Khyber Pakhtunkhwa Technical Education and Vocational Training Authority

05/08/2026

خیبر پختونخوا ٹیکنیکل ایجوکیشن اینڈ ووکیشنل ٹریننگ اتھارٹی (KP-TEVTA) کے منیجنگ ڈائریکٹر میاں عبدالقادر شاہ کی زیرِ صدارت یومِ استحصال کے موقع پر ایک پروقار تقریب کا انعقاد کیا گیا۔

تقریب کے آغاز میں مقبوضہ جموں و کشمیر کے عوام سے اظہارِ یکجہتی اور بھارتی مظالم کے نتیجے میں شہید ہونے والوں کی یاد میں ایک منٹ کی خاموشی اختیار کی گئی۔ بعد ازاں شرکاء نے کشمیری عوام کے ساتھ یکجہتی کے اظہار کے لیے واک میں بھی شرکت کی۔

01/08/2026

خیبر پختونخوا ٹیکنیکل ایجوکیشن اینڈ ووکیشنل ٹریننگ اتھارٹی (KP-TEVTA) کے ضلع نوشہرہ سے تعلق رکھنے والی فارغ التحصیل طالبات کے لیے ایک کامیاب جاب فیئر (ہنر مند خواتین کے لیے روزگار میلہ) کا انعقاد کیا گیا، جس میں منیجنگ ڈائریکٹر کے پی ٹیوٹا، میاں عبدالقادر شاہ نے بطور مہمانِ خصوصی شرکت کی۔
تقریب میں محترمہ رابعہ تاج، صدر ویمن چیمبر آف کامرس اینڈ انڈسٹری نوشہرہ، زر عالم خان، رکن صوبائی اسمبلی اور چیئرمین انسٹیٹیوٹ مینجمنٹ کمیٹی (IMC)، طاہر خان، ریجنل کوآرڈینیٹر، GIZ TVET Sector Support Programme، سلیم جہانگیر، منیجنگ ڈائریکٹر ECI، مختلف سرکاری و نجی اداروں کے نمائندگان، اور ضلع نوشہرہ سے تعلق رکھنے والی کے پی ٹیوٹا کی فارغ التحصیل طالبات نے شرکت کی۔
اس موقع پر 24 مختلف آجران (Employers) نے جاب فیئر (ہنر مند خواتین کے لیے روزگار میلہ) میں شرکت کی، جن میں بینک آف خیبر، بیوٹی سیلونز، گارمنٹس و اسٹیچنگ انڈسٹریز، آئی ٹی سیکٹر، سافٹ ویئر ہاؤسز اور دیگر کاروباری و صنعتی ادارے شامل تھے۔ آجران نے ضلع نوشہرہ سے تعلق رکھنے والی تربیت یافتہ طالبات کے انٹرویوز کیے، ان کی پیشہ ورانہ صلاحیتوں کا جائزہ لیا اور مختلف آسامیوں کے لیے امیدواروں میں بھرپور دلچسپی کا اظہار کیا۔
اپنے خطاب میں منیجنگ ڈائریکٹر میاں عبدالقادر شاہ نے کہا کہ کے پی ٹیوٹا نوجوانوں، بالخصوص خواتین، کو جدید تقاضوں سے ہم آہنگ فنی و پیشہ ورانہ مہارتیں فراہم کرنے کے لیے بھرپور اقدامات کر رہا ہے تاکہ وہ باعزت روزگار حاصل کرنے کے ساتھ ساتھ اپنا کاروبار بھی شروع کر سکیں۔ انہوں نے کہا کہ جاب فیئرز (ہنر مند خواتین کے لیے روزگار میلے) تربیت یافتہ گریجویٹس اور صنعتی اداروں کے درمیان مؤثر روابط قائم کرنے کا بہترین ذریعہ ہیں، جن کے ذریعے ہنر مند نوجوانوں کو روزگار کے مواقع میسر آتے ہیں۔ انہوں نے اس عزم کا اظہار کیا کہ کے پی ٹیوٹا صنعت کے ساتھ مضبوط شراکت داری کو مزید فروغ دیتے ہوئے خواتین کی معاشی خودمختاری، روزگار کے مواقع میں اضافے اور ہنر مند افرادی قوت کی تیاری کے لیے اس نوعیت کی سرگرمیوں کا سلسلہ جاری رکھے گا۔
اس موقع پر زر عالم خان، رکن صوبائی اسمبلی و چیئرمین انسٹیٹیوٹ مینجمنٹ کمیٹی (IMC)، نے کہا کہ فنی و پیشہ ورانہ تعلیم نوجوانوں، خصوصاً خواتین، کو خود کفیل بنانے اور صوبے کی معاشی ترقی میں بنیادی کردار ادا کر رہی ہے۔ انہوں نے کے پی ٹیوٹا کی کاوشوں کو سراہتے ہوئے کہا کہ صنعت سے مضبوط روابط اور اس نوعیت کے جاب فیئرز (ہنر مند خواتین کے لیے روزگار میلے) ہنر مند نوجوانوں کو روزگار کی فراہمی میں اہم سنگِ میل ثابت ہوں گے۔ انہوں نے یقین دلایا کہ حکومتِ خیبر پختونخوا فنی تعلیم کے فروغ اور ہنر مند افرادی قوت کی ترقی کے لیے ہر ممکن تعاون جاری رکھے گی۔
تقریب کے اختتام پر منیجنگ ڈائریکٹر میاں عبدالقادر شاہ نے ویمن چیمبر آف کامرس اینڈ انڈسٹری نوشہرہ، GIZ TVET Sector Support Programme، ریجنل کوآرڈینیٹر طاہر خان، منیجنگ ڈائریکٹر ECI سلیم جہانگیر، بینک آف خیبر، دیگر شریک آجران اور تمام شرکاء کا شکریہ ادا کرتے ہوئے اس امید کا اظہار کیا کہ اس نوعیت کے جاب فیئرز (ہنر مند خواتین کے لیے روزگار کے میلے) صوبے بھر میں ہنر مند خواتین کو باعزت روزگار کی فراہمی اور صنعت و تربیتی اداروں کے درمیان روابط کے فروغ میں اہم کردار ادا کریں گے۔Chief Secretary Khyber Pakhtunkhwa Chief Minister Khyber Pakhtunkhwa

31/07/2026

منیجنگ ڈائریکٹر خیبر پختونخوا ٹیکنیکل ایجوکیشن اینڈ ووکیشنل ٹریننگ اتھارٹی (KP-TEVTA)، میاں عبدالقادر شاہ نے گورنمنٹ کالج آف ٹیکنالوجی (GCT) نوشہرہ میں جاری ایگرو بزنس ٹریننگ پروگرام کا دورہ کیا۔
دورے کے دوران منیجنگ ڈائریکٹر نے تربیتی سیشنز کا تفصیلی جائزہ لیا اور تربیت میں شریک کے پی ٹیوٹا کے اساتذہ سے ملاقات کی۔ انہوں نے شرکاء سے تربیت کے مختلف پہلوؤں پر تبادلہ خیال کیا اور ان کے سوالات، تجاویز اور تجربات کو بغور سنا۔
اس موقع پر میاں عبدالقادر شاہ نے اساتذہ پر زور دیا کہ وہ اس تربیت سے حاصل ہونے والے جدید علم، مہارتوں اور عملی تجربات سے بھرپور استفادہ کریں اور واپسی پر اپنے متعلقہ اداروں میں طلبہ کو جدید زرعی کاروباری رجحانات، کاروباری مواقع اور خود روزگار کے امکانات سے آگاہ کریں۔
انہوں نے کہا کہ خیبر پختونخوا میں نوجوانوں کو مارکیٹ کی ضروریات کے مطابق جدید مہارتوں سے آراستہ کرنا کے پی ٹیوٹا کی اولین ترجیحات میں شامل ہے۔ ایگرو بزنس جیسے جدید تربیتی پروگرام نہ صرف اساتذہ کی پیشہ ورانہ صلاحیتوں میں اضافہ کرتے ہیں بلکہ صوبے کے نوجوانوں کے لیے روزگار اور خود روزگار کے نئے مواقع بھی پیدا کرتے ہیں۔
منیجنگ ڈائریکٹر نے مزید کہا کہ اگر اساتذہ اس تربیت سے حاصل ہونے والے علم کو مؤثر انداز میں طلبہ تک منتقل کریں تو صوبے کے زیادہ سے زیادہ نوجوان مستفید ہوں گے، زرعی کاروبار میں جدت آئے گی اور نوجوانوں میں کاروباری صلاحیتوں کو فروغ ملے گا، جو صوبے کی معاشی ترقی میں اہم کردار ادا کرے گا۔

30/07/2026

On the occasion of the retirement of Mr. Abdul Sattar Khan, Assistant Professor (BPS-18), Government College of Technology, Peshawar, Mian Abdul Qadir Shah, Managing Director, KP-TEVTA, conveyed his heartfelt appreciation, best wishes, and presented a bouquet of flowers in recognition of Mr. Abdul Sattar Khan's dedicated services. The bouquet and goodwill message were presented on behalf of the Managing Director by Mr. Abbas Khan, Personal Secretary to the Managing Director, KP-TEVTA

30/07/2026

خیبر پختونخوا ٹیکنیکل ایجوکیشن اینڈ ووکیشنل ٹریننگ اتھارٹی (KP-TEVTA) کے ضلع نوشہرہ سے تعلق رکھنے والی فارغ التحصیل طالبات کے لیے ایک کامیاب جاب فیئر (ہنر مند خواتین کے لیے روزگار میلہ) کا انعقاد کیا گیا، جس میں منیجنگ ڈائریکٹر کے پی ٹیوٹا، میاں عبدالقادر شاہ نے بطور مہمانِ خصوصی شرکت کی۔
تقریب میں محترمہ رابعہ تاج، صدر ویمن چیمبر آف کامرس اینڈ انڈسٹری نوشہرہ، زر عالم خان، رکن صوبائی اسمبلی اور چیئرمین انسٹیٹیوٹ مینجمنٹ کمیٹی (IMC)، طاہر خان، ریجنل کوآرڈینیٹر، GIZ TVET Sector Support Programme، سلیم جہانگیر، منیجنگ ڈائریکٹر ECI، مختلف سرکاری و نجی اداروں کے نمائندگان، اور ضلع نوشہرہ سے تعلق رکھنے والی کے پی ٹیوٹا کی فارغ التحصیل طالبات نے شرکت کی۔
اس موقع پر 24 مختلف آجران (Employers) نے جاب فیئر (ہنر مند خواتین کے لیے روزگار میلہ) میں شرکت کی، جن میں بینک آف خیبر، بیوٹی سیلونز، گارمنٹس و اسٹیچنگ انڈسٹریز، آئی ٹی سیکٹر، سافٹ ویئر ہاؤسز اور دیگر کاروباری و صنعتی ادارے شامل تھے۔ آجران نے ضلع نوشہرہ سے تعلق رکھنے والی تربیت یافتہ طالبات کے انٹرویوز کیے، ان کی پیشہ ورانہ صلاحیتوں کا جائزہ لیا اور مختلف آسامیوں کے لیے امیدواروں میں بھرپور دلچسپی کا اظہار کیا۔
اپنے خطاب میں منیجنگ ڈائریکٹر میاں عبدالقادر شاہ نے کہا کہ کے پی ٹیوٹا نوجوانوں، بالخصوص خواتین، کو جدید تقاضوں سے ہم آہنگ فنی و پیشہ ورانہ مہارتیں فراہم کرنے کے لیے بھرپور اقدامات کر رہا ہے تاکہ وہ باعزت روزگار حاصل کرنے کے ساتھ ساتھ اپنا کاروبار بھی شروع کر سکیں۔ انہوں نے کہا کہ جاب فیئرز (ہنر مند خواتین کے لیے روزگار میلے) تربیت یافتہ گریجویٹس اور صنعتی اداروں کے درمیان مؤثر روابط قائم کرنے کا بہترین ذریعہ ہیں، جن کے ذریعے ہنر مند نوجوانوں کو روزگار کے مواقع میسر آتے ہیں۔ انہوں نے اس عزم کا اظہار کیا کہ کے پی ٹیوٹا صنعت کے ساتھ مضبوط شراکت داری کو مزید فروغ دیتے ہوئے خواتین کی معاشی خودمختاری، روزگار کے مواقع میں اضافے اور ہنر مند افرادی قوت کی تیاری کے لیے اس نوعیت کی سرگرمیوں کا سلسلہ جاری رکھے گا۔
اس موقع پر زر عالم خان، رکن صوبائی اسمبلی و چیئرمین انسٹیٹیوٹ مینجمنٹ کمیٹی (IMC)، نے کہا کہ فنی و پیشہ ورانہ تعلیم نوجوانوں، خصوصاً خواتین، کو خود کفیل بنانے اور صوبے کی معاشی ترقی میں بنیادی کردار ادا کر رہی ہے۔ انہوں نے کے پی ٹیوٹا کی کاوشوں کو سراہتے ہوئے کہا کہ صنعت سے مضبوط روابط اور اس نوعیت کے جاب فیئرز (ہنر مند خواتین کے لیے روزگار میلے) ہنر مند نوجوانوں کو روزگار کی فراہمی میں اہم سنگِ میل ثابت ہوں گے۔ انہوں نے یقین دلایا کہ حکومتِ خیبر پختونخوا فنی تعلیم کے فروغ اور ہنر مند افرادی قوت کی ترقی کے لیے ہر ممکن تعاون جاری رکھے گی۔
تقریب کے اختتام پر منیجنگ ڈائریکٹر میاں عبدالقادر شاہ نے ویمن چیمبر آف کامرس اینڈ انڈسٹری نوشہرہ، GIZ TVET Sector Support Programme، ریجنل کوآرڈینیٹر طاہر خان، منیجنگ ڈائریکٹر ECI سلیم جہانگیر، بینک آف خیبر، دیگر شریک آجران اور تمام شرکاء کا شکریہ ادا کرتے ہوئے اس امید کا اظہار کیا کہ اس نوعیت کے جاب فیئرز (ہنر مند خواتین کے لیے روزگار کے میلے) صوبے بھر میں ہنر مند خواتین کو باعزت روزگار کی فراہمی اور صنعت و تربیتی اداروں کے درمیان روابط کے فروغ میں اہم کردار ادا کریں گے۔Chief Secretary Khyber PakhtunkhwaChief Minister Khyber Pakhtunkhwa

27/07/2026

24/07/2026

وزیر اعلیٰ سندھ کے معاونِ خصوصی برائے فنی تعلیم جنید بلند کی سربراہی میں سندھ ٹیوٹا کے اعلیٰ سطحی وفد نے خیبر پختونخوا ٹیوٹا ہیڈ آفس کا دورہ کیا۔ وفد میں منیجنگ ڈائریکٹر سندھ ٹیوٹا غلام مرتضیٰ، ڈائریکٹر آپریشنز حفیظ عباسی اور پروگرام کنسلٹنٹ آر ڈی ائی آفتاب حسین سومرو بھی شامل تھے۔

وفد کا خیرمقدم وزیر اعلیٰ خیبر پختونخوا کے معاونِ خصوصی برائے فنی تعلیم محمد عثمان بیٹنی اور منیجنگ ڈائریکٹر خیبر پختونخوا ٹیوٹا میاں عبدالقادر شاہ نے کیا۔

اس موقع پر منیجنگ ڈائریکٹر خیبر پختونخوا ٹیوٹا میاں عبدالقادر شاہ نے وفد کو ادارے کی مجموعی کارکردگی، تنظیمی ڈھانچے، فنی و پیشہ ورانہ تعلیم کے فروغ، نوجوانوں کو روزگار کے قابل بنانے کے لیے جاری اقدامات، جدید اور مارکیٹ پر مبنی تربیتی پروگراموں، صنعت سے روابط، گرین اسکلز، ڈیجیٹل مہارتوں اور ملکی و بین الاقوامی سطح پر ہنر مند افرادی قوت کی تیاری سے متعلق تفصیلی بریفنگ دی۔

انہوں نے وفد کو صوبائی حکومت خیبر پختونخوا کی جانب سے نوجوانوں کو بااختیار بنانے، انہیں معیاری فنی تعلیم اور ہنر فراہم کرنے، خود روزگار کے مواقع پیدا کرنے اور صنعتی ضروریات کے مطابق تربیت کی فراہمی کے لیے کیے گئے مختلف اقدامات سے بھی آگاہ کیا۔

وزیر اعلیٰ خیبر پختونخوا کے معاونِ خصوصی برائے فنی تعلیم محمد عثمان بیتنی نے کہا کہ خیبر پختونخوا حکومت نوجوانوں کو باصلاحیت، خود کفیل اور روزگار کے قابل بنانے کے لیے فنی و پیشہ ورانہ تعلیم کے شعبے کو اولین ترجیح دے رہی ہے، جبکہ خیبر پختونخوا ٹیوٹا جدید تقاضوں سے ہم آہنگ ہنر مند افرادی قوت کی تیاری میں مؤثر کردار ادا کر رہا ہے۔

دورے کے دوران دونوں اداروں کے درمیان فنی و پیشہ ورانہ تعلیم کے فروغ، باہمی تعاون، تجربات کے تبادلے، بہترین عملی اقدامات (Best Practices) سے استفادہ، نصاب کی بہتری، اساتذہ کی استعداد کار میں اضافے اور نوجوانوں کے لیے روزگار کے بہتر مواقع پیدا کرنے کے حوالے سے تفصیلی تبادلۂ خیال کیا گیا۔

وفد نے خیبر پختونخوا ٹیوٹا کی کارکردگی، اصلاحاتی اقدامات اور جدید تربیتی ماڈلز کو سراہتے ہوئے امید ظاہر کی کہ دونوں اداروں کے درمیان تعاون مستقبل میں مزید مضبوط ہوگا، جس سے ملک میں فنی و پیشہ ورانہ تعلیم کے شعبے کو مزید فروغ ملے گا۔
Tevta

13/07/2026

منیجنگ ڈائریکٹر کے پی ٹیوٹا، میاں عبدالقادر شاہ نے اپنے دفتر میں ووکیشنل کونسلنگ اینڈ جاب پلیسمنٹ (VC&JP) افسران کے ساتھ اجلاس کی صدارت کی۔

اجلاس کے دوران منیجنگ ڈائریکٹر نے وی سی اینڈ جے پی افسران کو ان کی پیشہ ورانہ ذمہ داریوں اور کردار کی اہمیت سے آگاہ کرتے ہوئے ہدایت کی کہ وہ اداروں اور صنعتوں کے درمیان مؤثر روابط کو مزید مضبوط بنائیں تاکہ تربیت یافتہ نوجوانوں کو روزگار کے بہتر مواقع فراہم کیے جا سکیں۔

انہوں نے کہا کہ وی سی اینڈ جے پی افسران کی بنیادی ذمہ داری طلبہ کو مؤثر کیریئر رہنمائی فراہم کرنا، صنعتوں اور آجر اداروں کے ساتھ روابط استوار کرنا، روزگار کے مواقع کی نشاندہی کرنا، جاب پلیسمنٹ کی سرگرمیوں کو فروغ دینا اور تربیت مکمل کرنے والے طلبہ کی ملازمت میں رہنمائی اور معاونت کرنا ہے۔

منیجنگ ڈائریکٹرنے افسران پر زور دیا کہ وہ صنعتوں کی ضروریات کے مطابق تربیت یافتہ افرادی قوت کی تیاری، گریجویٹس کی ملازمتوں میں تعیناتی، آجر اداروں کے ساتھ مسلسل رابطے اور روزگار کے اعداد و شمار کی مؤثر دستاویز بندی کو یقینی بنائیں۔ انہوں نے اس عزم کا اعادہ کیا کہ کے پی ٹیوٹا نوجوانوں کو باصلاحیت، ہنر مند اور روزگار کے قابل بنانے کے لیے تمام دستیاب وسائل بروئے کار لائے گا۔

اجلاس کے اختتام پر وی سی اینڈ جے پی افسران نے منیجنگ ڈائریکٹر کو یقین دہانی کرائی کہ وہ ادارے کے وژن کے مطابق ووکیشنل کونسلنگ، جاب پلیسمنٹ اور صنعتی روابط کو مزید مؤثر بنانے کے لیے بھرپور کردار ادا کریں
گے۔
Chief Minister Khyber Pakhtunkhwa
Chief Secretary Khyber Pakhtunkhwa
Khyber Pakhtunkhwa Industries, Commerce & Technical Education Department

05/07/2026

منیجنگ ڈائریکٹر خیبر پختونخوا ٹیکنیکل ایجوکیشن اینڈ ووکیشنل ٹریننگ اتھارٹی (کے پی ٹیوٹا)، میاں عبدالقادر شاہ کی زیر صدارت KfW کے وفد کے ساتھ ایک اہم اجلاس منعقد ہوا، جس میں گورنمنٹ کالج آف ٹیکنالوجی (GCT) پشاور میں رینیوایبل انرجی (RE) ہب اور گورنمنٹ کالج آف ٹیکنالوجی (GCT) سوات میں مائیکرو ہائیڈرو پاور (MHP) ورکشاپ کے قیام سے متعلق پیش رفت کا جائزہ لیا گیا۔

اجلاس میں ڈائریکٹر کے پی ٹیوٹا منیر گل، اکنامک ایڈوائزر محکمہ صنعت محناز، ڈائریکٹر (اکیڈمکس) کے پی ٹیوٹا عابد عالم، KfW کے انجینئر حیدر علی (DTL-IC)، شفقت حسین (SIDE Works)، سید سعد علی خان (ڈائریکٹر ڈیزائن، SIDE Works) سمیت متعلقہ افسران نے شرکت کی۔ جبکہ کینیڈا سے SIDE Works کے پرنسپل آرکیٹیکٹ عقرب علی رانا (Aqrab Ali Rana) نے آن لائن اجلاس میں شرکت کرتے ہوئے مجوزہ ڈیزائنز اور منصوبوں کے تکنیکی پہلوؤں پر اپنی پیشہ ورانہ آراء اور تجاویز پیش کیں۔

اجلاس کے دوران دونوں منصوبوں کے ابتدائی (Preliminary) اور تصوراتی (Conceptual) ڈیزائنز پر تفصیلی غور و خوض کیا گیا۔ شرکاء نے منصوبوں کے مجوزہ ڈیزائن، تکنیکی تقاضوں، انفراسٹرکچر، جدید تربیتی سہولیات اور آئندہ کے لائحہ عمل پر تبادلہ خیال کیا تاکہ ان منصوبوں کو بین الاقوامی معیار کے مطابق بروقت مکمل کیا جا سکے۔

اس موقع پر منیجنگ ڈائریکٹر میاں عبدالقادر شاہ نے کہا کہ کے پی ٹیوٹا نوجوانوں کو جدید اور مارکیٹ کی ضروریات سے ہم آہنگ فنی مہارتیں فراہم کرنے کے لیے پُرعزم ہے۔ انہوں نے متعلقہ اداروں کو ہدایت کی کہ منصوبوں کے ڈیزائن کو جلد از جلد حتمی شکل دے کر عملی اقدامات تیز کیے جائیں تاکہ قابلِ تجدید توانائی اور مائیکرو ہائیڈرو پاور کے شعبوں میں معیاری تربیتی سہولیات فراہم کی جا سکیں۔

انہوں نے KfW اور دیگر شراکت دار اداروں کے تعاون کو سراہتے ہوئے اس امید کا اظہار کیا کہ یہ منصوبے خیبر پختونخوا میں فنی و پیشہ ورانہ تعلیم کے فروغ اور گرین انرجی کے شعبے میں ہنرمند افرادی قوت کی تیاری میں اہم کردار ادا کریں گے۔