Pest warning

01/09/2026

دھان کی فصل میں بھورے دھبوں کی بیماری (Brown Leaf Spot – BLS) بنیادی طور پر بیج سے منتقل ہونے والی پھپھوندی Bipolaris oryzae کی وجہ سے پیدا ہوتی ہے۔ یہ بیماری خاص طور پر باسمتی چاول دانے کی پیداوار اور معیار کو بری طرح متاثر کر تی ہے، کیونکہ دانے کے معیار میں کمی سے پاکستان کے پریمیم چاول کی مارکیٹنگ اور برآمدی قدر متاثر ہو تی ہے۔ نسبتاً زیادہ نمی اور 16 تا 36 ڈگری سینٹی گریڈ درجہ حرارت بیماری کے پھیلاؤ کے لیے سازگار حالات فراہم کرتے ہیں۔
اگست 2026 کے چوتھے ہفتے کی پیسٹ سرویلنس رپورٹس کے مطابق چاول کی فصل میں بھورے دھبوں کی بیماری میں اضافہ دیکھا گیا ہے۔ موجودہ موسمی حالات بھی بیماری کے مزید پھیلاؤ اور شدت کے لیے انتہائی سازگار ہیں۔ اس بڑھتے ہوئے رجحان کے پیش نظر بیماری کی بروقت روک تھام اور پیداوار و معیار کے ممکنہ نقصانات کو کم کرنے کے لیے فیلڈ سرویلنس کو مزید مؤثر بنانے اور مربوط پیسٹ مینجمنٹ (IPM) طریقہ کار پر بروقت عمل درآمد ضروری ہے۔
بھورے دھبوں کی بیماری کے تدارک کے لیے درج ذیل انتظامی اقدامات پر عمل کیا جائے:
1. چاول کی فصل کی ہفتے میں کم از کم دو مرتبہ باقاعدگی سے پیسٹ/بیماری اسکاؤٹنگ کی جائے۔
2. پانی کا مناسب انتظام برقرار رکھا جائے اور فصل کو طویل عرصے تک نمی کے دباؤ کا شکار ہونے سے بچایا جائے۔
3. متوازن غذائی انتظام یقینی بنایا جائے، خصوصاً پوٹاشیم کی مناسب مقدار فراہم کی جائے۔
1. 4. مقامی زرعی ماہرین سے مشاورت کے بعد تجویز کردہ پھپھوندی کش ادویات فی ایکڑ میں سےاستعمال کی جائیں اور PHI (فصل برداشت کرنے سے قبل درکار وقفہ) کو مدنظر رکھا جائے۔
• ایزوکسی سٹروبِن + ڈائی فینوکونازول 200 ملی لیٹر
• سلفر 800 گرام
• فلو آکسی اسٹروبِن100–125 ملی لیٹر
• پلوکسی اسٹروبِن + سائپرکونازول200 ملی لیٹر
• ڈائی فینوکونازول + پروپیکونازول120 ملی لیٹر

30/08/2026

ڈائریکٹر جنرل ایگریکلچر پیسٹ وارننگ اینڈ کوالٹی کنٹرول آف پیسٹیسائڈذ پنجاب لاہور ڈاکٹر عامر رسول نے ضلع بہاولنگراور تحصیل حاصل پور کی مختلف تحصیلوں کا دورہ کیا فیلڈ وزٹ کے دوران ان کے ہمراہ ڈپٹی ڈائریکٹر ایکسٹینشن مہر طالب، ڈپٹی ڈائریکٹر زراعت پلانٹ پروٹیکشن رضوان امجد اور اور دیگر افسران موجود تھے انہوں نے کپاس کی فصل کا معائنہ کیا۔ اور فصل کو تسلی بخش قرار دیا اور موقع پر زمینداروں سے ملاقات بھی کی اور ان کو محکمہ زراعت کی جانب سے ہر ممکن تعاون کی یقین دہانی کروائی۔ انہوں نے فیلڈ سٹاف کو ہدایت کی کہ وہ کسانوں کے ساتھ مسلسل رابطے میں رہیں اور فصل کی بہتر نگہداشت کو یقینی بنائیں ۔ انہوں نے کسانوں سے گفتگو کرتے ہوئے کہا کہ کپاس کی فصل کو کم وقفے سے ہلکی آب پاشی دیں اور متوازن کھاد کے استعمال کے ساتھ ساتھ مائیکرو نیوٹرینٹس اور اورامائنو ایسڈز کے فولیئر سپرے کریں گلابی سنڈی، سفید مکھی اور ملی بگ کا بروقت تدارک کریں کپاس کی بہتر پیداوار کے حصول کے لیے جاری کردہ محکمانہ ایڈوائزری کے مطابق پیسٹ اور نیوٹریشن مینجمنٹ پر عمل درامد کریں ۔ ستمبر کا مہینہ کپاس کی پیداوار کے لیے بہت اہمیت کا حامل ہے اور اس ماہ میں خاص طور پر گلابی سنڈی کے حملے سے بچنے کے لیے مناسب محکمانہ تجویز کردہ زہروں کا سپرے کریں انہوں نے چشتیاں میں ثریا حنیف کاٹن فیکٹری کا بھی دورہ کیا پچھلے سال کی نسبت کپاس کی پیداوار اور پھٹی کی کوالٹی بہتر مشاہدے میں آئی.ڈائریکٹر جنرل پیسٹ وارننگ نے کسان سنٹر حاصل پور کا بھی دورہ کیااور یقین دہانی کروائی کہ زمینداروں کو معیاری پیسٹیسائیڈز کی فراہمی کو یقینی بنایا جاۓ۔
‎

28/08/2026

مورخہ27 اگست 2026کو ڈاکٹر عامر رسول، ڈائریکٹر جنرل پیسٹ وارننگ، نے ساہیوال اور پاکپتن کے علاقوں کا دورہ کیا۔

* چاول، کپاس اور مکئی کی فصلوں میں پیسٹ اسکاؤٹنگ کا جائزہ لیا۔
* مجموعی طور پر چاول اور کپاس کی فصلوں کی صورتحال اچھی پائی گئی۔
* پاکپتن میں منعقدہ کاشتکاروں کے اجلاس میں زرعی ادویات کے محفوظ استعمال اور فصلوں کی باقیات جلانے سے پیدا ہونے والی سموگ کی روک تھام اور اس حوالے سے آگاہی کے موضوع پر جامع لیکچر دیا گیا۔
* کپاس اور چاول کی فصلوں کے لیے اگلے ماہ کے فیلڈ پلان کے حوالے سے اسٹاف اجلاس کی صدارت کی۔
* فیلڈ فارمیشنز کو ہدایت کی گئی کہ کاشتکاروں کی رہنمائی کے لیے زیادہ سے زیادہ پہنچ/آؤٹ ریچ اور فیلڈ سرگرمیوں کو یقینی بنایا جائے۔

28/08/2026

27/08/2026

چاول میں غلافی جھلساؤ (Sheath Blight) کا پیسٹ الرٹ
دھان کا غلافی جھلساؤ Rhizoctonia solani نامی مٹی میں موجود پھپھوندی کی وجہ سے پیدا ہوتا ہے، چاول کی فصل کی سب سے زیادہ نقصان دہ اور وسیع پیمانے پر پھیلنے والی بیماریوں میں سے ایک ہے۔ یہ بیماری عموماً گرم اور مرطوب موسمی حالات میں تیزی سے نشوونما پاتی ہے، خصوصاً ایسی صورت میں جب کھیت میں نمی زیادہ ہو اور فصل زیادہ گھنی ہو۔
اگست 2026 کے تیسرے ہفتے کی پیسٹ سرویلنس رپورٹس سے شیٹھ بلائٹ کی موجودگی کی نشاندہی ہوئی ہے۔ موجودہ موسمی حالات بھی بیماری کے مزید پھیلاؤ اور شدت کے لیے انتہائی سازگار ہیں۔ اس بڑھتے ہوئے رجحان کے پیش نظر بیماری کی مؤثر روک تھام اور مزید پھیلاؤ اور معاشی نقصان کے خطرے کو کم کرنے کے لیے فیلڈ سرویلنس میں اضافہ اور بروقت مربوط پیسٹ مینجمنٹ (IPM) اقدامات ضروری ہیں۔
شیٹھ بلائٹ کے اثرات کو کم کرنے کے لیے درج ذیل انتظامی اقدامات پر عمل کیا جائے:
1. چاول کی فصل کی ہفتے میں دو مرتبہ باقاعدگی سے پیسٹ اسکاٹنگ/معائنہ کریں۔
2. کھیت میں مناسب نکاسیٔ آب کا انتظام رکھیں اور ضرورت سے زیادہ آبپاشی سے گریز کریں۔
3. نائٹروجن کھاد کی متوازن مقدار استعمال کریں اور فصل کو حد سے زیادہ گھنا ہونے سے بچائیں۔
4. مقامی زرعی ماہرین کے مشورے سے، PHI کو مدنظر رکھتے ہوئے تجویز کردہ پھپھوندی کش ادویات میں سے کسی ایک کا سپرے فی ایکڑ پرکریں۔
• ولیڈامائی سن300 ملی لیٹر
• کاسوگامائی سن600 ملی لیٹر
• فلوآکسی سٹروبن 100–150 ملی لیٹر
• ایزوکسی اسٹروبن + پروپیکونازول200–250 ملی لیٹر
• ایزوکسی اسٹروبن + ڈائی فینوکونازول 200 ملی لیٹر
• فلووپائرم + ٹرائی فلوکسی اسٹروبن200–240 ملی لیٹر

19/08/2026

18/08/2026

کپاس کی گلابی سنڈی کے بارے میں پیسٹ الرٹ اور منجمنٹ ایڈوائزری