31/07/2026
पहिला हामी मान्छे हौँ, अनि नेपाली हौँ। धर्म, जात, भाषा, बसाइ, शैक्षिक योग्यता, उमेर यी सबै हाम्रो पछि जोडिएका पहिचान मात्र हुन्।
हामी मानव, बहु पहिचान भएको समाजका बासिन्दा हौँ। तर विडम्बना के छ भने कहिले जातको नाममा, कहिले बसाइ वा क्षेत्रको नाममा हामीलाई लडाउने प्रयास गरियो। आज फेरि धर्मको नाममा विभाजन गराएर देशलाई अस्थिरतातर्फ धकेल्ने खेल भइरहेको छ।
सामाजिक सद्भाव, धार्मिक सहिष्णुता र राष्ट्रिय एकता नै हाम्रो वास्तविक शक्ति र पहिचान हो। यसलाई जोगाउनु र मजबुत बनाउनु हामी सबैको साझा जिम्मेवारी हो। मानवता नै सबैभन्दा ठूलो धर्म हो भन्ने कुरा हामीले कहिल्यै बिर्सनु हुँदैन।
हामीलाई लडाउने प्रयास गर्ने कुनै पनि शक्तिको चाहना पूरा हुन नदिऔँ। सरकार गैह्र्जिम्मेवार बनेको छ तर हामी सबै नागरिक जिम्मेवार बनौँ र एकताबद्ध भएर देशलाई अघि बढाऔँ। सामाजिक सद्भाव, धार्मिक सहिष्णुता र राष्ट्रिय एकता कायम गरौं।
