DIGP Loralai

DIGP Loralai Official page of DIGP Loralai Range. For any queries contact on messenger.

16 جولائی زیارت: موجودہ سیکیورٹی خطرات اور امن و امان کی صورتحال کے پیش نظر ڈپٹی انسپکٹر جنرل آف پولیس لورالائی رینج جنی...
16/07/2026

16 جولائی
زیارت: موجودہ سیکیورٹی خطرات اور امن و امان کی صورتحال کے پیش نظر ڈپٹی انسپکٹر جنرل آف پولیس لورالائی رینج جنید احمد شیخ نے ایس پی زیارت عبدالمالک درانی کے ہمراہ ضلع زیارت کے تھانہ کواس کا تفصیلی دورہ کیا۔
دورے کے دوران ڈی آئی جی لورالائی رینج نے تھانے کے مختلف شعبہ جات، سیکیورٹی انتظامات اور مجموعی آپریشنل تیاریوں کا جائزہ لیا۔ انہوں نے پولیس افسران و اہلکاروں سے ملاقات کرتے ہوئے موجودہ سیکیورٹی صورتحال پر تفصیلی بریفنگ دی اور ہدایت کی کہ دہشت گردی کے ممکنہ خطرات کے پیش نظر ہر وقت مکمل چوکس رہتے ہوئے اپنے فرائض پیشہ ورانہ انداز میں انجام دیں۔
ڈی آئی جی لورالائی رینج نے اس موقع پر کہا کہ عوام کے جان و مال کا تحفظ بلوچستان پولیس کی اولین ترجیح ہے، اور موجودہ حالات کے تناظر میں پولیس کی پیشہ ورانہ تیاری، بروقت ردعمل اور حفاظتی اقدامات کو مزید مؤثر بنایا جا رہا ہے۔ انہوں نے اہلکاروں کے حوصلے، فرض شناسی اور خدمات کو سراہتے ہوئے اس عزم کا اظہار کیا کہ امن و امان کے قیام اور دہشت گرد عناصر کے ناپاک عزائم کو ناکام بنانے کے لیے تمام دستیاب وسائل بروئے کار لائے جائیں گے۔

15 جولائی سنجاوی: ڈپٹی انسپکٹر جنرل آف پولیس لورالائی رینج، جنید احمد شیخ نے سنجاوی کا دورہ کیا، جہاں انہوں نے پولیس اہل...
15/07/2026

15 جولائی
سنجاوی: ڈپٹی انسپکٹر جنرل آف پولیس لورالائی رینج، جنید احمد شیخ نے سنجاوی کا دورہ کیا، جہاں انہوں نے پولیس اہلکاروں کے مسائل سننے کے لیے پولیس دربار منعقد کیا۔

دربار کے دوران پولیس ملازمین نے اپنے پیشہ ورانہ اور انتظامی مسائل پیش کیے، جن پر ڈی آئی جی نے تفصیلی غور کیا اور متعدد مسائل کے فوری حل کے لیے موقع پر ہی احکامات جاری کیے۔ انہوں نے کہا کہ پولیس اہلکاروں کی فلاح و بہبود اور مسائل کا بروقت ازالہ محکمہ پولیس کی اولین ترجیحات میں شامل ہے تاکہ وہ بہتر انداز میں اپنے فرائض انجام دے سکیں۔

بعد ازاں ڈی آئی جی لورالائی رینج جنید احمد شیخ نے مانگی ڈیم واقعے میں شہید ہونے والے پولیس اہلکاروں کے گھروں کا دورہ کیا، شہداء کے اہلخانہ سے ملاقات کی، اظہارِ تعزیت کیا اور شہداء کے درجات کی بلندی کے لیے فاتحہ خوانی کی۔

اس موقع پر گفتگو کرتے ہوئے ڈی آئی جی جنید احمد شیخ نے کہا کہ شہادت اللہ تعالیٰ کی طرف سے عطا کیا جانے والا عظیم رتبہ ہے، جس پر پوری قوم اور محکمہ پولیس کو فخر ہے۔ انہوں نے کہا کہ پولیس فورس کا حوصلہ آج بھی بلند ہے اور دہشت گردی کے خلاف جنگ میں پولیس ہر وقت صفِ اول میں کھڑی رہے گی۔

انہوں نے شہداء کے لواحقین کو یقین دلایا کہ وہ خود کو ہرگز تنہا نہ سمجھیں۔ محکمہ پولیس ہر مشکل گھڑی میں ان کے ساتھ کھڑا ہے۔ انہوں نے کہا کہ شہداء نے وطن کے دفاع اور عوام کے تحفظ کے لیے اپنی جانوں کا نذرانہ پیش کیا، جو پوری قوم کے لیے باعثِ فخر اور ایک عظیم اعزاز ہے۔ محکمہ پولیس ہر سطح پر شہداء کے خاندانوں کی بھرپور معاونت اور حوصلہ افزائی جاری رکھے گا۔

12/07/2026

آج زیارت میں DIG لورالائی نے ضلع کا وزٹ کرکے مختلف تھانوں کا دورہ کیا اور وہاں جوانوں کی حوصلہ افزائی اور ان کے مسائل کو سنا اور موقع پر ان کے حل کے لیے احکامات دئیے ۔مزید ضلع زیارت میں امن و امان اور دہشت گرد عناصر کے خلاف پولیس کی پیشہ ورانہ صلاحیتوں کو بہتر بنانے کے لئے جامع حکمت عملی مرتب کی ۔

ڈی آئی جی لورالائی رینج جنید احمد شیخ صاحب نے ضلع دکی میں امن و امان اور دہشت گردی کے خدشات کے پیشِ نظر ضلع کا دورہ کیا...
02/07/2026

ڈی آئی جی لورالائی رینج جنید احمد شیخ صاحب نے ضلع دکی میں امن و امان اور دہشت گردی کے خدشات کے پیشِ نظر ضلع کا دورہ کیا، جہاں پولیس اور دیگر قانون نافذ کرنے والے اداروں کے ساتھ مشترکہ اجلاس کی صدارت کی۔ اجلاس میں موجودہ سکیورٹی صورتحال، باہمی رابطہ کاری اور کسی بھی ممکنہ دہشت گرد حملے سے مؤثر انداز میں نمٹنے کے لیے حکمتِ عملی کا جائزہ لیا گیا۔
اس موقع پر تھانہ نارہن کا بھی دورہ کیا، جس پر 9 جون کو دہشت گردوں نے حملہ کیا تھا۔ حملے میں شہید ہونے والے پولیس کانسٹیبل حسن شہید کے اہلِ خانہ سے ملاقات کر کے اظہارِ تعزیت کیا اور شہداء کی عظیم قربانی کو خراجِ عقیدت پیش کیا۔
دورے کے دوران تھانہ نارہن کو دوبارہ مکمل طور پر فعال بنانے، نفری، اسلحہ، حفاظتی سامان، چھتوں پر سکیورٹی اور دیگر دفاعی انتظامات کو مزید مضبوط بنانے کے اقدامات کا جائزہ لیا گیا۔ ضلع کے دیگر حساس تھانوں کی سکیورٹی کا بھی معائنہ کیا گیا اور ممکنہ دہشت گردی کے خطرات سے مؤثر انداز میں نمٹنے کے لیے ضروری ہدایات جاری کی گئیں۔
امنِ عامہ کا تحفظ، عوام کی جان و مال کی حفاظت اور دہشت گردی کے خلاف مؤثر کارروائی ہماری اولین ترجیح ہے۔

جناب ڈی آئی جی لورالائی پولیس جنید احمد شیخ صاحب نے ٹریفک انچارج لورالائی انسپکٹر جبار کو افیوم کی کاشت، بھتہ خوری اور...
28/04/2026

جناب ڈی آئی جی لورالائی پولیس جنید احمد شیخ صاحب نے ٹریفک انچارج لورالائی انسپکٹر جبار کو افیوم کی کاشت، بھتہ خوری اور land grabbing میں ملوث ہونے پر معطل کردیا۔
دیگر شکایتوں کے علاوہ آج افضل مندوخیل نے DIG صاحب کے سامنے پیش ہوکر شکایت کی کہ مزکورہ انسپکٹر نے اسکی زمین پر ناجائز قبضہ کر رکھا ہے اور قبضہ چھوڑنے کے لئے بھتہ کی ڈیمانڈ کر رہا ہے اور پہلے بھی لیا ہے ۔ جس پر DIG پولیس لورالائی نے فریقین کو سن کر الزامات ثابت ہونے پر انسپکٹر جبار کو معطل کر دیا اور مزید قانونی کارروائی کے لئے SSP لورالائی کو انکوائری آفیسر مقرر کیا ہے۔۔

20/04/2026

پولیس کی بروقت کارروائی سے دہشتگردی کا بڑا منصوبہ ناکام
ڈی آئی جی لورالائی رینج جنید احمد شیخ
ڈی آئی جی لورالائی رینج جنید احمد شیخ نے ایس ایس پی لورالائی ڈاکٹر فہد احمد کے ہمراہ پریس کانفرنس کرتے ہوئے کہا کہ گزشتہ روز لورالائی پولیس نے خفیہ اطلاع پر پوڑی ٹک پہاڑ کے علاقے میں بروقت اور کامیاب کارروائی کرتے ہوئے دہشتگردی کا ایک بڑا منصوبہ ناکام بنا دیا۔ کارروائی کے دوران دہشتگردی میں استعمال ہونے والا مختلف اقسام کا بارودی مواد برآمد کیا گیا۔
برآمد شدہ مواد میں شامل ہیں:
ٹی این ٹی 10 کلو گرام، بلیک ایکسپلوزیو 8 کلو گرام، آئی ای ڈیز (IEDs) 4 عدد (جن میں 2 چھوٹے اور 2 بڑے شامل ہیں)، ڈیٹونٹرز 11 عدد، سیفٹی فیوز 6 میٹر، ایس ایم جی کے 165 راؤنڈز، بال بیرنگز 1 کلو گرام، جبکہ بونا کورڈ 11 میٹر بھی شامل ہے۔
اس موقع پر ڈی آئی جی لورالائی نے کہا کہ دہشتگردی کے خلاف پولیس نے ہمیشہ فرنٹ لائن کا کردار ادا کیا ہے اور آئندہ بھی امن و امان کے قیام کے لیے اپنی ذمہ داریاں پوری کرتی رہے گی

*ڈی آئی جی لورالائی جنید احمد شیخ کا دکی میں زخمی اے ٹی ایف اہلکار کی عیادت، مالی امداد کی فراہمی اور دہشت گردی کے خلاف ...
06/04/2026

*ڈی آئی جی لورالائی جنید احمد شیخ کا دکی میں زخمی اے ٹی ایف اہلکار کی عیادت، مالی امداد کی فراہمی اور دہشت گردی کے خلاف عزم کا اعادہ*

آج ڈی آئی جی لورالائی جنید احمد شیخ نے ضلع دکی میں دہشت گردوں کے خلاف ایک جرات مندانہ کارروائی کے دوران زخمی ہونے والے (اے ٹی ایف) کے جوان عبداللہ کی عیادت کی۔ اس موقع پر انہوں نے جناب آئی جی پولیس بلوچستان محمد طاہر خان کی طرف سے زخمی اہلکار کو پچاس ہزار روپے کی مالی امداد بھی فراہم کی، اور اس کی بہادری، پیشہ ورانہ مہارت اور فرض شناسی کو سراہا۔

ڈی آئی جی لورالائی نے اس موقع پر گفتگو کرتے ہوئے اس عزم کا اعادہ کیا کہ دہشت گردی کے ناسور کے خاتمے کے لیے سیکیورٹی فورسز کی کارروائیاں بلا تعطل جاری رہیں گی۔ انہوں نے کہا کہ لورالائی رینج پولیس ایک منظم، پیشہ ور اور باحوصلہ فورس ہے، جس کے افسران و جوان امن و امان کے قیام اور شہریوں کے جان و مال کے تحفظ کے لیے ہر ممکن اقدامات اٹھا رہے ہیں۔

انہوں نے مزید واضح کیا کہ ریاست مخالف عناصر، شرپسند گروہوں اور دہشت گردوں کے خلاف زیرو ٹالرنس پالیسی کے تحت کارروائیاں جاری رکھی جائیں گی، اور کسی کو بھی ملک و قوم کے خلاف تخریبی سرگرمیوں کی اجازت نہیں دی جائے گی۔ انہوں نے اس عزم کا اظہار کیا کہ قانون کی عملداری کو ہر صورت یقینی بنایا جائے گا اور علاقے میں پائیدار امن کے قیام کے لیے تمام وسائل بروئے کار لائے جائیں گے۔

Address

DIGP Office Loralai Range At Loralai
Loralai
84800

Telephone

+92824920521

Website

Alerts

Be the first to know and let us send you an email when DIGP Loralai posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to DIGP Loralai:

Shortcuts

Share

Category