Herøy Høgre

17/08/2026

Lukke til med skulestart 💙

Sommarfuglar i magen, altfor stor ryggsekk og nye vener. No startar tusenvis av barn på skulen for aller første gong!

Høgre vil ha ein skule som prioriterer det viktigaste først. Vi vil gi lærarane tid og tillit til å gi barna ein solid grunnmur i lesing, skriving og rekning. Vi vil ha fleire fysiske bøker, mindre skjerm, og vi vil sikre at dei barna som treng litt ekstra hjelp, får det med ein gong 💙

13/06/2026

Sommarfesten i Fosnavåg 👏💙

11/06/2026

Stad skipstunnel blir endeleg bygd!

Herøy Høgre har lenge vore tydelege på at Stad skipstunnel må prioriterast. Difor sende vi også inn ei eiga resolusjon til fylkesårsmøtet i Møre og Romsdal Høgre, der vi kravde oppstart og fullfinansiering av prosjektet.

Det var difor svært gledeleg då Høgre sentralt varsla at partiet ville setje av 100 millionar kroner til oppstart av Stad skipstunnel. Signalet var klart: No må vi gå frå planar til handling.

Dagen etter kom den gode nyheita om at Senterpartiet fekk prosjektet inn i revidert nasjonalbudsjett. Det er positivt, og i denne saka er det viktigaste ikkje kven som får æra, men at prosjektet endeleg kjem vidare. Dette er ei sak som har samla brei politisk støtte over lang tid.

Stad er ei av dei mest vêrharde og krevjande havstrekningane i landet. For sjøfolk, fiskarar og transportnæringa handlar dette om tryggleik og føreseieleg ferdsel. Samstundes er skipstunnelen eit viktig prosjekt for verdiskaping, eksportnæringane og vidare utvikling av kysten vår.

Stad skipstunnel har vore planlagt i mange år. Nye utsetjingar vil vere eit tilbakeslag både for tryggleiken og for næringsutviklinga langs kysten. No må regjeringa sikre vidare årlege løyvingar og fullfinansiering slik at prosjektet kan gjennomførast utan nye stopp.

Herøy Høgre forventar at spaden kjem i jorda – og at Stad skipstunnel endeleg blir ein realitet.

💙 Herøy Høgre

17/05/2026

HIPP HIPP HURRA for 17.mai! Gratulerer med dagen🇳🇴 håper alle har hatt ei fin feiring💙🇳🇴
Helsing frå Herøy Høgre

04/05/2026

13/04/2026

🤍❤️ Gratulerer så mykje med opprykk til eliteserien, Bergsøy Handball!! 🤍❤️
Dette er ein historisk dag for Fosnavåg, Herøy kommune og heile regionen. Eit lokalt lag har gjennom hardt arbeid, lagmoral og enorm innsats tatt steget heilt til øvste nivå i norsk herrehandball.

Det som gjer dette ekstra sterkt, er korleis de har fått det til, nemleg i lag.

Spelarar, trenarar, støtteapparat, frivillige, sponsorar og eit heilt lokalsamfunn på tribuna. Dette er eit opprykk bygd på fellesskap, tru og stå-på-vilje over tid.

Herøy Høgre er stolte av å ha eit slikt flaggskip i kommunen vår. Dykk er eit forbilde for barn og unge – og eit bevis på kva som er mogleg når ein set seg store mål og jobbar målretta saman.
Lukke til i eliteserien – HEILE Herøy heiar på dykk! 👏🔥

09/04/2026

9. april 1940 vil for alltid stå att som det mørkaste augeblikket i noregshistoria.

Omfanget av små og store heltedåder gjennom andre verdskrigen er så stort at det ikkje er mogleg å dekkje dei på ein tilstrekkeleg måte. Denne dagen bør brukast til å minnast historia og hugse på det som er verdt å forsvare. Som ei påminning om dei som trakka opp stien før oss. Om dei som valde bort eiga tryggleik for å gjere si plikt. Om dei som kjempa hardt for å gi oss andre fridom.

Takk til dykk som held oss trygge her heime og i utlandet.

Aldri meir 9. april.

02/04/2026

Vi ønskjer alle saman ei riktig god påske, og sender ein stor takk til dykk som skal jobbe i høgtida. 💙

Og du, hugs å smørje deg med høg(re) faktor i påskesola! 😎

24/03/2026

Avgiftskutt på bensin og diesel – no!

Drivstoffprisane passerer 30 kroner literen fleire stader i Noreg. Det er på tide med strakstiltak som gir folk betre kvardagsøkonomi.

Stoltenberg og Støre avviser tiltak, men Høgre føreslår å kutte vegbruksavgifta frå 1. april til 1. september. Framlegget vil utgjere over fire kroner for bensin og tre kroner for diesel. Det er eit kutt som vil monne for både folk og næringsliv.

Det er uklart korleis situasjonen vil utvikle seg. Difor føreslår vi i første omgang å suspendere vegbruksavgifta til over sommaren.

Dette er eit strakstiltak som skal styrkje kvardagsøkonomien til folk. På lengre sikt treng vi store skattelettar slik at folk får betre økonomi. Diverre prioriterer ikkje Støre-regjeringa å la folk behalde meir av eigne pengar, og det trengst eit regjeringsskifte for å gi store skattelettar.

Les meir: https://www.vg.no/nyheter/i/QJJxlA/hoeyre-vil-ha-strakstiltak-for-aa-kutte-drivstoffprisene

08/03/2026

Vi står på valdsofrenes side 💙

Kvar dag lever tusenvis av kvinner i Noreg i frykt. Ikkje for fysiske slag, men for blikk, ord og kontroll som sakte bryt dei ned. Dette er vald. Vald som riv tryggleiken, sjølvtilliten og kvardagen til dei som blir ramma i fillebitar.

– Det er på tide å ta side med dei som fortener det: valdsofrene. Dei har for dårleg vern i dag. Det må vi gjere noko med, seier Margret Hagerup, leiar av Høgres Kvinneforum.

Høgre vil senke terskelen for å straffe psykisk vald og sørgje for at lova speglar røynda: Psykisk vald skal eksplisitt inn i straffelova, og forelding av straffansvar for grov mishandling i nære relasjonar skal avskaffast.

– Ingen skal måtte leve i frykt. Med desse endringane sikrar vi at alle som blir utsette for grov psykisk eller fysisk vald i nære relasjonar, får retten til rettferd – uansett kor lang tid det har teke å stå fram, seier Hagerup.

På kvinnedagen står vi saman med dei som treng vern – psykisk vald er vald, og det må takast på alvor.

Les meir: https://hoyre.no/2026/03/08/vil-senke-terskelen-for-a-straffe-psykisk-vold/