05/06/2026
بجٹ کا سیزن چل رہا ہے اور اس وقت ہمارے سامنے دو طرح کے بجٹ ہیں: کرنٹ (جاری) اور ڈویلپمنٹ (ترقیاتی) بجٹ۔ ہمیں یہ سمجھنا ہوگا کہ ترقیاتی بجٹ صرف انفراسٹرکچر بنانے کا نام نہیں ہے، بلکہ یہ ملک کی اصل معاشی ترقی اور نمو کے لیے ایک اہم سرمایہ کاری ہے۔
بدقسمتی سے، 2018 سے ہمارا ترقیاتی بجٹ شدید دباؤ کا شکار چلا آ رہا ہے۔ میں نے اپنے حالیہ لائیو سیشن میں تفصیل سے بات کی ہے کہ ہم ان معاشی چیلنجز سے کیوں دوچار ہیں۔ سیاسی تبدیلیوں کے باعث پیدا ہونے والے تعطل اور اس کے بعد کے سالوں میں ملک کو جس طرح اندرونی ڈیفالٹ کے دہانے پر لا کھڑا کیا گیا، ہم آج بھی اس کے اثرات سے نکلنے کی جدوجہد کر رہے ہیں۔
سچ تو یہ ہے کہ ہم اس وقت ملکی تاریخ کے سب سے بڑے قرضوں کے بوجھ تلے دبے ہوئے ہیں اور آج تک اسی کے بھیانک نتائج بھگت رہے ہیں۔ایک طرف ہم اس اندرونی دلدل سے نکلنے کی کوشش میں ہیں، تو دوسری طرف علاقائی کشیدگی کے باعث بیرونی دباؤ کا بھی سامنا ہے۔یہی وجہ ہے کہ ہمارا ترقیاتی بجٹ سال بہ سال مسلسل کم ہوتا جا رہا ہے۔
