Ål introsenter

29/03/2026

💌PLAN FOR BUSETTING OG INKLUDERING AV FLYKTNINGAR I ÅL KOMMUNE💌

Ål kommune har utarbeida og vedteke ein plan for busetting og inkludering av flyktningar. Planen er eit strategisk styringsdokument for Ål kommune og den bidreg til å sette retning for kommunens inkluderingarbeid.

Med planen ønsker Ål kommune å leggje til rette for ein inkluderande og berekraftig busettingsprosess, der alle får høve til å bidra til og delta i fellesskapet. Den skal vere eit viktig verktøy for å sikre at flyktningar får ein god start på sine nye liv i Ål.

Planen har to delar, der den første delen gir ei situasjonsbeskriving av dagens arbeid. Del to er ein handlingsplan som seier korleis vi vil ha det og kva vi skal gjere for å få det slik.

På biletet ser vi Roda med planen, med bilete av Roda📸

God lesing!

www.aal.kommune.no/siteassets/dokumenter/plan-og-regulering/plan-for-busetting-og-inkludering-av-flyktningar-i-al-kommune-2026-2027-1.pdf

27/03/2026

Har vi blitt så bortskjemde at vi ikkje toler den minste motgang?

Viktig spørsmål som vi alle har godt av å tenke litt på.

Takk for kloke perspektiv, Ali Mohamed

Har vi blitt så bortskjemte at vi ikke tåler den minste motgang?

24/03/2026

Verdas kulaste ord🤘

24/03/2026

🏔️FLYTTE TIL HALLINGDAL?🏔️

Her finn du nyttig info frå Hallingdals stand på Emigration Expo, som til dømes tilbod om norskopplæring ved Ål introsenter:

Regionrådet for Hallingdal

23/03/2026

🗺️EMIGRATION EXPO 2026🗺️

Denne helga gjekk Emigration Expo, Europas største rekrutteringsmesse, av stabelen i Utrecht i Nederland.

Dei siste åra har ein delegasjon frå Hallingdal delteke på messa - så også i år. Målet med å delta på messa er å promotere Hallingdal som ein attraktiv plass å bu, jobbe, starte verksemd og leve eit godt og aktivt liv. Messa har vorte ein viktig arena for å komme i kontakt med menneske som kan tenke seg å flytte til Hallingdal.

Norskopplæring er viktig viss ein har planar om å flytte til Noreg. Ål introsenter og Gol vaksenopplæring har laga ein kort film som fortel om norskopplæringstilbodet vårt, som vart vist på messa. Kim er ein av fleire nederlendarar som har flytta til Hallingdal dei siste åra, og i filmen fortel ho om sine erfaringar med å busette seg i Hallingdal og kva som er viktig når ein skal lære norsk.

Som Kim så klokt seier: "Det norske språket er din billett til det norske samfunnet".

Slå på teksting og omsetjing til norsk viss du ikkje er dreven i nederlandsk😉

Enjoy the videos and music you love, upload original content, and share it all with friends, family, and the world on YouTube.

20/03/2026

⭐️EID MUBARAK TIL ALLE SOM FEIRAR!⭐️

04/03/2026

✨BESØK FRÅ NUMEDAL✨

I dag har vi hatt hyggeleg besøk frå Numedal; lærarar frå vaksenopplæringa, flyktningkonsulentar og leiar. Dei fikk innblikk i korleis vi jobbar ved Ål introsenter og vi delte erfaringar på tvers. Lærarane frå Numedal var også med i undervisninga vår. Vi åt lunsj saman på TID og fekk ei fin orientering frå Hilde om kafeen, stiftinga og samarbeidet vårt om praksis, jobb og inkludering.

Det blei gode samtalar og nyttige refleksjonar rundt korleis vi kan bli endå betre i det vi gjer. Takk for besøket - møte som dette gir inspirasjon og motivasjon i kvardagen💛

23/02/2026

I 2025 busette Ål kommune fem einslege mindreårige flyktningar. I 2026 er det vedteke at kommunen skal ta imot fem til. Dette er ei viktig oppgåve som krev planlegging, tett oppfølging og eit inkluderande lokalsamfunn som ønsker ungdommane velkomne.

Ein del av arbeidet vårt er å ta med ungdommane på ulike aktivitetar. Vi får vist fram aktivitetstilbodet som finst i Hallingdal, samstundes som det har stor verdi i relasjonsarbeidet vi driv. Gjennom felles opplevingar, humor og utfordringar blir vi betre kjent med kvar enkelt ungdom, og dei blir tryggare på oss som vaksne.

Førre veke var vi i Gol skisenter med nokre av ungdommane. Det var ein magisk vinterdag der dei fekk prøve både slalåm og snowboard for aller første gong. Kven skulle trudd at dei kom seg heilt til topps med heisen på første forsøk?

Det vart litt knall og fall, men også mykje meistring og latter. Meistringskjensla er ekstra stor når det er instruktøren som reiser heim med flest blåmerke!

Tusen takk til Gol Skisenter som la til rette for ein flott dag i bakken!⛷️🎿❄️

19/02/2026

☀️❄️SKIDAG❄️☀️

I går hadde Ål introsenter ski- og akedag på Bråta. Sola kom fram akkurat i tide, og både deltakarar og lærarar storkoste seg.

Dagen baud på bål og grilling av pølser, skigåing, aking, konkurranse og mykje latter.

Mange prøvde ski for første gong - og dei imponerte stort!👏

12/02/2026

🚫BANK-ID🚫

Flott med oppmerksomheit på denne problemstillinga. Det er svært vanskeleg for busette flyktningar å få tilgang til BankID, noko som medfører alvorlege hindringar i kvardagen. Dei blir rett og slett stengde ute av heilt sentrale private og offentlege tenester.

Flyktningar busette i Hallingdal står utan tilgang til BankID, trass i fast arbeid og vanleg kundeforhold.

09/02/2026

🍀Senterpartiet på besøk🍀

I dag fekk vi moglegheit til å fortelle Trygve Slagsvold Vedum om inkluderingsarbeidet i Ål kommune.

Vi trur at ein av suksessfaktorane våre er at vi har eit system og ein kultur for samarbeid og samhandling, med fokus på relasjonar, ressursar, synlegheit og optimisme. Det er ikkje rakettforskning, det er rett og slett berre ein tanke om å møte kvarandre som medmenneske, sjå moglegheiter og å tørre å ta sjansar✨

Vi fikk ein hyggelig prat om inkluderingsarbeid i distriktet, og også om kva vi ser som utfordringar framover.

Takk for invitasjonen!