Kap. Edwin De Dios

19/08/2026

Sa pagbisita natin sa ating mga kabarangay na bedridden, naghatid tayo ng kaunting tulong tulad ng diapers, wipes, at bigas upang kahit sa simpleng paraan ay maipadama natin ang ating malasakit at suporta. ❤️

Patuloy nating aalalayan at bibigyang-pansin ang pangangailangan ng ating mga kabarangay, lalo na ang mga nangangailangan ng dagdag na kalinga.

Serbisyo, malasakit at pagkalinga para sa bawat kabarangay. 🤝💚

18/08/2026

📢 MAHALAGANG PAALALA, MGA KABARANGAY!

Walang pasok sa lahat ng school levels, pampubliko at pribado sa Agosto 19, 2026 (Miyerkules) bilang bahagi ng pagpapatupad ng HINAY (Ease-In) at paggamit ng alternative learning modalities dahil sa hindi magandang lagay ng panahon.

Kaligtasan ng ating mga bata at g**o ang ating prayoridad.
Manatiling alerto, ligtas, at updated sa mga susunod na anunsyo.

MAGING LIGTAS PO TAYO LAHAT!

18/08/2026

Pansamantalang Solusyon Para sa Kaligtasan ng mga Mamamayan 🚧

Isinagawa ang pansamantalang paglalagay ng materyales sa mga lubak-lubak na bahagi ng kalsada sa Cabiawan na nagdudulot ng panganib at sanhi ng aksidente.

Nakikipag-ugnayan na rin ang Barangay sa mga kinauukulang ahensya ng pamahalaan para sa mas pangmatagalan at permanenteng solusyon sa nasabing problema.

Patuloy ang pagsisikap ng Barangay para sa mas ligtas at maayos na daanan para sa ating mga kabarangay. Maraming salamat sa inyong pang-unawa at pakikiisa. 🙏

18/08/2026

WEATHER UPDATE | PLARIDEL, BULACAN 🌧️

Magandang umaga, mga kabarangay! 🌿

Patuloy nating subaybayan ang lagay ng panahon ngayong Agosto 18, 2026. Inaasahan ang mga pag-ulan na maaaring maging katamtaman hanggang malakas, kasama ang posibilidad ng thunderstorms.

⚠️ PAALALA: Mag-ingat sa biglaang pagbaha at pagguho ng lupa. Iwasan ang pagpunta sa mga lugar na mababa o madaling bahain at patuloy na makinig sa mga opisyal na abiso ng PAGASA at ng lokal na pamahalaan.

🙏 Manatiling alerto, ligtas, at handa.
Mag-ingat po tayong lahat, mga kabarangay! 💚

Source: PAGASA – NCR PRSD

17/08/2026

🌧️ 𝐖𝐀𝐋𝐀𝐍𝐆 𝐏𝐀𝐒𝐎𝐊 | 𝐀𝐮𝐠𝐮𝐬𝐭 𝟏𝟖, 𝟐𝟎𝟐𝟔 (Tuesday)
𝐀𝐥𝐥 𝐒𝐜𝐡𝐨𝐨𝐥 𝐋𝐞𝐯𝐞𝐥𝐬 (𝐏𝐮𝐛𝐥𝐢𝐜 𝐚𝐧𝐝 𝐏𝐫𝐢𝐯𝐚𝐭𝐞)

Alinsunod sa Executive Order No. 61, s. 2026, at dahil sa nararanasang sama ng panahon, walang face-to-face classes sa lahat ng antas, pampubliko at pribadong paaralan, sa Bayan ng Plaridel bukas, Martes, Agosto 18, 2026.

📚 Ang mga paaralan ay inaasahang magpatupad ng Alternative Learning Modalities alinsunod sa HINAY (EASE-IN) arrangement.

Pinapayuhan ang lahat na manatiling nakaantabay sa mga opisyal na anunsyo at makipag-ugnayan sa kani-kanilang paaralan para sa kaukulang learning arrangements.

Mag-ingat po tayong lahat, mga Plarideleño! ❤️

16/08/2026

Magandang umaga, Ka-Barangay! 💚

Patuloy tayong maging alerto sa lagay ng panahon ngayong araw. Magdala ng payong at mag-ingat sa pagbiyahe. ☔️

Ingat po tayo palagi, Ka-Barangay!

16/08/2026

📢 MGA MAGULANG AT MGA BATA, GISING PA PO BA KAYO? 😴📣

WALA PONG PASOK BUKAS, AGOSTO 17, 2026 (LUNES).

Manatiling ligtas at mag-ingat po ang lahat! 🙏

🌧️ 𝐖𝐀𝐋𝐀𝐍𝐆 𝐏𝐀𝐒𝐎𝐊 | 𝐀𝐮𝐠𝐮𝐬𝐭 𝟏𝟕, 𝟐𝟎𝟐𝟔 (Monday)
𝐀𝐥𝐥 𝐒𝐜𝐡𝐨𝐨𝐥 𝐋𝐞𝐯𝐞𝐥𝐬 (𝐏𝐮𝐛𝐥𝐢𝐜 𝐚𝐧𝐝 𝐏𝐫𝐢𝐯𝐚𝐭𝐞)

Alinsunod sa Executive Order No. 58, s. 2026, at dahil sa nararanasang sama ng panahon, walang face-to-face classes sa lahat ng antas, pampubliko at pribadong paaralan, sa Bayan ng Plaridel ngayong Lunes, Agosto 17, 2026.

📚 Ang mga paaralan ay inaasahang magpatupad ng Alternative Learning Modalities alinsunod sa HINAY (EASE-IN) arrangement.

Pinapayuhan ang lahat na manatiling nakaantabay sa mga opisyal na anunsyo at makipag-ugnayan sa kani-kanilang paaralan para sa kaukulang learning arrangements.

Mag-ingat po tayong lahat, mga Plarideleño! ❤️

16/08/2026

📢 MAHALAGANG PAALALA SA PUBLIKO

Ipinapaalala sa lahat na walang pasok sa Pamahalaan ng Plaridel mula Agosto 17–20, 2026 (Lunes–Huwebes), alinsunod sa Resolution No. 2600838 ng Civil Service Commission.

📌 Ang regular na oras ng trabaho ay pansamantalang ibinalik sa Agosto 21, 2026 (Biyernes) dahil ito ay idineklarang Special Non-Working Holiday.

Para sa mga mahahalagang serbisyo, inaabisuhan ang ating mga kabarangay na manatiling updated sa mga susunod na anunsyo.

Maraming salamat po sa inyong pang-unawa at pakikiisa. 🇵🇭

📢 𝐏𝐀𝐁𝐀𝐓𝐈𝐃 𝐒𝐀 𝐏𝐔𝐁𝐋𝐈𝐊𝐎 | 𝐏𝐀𝐍𝐒𝐀𝐌𝐀𝐍𝐓𝐀𝐋𝐀𝐍𝐆 𝐏𝐀𝐆𝐁𝐀𝐁𝐀𝐆𝐎 𝐍𝐆 𝐎𝐑𝐀𝐒 𝐍𝐆 𝐏𝐀𝐒𝐎𝐊 𝐒𝐀 𝐏𝐀𝐌𝐀𝐇𝐀𝐋𝐀𝐀𝐍𝐆 𝐁𝐀𝐘𝐀𝐍 🏛️👩‍💻🗂️

Mga Plarideleño, para sa Agosto 17–20, 2026 lamang, ang oras ng trabaho sa mga tanggapan ng Pamahalaang Bayan ng Plaridel ay pansamantalang magiging:

🗓️ 𝗔𝗨𝗚𝗨𝗦𝗧 𝟭𝟳-𝟮𝟬, 𝟮𝟬𝟮𝟲
🕗 𝟴:𝟬𝟬 𝗔𝗠 – 𝟱:𝟬𝟬 𝗣𝗠

Sa kasalukuyan, ang Pamahalaang Bayan ng Plaridel ay nagpapatupad ng Compressed Four-Day Workweek, mula Lunes hanggang Huwebes, 7:00 AM–6:00 PM.

Gayunman, dahil ang Agosto 21, 2026 (Biyernes) ay idineklarang Special Non-Working Holiday, pansamantalang ibinabalik sa regular na 8:00 AM–5:00 PM ang oras ng trabaho mula Agosto 17–20.

Pagkatapos nito, babalik sa 7:00 AM–6:00 PM, Lunes–Huwebes ang regular na compressed work schedule ng Pamahalaang Bayan.

Mangyaring gabayan ang inyong mga transaksyon sa munisipyo ayon sa nasabing iskedyul.

Maraming salamat sa inyong pang-unawa at pakikiisa. ❤️

16/08/2026

At dahil gumanda-ganda na ang panahon ngayong araw, nagsagawa tayo ng pansamantalang remedyo sa mga lubak sa ating kalsada na maaaring maging sanhi ng aksidente.

Patuloy nating tututukan at aaksyunan ang mga ganitong problema upang makatulong sa kaligtasan at kaginhawaan ng ating mga motorista at kabarangay. 🛣️🙏

Maging maingat po tayong lahat sa pagmamaneho!

15/08/2026

𝐏𝐎𝐒𝐓𝐏𝐎𝐍𝐄𝐃: 𝐏𝐋𝐀𝐑𝐈𝐃𝐄𝐋 𝐏𝐑𝐎𝐉𝐄𝐂𝐓 𝐁𝐑𝐈𝐆𝐇𝐓 𝐒𝐌𝐈𝐋𝐄
𝐋𝐈𝐁𝐑𝐄𝐍𝐆 𝐃𝐄𝐍𝐓𝐀𝐋 𝐌𝐈𝐒𝐒𝐈𝐎𝐍 𝟐𝟎𝟐𝟔

Dahil sa inaasahang patuloy na masamang panahon, ang Plaridel Project Bright Smile Libreng Dental Mission 2026, na nakatakda sanang idaos sa Linggo, August 16, 2026, ay pansamantalang ipagpapaliban.

Para sa kaligtasan ng lahat—ng ating mga Plarideleñong pasyente, mga dentista at clinician ng Unciano Colleges Inc. College of Dentistry, at mga kawani ng LGU—ipinagpapaliban muna ang pagsasagawa ng nasabing dental mission.

Sa lahat ng Plarideleñong nakapagpalista na, mangyaring itago ang stub na ibinigay ng inyong barangay. Ito pa rin ang magsisilbing mahalagang reference sa muling pagsasagawa ng ating dental mission.

Abangan ang opisyal na anunsyo ng Pamahalaang Bayan ng Plaridel kung kailan maaring isagawa ang programa, kasama ang iba pang mahahalagang detalye.

Maraming salamat po sa inyong pang-unawa at patuloy na pakikiisa.