https://www.facebook.com/177053395484260/

Kap Logie - Barangay Babag, Lapu - Lapu City, Purok Fivestar, Brgy Babag, Lapu-Lapu City (2026)

04/08/2026

ATTENTION MGA POTENTIAL BENEFICIARIES SA UPLIFT ASSISTANCE PROGRAM!

Ang City Social Welfare and Development Office (CSWDO) – Lapu-Lapu City magpahigayon og Validation for Potential Beneficiaries of the UPLIFT Assistance Program.

📅 Petsa: Agosto 6, 2026 (Huwebes)
⏰ Oras: 7:00 AM – 4:00 PM
📍 Lugar: Basketball Court 1, Poblacion, Lapu-Lapu City

Gihangyo ang tanang indibidwal nga naapil sa listahan sa mga potential beneficiaries nga motambong personal sa maong validation.

📌 Palihug pagdala og usa (1) ka valid government-issued ID (mas maayo kung National ID) alang sa verification.

Ang pagtambong sa validation importante aron ang eligibility alang sa UPLIFT Assistance Program.

Para sa dugang pangutana o klaripikasyon, mahimo nga mokontak kang Ms. Queenie P. Ompad sa 09293704690.

Palihug i-share kini nga pahibalo aron maabot sa tanang tanang beneficiary niini.

Daghang salamat!

04/08/2026

Pahasubo sa Pamilya Paragatan!

Dako kaayo ang among kasubo sa pagkadungog sa pagkawala sa inyong hinigugmang anak nga 4 anyos. Wala’y mga pulong nga igo aron mapagaan ang kasakit nga inyong gibati karon, apan hinaut nga inyong mabati ang among tinuoray nga pakigduyog ug pag-ampo alang kaninyo ug sa tibuok pamilya.

Ampo namo nga hatagan kamo sa Ginoo og kusog, kalinaw, ug paglaom niining lisod kaayong panahon. Bisan mubo pa ang panahon nga inyong nakauban ang inyong anak, ang gugma ug matahom nga mga handumanan nga iyang gibiyaan magpabiling buhi sa inyong mga kasingkasing hangtod sa kahangturan.

Nakig-uban kami sa inyong kasubo ug nag-ampo alang sa walay katapusang pahulay sa inyong anak.
Sa dakong simpatiya ug pag-ampo.

Rest in Peace Elijah Jane Paragatan!

04/08/2026

Misting Operation Batok Dengue and Dengue Prevention Purok Bombshell!

Karon adlawng Martes nagpahigayon ug Misting Operation batok Dengue sa Purok Bombshell ang atong BHERT (Brgy Health Emergency Response Team) nga gipangulohan sa atong midwife maam Jocy Berdin arun mapusgay nato ang mga lugar nga possible itlogan sa Lamok ug ato gipang butangan ang mga Canal ug mga pudong tubig.

Kanunay na tong epahimangno ang paglimpyo sa palibot ilabi na sa mga dunay pundo nga tubig ug sa inyong mga katanoman nga dapat kini haw asan or butangan ug chemicals available ra sa atong Babag Health Center 1&2 Daghang Salamat ug amping ta kanunay.

03/08/2026

𝗕𝗔𝗕𝗔𝗚 𝗟𝗜𝗩𝗘𝗟𝗜𝗛𝗢𝗢𝗗 𝗧𝗥𝗔𝗜𝗡𝗜𝗡𝗚 𝗖𝗘𝗡𝗧𝗘𝗥 – 𝗕𝗔𝗧𝗖𝗛 𝟯 | 𝗣𝗔𝗗𝗔𝗬𝗢𝗡 𝗔𝗡𝗚 𝗣𝗔𝗚𝗠𝗨𝗚𝗡𝗔 𝗢𝗚 𝗧𝗥𝗔𝗕𝗔𝗛𝗢 𝗔𝗟𝗔𝗡𝗚 𝗦𝗔 𝗠𝗚𝗔 𝗕𝗔𝗕𝗔𝗚𝗔𝗡𝗢𝗡

Subay sa padayon nga mandato sa Barangay Babag sa pagpalambo sa panginabuhian ug pagmugna og mas daghang oportunidad sa trabaho, mapasigarbuhon kitang nagpahibalo nga anaa na sa ika-9 ka adlaw ang Batch 3 sa 10-Day Skills Training on Sewing nga gipahigayon sa Babag Livelihood Training Center.

Sa paghuman sa ilang pagbansay, 8 ka trainees ang gilauman nga mo-graduate ug i-endorso dayon alang sa employment sa FCO International, usa ka lig-on nga kaabag sa Barangay sa paghatag og desente ug lig-on nga oportunidad sa trabaho. Kabahin usab sa ilang pre-employment requirements ang Libre nga Medical Examination nga gipasiugdahan sa FCO International aron masiguro ang ilang kahandam sa pagsulod sa trabaho.

Kini nga programa usa ka konkretong pamatuod nga ang Barangay Babag dili lamang naghatag og skills training, kondili nagmugna og direktang agianan gikan sa pagbansay padulong sa trabaho, isip kabahin sa atong polisiya sa pagpalig-on sa local employment, pagpakunhod sa kawalay trabaho, ug pagpausbaw sa kalidad sa kinabuhi sa matag pamilyang Babaganon.

Pinaagi sa lig-on nga koordinasyon tali sa Barangay Babag Council, PESO Desk, ug FCO International, nagpadayon ang atong administrasyon sa pagpalapad sa mga programa nga adunay tinuod ug masukod nga resulta alang sa atong komunidad.

Giawhag ang tanang Babaganon nga gustong makabaton og bag-ong kahigayonan sa trabaho nga mobisita sa Barangay PESO Desk ug pangitaa si Ma'am Virginia aron makapalista sa sunod nga 10-Day Skills Training. Human sa malampusong pagbansay, adunay dakong oportunidad nga ma-endorso dayon alang sa employment base sa kwalipikasyon ug panginahanglan sa partner company.

Ang Barangay Babag magpadayon sa pagpatuman sa mga programa nga nakasentro sa employment generation, skills development, ug sustainable livelihood, tungod kay ang tinuod nga serbisyo publiko mao ang paghatag og oportunidad nga makapauswag sa kinabuhi sa katawhan.

Daghang salamat sa inyong padayon nga pagsalig ug suporta. Magtinabangay kita sa pagtukod sa usa ka mas lig-on, mas produktibo Mabungahon BARANGAY.

03/08/2026

Task Force Bantay Paboto Joint Surprise Inspection!

Karong adlawa, gipahigayon sa Task Force Bantay Paboto ang Joint Surprise Inspection uban sa atong mga kauban gikan sa BPSO, Bureau of Fire Protection (BFP), Disaster Risk Reduction and Management (DRRM), ug sa Station 3 PCMSG pinaagi ni Jun Yurag.

Ang maong kalihokan gitumong aron masiguro ang pagsunod sa mga balaod ug regulasyon, pagpalig-on sa kaluwasan sa komunidad, ug pagmintinar sa kahapsay ug kalinaw sa atong lugar. Daghang salamat sa tanang ahensya ug personnel nga nakig-alayon alang sa kalampusan sa inspeksyon.

03/08/2026

LIBRENG CHEST X-RAY!

PAHIBALO: Aduna kitay Libreng Chest X-ray karon umaabot August 07, 2026 adlawng (Biyerbes) atubangan sa atong Babag Barangay hall magsugod gikan 8:00 buntag hangtod sa 5:00 hapon.

Ato kini hangupon ang talagsaon nga benepisyo nga gidalit kaninyo gikan sa atong halandong Mayor Cindi King Chan ug Congressman Junard "Ahong" Chanug Babag Barangay Council Kay gusto namo nga mas ipaduol ang serbisyo para kaninyo Babaganons.

03/08/2026

UNANG FLAG RAISING CEREMONY BUWAN SA AGUSTO!

Karong adlawa, ang unang Flag Raising Ceremony sa unang semana sa bulan sa Agusto. Dako ang among kalipay sa pag-abiba ug pagpasalamat sa presensya nila Konsehal Larry Berdon, Konsehal F***y Augusto, Konsehal Benny Omandac, ug Konsehal Mayet Bering, uban sa atong mga masinugtanon ug kugihan nga barangay workers. Lakip na ang presensya sa atong Bureau of Fire (BFP).

Ang atong pagtapok karong buntaga dili lamang usa ka pormalidad, kondili usa ka pagpamatuod sa atong panaghiusa, dedikasyon, ug pagserbisyo alang sa kaayohan sa atong komunidad. Hinaut nga kining bag-ong semana ug bag-ong bulan maghatag kanatong tanan og dugang kusog, inspirasyon, ug paningkamot aron mapadayon nato ang episyente ug matinud-anong pag-alagad sa katawhan.

Daghang salamat sa inyong padayon nga suporta ug kooperasyon. Magpadayon kita sa pagtinabangay alang sa kalamboan ug kalinaw sa atong barangay.

02/08/2026

TEAM BUILDING 2026 | BARANGAY BABAG EMPLOYEES, WORKERS & SECTORAL GROUPS

Daghang salamat sa tibuok Barangay Babag Family—atong Barangay Officials, SK Officials, BPSO, Lupon Tagapamayapa, Barangay Staff, BHW 1 & 2, Daycare Teachers, PWD Officers, Senior Citizens Board of Trustees, Point Person Enumerators, Urban Poor Presidents, Purok Presidents, LGBTQIA+, 3BO Babag Sports Commissioners, Street Cleaners, ug GSO—sa inyong aktibong partisipasyon, lig-on nga suporta, ug hiniusang representasyon sa matag sector atol sa atong tinuig nga Mid-Year Team Building.

Niadtong Adlawng Sabado, malampuson natong gipahigayon ang tinuig nga Team Building Activity isip pagpasalamat ug paghatag og higayon sa atong mga kauban sa public service nga makapahulay, makapahimulos, ug makapalig-on sa panaghiusa. Pinaagi sa mga makalingaw nga team-building games, teamwork presentations, ug atong hiniusang Salo-Salo nga mas napalig-on ang espiritu sa kooperasyon, disiplina, ug panag-uban sa matag opisyal, empleyado, ug boluntaryo sa barangay.

Ang inyong kadasig, kooperasyon, ug positibong partisipasyon maoy dakong hinungdan nga nahimong malinawon, organisado, malipayon, ug makahuluganon ang maong kalihokan. Kini usa ka pagpamatuod nga ang usa ka lig-on nga organisasyon nagsugod sa usa ka lig-on ug nagkahiusang team.

Atong gipasidunggan usab ang mga Champion ug Winning Teams sa Mixed Doubles Pickleball Tournament isip pag-ila sa ilang dedikasyon, paningkamot, ug maayong sportsmanship nga nagpalambo sa sportsmanship ug camaraderie sa Atong Public Service Community.

Mapasalamaton kaayo ko sa tibuok Barangay Babag Council sa inyong walay hunong nga suporta ug hiniusang paningkamot aron mapadayon ang mga programa nga nagpalig-on sa kapasidad, moral, ug panaghiusa sa atong mga kauban sa serbisyo publiko.

Padayon kitang magtinabangay, magtinahuray, ug maghiusa aron mas mapalig-on pa ang atong serbisyo alang sa katawhan. Magpabilin kitang matinud-anon sa atong misyon sa paghatag og episyente, responsableng, ug malumo nga serbisyo publiko alang sa tanan.

Daghang salamat, Barangay Babag Employees, Workers, ug Sectoral Leaders! Ang inyong dedikasyon mao ang kusog sa usa ka lig-on, malinawon, ug mauswagon nga Barangay Babag, Lapu-Lapu City.

31/07/2026

𝗢𝗙𝗙𝗜𝗖𝗜𝗔𝗟 𝗨𝗣𝗗𝗔𝗧𝗘 | STATUS SA IRING NGA GI-TARGET UG IMPROVISED ARROW DART!

Malipayon kaming nagpahibalo sa publiko nga luwas na sa peligro ang iring nga si Pao-Pao, nga nahimong biktima pinaagi sa pag target sa improvised arrow dart nga gihimo sa usa ka wala pa mailhing indibidwal.

Karon nga adlaw Biernes, pinaagi sa pakig koordinasyon sa Lapu-Lapu City Veterinary Office, personal natong gikuyogan ang tag-iya ni Pao-Pao aron masiguro nga madawat niini ang angay nga medikal nga pag-atiman. Human sa medical examination sa City Veterinarian, gihatagan kini og antibiotics ug vitamins ug gikumpirma nga lig-on na ang iyang kahimtang ug luwas na sa peligro.

Ang Barangay Babag nagpasalamat sa Lapu-Lapu City Veterinary Office tungod sa ilang paspas, propesyonal, ug episyenteng pagresponde nga nakatabang sa pagluwas sa kinabuhi ni Pao-Pao.

Samtang nagpadayon ang pagkaayo sa maong hayop, nagpadayon usab ang atong pormal nga imbestigasyon aron mailhan ug mapanubag ang responsable niini. Ang maong binuhatan usa ka klarong paglapas sa balaod sa pagpanalipod sa kaayohan sa mga hayop ug dili gayod pagatugotan sa atong lokal nga panggamhanan.

Gipahimangnoan ang publiko nga ang bisan kinsa nga mapamatud-ang nalambigit sa maong binuhatan, dunay atubangon ug tukma nga legal nga tolubagon.

Busa, giawhag ang tanang residente nga adunay impormasyon o nakasaksi sa maong insidente nga motaho dayon sa Office of the Punong Barangay o sa ubang otoridad. Ang matag kasayuran pagatrataron nga confidential.

Ang Barangay Babag magpabiling lig-on sa pagpatuman sa balaod, pagpanalipod sa kaayohan sa mga hayop, ug pagmintinar sa usa ka luwas, responsable, ug maloloy-ong komunidad alang sa tanan.

31/07/2026

Serbisyo Alang sa Edukasyon: Libreng Sakay Matag Adlaw!

Sa atong mga pinalanggang estudyante, dako kaayo ang among kalipay nga makahatag ug libreng sakay matag Lunes hangtod Biyernes aron mas sayon ug luwas ang inyong pag-adto sa eskwelahan sa sayo sa kabuntagon ug pagpauli sa inyong mga panimalay sa kagabion.

Nagpasalamat usab kami sa inyong pagsalig ug pagtinabangay aron magpadayon kining maayong programa alang sa atong komunidad. Hinaut nga magamit ninyo kining kahigayonan aron makapadayon sa inyong pagtuon.

Labaw sa tanan, among gihatag ang among kinasingkasing nga pasalamat sa atong mga kugihan ug matinud-anong driver nga walay kakapoy nga nagserbisyo matag adlaw. Bisan pa sa mga hagit sa ilang trabaho, nagpadayon sila sa paghatod ug luwas nga biyahe alang sa atong mga estudyante.

Daghang salamat sa tanan Magpadayon kita sa pagtinabangay alang sa kaayohan sa atong mga kabatan-onan ug sa mas maayong kaugmaon sa atong komunidad.

Kap Logie - Barangay Babag, Lapu - Lapu City

04/08/2026

04/08/2026

04/08/2026

03/08/2026

03/08/2026

03/08/2026

03/08/2026

02/08/2026

31/07/2026

31/07/2026

Address

Website

Alerts

Contact The Organization

Shortcuts

Share

Category