03/06/2026
ڈسٹرکٹ پولیس چکوال
منشیات کے خاتمے اور مقدمات کی مؤثر تفتیش کے حوالے سے اہم اجلاس
ڈسٹرکٹ پولیس آفیسر چکوال کی ہدایات پر پراسیکیوشن ٹیم کے ساتھ اجلاس منعقد کیا گیا، جس میں منشیات کے مقدمات کے حوالے سے حکومت پنجاب کی جانب سے متعارف کروائے گئے نئے قوانین پر تفصیلی آگاہی فراہم کی گئی۔ اجلاس میں منشیات کے مقدمات کی تفتیش کے معیار کو بہتر بنانے اور ان کی بروقت تکمیل کے حوالے سے اہم ہدایات جاری کی گئیں۔
اجلاس میں ڈسٹرکٹ پبلک پراسیکیوٹر چکوال، ڈی ایس پی لیگل چکوال، تفتیشی افسران، پراسیکیوشن ٹیم اور پنجاب اینٹی نارکوٹکس فورس کے افسران نے شرکت کی۔
منشیات فروشوں اور اس مکروہ دھندے میں ملوث عناصر کے خلاف بلا امتیاز کاروائیاں عمل میں لائی جائیں اور مقدمات کو میرٹ پر یکسو کیا جائے۔ڈی پی او چکوال
عوام الناس کو بروقت انصاف کی فراہمی کے لیے زیر تفتیش مقدمات کو جلد از جلد مکمل کیا جائے اور رپورٹ ہائے 173 ض ف مقررہ وقت کے اندر عدالتوں میں پیش کی جائیں۔
تفتیشی ریکارڈ کی تکمیل پر خصوصی توجہ دی جائے جبکہ سپروائزری افسران تھانہ جات میں ایس ایچ اوز اور تفتیشی افسران کے ساتھ باقاعدہ میٹنگز کا انعقاد کریں اور پینڈنگ روڈ سرٹیفکیٹس کی بروقت یکسوئی کو یقینی بنائیں۔ ڈی پی او چکوال
تمام تھانہ جات اور سرکل افسران کی کارکردگی کو روزانہ کی بنیاد پر مانیٹر کیا جا رہا ہے تاکہ منشیات کے خلاف جاری مہم کو مزید مؤثر بنایا جا سکے اور شہریوں کو ایک محفوظ اور منشیات سے پاک ماحول فراہم کیا جا سکے۔ ڈی پی او چکوال
