23/07/2026
Få på deg turskoa og opplev Finnstigen, ei vakker vandring gjennom natur, kultur og historie!
Finnstigen har blitt ein flott natur- og kultursti som vi varmt vil anbefale både innbyggjarar og tilreisande. Langs stien kan du oppleve vakker natur, kulturminne, gamle tufter etter heimstølar og nyoppsette informasjonsskilt som fortel historia om livet og arbeidet gjennom fleire hundre år. Det er benkar du kan ta deg ein kvil på, langs heile ruta.
Hemsedal kommune ønskjer å rette ei stor takk til alle som har bidrege, særleg Karat`n, Hemsedal Historielag, turistkontoret og utmarkslaget som har gjort, og gjer, ein imponerande innsats med rydding og skilting av den gamle Finnstigen.
Takk også til kultursjefen i Hemsedal kommune som bidrar med koordinering og med å søke midlar. Takk til Buskerud fylkeskommune for økonomisk bidrag til prosjektet.
Ved inngangen til løypa frå Bygdatunet, Båstø og Gravset, finn du brosjyrar med kart som du kan ta med på turen.
NB - når du først er på tur, gå innom Hemsedal Bygdatun og galleriutstillingen til Pål Gulsrud.
Les meir her: https://hemsedal.com/fjelltur/finnstigen--natursti
God tur!
