Toby Tiangco

04/08/2026

37 po na kwalipikadong Navoteño na nasa kolehiyo ang ating mabibigyan ng P7,500 na grant bawat semester para sa 2 semesters o kabuuang halaga na P15,000 mula sa Commission on Higher Education Tulong-Dunong Program o CHED-TDP!

Kaya po nagkaroon ng 37 slots ay dahil ito po yung mga nag fill-up noong nakaraang linggo na mga estudyante sa paaralang hindi pa accredited ng CHED.

Dapat po nung July 31, 2026 ang deadline.

Huling extension na po ito kaya’t hinihingi po ang kooperasyon ng lahat.

Nakikiusap po kami sa mga nasa kolehiyo na hindi accredited ng CHED, ‘wag po kayo mag fill up dahil hindi din po tatangapin ng CHED.

Hangarin ng programang na matulungang matustusan ang matrikula ng mga pursigidong mga mag-aaral sa kolehiyo at ang kanilang mga magulang.

KWALIPIKASYON:

1. Kailangan Filipino citizen ang aplikante.
2. Navoteño na enrolled sa unang undergraduate degree na kasalukuyang nasa 2nd, 3rd at 4th year college dahil kailangan nag-enroll sila noong 1st semester ng taong 2025-2026.
3. Kasalukuyang enrolled sa anumang undergraduate degree program sa SUCs (State University and Colleges), LUCs (Local University and Colleges) na kinikilala ng CHED o mga Private Higher Education Institutions na kasama sa CHED Registry.
4. Ang combined yearly income o pinagsamang kinikita sa buong taon ng mga magulang o guardian o tagapagalaga ay hindi lalampas sa Php 400,000.
5. Hindi benepisaryo ng Tertiary Education Subsidy (TES), CHED Scholarship Program (CSPs) at iba pang national government-funded na Student Financial Aid Programs (StuFAPs).

MGA HINDI PWEDENG MAG-APPLY:

1. Mga nag-apply na sa Commission on Higher Education Tulong Dunong
Program o CHED-TDP program noong taong 2024.
2. May on-going CHED-TDP application sa Senate at Congress
3. May pending application sa CHED Unifast program
4. Mga estudyante ng paaralang hindi accredited ng CHED

REQUIREMENTS:

1. Fully accomplished CHED-TDP application form.
2. Certified true copy ng registration ng 1st at 2nd semester ng academic year 2025-2026 (1 original at 1 photo copy).
3. Barangay Certificate of Indigency bilang proof of income ng magulang o guardian ng aplikante na may pirma ng Punong Barangay at dry seal ng Barangay. Ang nakalagay na purpose ay “CHED Tulong Dunong Program”
4. 1x1 ID ng aplikante (ilalagay sa application form).

KUNG KWALIPIKADO:

1. Punan ang google sheet na naririto: https://forms.gle/bHcRhXke1tehAZby5
2. I-download ang CHED-TDP application form na naririto: https://tinyurl.com/CHEDRegForm
3. Kumpletuhin ang mga detalye sa pamamagitan ng sulat-kamay (handwritten) at gamit ang black ballpen at lagyan ng 1x1 ID ng aplikante
4. Dalhin ang application form na may kumpleto at tamang detalye sa NavoServe office sa August 7, 2026 mula 8am-5pm

PAALALA:

Dahil on-process pa ang Institutional Recognition ng Navotas Polytechnic College (NPC) at City of Malabon University, ang mga estudyanteng kasalukuyang enrolled sa mga nasabing paaralan ay hindi po muna maaaring mag-apply sa programang ito.

Goodluck po muli sa lahat ng mga aplikante at asahan po ninyo na patuloy naming pagsusumikapan ni Mayor John Rey Tiangco ang paghahatid ng mga programang pang-edukasyon para sa mga pursigidong mag-aaral na Navoteño.

04/08/2026

03/08/2026

Salamat, Alex sa pag-angat ng bandila ng ating bansa sa mundo ng tennis 🇵🇭💚

Walang mapaglagyan ang aking tuwa para sa iyo at sa matamis na bunga ng iyong pagsusumikap, disiplina, determinisyon, at pag-alay ng iyong buong puso sa bawat laban 😊

Ikaw ay inspirasyong tunay sa akin sa ating mga kababayan 💚😊🇵🇭

02/08/2026

Sisters Day po muli kaya mainit na pagbati po sa aking mga minamahal na kapatid na babae at sa lahat ng sisters ko dito sa Navotas 😊💚😊

Para pasayahin ang Sisters Day ay may konting pa-contest po tayo. Kaya heto na po ang pagkakataon ninyong batiin ang pinakamamahal ninyong sister at manalo ng cash prize 😀

Para sumali:

1. Dapat po kayo at ang kapatid ninyong babae ay Navoteño na naninirahan sa Navotas at may Facebook account.

2. Sa pag-comment, batiin ang inyong pinakamamahal na kapatid na babae at i-tag.siya

3. Isulat ang hashtags na at

4. Isulat kung saang barangay sa Navotas nakatira ang inyong kapatid na babae

18 na maswerteng babati at mag-ta-tag sa kanilang pinakamamahal na kapatid na babae ang mapipiling manalo ng P500 at P1,000 naman po ang mapupunta sa pinakamamahal nilang sister 😊

Paalala po lamang:
1. Minsan lang pwede manalo sa bawat family tree.

2. Kung marami po kayong kapatid na babae, isang kapatid lang na babae ang pwede ninyo pong i-tag sa bawat entry pero maari po kayong magpadala ng iba’t-ibang entries para ma-tag din at mabati ang inyong iba pang kapatid na babae.

3. Deadline ng pagsali ay August 8, 2026

4. Kailangan po may ang magpapadala ng entry at ang kapatid na babae na inyong i-ta-tag dahil kakailanganin po iyan sa ‘pag claim ng inyong prize.

Goodluck po sa lahat ng ating joiners at sa kanilang mga minamahal na sisters 😊

01/08/2026

Isa po sa pinaka-na-e-enjoy ko pag nag-iikot sa ating lungsod ay yung hindi matatawarang saya kapag sinasalubong ako ng mga batang Navoteño 👧🧒🧒kanilang minamanuhan, at kapag nakikita ko ang kanilang purong galak at nadidinig ang kanilang mga hagikhik at tawa 💚

Treat ko kayo uli ‘pag ako’y muling nabisita. Basta tandaan ang laging hiling ko,: pumila ng maayos dahil mabilis makarating biyaya kung tayo’y may disiplina 😊💚👍

01/08/2026

May 18 pong estudyante na benepisyaryo ng CHED Tulong-Dunong Program na hindi po namin ma-contact para ipag-alam sa kanila na may mga kulang pa silang requirement para ma-proseso ang cheke para sa kanilang allowance.

Tinext na po namin sila at nakipag-ugnayan na rin po sa kanilang mga eskwelahan ngunit hindi po sila ma-contact.

Naririto po ang pangalan ng mga nasabing estudyante:
https://docs.google.com/document/d/1GbHbX-XlBbZZnxEGbr5ciZK7Y1LuRV6e/edit

Kung isa po kayo na nasa listahan , makipag-ugnayan lamang po agad sa NavoServe Office: 0966-7857068 at hanapin si Ms. Jhoann.

Kung kakilala po ninyo ang nasa listahan, p**i sabihan na lamang sila at ipa-contact agad sa NavoServe Office.

Maraming salamat po.

31/07/2026

Ang mga paaralan po ay dapat ligtas na espasyo o “safe space” ng ating mga kabataan para malayang matuto at mapayabong ang sarili ng walang takot o paganib.

Kaya naman nakakalunos ang sunod-sunod na insidente ng karahasan sa mga paaralan na naging laman ng balita itong mga nakaraang linggo at ang estado ng kaisipan at kalooban ng mga kabataang nasasangkot.

Ang pamilya ay ang pangunahing pundasyon ng kalusugang pangkaisipan, katatatagan ng isip, at panimbang ng mga kabataan. Kaya ako po ay nananawagan sa mga minamahal nating mga magulang: kailangang-kailangan po kayo ng inyong mga anak. Panahunan po natin sila, kausapin, unawain ang ano mang bumabalisa sa kanila. Higit sa lahat, ipadama po natin sa ating mga anak ang ating pagmamahal at pagpapahalaga.

Bilang mambabatas patuloy po akong mananaliksik kung paano mas mapapalakas ang seguridad ng mga paaralan at lalong mapatibay ang institusyon ng pamilyang Pilipino.

Happy Schools Safety Month po.