30/08/2026
گزشتہ روز ڈی آئی خان کے علاقے ہتھالہ میں پولیس پر فتنہ الخـوارج کے حملے کے بعد سامنے آنے والی اس تصویر نے پولیس کے زیرِ استعمال اسلحے کی حالت پر اہم سوالات اٹھا دیے ہیں۔
تصویر میں اہلکاروں کے پاس موجود بعض رائفلیں انتہائی پرانی اور خستہ حال دکھائی دیتی ہیں۔ دوسری جانب پولیس کو ایسے مسلح گروہوں کا سامنا ہے جو جدید امریکن ہتھیاروں اور ٹیکنالوجی سے لیس ہیں۔
ایسے خطرناک ماحول میں صرف بہادری اور پیشہ ورانہ تربیت کافی نہیں؛ پولیس اہلکاروں کو قابلِ اعتماد جدید اسلحہ، نائٹ ویژن و تھرمل آلات اور حفاظتی سامان کی فراہمی بھی ناگزیر ہے۔
فرنٹ لائن پر لڑنے والے پولیس اہلکاروں کے پاس موجود وسائل جتنے مؤثر ہوں گے، ان کی اپنی حفاظت اور دہشتگردی کے خلاف کارروائی کی صلاحیت بھی اتنی ہی بہتر ہوگی۔
