Konsi Erwin G. Chioco

24/08/2026

VICE MAYOR JR SANTOS, MUNICIPAL ADMINISTRATOR MARITESS GABOY, AT MGA KONSEHAL, MAGKAKASAMA SA FLAG RAISING SA TALAVERA

TALAVERA, NUEVA ECIJA — Magkakasama ngayong Lunes, Agosto 24, ang mga pangunahing opisyal ng Bayan ng Talavera sa isinagawang Flag Raising Ceremony na pinangunahan ng Human Resource Management Office (HRMO), Municipal Tourism Office at Public Employment Service Office (PESO).

Kabilang sa mga dumalo sina Vice Mayor Nerito S. Santos Jr. at Municipal Administrator Maritess Gaboy, ina ni Mayor Aries Gaboy Lim, kasama ang mga miyembro ng Sangguniang Bayan na sina Ryan Arellano, Michael Fausto, Ver Tayao, Rap-Rap Villanueva, Angie Soleta, Erwin Chioco at Ape Reyes.

Naroon din si SK Federation President Amir Ayson, gayundin ang iba pang municipal officials at kawani ng pamahalaang bayan.

Sa kabila ng magkakaibang tungkulin at pananaw sa lokal na pamahalaan, kapansin-pansin ang kanilang pagsasama sa seremonyang nagbibigay-diin sa pagkakaisa, disiplina at patuloy na paglilingkod sa mga mamamayan ng Talavera.

Isinagawa ang flag raising bilang bahagi ng regular na aktibidad ng pamahalaang bayan at pagpapakita ng paninindigan sa pagbibigay ng maayos at makabuluhang serbisyo publiko.

Sangguniang Bayan ng Talavera

24/08/2026

17/08/2026

#𝐖𝐀𝐋𝐀𝐍𝐆𝐏𝐀𝐒𝐎𝐊 | 𝐀𝐔𝐆𝐔𝐒𝐓 𝟏𝟖, 𝟐𝟎𝟐𝟔 (𝐌𝐀𝐑𝐓𝐄𝐒)

Sa direktiba ni Governor Aurelio Oyie Matias Umali, at alinsunod sa rekomendasyon ng Provincial Disaster Risk Reduction and Management Office (PDRRMO), ipinatutupad ang Executive Order No. 24, Series of 2026, na 𝐧𝐚𝐠𝐬𝐮𝐬𝐮𝐬𝐩𝐢𝐧𝐝𝐞 𝐧𝐠 𝐟𝐚𝐜𝐞-𝐭𝐨-𝐟𝐚𝐜𝐞 𝐜𝐥𝐚𝐬𝐬𝐞𝐬 𝐬𝐚 𝐥𝐚𝐡𝐚𝐭 𝐧𝐠 𝐚𝐧𝐭𝐚𝐬 𝐧𝐠 𝐩𝐫𝐢𝐛𝐚𝐝𝐨 𝐚𝐭 𝐩𝐚𝐦𝐩𝐮𝐛𝐥𝐢𝐤𝐨𝐧𝐠 𝐩𝐚𝐚𝐫𝐚𝐥𝐚𝐧 𝐬𝐚 𝐛𝐮𝐨𝐧𝐠 𝐋𝐚𝐥𝐚𝐰𝐢𝐠𝐚𝐧 𝐧𝐠 𝐍𝐮𝐞𝐯𝐚 𝐄𝐜𝐢𝐣𝐚 𝐧𝐠𝐚𝐲𝐨𝐧𝐠 𝐌𝐚𝐫𝐭𝐞𝐬, 𝐀𝐠𝐨𝐬𝐭𝐨 𝟏𝟖, 𝟐𝟎𝟐𝟔.

Alinsunod sa umiiral na mga memorandum at patakaran ng Department of Education (DepEd) at Commission on Higher Education (CHED), ang bawat paaralan at higher education institution ay hinihikayat na gumamit ng naaangkop na Alternative Delivery Modes (ADM), online classes, modular learning, asynchronous learning, o iba pang alternatibong pamamaraan ng pagkatuto, kung kinakailangan at naaayon sa kanilang sariling assessment, kapasidad, at umiiral na guidelines, upang matiyak ang pagpapatuloy ng pag-aaral nang hindi isinasakripisyo ang kaligtasan ng mga mag-aaral at g**o.

Ayon sa DOST-PAGASA Weather Advisory No. 64, na inilabas ngayong Agosto 17, 2026, alas-5:00 ng hapon, kabilang ang Nueva Ecija sa mga lugar na may inaasahang katamtaman hanggang sa malakas na pag-ulan hanggang hapon ng Agosto 18 dahil sa Southwest Monsoon (Habagat).

Pinapayuhan ang lahat na manatiling mapagmatyag at patuloy na subaybayan ang mga opisyal na abiso mula sa DOST-PAGASA, PDRRMO, DepEd, CHED, kani-kanilang paaralan, at Pamahalaang Panlalawigan ng Nueva Ecija.

Mag-ingat at manatiling ligtas, Novo Ecijanos! 💙

17/08/2026

TALAVERA SB, INAPRUBAHAN ANG ₱37.2-MILYONG KARAGDAGANG PONDO PARA SA 2026 AIP

TALAVERA, NUEVA ECIJA — Pinangunahan ni Vice Mayor JR Santos bilang Presiding Officer ang ika-59 Regular Session ng Sangguniang Bayan ng Talavera ngayong Agosto 17, 2026, kung saan tinalakay at inaprubahan ang mahahalagang panukala para sa pagpapaunlad ng bayan.

Kabilang sa mga pangunahing inaprubahan ang AIP Addendum No. 6 na nagkakahalaga ng ₱15,975,600, at AIP Addendum No. 5 na may karagdagang ₱21,303,502.15, kasama ang mga kaukulang pagbabago sa Annual Investment Program ng iba’t ibang tanggapan.

Tinalakay din ang Supplemental Budget No. 2 na naglalaan ng ₱428,500, gayundin ang Revised AIP 2026, Revised Annual Plans 2027 at rebisyon sa plantilla ng mga kawani ng munisipyo.

Isa sa mga tampok na proyekto ang paglalaan ng pondo para sa pagbili ng dalawang mobile clinic na gagamitin ng Rural Health Units ng Talavera upang mapalawak ang serbisyong pangkalusugan sa mga komunidad.

Inaprubahan din ang mga variation order para sa MENRO Multi-Purpose Building, NEUST Talavera Off-Campus comfort room sa Barangay Pag-asa, at pagpapahusay ng bubong ng Municipal Executive Building.

Kasama rin sa agenda ang pag-endorso at pagpapatibay sa Barangay Calipahan Development Plan 2027–2029, gayundin ang mga ordinansa ng Barangay Bagong Silang hinggil sa wastong segregasyon at pagtatapon ng basura.

Dumalo sa sesyon sina mga Konsehal Michael Fausto, Ryan Arellano, “Rap Rap” Villanueva, Virgilio Tayao, Erwin Chioco, Joel Del Rosario, Ape Reyes at Angie Soleta, kasama sina ABC President Benjamin Tiangco III at SK President Armin Marc Ayson.

Patuloy na isinusulong ng Sangguniang Bayan ang mga panukalang nakatuon sa serbisyo publiko, kalusugan, imprastraktura, environmental management at pangkalahatang pag-unlad ng Talavera.

Sangguniang Bayan ng Talavera

03/08/2026

🌧️ 𝐌𝐚𝐠𝐢𝐧𝐠 𝐡𝐚𝐧𝐝𝐚 𝐬𝐚 𝐩𝐚𝐧𝐚𝐡𝐨𝐧 𝐧𝐠 𝐭𝐚𝐠-𝐮𝐥𝐚𝐧! ☔

Sa gitna ng patuloy na pag-ulan, mahalagang maging handa sa anumang oras. Ugaliing magbaon ng mga pananggalang sa ulan tulad ng payong, kapote, at bota upang makaiwas sa pagkabasa at mabawasan ang panganib ng pagkakasakit at aksidente.

Maging mapagmatyag sa mga abiso ng ating lokal na pamahalaan at unahin ang kaligtasan ng inyong sarili at ng inyong pamilya.

🚨 𝗧𝗔𝗟𝗔𝗩𝗘𝗥𝗔 𝗘𝗠𝗘𝗥𝗚𝗘𝗡𝗖𝗬 𝗛𝗢𝗧𝗟𝗜𝗡𝗘𝗦

Kung may sakuna o kagipitan, narito ang mga opisyal na numerong maaari ninyong tawagan. I-save o itabi ang mga ito para sa inyong kaligtasan.

🚒 BFP Talavera

📞 0932-467-5515

👮 PNP Talavera

📞 0998-598-5412
📞 0953-665-8826

🚨 MDRRMO Talavera

📞 0915-568-6067
📞 0953-509-3193
📞 0955-891-8793

𝐌𝐚𝐠-𝐢𝐧𝐠𝐚𝐭 𝐚𝐭 𝐦𝐚𝐧𝐚𝐭𝐢𝐥𝐢𝐧𝐠 𝐥𝐢𝐠𝐭𝐚𝐬, 𝐓𝐚𝐥𝐚𝐯𝐞𝐫𝐚!