Melquiades "Mel" Robles

Melquiades "Mel" Robles ANG BUHAY MELIONARYO ay hango sa salitang meliorism.

MELIORISMO ang paniniwala na maaaring mapabuti ang mundo sa pamamagitan ng ating pagkilos at pagsisikap tungo sa mga positibong pagbabago— ito ang pahayag na gabay ni General Manager Mel Robles.

Pagbibigay ng suportang medikal ang naging pangunahing layunin ng Philippine Charity Sweepstakes Office (PCSO) nang isag...
03/08/2026

Pagbibigay ng suportang medikal ang naging pangunahing layunin ng Philippine Charity Sweepstakes Office (PCSO) nang isagawa natin ang ceremonial turnover ng 2D Echo Ultrasound with Doppler para sa Emilio G. Perez Memorial District Hospital (EGPDH) sa Kapitolyo ng Malolos Bulacan ngayong Lunes, Agosto 3, 2026.

Para sa kaalaman ng ating mga kababayan, ang 2D Echo Ultrasound with Doppler ay isang non-invasive na pagsusuri gamit ang ultrasound na nagbibigay ng malinaw na larawan ng galaw, istruktura, mga balbula, at daloy ng dugo sa puso sa pamamagitan ng sound waves.

Inaasahan nating lubos itong mapapakinabangan ng mga residente ng Hagonoy at ng mga karatig-lugar, lalo na't mahalagang kagamitang medikal ito sa maagang pagtukoy at pagsusuri ng mga sakit sa puso.

Isinagawa natin ang inisyatibang ito sa ilalim ng Medical Equipment Donation Program na may layuning mapalawak at mapaigting ang serbisyong pangkalusugan sa mga pagamutan sa iba't ibang panig ng Pilipinas.

Kasabay nito, ipinamahagi rin natin ang lotto shares ng Bulacan na nagkakahalaga ng P1,808, 156.64 para sa buwan ng Enero hanggang Hunyo ngayong taon. Ito ay alinsunod sa Executive Order No. 357-A na nagtatakda sa PCSO na magbigay ng bahagi ng kita mula sa lotto sa lokal na pamahalaan para sa kanilang mga programa na inilulunsad para sa kanilag mga nasasakupan.

Para sa PCSO, isang produktibong pagsisimula ito ng buwan habang patuloy nating isinusulong ang mga programang naglalayong maghatid ng mas maraming serbisyong pangkalusugan at pangkawanggawa sa ating mga kababayan.




Labing-dalawang local government units (LGUs) sa Metro Manila ang pinagkalooban natin ng mahigit P83 milyon na kabuuang ...
30/07/2026

Labing-dalawang local government units (LGUs) sa Metro Manila ang pinagkalooban natin ng mahigit P83 milyon na kabuuang halaga ng lotto shares mula sa Philippine Charity Sweepstakes Office (PCSO) nitong Miyerkules, July 29, 2026.

Sa idinaos nating ceremonial check turnover sa PCSO Main Office, nakatanggap ng lotto shares ang mga sumusunod na LGU: Caloocan City, Pasig City, Manila City, Las Piñas City, Mandaluyong City, Pasay City, Parañaque City, Muntinlupa City, Navotas City, Makati City, Marikina City, at Malabon City.

Bahagi ito ng ating mandato sa ilalim ng Executive Order No. 357-A kung saan ang parte ng kita mula sa operasyon ng lotto ng PCSO ay inilalaan natin sa mga lokal na pamahalaan. Sa pamamagitan ng inisyatibang ito, nasusuportahan natin ang kanilang mga rogramang pangkalusugan, pangkawanggawa, at iba pang proyekto na lubos na mapakikinabangan ng kanilang nasasakupan.

Sumasalamin ang gawaing ito sa makabuluhang kolaborasyon ng PCSO sa mga lokal na pamahalaan na siyang nagsisilbing tulay ng ahensya upang matiyak na naihahatid ang tulong at suporta ng ahensya sa bawat Pilipino.




Maliban sa kalusugan, patuloy ding isinusulong ng Philippine Charity Sweepstakes Office (PCSO) ang sektor ng edukasyon s...
30/07/2026

Maliban sa kalusugan, patuloy ding isinusulong ng Philippine Charity Sweepstakes Office (PCSO) ang sektor ng edukasyon sa pamamagitan ng mandatory contribution nito sa Commission on Higher Education (CHED).

Isinagawa natin nitong Miyerkules, Hulyo 29, ang pormal na turnover ng P132,430,515.38 na kontribusyon ng PCSO sa CHED para sa kanilang lotto shares mula Enero hanggang Hunyo 2026.

Alinsunod sa Republic Act No. 7722 o ang Higher Education Act of 1994, inaatasan ang PCSO na mag-remit ng bahagi ng kita nito mula sa operasyon ng lotto bilang suporta sa pagpapatupad ng Higher Education Development Program.

Naniniwala tayo sa PCSO na isang napakahalagang hakbang ito upang maibigay sa ating mga kabataan ang dekalidad na edukasyon na siyang huhubog sa kanilang magandang kinabukasan.




Makasaysayan ang araw na ito para sa Philippine Charity Sweepstakes Office (PCSO) dahil nakamit na natin ang 100% PTV co...
24/07/2026

Makasaysayan ang araw na ito para sa Philippine Charity Sweepstakes Office (PCSO) dahil nakamit na natin ang 100% PTV coverage sa lahat ng 82 lalawigan sa buong bansa.

Ngayong Biyernes, Hulyo 24, pinangunahan ni Pangulong Ferdinand “Bongbong” Marcos Jr., katuwang ang inyong lingkod, ang pamamahagi ng 34 Patient Transport Vehicles (PTVs) sa 21 lalawigan sa Northern at Central Luzon bilang bahagi ng Medical Transport Vehicle Donation Program (MTVDP).

Kabilang sa mga benepisyaryong lalawigan ang mga mula sa Region I, Region II, Region III, at Cordillera Administrative Region (CAR). Sa turnover na ito, matagumpay nating nakumpleto ang target ng programa na mabigyan ng PTV ang lahat ng lalawigan sa bansa.

Dalawang PTV ang ipinagkaloob ng PCSO sa La Union, Pangasinan, Batanes, Cagayan, Nueva Vizcaya, Quirino, Aurora, Bataan, Bulacan, Nueva Ecija, Pampanga, Tarlac, at Zambales.

Samantala, isang karagdagang PTV ang ipinagkaloob sa Ilocos Norte, Ilocos Sur, Abra, Apayao, Benguet, Ifugao, Kalinga, at Mountain Province, na nauna nang nabigyan ng tig-iisang yunit sa ilalim ng programa.

Malugod kong ibinabahagi na sa kabuuan, 1,830 PTV na ang naipagkaloob ng PCSO sa iba’t ibang bahagi ng bansa. Ito rin ang kauna-unahang pagkakataon na naisakatuparan natin ang ganito kalawak na inisyatiba upang mabigyan ng sasakyang medikal ang lahat ng lalawigan sa ilalim ng isang programa ng pamahalaan.

Naging posible ang makasaysayang tagumpay na ito sa pamamagitan ng ating matibay na pakikipagtulungan sa pambansa at lokal na pamahalaan, gayundin sa patuloy na suporta ng ating mga katuwang sa paglilingkod.

Bunga ito ng ating sama-samang pagsisikap na mailapit ang serbisyong pangkalusugan sa ating mga kababayan, lalo na sa mga komunidad na nangangailangan ng ligtas at agarang transportasyon para sa mga pasyente.

Asahan ninyo na hindi rito nagtatapos ang ating misyon. Lalo pa nating paiigtingin ang mga programa ng PCSO upang makatulong sa pagpapalakas ng sistemang pangkalusugan at sa patuloy na pagpapabuti ng buhay ng bawat Pilipino.




Patuloy nating pinalalakas ang Medical Transport Vehicle Donation Program (MTVDP) ng Philippine Charity Sweepstakes Offi...
22/07/2026

Patuloy nating pinalalakas ang Medical Transport Vehicle Donation Program (MTVDP) ng Philippine Charity Sweepstakes Office (PCSO) s a pamamagitan ng pagkakaloob ng isang Patient Transport Vehicle (PTV) sa Pamahalaang Lungsod ng Pasig ngayong Miyerkules, Hulyo 22, 2026.

Sa isinagawang turnover ceremony sa PCSO Main Office, personal na tinanggap ni Pasig City Vice Mayor Robert Jaworski Jr. ang PTV, na inaasahang makatutulong sa mas mabilis at maayos na pagtugon sa mga pangangailangang medikal ng mga Pasigueño.

Higit sa dami ng mga PTV na naipagkakaloob sa iba't ibang panig ng bansa, nakatuon tayo sa l ayuning mapalawak ang access ng mga Pilipino sa de-kalidad na serbisyong pangkalusugan, bilang suporta sa hangarin ng pamahalaan na maisakatuparan ang Universal Health Care, lalo na para sa mga higit na nangangailangan ng agarang serbisyong medikal.




Dalawang Patient Transport Vehicle (PTV) ang inihandog ng Philippine Charity Sweepstakes Office (PCSO) sa lalawigan ng S...
20/07/2026

Dalawang Patient Transport Vehicle (PTV) ang inihandog ng Philippine Charity Sweepstakes Office (PCSO) sa lalawigan ng Sorsogon ngayong araw, Hulyo 20, 2026, bilang pagtupad sa direktiba ni Pangulong Ferdinand R. Marcos Jr. na paigtingin ang paghahatid ng mga serbisyong pangkalusugan sa buong bansa.

Personal na nagtungo sa PCSO Main Office sa Mandaluyong si Sorsogon Governor Jose Edwin Hamor upang tanggapin ang dalawang PTV na ipinagkaloob sa lalawigan ng Sorsogon. Hangad natin na lubos na mapakinabangan ng mga Sorsoganon ang mga sasakyang ito, lalo na sa mabilis na pagresponde sa mga emergency at iba pang pangangailangang medikal.

Patuloy nating isinusulong ang mga inisyatibang tulad ng Medical Transport Vehicle Donation Program (MTVDP) sa paniniwalang ang bawat Pilipino ay nararapat na magkaroon ng maayos, mabilis, at ligtas na access sa serbisyong pangkalusugan, saanmang panig ng bansa.




Pagdating sa pagpapalawak ng access ng taumbayan sa lotto ng Philippine Charity Sweepstakes Office (PCSO), isinasaalang-...
17/07/2026

Pagdating sa pagpapalawak ng access ng taumbayan sa lotto ng Philippine Charity Sweepstakes Office (PCSO), isinasaalang-alang natin ang kahalagahan ng innovation lalo na sa panahon ng makabagong teknolohiya.

Iyan ang tinalakay natin sa aking panayam kay Cheryl Cosim sa programang Perfect Mornings ng One PH nitong Huwebes, Hulyo 16, 2026.

Sa pamamagitan ng ating kolaborasyon sa ComWorks Inc., nailunsad natin ang Suki Lotto, isang plataporma na makapagbibigay ng oportunidad sa ating mga kababayan na makataya sa lotto hindi lamang sa mga designated outlet kundi pati na rin sa mga tindahan gamit ang isang point-of-sale (POS) terminal.




Patuloy ang pagsisikap ng Philippine Charity Sweepstakes Office (PCSO) na maitaguyod ang isang universal healthcare syst...
16/07/2026

Patuloy ang pagsisikap ng Philippine Charity Sweepstakes Office (PCSO) na maitaguyod ang isang universal healthcare system matapos nating ipamahagi ang walong Patient Transport Vehicle (PTV) sa mga benepisyaryo sa Southern Tagalog at Bicol Region (STBR) noong Hulyo 15, 2026.

Partikular nating na-turnover ang tig-dalawang PTV unit sa mga lalawigan ng Rizal, Camarines Sur, Camarines Norte, at Masbate, sang-ayon sa layunin ng administrasyon na mapalakas ang emergency response sa iba’t ibang komunidad sa bansa.

Sa likod ng Medical Transport Vehicle Donation Program (MTVDP) ng ahensya ay ang pagsulong natin ng adhikain na maipakita at maiparamdam sa mga Pilipino na ang PCSO ay hindi umuurong sa pagtulong, lalo na sa aspektong pangkalusugan at kawanggawa.




Ngayong Lunes, Hulyo 13, 2026, isinagawa natin ang ceremonial signing ng Memorandum of Agreement (MOA) sa pagitan ng Phi...
13/07/2026

Ngayong Lunes, Hulyo 13, 2026, isinagawa natin ang ceremonial signing ng Memorandum of Agreement (MOA) sa pagitan ng Philippine Charity Sweepstakes Office (PCSO) at ComWorks, Inc., bilang isang makabuluhang hakbang sa layunin nating mapalawak ang access ng publiko sa PCSO Lotto sa pamamagitan ng makabagong teknolohiya.

Sa ilalim ng MOA, ang ComWorks, Inc., sa pamamagitan ng Suki Lotto, ay magsisilbing Level 2 Corporate-Owned Chain Business (COCB) PCSO Lotto Authorized Agent na awtorisadong magbenta at mamahagi ng mga tiket ng PCSO Lotto gamit ang point-of-sale (POS) terminals sa mga retail outlet sa iba't ibang bahagi ng bansa.

Naniniwala tayo na mahalaga ang partnership na ito hindi lamang sa modernisasyon ng PCSO Lotto, kundi upang mas maraming Pilipino ang tumangkilik sa ating mga palaro na siyang nagpopondo sa mga serbisyong pangkawanggawa at pangkalusugan ng ahensya.




Kawanggawa ang naging makabuluhang ambag ng Philippine Charity Sweepstakes Office (PCSO) sa LAB For All Caravan na pinam...
09/07/2026

Kawanggawa ang naging makabuluhang ambag ng Philippine Charity Sweepstakes Office (PCSO) sa LAB For All Caravan na pinamunuan ni First Lady Liza Marcos sa Libertad Sports Complex sa Butuan City noong Hulyo 7, 2026.

Ipinamahagi natin ang 1,500 ChariTimba sa mga benepisyaryo ng LAB For All bilang karagdagang suporta sa kanilang mga pangangailangan.

Naging katuwang din natin sa aktibidad na ito ang STL Authorized Agent Corporation (AAC) ng PCSO na Antiguas Gaming Corporation. Ipinagkaloob nila ang 1,500 sako ng 5-kilong bigas, mga gamot na nagkakahalaga ng ₱50,000, 30 wheelchairs, at 30 nebulizers.

Ang pakikibahagi ng PCSO sa LAB For All ay sumasalamin sa ating patuloy na layunin na makiisa sa mga inisyatibang naglalayong mapabuti ang kalusugan at kapakanan ng ating mga kababayan.




Address

Mandaluyong

Website

Alerts

Be the first to know and let us send you an email when Melquiades "Mel" Robles posts news and promotions. Your email address will not be used for any other purpose, and you can unsubscribe at any time.

Shortcuts

Share

Category