24/08/2026
စက်မှုလယ်ယာဦးစီးဌာနမှ
လယ်ယာသုံးစက်ကိရိယာ ကျွမ်းကျင်မှုလက်မှတ်ရသင်တန်း အမှတ်စဉ်(၅)အတွက် သင်တန်းသားများခေါ်ယူခြင်း
၁။ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန စက်မှုလယ်ယာဦးစီးဌာန၊ စက်မှု လယ်ယာ ဗဟိုသင်တန်းကျောင်း၊ မိတ္ထီလာမြို့၌ ၂၀၂၆ ခုနှစ်၊ အောက်တိုဘာလ(၁၂)ရက်နေ့တွင် ဖွင့်လှစ်မည့် လယ်ယာသုံးစက်ကိရိယာ ကျွမ်းကျင်မှုလက်မှတ်ရသင်တန်း အမှတ်စဉ်(၅)သို့ တက်ရောက်ရန် သင်တန်းသားများ ခေါ်ယူမည်ဖြစ်ပါသည်။
၂။ လျှောက်ထားသူသည်-
(က) စနစ်ဟောင်း(၁၀)တန်း ဖြေဆိုဖူးသူ/ စနစ်သစ် Grade-12 ဖြေဆိုဖူးသူ (သို့မဟုတ်) အစိုးရနည်းပညာ အထက်တန်းကျောင်း အောင်မြင်ပြီးသူဖြစ်ရမည်။
(ခ) ၂၀၂၆ ခုနှစ်၊ အောက်တိုဘာလ (၁၂)ရက်နေ့ (သင်တန်းစတင် ဖွင့်လှစ်သည့် နေ့ရက်)တွင် အသက် (၁၇)နှစ်ပြည့်ပြီး (၂၅)နှစ်ထက် မကျော်လွန်သူဖြစ်ရမည်။
(ဂ) ပြည်ထောင်စုမြန်မာနိုင်ငံသား၊ အမျိုးသား အိမ်ထောင်မရှိသူ (လူပျို)ဖြစ်ရမည်။
(ဃ) ကျန်းမာသန်စွမ်းပြီး လယ်ယာသုံး စက်ကိရိယာများကို စိတ်ပါဝင်စားသူ ဖြစ်ရမည်။
၃။ သင်တန်းတက်ရောက်ခွင့် ရရှိရေးအတွက် သတ်မှတ်အရည်အချင်းများ ပြည့်မီမှုရှိ/ မရှိ စိစစ်၍ ပြည့်မီသူများမှာ လူတွေ့၊ နှုတ်မေး စစ်ဆေးခြင်းကို ဖြေဆိုရမည်ဖြစ်ပြီး အောင်မြင် သူများကို သင်တန်းတက်ရောက်ခွင့်ပြုပါမည်။
၄။ သင်တန်းကာလမှာ(၁)နှစ်ဖြစ်ပြီး နေထိုင်စရိတ်နှင့်သင်ကြားမှုစရိတ်ကို ဌာနမှကျခံပါမည်၊ လစဉ် စားသောက်စရိတ်နှင့် စာအုပ်စာတမ်းကြေးများကို သင်တန်းသားမှ ကျခံရပါမည်။
၅။ သင်တန်းဝင်ခွင့်လျှောက်လွှာများကို စက်မှုလယ်ယာဦးစီးဌာန၊ တိုင်းဒေသကြီး/ ပြည်နယ် ဦးစီးဌာနမှူးရုံး၊ ခရိုင်ဦးစီးဌာနမှူးရုံးနှင့် မြို့နယ်ဦးစီးဌာနမှူးရုံးများတွင် (၂၄.၈.၂၀၂၆)ရက်နေ့မှ စတင်ထုတ်ယူနိုင်ပြီး သင်တန်းတက်ရောက်ခွင့်လျှောက်လွှာ၊ ကတိဝန်ခံချက်၊ စနစ်ဟောင်း (၁၀)တန်း/ စနစ်သစ် Grade-12 ဖြေဆိုဖူးသည့်အထောက်အထား (သို့မဟုတ်) အစိုးရ နည်း ပညာအထက်တန်းကျောင်း အောင်မြင်ကြောင်း အောင်လက်မှတ်တို့နှင့်အတူ (၅.၁၀.၂၀၂၆) ရက်နေ့ နောက်ဆုံးထား၍ မိမိထုတ်ယူခဲ့သည့်ရုံးတွင် ဝင်ခွင့်လျှောက်လွှာ တင်သွင်းရမည် ဖြစ်သည်။
၆။ အစိုးရ နည်းပညာအထက်တန်းကျောင်းများမှ မော်တော်ယာဉ်နည်းပညာသင်တန်း ဘာသာရပ် (သို့မဟုတ်) စက်ပစ္စည်းအစိတ်အပိုင်းများ ထုတ်လုပ်ခြင်းနည်းပညာသင်တန်း ဘာသာရပ်တို့ဖြင့်အောင်မြင်ပြီး၊ လယ်ယာသုံးစက်ကိရိယာ ကျွမ်းကျင်မှုလက်မှတ်ရသင်တန်း အမှတ်စဉ်(၅)တွင် ထူးချွန်စွာအောင်မြင်သောသူများသည် သတ်မှတ်အစိုးရနည်းပညာကောလိပ် နှင့် အစိုးရစက်မှုလက်မှုသိပ္ပံများ၌ ဖွင့်လှစ်မည့် စက်မှုလယ်ယာနည်းပညာဘာသာရပ် ပထမနှစ် သင်တန်းတွင် တက်ရောက်ရန် အခွင့်အရေးရရှိမည်ဖြစ်ပါသည်။
၇။ အသေးစိတ် အချက်အလက်များကို သိရှိလိုပါက စက်မှုလယ်ယာဦးစီးဌာန(ရုံးချုပ်)၊ စီမံကိန်းဌာနခွဲ ဖုန်းအမှတ်၊ ၀၆၇-၃၄၃၁၂၄၆ နှင့် စက်မှုလယ်ယာဗဟိုသင်တန်းကျောင်း၊ မိတ္ထီလာမြို့၊ ဖုန်းအမှတ်၊ ၀၉-၄၅၈၁၄၉၄၇၁ သို့ဆက်သွယ် မေးမြန်းနိုင်ပါသည်။
