16/08/2026
Amb. Dr. Abduljabbar Surajo Guga Ya Ziyarci Al’ummomin KGK Domin Jajantawa.
A ranar Asabar, 15 ga Agusta 2026, ɗan takarar kujerar Majalisar Tarayya mai wakiltar ƙananan hukumomin Bakori da Ɗanja a ƙarƙashin jam’iyyar PDP, Amb. Dr. Abduljabbar Surajo Guga, ya ziyarci garuruwan Kandarawa, Guga, Kakumi da Kabomo, tare da wasu ƙauyuka da ke mazaɓar Jargaɓa, domin gaishe-gaishe, jajantawa da gabatar da saƙon ta’aziyya ga al’ummar yankin bisa iftila’in hare-haren ƴan bindiga da s**a addabi yankin.
A dukkan wuraren da ya ziyarta, Amb. Dr. Abduljabbar Surajo Guga ya bayyana cewa manufar ziyarar ita ce jajantawa al’umma bisa wannan mummunan iftila’i, tare da gabatar da ta’aziyya ga iyalan waɗanda s**a rasa rayukansu.
Ya kuma tabbatar wa al’ummar cewa, idan Allah Ya ba shi damar zama wakilinsu, zai yi iya ƙoƙarinsa wajen samar da kyakkyawan wakilci, adalci da ingantaccen shugabanci ga al’ummar ƙananan hukumomin Bakori da Ɗanja.
A yayin ziyarar, an gudanar da addu’o’i na musamman ga waɗanda s**a rasa rayukansu da dukiyoyinsu, tare da roƙon Allah Maɗaukakin Sarki Ya ƙara ba yankin Bakori da Ɗanja, Jihar Katsina da Najeriya baki ɗaya zaman lafiya da kwanciyar hankali.
Amb. Dr. Abduljabbar Surajo Guga ya samu rakiyar Shugaban Jam’iyyar PDP na Shiyyar Funtua, Alh. Yahaya Ɗan’uwa, da Shugaban Jam’iyyar PDP na Ƙaramar Hukumar Bakori, da sauran masu ruwa da tsaki na jam’iyyar, maza da mata, da sauran magoya baya.
Allah Ya jiƙan waɗanda s**a rasa rayukansu, Ya ba iyalansu haƙurin jure wannan babban rashi, Ya kuma kawo mana zaman lafiya mai ɗorewa. Amin.
