14/07/2026
Sa nagdaang tuloy-tuloy na pag-ulan, nais ko pong ipaabot ang aking taos-pusong pasasalamat sa lahat ng ating mga kawani at katuwang na agad na kumilos upang matiyak ang kaligtasan ng ating mga kababayan.
Sa ating Municipal Disaster Risk Reduction and Management Office (MDRRMO), katuwang ang Municipal Social Welfare and Development Office (MSWDO), maraming salamat sa inyong pag-antabay upang matiyak ang kalagayan at kaligtasan ng ating mga mamamayan, lalo na sa mga baybaying barangay, at sa inyong maagap na pagbibigay ng kaukulang tulong at aksyon.
Maraming salamat din sa ating Municipal Engineering Office, General Services Office (GSO), mga utility personnel, at mga watchmen na agad na tumugon sa mga kailangang ayusin sa loob ng ating munisipyo upang manatiling ligtas ang ating mga kawani at ang mga mamamayang nagtutungo rito.
Sa loob ng ilang araw na malalakas ang naging pagbuhos ng ulan, nakita po natin ang mga pinsalang idinulot nito sa loob ng ating Balayan Government Center, kabilang ang mga tumutulong bahagi ng gusali at iba pang lugar na nangangailangan ng agarang pagkukumpuni. Nais kong tiyakin sa ating mga kawani at sa bawat mamamayang nagtutungo sa ating munisipyo na kaunting panahon na lamang po ang inyong ipagtitiis. Patuloy nating isinusulong ang mga kinakailangang pagsasaayos upang magkaroon tayo ng isang mas matibay, mas ligtas, at maayos na gusaliโisang Balayan Government Center na hindi na tutulo tuwing tag-ulan at hindi lamang maganda sa panlabas, kundi tunay na de-kalidad at maaasahan sa mahabang panahon.
Muli, taos-puso akong nagpapasalamat sa ating MDRRMO, MSWDO, Municipal Engineering Office, General Services Office (GSO), mga utility personnel, mga watchmen, at sa lahat ng ating mga katuwang na ahensya at kawani. Ang inyong dedikasyon, malasakit, at mabilis na pagtugon ay malaking tulong sa pagpapanatiling ligtas ng ating mga kababayan.
Kaunting tiis na lamang po. Alam ko pong matagal na itong hinahangad ng marami, at ginagawa natin ang lahat upang maisakatuparan ito. Hindi tayo titigil hangga't hindi natin naibibigay sa ating mga kawani at sa bawat Balayeรฑong nagtutungo sa munisipyo ang isang Balayan Government Center na tunay na ligtas, matibay, maayos, at karapat-dapat sa ating bayan. Ito ang ating layunin, at ito ang ating sama-samang pagsisikapang makamit.
