Jeunes TIM Analamanga Ofisialy

26/09/2026

🇲🇬 FAMELOMAMASO NY ANTONKO TIAKO I MADAGASIKARA
📍 Birao FokoTIM – Fokontany 192, Antananarivo Renivohitra
Naneho fahavononana, firaisankina ary fiaraha-mientana ireo Birao FokoTIM eto Antananarivo Renivohitra, izay nahitana solontena avy amin’ireo Fokontany 192.
Nihaona teny amin’ny MAGRO Behoririka androany ireo solontena, ho fanamafisana ny firaisankina sy ny fahavononana amin’ny fanatanterahana ireo toromarika sy asa omen’ny Antoko Tiako i Madagasikara.
🤝 Firaisankina – Fahavononana – Fiaraha-mientana 🇲🇬 Tiako i Madagasikara

26/09/2026

🕊️ 25 SEPTAMBRA 2025 – 25 SEPTAMBRA 2026

Herintaona no lasa, fa tsy maty ny fahatsiarovana.

Andro iray nanamarika ny tantara ny 25 Septambra 2025, indrindra ho an’ireo Tanora TIM izay nijoro sy nandray anjara mavitrika tao anatin’ny tolona.

Tsiahivina amim-panajana ireo tanora rehetra izay sahy nijoro, ireo naratra, ary indrindra ireo namoy ny ainy nandritra izany tolona izany.

Ny herim-pon’izy ireo dia tsy hohadinoina.
Ny anjara birikin’izy ireo dia tsy ho very maina.
Ary ny fahatsiarovana azy ireo dia mitoetra mandrakizay

23/09/2026

« TSY HADINO NY TOLONA, TAZOMINA NY LESONA, TOHIZINA NY LALANA. »

Ho fahatsiarovana ny tolona nanomboka ny 25 Septambra 2025, izay nandraisantsika Tanora Tiako i Madagasikara anjara sy namoizantsika namana mpiara-mitolona, dia antsoina isika Tanora Tiako i Madagasikara rehetra hanatrika ny lanonam-pahatsiarovana izay atao ny Zoma 25 Septambra 2026 ho avy izao.

Amin'ny 09 ora maraina eo ambadiky ny WC Publique Antanimbarinandriana ny fotoana.

Fitafy iraisana fotsy ambony

“Ny taranaka mahalala ny lasa no mahay mandinika ny ho avy.”

19/09/2026

𝗔𝗡𝗗𝗔𝗢 𝗛𝗜𝗔𝗥𝗔𝗞𝗔 𝗔𝗠𝗜𝗡𝗔𝗬 𝗘!!!👫
📣Ho antsika rehetra tanora mpikambana ato anatin'ny antoko TIM , ianao maniry ny hiditra ato anaty fikambanana :

Ny Tanora Tiako I Madagasikara Avaradrano dia mikarakara RANDONNÉE ho fanamafisana ny firaisankina eo amin'ny tanora sy ho fameloma-maso ny rafitra .

👉🏿Hiara-hiainga eo amin'ny tetezana Ambohimangakely isika , hamakivaky an'i Betsizaraina, handalo ny Rovan'Ilafy ary hiaraka hanal'azy ao amin'ny Terrain de Basket Ankadikely.

Daty : Asabotsy 26 septambra 2026
Fiangana : Amin'ny 09 Ora eo amin'ny Tetezana Ambohimangakely.

Koa entano ary ny namana , ilazao ireo tanora namana fa fotoana izao andraisantsika andraikitra 🫱🏽‍🫲🏻

Mitondrà rano sy sakafo maivana🥤

18/09/2026

Tonga eto Taolagnaro ny Filoha Ravalomanana sy Tojo Ravalomanana ary ny Sekretera Jeneraly Rina RANDRIAMASINORO hiatrika fotoana aty amin’ny faritra Androy .

Manararaotra ny fotoana hihaonana amin’ny vahoaka - ny mpitarika ny antoko Tim eto an-toerana ary ny mpandraharaha ny Filoha.

Manentana azy Ireo hisoratra anarana amin’ny lisitry ny mpifidy .

17/09/2026

TANORA TIM ANALAMANGA : MIORINA NY RAFITRA, MANDRAY ANDRAIKITRA NY TANORA

Nisy ny dinika teo amin’ny Birao Politika TIM sy ireo mpitarika ny Tanora TIM eto Analamanga, nifantoka tamin’ny fanamafisana ny rafitra, ny fandrindrana ny asa ary ny fanomanana ireo hetsika hotanterahin’ny tanora.

Tsy ampy ny finiavana raha tsy misy rafitra, firaisankina ary fandraisana andraikitra. Amin’ny alalan’ny fandaminana sy ny fiaraha-mientana no hanamafisana ny herin’ny Tanora TIM eny ifotony sy amin’ny sehatra rehetra.

Tanora miray hina. Rafitra mijoro. Hetsika mivaingana. Andraikitra raisina.

11/09/2026

Fihaonana sy fifanakalozan-kevitra – Tanora TIM Analamanga

Tontosa tao amin’ny QG Bel’Air ny fihaonana niarahana tamin’ireo mpitarika ny Tanora TIM eto Analamanga.

Nifantoka tamin’ny fifanakalozana hevitra sy ny fanaovana tatitra momba ny dinika niarahana tamin’ny Filohan’ny Fanavaozana, Atoa Mickael mikasika ny fifidianana amin'ny tanona 2027, ary koa ny fandinihana ireo dingana tokony horaisina manoloana ireo hetsika samihafa eto amin’ny firenena sy eo anivon’ny antoko.

Nohamafisina nandritra izany ihany koa ny maha-zava-dehibe ny redynamisation ny Tanora TIM, amin’ny alalan’ny fifampidinihana, ny firaisankina ary ny fandrindrana, ho fanamafisana hatrany ny fandraisan’anjaran’ny tanora.

“Ny firaisankina, ny fifampidinihana ary ny fahavononana no fototry ny hetsika mahomby.”

09/09/2026

Noraisin'ny Filohan'ny Fanavaozana Kôlonely Randrianirina Michael teny Iavoloha androany ireo Filoham-pirenena sy Filoham-panjakana teo aloha , nanolotra ny fehin-kevitra avy amin'izy ireo ao anatin'izao 𝗗𝗶𝗻𝗶𝗸𝗮 𝗙𝗮𝗸𝗮𝗻-𝗸𝗲𝘃𝗶𝘁𝗿𝗮 𝗵𝗮𝗻𝗼𝗺𝗮𝗻𝗮𝗻𝗮 𝗻𝘆 𝗳𝗶𝗳𝗶𝗱𝗶𝗮𝗻𝗮𝗻𝗮 izao.🇲🇬

Tazana teny an-toerana ny :
- Filoham-pirenena teo aloha ,
•Atoa 𝐌𝐚𝐫𝐜 𝐑𝐚𝐯𝐚𝐥𝐨𝐦𝐚𝐧𝐚𝐧𝐚
•Atoa 𝐇𝐞𝐫𝐲 𝐑𝐚𝐣𝐚𝐨𝐧𝐚𝐫𝐢𝐦𝐚𝐦𝐩𝐢𝐚𝐧𝐢𝐧𝐚

-Filoham-panjakana teo aloha ,
•Atoa 𝐍𝐨𝐫𝐛𝐞𝐫𝐭 𝐋𝐚𝐥𝐚 𝐑𝐚𝐭𝐬𝐢𝐫𝐚𝐡𝐨𝐧𝐚𝐧𝐚
•Atoa 𝐑𝐢𝐯𝐨 𝐑𝐚𝐤𝐨𝐭𝐨𝐯𝐚𝐨

Sary : PRRM

08/09/2026

Nitarika ny fivoriana niaraka tamin’ny Birao Politikan’ny Antoko Tiako i Madagasikara ny Filoha Marc Ravalomanana, dinika ho fanomanana ny fidinana ifotony sy ny famelomamaso ny Antoko manerana ny Nosy.

31/08/2026