍കിയിട്ടുണ്ടെങ്കിലും കുറ്റസ്ഥാപനം (കണ്‍വിക്ഷന്‍) സ്റ്റേ ചെയ്യാത്ത കാലത്തോളം അയോഗ്യത ഉണ്ടായിരിക്കുന്നതാണ്. അപേക്ഷ സൂക്ഷ്മ പരിശോധന നടത്തുന്ന ദിവസത്തിലെ സ്ഥിതിയാണ് യോഗ്യതയ്ക്കും അയോഗ്യതക്കും കണക്കാക്കുക. ഏതെങ്കിലും കേസുകളില്‍ പ്രതിയായതുകൊണ്ട് മാത്രം ഒരാള്‍ക്ക് തിരഞ്ഞെടുപ്പില്‍ മത്സരിക്കുന്നതിനു അയോഗ്യതയില്ല. അഴിമതിയ്‌ക്കോ കൂറില്ലായ്മയ്‌ക്കോ ഉദേ്യഗത്തില്‍ നിന്നും പിരിച്ചുവിടപ്പെട്ട ഏതൊരു ഉദേ്യാഗസ്ഥനും പിരിച്ചുവിടപ്പെട്ട തീയതി മുതല്‍ 5 വര്‍ഷത്തേയ്ക്ക് അയോഗ്യത ഉണ്ടായിരിക്കുന്നതാണ്.
കേരള തദ്ദേശസ്വയംഭരണ സ്ഥാപനങ്ങള്‍ (കൂറുമാറ്റ നിരോധനം) ആക്ടിലെ വ്യവസ്ഥപ്രകാരം അയോഗ്യനാക്കപ്പെടുകയും അയോഗ്യനാക്കപ്പെട്ട തീയതി മുതല്‍ 6 വര്‍ഷം കഴിയാതിരിക്കുകയും ചെയ്യുന്ന സംഗതിയില്‍ അയോഗ്യനാണ്. എന്നാല്‍ അതേ സംബന്ധിച്ച് ഹൈക്കോടതിയില്‍ സ്റ്റേ ഉത്തരവുണ്ടെങ്കില്‍ ആ ഉത്തരവ് പരിശോധിച്ച് വരണാധികാരി തീരുമാനമെടുക്കേണ്ടതാണ്. സര്‍ക്കാരുമായുള്ള ഏതെങ്കിലും കരാറിലോ ലേലത്തിനോ വീഴ്ച വരുത്തുന്നതിന്റെ ഫലമായി ബ്ലാക്ക് ലിസ്റ്റില്‍പ്പെടുത്തിയിട്ടുണ്ടെങ്കില്‍ അയോഗ്യനായിരിക്കുന്നതാണ്. തദ്ദേശ സ്വയംഭരണ സ്ഥാപനത്തിന്റെ ധനമോ മറ്റു വസ്തുക്കളോ നഷ്ടപ്പെടുത്തുകയോ, പാഴാക്കുകയോ, ദുര്‍വിനിയോഗം ചെയ്യുകയോ ചെയ്തിട്ടുണ്ടെന്ന് തദ്ദേശ സ്വയംഭരണ സ്ഥാപനത്തിനുവേണ്ടിയുള്ള ഓംബുഡ്‌സ്മാന്‍ കണ്ടെത്തിയിട്ടുണ്ടെങ്കിലും അയാള്‍ അയോഗ്യനാണ്.
ഒരാള്‍ ബധിരമൂകനാണെങ്കിലും അയോഗ്യനാണ്. അഭിഭാഷകനായി പ്രാക്ടീസ് ചെയ്യുന്നതില്‍ നിന്നും വിലക്കപ്പെട്ടിട്ടുണ്ടെങ്കില്‍ അയോഗ്യനാണ്. സര്‍ക്കാര്‍ അഭിഭാഷകര്‍ക്ക് കൂടാതെ ബന്ധപ്പെട്ട തദ്ദേശസ്വയംഭരണ സ്ഥാപനത്തിനുവേണ്ടി പ്രതിഫലം പറ്റുന്ന ഒരു അഭിഭാഷകനായി ജോലിയിലേര്‍പ്പെട്ടിരിക്കുന്ന ആളും സ്ഥാനാര്‍ത്ഥിയായി മത്സരിക്കുന്നതിനു അയോഗ്യത ഉണ്ടായിരിക്കുന്നതാണ്. ഏതെങ്കിലും തദ്ദേശ സ്വയംഭരണ സ്ഥാപനത്തിലെ തിരഞ്ഞെടുപ്പില്‍ മത്സരിച്ചതിനുശേഷം തിരഞ്ഞെടുപ്പു ചെലവുകണക്കു സമര്‍പ്പിച്ചിട്ടില്ലാത്തവര്‍ക്ക് കമ്മീഷന്‍ അയോഗ്യനാക്കുന്ന തീയതിമുതല്‍ 5 വര്‍ഷക്കാലം തിരഞ്ഞെടുപ്പില്‍ മത്സരിക്കുവാന്‍ അയോഗ്യരാണ്. എന്നാല്‍ ഗ്രാമസഭയുടേയൊ വാര്‍ഡ് സഭയുടേയൊ യോഗം വിളിച്ച് കൂട്ടുന്നതിനു വീഴ്ച വരുത്തുകയോ അല്ലെങ്കില്‍ തദ്ദേശസ്വയംഭരണ സ്ഥാപനത്തിന്റേയോ അതിന്റെ സ്റ്റാന്റിംഗ് കമ്മിറ്റികളുടേയോ യോഗങ്ങളില്‍ ഹാജരാകാതിരിക്കുകയോ ചെയ്തതിലുണ്ടായിട്ടുള്ള അയോഗ്യത തദ്ദേശസ്ഥാപനത്തിന്റെ കമ്മിറ്റിയുടേയോ കൗണ്‍സിലന്റേയോ കാലാവധിവരെ മാത്രമേ ഉണ്ടായിരിക്കുകയുള്ളു. ഈ പൊതുതിരഞ്ഞെടുപ്പില്‍ മത്സരിക്കുന്നതിന് അവര്‍ക്ക് അയോഗ്യതയില്ല.
ഇവയെല്ലാം സൂചനകള്‍ മാത്രമാണെന്നും സ്ഥാനാര്‍ത്ഥികള്‍ ഇക്കാര്യത്തിലുള്ള നിയമ വ്യവസ്ഥകള്‍ പരിശോധിച്ച് നാമനിര്‍ദ്ദേശം സമര്‍പ്പിക്കേണ്ടതാണെന്നും സംസ്ഥാന തിരഞ്ഞെടുപ്പ് കമ്മീഷന്‍ വ്യക്തമാക്കി. ഒരാള്‍ക്ക് ഒരു പഞ്ചായത്തിന്റെ അല്ലെങ്കില്‍ ഒരു മുനിസിപ്പാലിറ്റിയുടെ ഒരു നിയോജകമണ്ഡലം (വാര്‍ഡ്)ലേക്കു മാത്രമെ മത്സരിക്കുവാന്‍ പാടുള്ളൂ. ഒന്നില്‍ കൂടുതല്‍ വാര്‍ഡിലോയ്ക്കു മത്സരിച്ചാല്‍ അയാളുടെ എല്ലാ നാമനിര്‍ദ്ദേശ പത്രികകളും നിരസിക്കുന്നതാണ്.
നാമനിര്‍ദ്ദേശ പത്രികകളോടൊപ്പം സമര്‍പ്പിക്കുന്ന 2എ ഫാറത്തിലെ എല്ലാ കോളങ്ങളും പൂരിപ്പിച്ചിട്ടുണ്ടെന്ന് സ്ഥാനാര്‍ത്ഥികള്‍ ഉറപ്പാക്കേണ്ടതാണ്. സ്ഥാനാര്‍ത്ഥിയുടെ യോഗ്യതയും അയോഗ്യതയും സംബന്ധിച്ച് വരണാധികാരി അര്‍ദനീതിന്യായ സ്വഭാവമുള്ള ആളെന്ന നിലക്ക് സ്വന്തമായി തീരുമാനമെടുക്കേണ്ടതാണെന്നും വിശദീകരണത്തില്‍ വ്യക്തമാക്കിയിട്ടുണ്ട്.