01/09/2026
๐๐๐๐๐๐๐๐๐ ๐๐๐๐๐๐๐๐๐๐
๐บ๐ซ๐ถ ๐ฐ๐๐๐ ๐ช๐๐๐ ๐ฎ๐๐๐๐
๐ป๐๐๐
๐๐๐ ๐๐๐๐ ๐๐๐๐๐๐๐๐ ๐๐๐๐๐๐๐๐, ๐๐๐๐๐๐๐๐๐
; ๐บ๐ซ๐บ ๐ท๐๐๐๐๐๐, ๐๐๐๐๐๐๐ ๐๐๐ ๐๐๐ ๐๐๐๐๐๐-๐๐๐๐๐๐๐๐๐ ๐๐ ๐๐๐๐๐๐๐๐ ๐๐ ๐๐๐๐๐๐๐๐
Hinamon ni OIC-Schools Division Superintendent Lito Palomar ang mga g**ong-manunulat na lumahok sa SDO Imus City Workshop on Division Gawad Teodora Alonzo 2026 na magsulat ng mapagmulat na akdang magsisilbing lunsaran sa kritikal na pagkatuto ng mga mag-aaral.
Sa isang talumpati, ipinunto ni SDS Palomar sa kaniyang talumpati ang mahalagang gampaning dapat maisakatuparan ng mga g**o at opisyal ng Kagawaran ng Edukasyon sa patuloy na paglikha ng mga akdang nagmumulat at mapagmulat.
โMay mga pagkakataong nahihirapan tayong magsulat dahil hindi natin alam ang dahilan ng ating pagsulat. Lagi nating tandaan na nagsusulat tayo para sa bata at kanilang kinabukasan. Dapat alam natin hindi lang kung sino tayo, kundi maging sino tayo dapat,โ ani Palomar.
Binigyang diin din ni Palomar na hindi lamang para sa karangalan at papuri ang pagsasagawa ng palihan sa pagsulat ng kuwentong pambata sapagkat itinuturing itong daan sa maaayos na daloy ng pagkatuto ng mga bata.
โThis is a part of investment para sa mga bata, teachers, at sa buong dibisyon. Sama-sama nating tapusin ang nasimulan ng DepEd Imus City upang muli tayong mamayagpag sa larang ng pagsulat,โ saad ni Palomar.
Nagtapos ang talumpati ng superintendent sa pagbibigay-hamon sa mga g**ong-manunulat hinggil sa tiyak na katuturan ng kuwentong pambata sa pag-aangat ng kalidad ng edukasyon sa konteksto ng dibisyon ng Imus.
๐๐๐ฌ๐๐ญ๐๐ง๐ ๐๐๐ง๐ ๐ค๐๐ข๐ฌ๐ข๐ฉ๐๐ง
Nagbahagi ng kaniyang karansan at kahusayan sa pagsulat ng kuwentong pambata si Prop. Genaro R. Gojo-Cruz, tanyag na manunulat mula De La Salle University sa mga g**ong manunulat na nakiisa sa sa unang araw ng SDO Imus City Gawad Teodora 2026 training workshop.
Sa isang pahayag, binigyang-diin ni Genaro ang kahalagahan paglikha ng mga kritikal na aklat pambata bilang tugon sa suliraning pang-edukasyong kasalukuyang kinahaharap ng bansa.
Inihalintulad rin ng manunulat sa isang gamot ang mga aklat pambata na nagsisilbing lunas sa mga sakit na mayroon ng lipunan, partikular sa sektor ng edukasyon.
โSama-sama nating gamutin ang sakit sa kamangmangan ng bansa. Gamitin natin ang mga kuwentong pambata nating isusulat bilang reseta sa mga sakit ng lipunan sa hinaharap,โ ani Genaro.
๐๐ฎ๐ง๐๐๐ฒ๐๐ง ๐ง๐ ๐๐๐ง๐ ๐๐ซ๐๐ฉ
Ipinunto ni Genaro sa isinagawang palihan sa pagsulat ng kuwentong pambata ang ambag ng mga aklat sa paghubog ng malikhain, kritikal, at mapagbagong pananaw ng mag-aaral sa bansa.
Ayon sa manunulat, nagbibigay ng pangarap ang bawat aklat sapagkat pinapalawak nito ang pananaw ng bata.
โBinibigyang-linaw ng mga aklat pambata ang pangarap at hiraya ng mga mag-aaral. Maaari nitong baguhin ang pananaw ang pangarap ng bata. Ipatikim natin sa bawat bata ang karanasang hindi nila nararanasan,โ saad ng manunulat.
Kaugnay nito, nagsagawa ang propesor ng intensibong pagsasanay kasama ang mga g**ong-manunulat ng Imus upang tiyak silang magabayan sa tamang pamaraan ng pagsulat ng kuwentong pambatang akma sa edad ng babasa.
๐๐๐ค๐ฎ๐ฅ๐๐ฒ ๐ง๐ ๐ฉ๐๐ ๐ฌ๐๐ฌ๐๐ฅ๐๐ฒ๐ฌ๐๐ฒ
Inisa-isa naman ni Department of Education Central Office Creative Art Specialist II Jason Villena ang mga pamaraan sa malikhaing pagsasalaysay ng kuwentong pambata sa pamamagitan ng pagguhit upang bigyang-gabay sa paglikha ng aklat pambata ang mga g**ong-mangguguhit ng Imus.
Sa isinagawang palihang nakalaan para sa mga ilustrador ng mga likhang akdang inilahok sa Divsion of Imus City Gawad Teordora Alonso, ibinahagi ni Villena ang teknikal at malikhaing aspekto ng pagguhit ng ilustrasyon na akma para sa mga lilikhaing kuwentong pambata na madaling mauunawaan ng mga babasa nito.
โMayroong ibaโt ibang pamaraan sa paglikha ilustrasyon para sa aklat pambata na gagawin natin. Iba ang textbook illustration sa childrenโs book illustration dahil target nating magabayan nang wasto sa pagbasa ang mga mag-aaral na babasa nito,โ saad ni Villena.
Ipinunto rin ng ilustrador ng kagawaran ang punong kahalagahan ng pagguhit ng ilustrasyong pambata bilang tagapagbigay-buhay sa mga akda.
Ayon sa Creative Art Specialist, mawawalan ng pagkakataong makapag-isip nang malikhain ang mga mambabasa kung hindi mabubuo ang larawang representasyon ng diwa ng kuwentong kanilang binabasa.
โAng mga iginuhit na ilustrasyon ang nagbibigay-representasyon at buhay sa bawat kuwento. Ito ang nagbubukas ng malikhaing pag-iisip ng mga mag-aaral na babasa ng kuwentong magbibigay-danas sa kanilaโ ani Villena.
Samantala, nagbigay-babala rin si Villena kaugnay ng tamang paggamit ng Artificial Intelligence sa pagkatha ng mga ilustrasyon sa mga kuwentong pambata.
Ani ilustrador, mayroong tama at etikal na paggamit ng artificial intelligence na dapat matutuhan ng sinomang manlilikha upang manatili ang orihinalidad ng akda nang hindi naaapektuhan ang nilalaman ng iginuhit na larawan.
