04/08/2026
پاکستان مسلم لیگ کے سینئر وائس پریزیڈنٹ اور وفاقی وزیر برائے اوورسیز پاکستانیز اینڈ ہیومن ریسورس ڈویلپمنٹ چوہدری سالک حسین نے پاکستان مسلم لیگ فیڈرل کیپیٹل کے جنرل سیکرٹری چوہدری جہانگیر کے بھائی، چوہدری تنویر کے انتقال پر سیدپور میں واقع ان کی رہائش گاہ جا کر اہلِ خانہ سے تعزیت کی۔ اس موقع پر پاکستان مسلم لیگ کے چیف آرگنائزر ڈاکٹر محمد امجد، چوہدری افتخار برسا، ملک عمران، چوہدری اعظام، چوہدری شریف، راجہ کاشف، چوہدری مہدی، چوہدری طارق دلدار، چوہدری افضل اور دیگر رہنما بھی ان کے ہمراہ موجود تھے۔ چوہدری سالک حسین نے مرحوم کی وفات پر گہرے دکھ اور افسوس کا اظہار کرتے ہوئے ان کے درجات کی بلندی، مغفرت اور جنت الفردوس میں اعلیٰ مقام کے لیے دعا کی۔ انہوں نے سوگوار خاندان سے دلی ہمدردی اور تعزیت کا اظہار کرتے ہوئے دعا کی کہ اللہ تعالیٰ انہیں یہ صدمہ صبر و استقامت کے ساتھ برداشت کرنے کی توفیق عطا فرمائے۔ اس موقع پر مرحوم کے ایصالِ ثواب کے لیے فاتحہ خوانی بھی کی گئی۔
