PEER BABA

31/08/2026

اعلانِ جنازہ
إِنَّا لِلّٰهِ وَإِنَّا إِلَيْهِ رَاجِعُونَ
انتہائی افسوس کے ساتھ اطلاع دی جاتی ہے کہ ماسٹر بشیر احمد صاحب کی زوجہ محترمہ اور قاضی حسین احمد صاحب و پروفیسر قاضی فضل احد صاحب کی بھابی رضائے الٰہی سے وفات پا گئی ہیں۔
مرحومہ کی نمازِ جنازہ بروز پیر 31 اُگست رات 9بجے 2026ء، سمر باغ اسٹیڈیم میں ادا کی جائے گی۔
تمام عزیز و اقارب، دوست احباب اور متعلقین سے نمازِ جنازہ میں شرکت اور مرحومہ کے لیے دعائے مغفرت کی خصوصی درخواست ہے۔اللہ تعالیٰ مرحومہ کی مغفرت فرمائے، جنت الفردوس میں اعلیٰ مقام عطا فرمائے اور تمام پسماندگان کو صبرِ جمیل عطا فرمائے۔ آمین یا رب العالمین

30/08/2026

23/08/2026

تیمرگرہ کے معروف کاروباری شخصیت حاجی محمد وہاب کے بیٹے بلال خان مشوانی کی کامیابی، عزم اور روشن مستقبل
الحمدللہ! بلال خان مشوانی نے BS Nursing کی ڈگری University of Health Sciences (UHS)، لاہور سے کامیابی کے ساتھ حاصل کرنے کے بعد Pakistan Institute of Medical Sciences (PIMS)، اسلام آباد میں اپنی انٹرن شپ بھی مکمل کر لی۔
تعلیمی سفر اور انٹرن شپ کی تکمیل کے بعد دونوں اداروں کی جانب سے منعقدہ تقریبات (Inauguration/Completion Functions) میں بلال خان کی کامیابی کو سراہا گیا۔ بعد ازاں ان کے خاندان کی جانب سے بھی ان کی اس کامیابی کے اعزاز میں ایک پروقار تقریب اور عشائیے کا اہتمام کیا گیا، جس میں عزیز و اقارب اور دوست احباب نے شرکت کرکے بلال خان کو مبارکباد پیش کی اور ان کے روشن مستقبل کے لیے نیک خواہشات کا اظہار کیا۔
اس موقع پر بلال خان نے اپنے خیالات کا اظہار کرتے ہوئے کہا:
"آج میں جس مقام پر پہنچا ہوں، یہ صرف میری اپنی محنت کا نتیجہ نہیں بلکہ میرے والدین کی دعاؤں، اساتذہ کرام کی رہنمائی، خاندان کی محبت اور حوصلہ افزائی کا ثمر ہے۔ میں اپنے والدین، اساتذہ اور خاندان کے تمام افراد کا دل کی گہرائیوں سے شکر گزار ہوں جنہوں نے میرے تعلیمی سفر میں ہر قدم پر میرا ساتھ دیا۔"
انہوں نے مزید کہا:
"میری ہمیشہ یہ کوشش رہے گی کہ اپنی تعلیم اور صلاحیتوں کو انسانیت کی خدمت کے لیے استعمال کروں۔ ان شاء اللہ، میں اپنے خاندان کی سربلندی کے ساتھ ساتھ ملک و قوم کی خدمت کے لیے بھرپور اور مخلصانہ کردار ادا کروں گا اور اپنے پیشے کے تقدس کو برقرار رکھتے ہوئے دکھی انسانیت کی خدمت کو اپنا مشن بناؤں گا۔"
بلال خان کی اس کامیابی پر ان کے والدین، اساتذہ کرام اور پورے خاندان کو دلی مبارکباد پیش کرتے ہیں۔ دعا ہے کہ اللہ تعالیٰ بلال خان کو مستقبل میں مزید کامیابیاں عطا فرمائے، انہیں اپنے شعبے میں بہترین مقام دے اور ان کی صلاحیتوں کو انسانیت اور ملک و قوم کے لیے باعثِ خیر بنائے۔ آمین۔
بہت بہت مبارک ہو بلال خان مشوانی! 🌹🎓

12/08/2026

فرض شناسی اور انسانیت
زلزلے کے دوران جب آپریشن تھیٹر میں سامان ادھر اُدھر گر رہا تھا، ڈاکٹر نے اپنی جان کی پروا کیے بغیر مریض کا آپریشن جاری رکھا۔
یہ منظر ہمیں سکھاتا ہے کہ حقیقی خدمت وہ ہے جو مشکل ترین وقت میں بھی فرض، ہمت اور انسانیت کا دامن نہ چھوڑے۔