Stord Arbeidarparti

29/05/2026

Fotballtrøyefredag

I dag har studentar ved HVL sprunge veldedighetsløp til inntekt for Barnekreftforeningen, og på skular og arbeidsplassar rundt om på Stord har elevar og tilsette teke på seg fotballtrøya for å visa støtte. Saman set me søkjelys på forsking på barnekreft og på dei barna og familiane som står i sin livs tøffaste kamp.

Slike dagar minner oss om kva fellesskap betyr i praksis. Når me stiller opp for kvarandre, samlar inn pengar til viktig forsking og viser omsorg for dei som treng det mest, byggjer me eit varmare og sterkare samfunn. Eit samfunn der me står saman, tek ansvar for kvarandre og sørgjer for at alle får den hjelpa og oppfølginga dei treng.

Difor er satsing på forsking, eit sterkt offentleg helsevesen og gode støtteordningar for familiar så viktig.

Me oppmodar alle som ynskjer å støtte saka til å vippsa eit valfritt beløp til vippsnummer 4422 💛

Barnekreftforeningen

23/05/2026

Denne helga er det dugnad, spelarglede, samhald og fellesskap som er i fokus på Stord. Heile 470 lag med spelarar frå 6 til 16 år skal i aksjon når den tradisjonsrike Rema 1000 Handballfestivalen går av stabelen. Over 10000 dugnadstimar ligg bak arrangementet. Timar som blir lagt ned av engasjerte frivillige for å skapa ei trygg og minnerik oppleving for alle.

Rundt laga står trenarar, lagleiarar, dommarar og mange andre frivillige som alle gjer sitt for at cupen skal bli ein suksess.
Mange dommarar dømmer for første gong, og me vil særleg ynskja desse lukke til med den viktige jobben dei gjer.

Me ynskjer alle frivillige, lag, dommarar og ikkje minst publikum ei fantastisk helg under Rema 1000 Handballfestivalen!

Eit godt fellesskap byggjer eit godt samfunn. 🌹

18/05/2026

Givande dag saman med klima- og miljøminister Andreas Bjelland Eriksen som var på Stord og Tysnes for å markera etableringa av marint verneområde i Ytre Hardangerfjord.

Ministeren fekk i tillegg med seg:
✅ Besøk og orientering om Aker Solutions og behovet for nye prosjekt i tida framover både innan olje og gass og nye marknader.
✅ Besøk og orientering om den verdsleiande teknologiutviklinga hos Maritime CleanTech og Sustainable Energy.
✅ Besøk hos IL Trott i Prestegardsskogen med orientering om nytt miljøvenleg kunstgrasdekke.

Og sist, men ikkje minst: pizza, pils og politikk med gode partimedlemmer på Osvald Pub.🍕🍺🌹

Takk for besøket!

01/05/2026

Takk for ei flott 1. mai-markering! ☀️🌹

01/05/2026

Gratulerer med dagen!✊

23/04/2026

«Eg er genuint opptatt av det som skjer i lokal­samfunnet og har lyst å halda fram som lokalpolitikar», seier Gaute Straume Epland til Sunnhordland 🤩

Me er takksame for at Gaute vil halde fram med å arbeide for eit sterkare lokalsamfunn🌹

Lenke til heile intervjuet i kommentarfeltet.

10/04/2026

«Me i Stord Arbeidarparti støttar fullt ut dei tilsette legane som er direkte berørt av denne reduksjonen, samt pasientar som også er berørte. Eg må og spørja kor er ordføraren og varaordføraren i Stord kommune i denne saka? Saka er så alvorleg at Stord kommunestyre bør uttala seg», skriv kloke Inger Johanne Moe i Sunnhordland.

Inger Johanne Moe melder seg på i sjukehusdebatten.

Lenke i kommentarfelt.

05/02/2026

Veldig kjekt å ha årsmøte etter eit år med medlemsvekst, stor aktivitet og valseier!🌹💪

Takk til Kultur- og likestillingsminister Lubna Jaffery for inspirerande innleiing, og til alle som møtte og utfordra statsråden på tema som industri, skatt, kommuneøkonomi, nynorsk litteratur, lærarnorm m.m.

Gaute Straume Epland vart gjenvalt som leiar. I tillegg vart desse valt inn i styret:
Nestleiar: Inga M. Fagerbakke
Kasserar: Tarjei Aamot Haga (ny)
Sekretær/Medlemsansvarleg: Per Jarle Valvatne
Kvinnekontakt: Inger C. Hystad Barane (ny som kvinnekontakt)
Styremedlem: Ulvar Akselsen
Styremedlem Marlene K. Pedersen: (ny, også leiar for Stord AUF)
1. vara: Tore Hatlevik
2. vara: Asbjørg Hovland Verpelstad (ny)
3. vara: Asle Dahl
4. vara: Anne Margrethe Madsen (ny)

Utover ordinære årsmøtesaker vart desse forslaga handsama og vedtekne:
- Styrka støtte til redaktørstyrte media.
- Forbetring av ordninga for tilrettelagd transport (TT-ordninga)
- Oppmoding om frivillig kommunesamanslåing i Sunnhordland
- Kommunen bør få del i skatteinntektene frå utanlandske gjestearbeidarar
- Styrka fellesskulen og slå ring om lærarnorma
- Gratis skulemat

Stord Ap fekk 20 nye medlemmer i 2025, og har no totalt 201 medlemmer.

Stord AUF hadde også stor medlemsvekst i 2025, og har no totalt 58 medlemmer.

10/09/2025

31,4 %, klart største parti på Stord og det tredje beste resultatet for Arbeiderpartiet i Hordaland valkrins!

Tusen takk for tilliten!

06/09/2025

Fin siste standdag denne valkampen!☀️😊🌹 Me møtte veljarar både på Heiane, Amfi, torget og i Sagvåg. Mange seier dei har stemt eller skal stemma Arbeiderpartiet. Som ei av dei sa: «Dette er ikkje tida for å skifta mannskap. Me må gå for fortsatt trygg styring med Jonas og Jens.»

Godt val!