Dogana e Kosovës

Dogana e Kosovës MIRË SE VINI NË DOGANËN E KOSOVËS

WELCOME TO KOSOVA CUSTOMS Ne do të mundohemi të ofrojmë informata të vlefshme për vizitorët tanë.

Informatat e paraqitura në këtë faqe nga ana e Doganës së Kosovës janë të mbështetura në përgatitjen dhe renditjen e njohurive që ne i kemi përfituar në bazë profesionale në këtë shërbim, por që këto informata të renditura në këtë faqe mund të pësojnë edhe ndryshime të mëvonshme. Nëse këto informata që tani për tani ju ofrojmë, nuk janë të mjaftushme për ju, ju lutemi që nëpërmjet kësaj faqe të n

a parashtoni pyetje shtesë. Qëllimi ynë është që vazhdimisht ta përmirësojmë shërbimin tonë dhe ne dëshirojmë që ju të na tregoni nëse keni ndonjë koment lidhur me nivelin e shërbimit tonë, i cili mendoni se mund të na shërbejë. Ju lutem, na tregoni nëse dëshironi të shihni më shumë informata. Nëse ju keni ndonjë informatë specifike lidhur me kontrabandën apo korrupsionin, ju lutemi na e ofroni këtë, gjithashtu duke shfrytëzuar këtë faqe apo nëpërmjet telefonit.

Drejtori i Përgjithshëm i Doganës mori pjesë në Konferencën e Tretë të Nivelit të Lartë të Drejtorëve të Përgjithshëm të...
12/06/2026

Drejtori i Përgjithshëm i Doganës mori pjesë në Konferencën e Tretë të Nivelit të Lartë të Drejtorëve të Përgjithshëm të Doganave të Ballkanit Perëndimor dhe Shteteve Anëtare të Bashkimit Evropian në Athinë
Drejtori i Përgjithshëm i Doganës së Kosovës, Agron Llugaliu, mori pjesë në Konferencën e Tretë të Nivelit të Lartë të Drejtorëve të Përgjithshëm të Doganave të Ballkanit Perëndimor dhe Shteteve Anëtare të Bashkimit Evropian, e mbajtur në Athinë të Greqisë, me temën: “Lidhja e tregjeve dhe harmonizimi i standardeve: Korsitë e Gjelbra si shtyllë e integrimit të avancuar në Tregun Unik të Bashkimit Evropian”.
Konferenca mblodhi drejtuesit e administratave doganore të rajonit dhe BE-së, përfaqësues të institucioneve evropiane dhe organizatave ndërkombëtare, me qëllim forcimin e bashkëpunimit rajonal dhe avancimin e integrimit ekonomik drejt Tregut Unik Evropian.
Në kuadër të konferencës, z. Llugaliu ishte panelist në sesionin e dedikuar për Korsitë e Gjelbra, interoperabilitetin ndërmjet vendeve të CEFTA-s, Partneritetet me Tregtarët e Besuar, si dhe menaxhimin e riskut në funksion të lehtësimit të tregtisë. Gjatë diskutimit, ai theksoi se bashkëpunimi doganor ka kaluar nga niveli rregullativ në zbatim konkret operacional, duke u bazuar në praktikat më të mira të BE-së. Drejtori Llugaliu vlerësoi se integrimet e deritanishme rajonale kanë sjellë përmirësime të dukshme në lëvizjen e mallrave dhe uljen e kohës së pritjes në kufi.
Në këtë kontekst, z. Llugaliu plotësoi se për të mbështetur përpjekjet nacionale për krijimin e lehtësirave dhe avancimin e agjendës së integrimeve evropiane, është jetike që digjitalizimi të pasohet me investime në infrastrukturën fizike dhe me lidhjen e këtyre korridoreve me programet e tregtarëve të besueshem (AEO) si një "pasaportë ekonomike" për bizneset. Ai nënvizoi rëndësinë e zgjerimit të shkëmbimit elektronik nga SEED në SEED+, përfshirjen e autoriteteve të tjera me rol në kontrollin e tregtisë së jashtme, si dhe sinkronizimin e plotë me programet e tregtarëve të besueshëm.
Gjithashtu, z. Llugaliu adresoi nevojën e anëtarësimit të Kosovës në Konventën e Tranzitit të Përbashkët (NCTS) si një proces tërësisht teknik dhe jopolitik, i cili do të eliminonte fragmentimin rajonal dhe do të thjeshtonte procedurat për shkëmbimet tregtare me BE-në. Ai ritheksoi përkushtimin institucional që Dogana e Kosovës të mbetet një partner i besueshëm dhe aktiv në procesin e integrimeve evropiane.
Kujtojmë se me vendim të Qeverisë së Republikës së Kosovës, Dogana ka realizuar një mori reformash në lehtësirat tregtare, me theks të veçantë fillimin e zhdoganimit në Portin e Durrësit nga viti 2022, shtetëzimin e terminaleve, si dhe rishtazi fillimin e deklarimit para-mbërritjes. Këto iniciativa kanë ndikuar drejtpërdrejt në kursimin e kostove dhe kohës për bizneset e Kosovës, duke sjellë një përmirësim të dukshëm të ambientit të të bërit biznes.
Gjatë qëndrimit në Athinë, Drejtori i Përgjithshëm u shoqërua nga Shefi i Zyrës Ndërlidhëse të Republikës së Kosovës në Athinë, z. Fitim Gllareva. Pas përfundimit të konferencës, z. Llugaliu vizitoi hapësirat e kësaj zyre, ku u njoftua nga afër me angazhimet e saj në mbështetje të marrëdhënieve ndërmjet Republikës së Kosovës dhe Republikës së Greqisë

Dogana e Kosovës zbulon mallra me afat të skaduar dhe mungesë stoku në një depo doganoreDogana e Kosovës, përmes kontrol...
10/06/2026

Dogana e Kosovës zbulon mallra me afat të skaduar dhe mungesë stoku në një depo doganore

Dogana e Kosovës, përmes kontrolleve të rregullta të autorizimeve doganore dhe mbikëqyrjes së mallrave nën kontroll doganor, ka realizuar një vizitë kontrolluese në një depo doganore të autorizuar në rajonin e Mitrovicës.

Gjatë kontrollit është verifikuar përmbushja e kushteve dhe detyrimeve që rrjedhin nga autorizimi për ruajtjen e mallrave nën mbikëqyrje doganore. Pas analizimit të dokumentacionit dhe krahasimit të të dhënave elektronike me gjendjen faktike në depo, zyrtarët doganorë kanë konstatuar se një pjesë e mallrave të depozituara kishte tejkaluar afatin e përdorimit.

Bëhet fjalë për 19,875 kilogramë produkt ushqimor me bazë yndyre bimore, për të cilin është konstatuar se afati i përdorimit kishte skaduar. Për këtë rast është njoftuar menjëherë Agjencia e Ushqimit dhe Veterinarisë (AUV), zyrtarët e së cilës kanë dalë në vendin e ngjarjes dhe kanë konfirmuar gjendjen e mallit, duke urdhëruar asgjësimin e tij në përputhje me legjislacionin në fuqi.

Mallrat me afat të skaduar janë larguar nga depoja doganore dhe janë transferuar sipas procedurave përkatëse në hapësirat e përcaktuara nga Dogana e Kosovës, deri në përfundimin e procedurave të asgjësimit.

Po ashtu, gjatë inventarizimit fizik të stokut, është konstatuar një mospërputhje ndërmjet gjendjes së raportuar dhe asaj faktike. Nga sasia që duhej të gjendej nën mbikëqyrje doganore, mungonin 5,450 kilogramë mall, të cilat nuk janë gjetur në hapësirat e depos doganore gjatë kontrollit.

Dogana e Kosovës ka iniciuar procedurat e mëtejshme administrative dhe hetimore për të sqaruar rrethanat e këtij rasti dhe për të përcaktuar përgjegjësitë ligjore, në përputhje me dispozitat e Kodit Doganor dhe Akcizave.

Dogana e Kosovës mbetet e përkushtuar në mbrojtjen e interesave fiskale të Republikës së Kosovës, garantimin e sigurisë së konsumatorëve dhe zbatimin e ligjit në të gjitha procedurat doganore.

𝐃𝐨𝐠𝐚𝐧𝐚 𝐞 𝐊𝐨𝐬𝐨𝐯ë𝐬 𝐳𝐛𝐮𝐥𝐨𝐧 𝐦𝐣𝐞𝐭𝐞 𝐦𝐨𝐧𝐞𝐭𝐚𝐫𝐞 𝐭ë 𝐩𝐚𝐝𝐞𝐤𝐥𝐚𝐫𝐮𝐚𝐫𝐚 𝐧ë 𝐏𝐢𝐤ë𝐧 𝐊𝐮𝐟𝐢𝐭𝐚𝐫𝐞 𝐁ë𝐫𝐧𝐣𝐚𝐤Bërnjak, 08 Qershor 2026 – Gjatë kontrol...
09/06/2026

𝐃𝐨𝐠𝐚𝐧𝐚 𝐞 𝐊𝐨𝐬𝐨𝐯ë𝐬 𝐳𝐛𝐮𝐥𝐨𝐧 𝐦𝐣𝐞𝐭𝐞 𝐦𝐨𝐧𝐞𝐭𝐚𝐫𝐞 𝐭ë 𝐩𝐚𝐝𝐞𝐤𝐥𝐚𝐫𝐮𝐚𝐫𝐚 𝐧ë 𝐏𝐢𝐤ë𝐧 𝐊𝐮𝐟𝐢𝐭𝐚𝐫𝐞 𝐁ë𝐫𝐧𝐣𝐚𝐤
Bërnjak, 08 Qershor 2026 – Gjatë kontrolleve rutinore të automjeteve në dalje të territorit të Kosovës, zyrtarët doganorë, në bashkëpunim me zyrtarët e Policisë së Kosovës, kanë selektuar për kontroll të vijës së dytë një automjet me targa të huaja, i drejtuar nga shtetas të huaj.
Gjatë intervistimit fillestar, personat e ndaluar janë pyetur nëse posedonin mallra apo mjete monetare për deklarim, me ç’rast kanë deklaruar se nuk kishin asgjë për të deklaruar. Pas kësaj, është kryer një kontroll i detajuar i automjetit, përfshirë hapësirën e brendshme, bagazhin dhe një çantë personale krahu që përdorej për ruajtjen e dokumenteve, mjeteve monetare dhe sendeve të tjera personale.
Gjatë kontrollit janë gjetur mjete monetare të padeklaruara. Pas numërimit dhe verifikimit, është konstatuar se shuma totale e mjeteve monetare tejkalonte kufirin ligjor prej 10,000 euro, i cili obligon deklarimin pranë autoriteteve doganore.
Në çantën personale janë gjetur mjete monetare në dy valuta:
• 25,515 euro (EUR)
• 565,060 dinarë serbë (RSD), me vlerë të përafërt prej 4,813 euro
Vlera totale e mjeteve monetare të padeklaruara: 30,328 euro
Në përputhje me legjislacionin në fuqi, personi është njoftuar për masat administrative të ndërmarra. Me këtë rast, është konfiskuar 25% e shumës totale, ndërsa 75% e shumës është ndaluar përkohësisht deri në verifikimin e burimit dhe ligjshmërisë së prejardhjes së mjeteve monetare. Rasti do të trajtohet nga sektori kompetent i hetimeve për procedurat e mëtejshme ligjore.
Dogana e Kosovës mbetet e përkushtuar në zbatimin e legjislacionit doganor dhe financiar, si dhe në parandalimin dhe luftimin e aktiviteteve të paligjshme, përfshirë pastrimin e parave dhe financimin e terrorizmit, me qëllim të ruajtjes së sigurisë dhe integritetit financiar të vendit.

Dogana e Kosovës zbulon municion të padeklaruar në bagazhin e një udhëtari në Aeroportin e PrishtinësPrishtinë, 6 qersho...
08/06/2026

Dogana e Kosovës zbulon municion të padeklaruar në bagazhin e një udhëtari në Aeroportin e Prishtinës
Prishtinë, 6 qershor 2026 – Dogana e Kosovës, gjatë kontrolleve rutinë të udhëtarëve në Aeroportin Ndërkombëtar të Prishtinës, në fluturimin Hamburg – Prishtinë, ka ndaluar për kontroll një udhëtar i cili kishte kaluar nëpër kanalin e gjelbër.
Gjatë skanimit të bagazhit të tij, zyrtari doganor ka identifikuar elemente të dyshimta që mund të përbënin mall të ndaluar. Si rezultat, është kryer kontroll fizik i valixhes, ku janë gjetur 11 copë fishekë për armë.
Menjëherë pas konstatimit të rastit, është njoftuar Policia e Kosovës në Aeroportin e Prishtinës, e cila ka ndërmarrë veprimet e mëtejshme ligjore dhe ka konfiskuar municionin e gjetur.
Dogana e Kosovës mbetet e përkushtuar në zbatimin e ligjit dhe në mbrojtjen e sigurisë së qytetarëve, duke parandaluar hyrjen e paligjshme të mallrave të ndaluara në territorin e Republikës së Kosovës

06/06/2026

KOMUNIKATË PËR MEDIA

Sekuestrohen produkte të dyshuara të falsifikuara në pesë lokacione në Rajonin e Prishtinës

Në kuadër të angazhimeve për luftimin e tregtimit të mallrave të falsifikuara dhe mbrojtjen e të drejtave të pronësisë intelektuale, Dogana e Kosves ka zhvilluar një operacion të koordinuar në pesë lokacione në Rajonin e Prishtinës.

Gjatë kontrolleve janë gjetur dhe sekuestruar një sasi e konsiderueshme e patikave të dyshuara si produkte të falsifikuara, të cilat mbanin shenja tregtare të markave të njohura ndërkombëtare. Vlera e përafërt e mallrave të sekuestruara vlerësohet të jetë rreth 200,000 euro.

Të gjitha produktet e dyshuara janë konfiskuar dhe janë vendosur nën mbikëqyrjen e autoriteteve kompetente për procedurat e mëtejshme ligjore.

Veprimet janë ndërmarrë në bashkëpunim dhe koordinim me Prokurorinë kompetente, ndërsa rasti është duke u hetuar për të sqaruar të gjitha rrethanat dhe për të identifikuar personat përgjegjës.

Institucionet e zbatimit të ligjit mbeten të përkushtuara në parandalimin dhe luftimin e tregtisë së mallrave të falsifikuara, duke mbrojtur konsumatorët, bizneset e ligjshme dhe interesin publik. Rasti mbetet nën hetime.

𝐃𝐨𝐠𝐚𝐧𝐚 𝐞 𝐊𝐨𝐬𝐨𝐯ë𝐬 𝐳𝐛𝐮𝐥𝐨𝐧 𝐦𝐚𝐥𝐥 𝐭ë 𝐩𝐚𝐝𝐞𝐤𝐥𝐚𝐫𝐮𝐚𝐫 𝐧ë 𝐕ë𝐫𝐦𝐢𝐜ëVërmicë, 3 qershor 2026 – Dogana e Kosovës ka zbuluar një sasi mal...
05/06/2026

𝐃𝐨𝐠𝐚𝐧𝐚 𝐞 𝐊𝐨𝐬𝐨𝐯ë𝐬 𝐳𝐛𝐮𝐥𝐨𝐧 𝐦𝐚𝐥𝐥 𝐭ë 𝐩𝐚𝐝𝐞𝐤𝐥𝐚𝐫𝐮𝐚𝐫 𝐧ë 𝐕ë𝐫𝐦𝐢𝐜ë

Vërmicë, 3 qershor 2026 – Dogana e Kosovës ka zbuluar një sasi malli të padeklaruar gjatë procedurave të zhdoganimit në Zyrën e Brendshme Doganore në Vërmicë.

Mallrat ishin paraqitur për zhdoganim nga importuesi dhe, bazuar në kriteret e analizës së riskut, ngarkesa është përzgjedhur për kontroll të detajuar nga zyrtarët doganorë.

Gjatë verifikimit dhe krahasimit të dokumentacionit me gjendjen faktike të mallit, zyrtarët doganorë kanë konstatuar praninë e një sasie të padeklaruar të radarëve për sisteme kundër vjedhjes. Sipas të dhënave nga zhdoganime të mëhershme për mallra të ngjashme, vlera e përafërt e mallit të padeklaruar vlerësohet të jetë rreth 2,050 euro.

Në përputhje me Kodin Doganor dhe të Akcizave Nr. 08/L-247, mosdeklarimi i mallit përbën kundërvajtje doganore, pasi synon shmangien ose uljen e detyrimeve të importit që parashihen me legjislacionin në fuqi.

Dogana e Kosovës mbetet e përkushtuar në luftimin e aktiviteteve të kundërligjshme, mbrojtjen e tregtisë së ligjshme dhe garantimin e konkurrencës së drejtë për të gjithë operatorët ekonomikë, duke kontribuar në sigurinë dhe integritetin e tregut të Kosovës.

Dogana e Kosovës thellon bashkëpunimin ndërkombëtar për menaxhim financiar dhe qeverisje të mirëNjë delegacion i Doganës...
04/06/2026

Dogana e Kosovës thellon bashkëpunimin ndërkombëtar për menaxhim financiar dhe qeverisje të mirë

Një delegacion i Doganës së Kosovës zhvilloi një vizitë pune në Portugali, ku u prit nga kolegët e Tributária e Aduaneira /Autoritetit Tatimor dhe Doganor të Portugalisë. Qëllimi i kësaj vizite ishte forcimi i kapaciteteve profesionale në fushën e financave, shkëmbimi i përvojave dhe praktikave më të mira, si dhe thellimi i bashkëpunimit ndërinstitucional ndërmjet dy administratave doganore.
Gjatë vizitës, delegacioni pati mundësinë të njihet nga afër me modelet, procedurat dhe praktikat e avancuara që zbatohen në menaxhimin financiar dhe qeverisjen e brendshme, duke krijuar një bazë të rëndësishme për zhvillimin e mëtejshëm të kapaciteteve profesionale në Doganën e Kosovës.
Dogana e Kosovës shpreh mirënjohjen dhe falënderimet më të sinqerta për Autoritetin Tatimor dhe Doganor të Portugalisë për mikpritjen e ngrohtë, organizimin e shkëlqyer të programit dhe gatishmërinë për të ndarë përvojën dhe ekspertizën e tyre profesionale. Ky kontribut paraqet një vlerë të veçantë për avancimin e proceseve tona financiare dhe forcimin e standardeve të qeverisjes së mirë.
Ky bashkëpunim i ngushtë bilateral dëshmon përkushtimin e përbashkët për forcimin e integritetit institucional, rritjen e transparencës dhe promovimin e praktikave moderne të menaxhimit financiar. Përvoja e fituar gjatë kësaj vizite do të kontribuojë drejtpërdrejt në zhvillimin profesional të stafit dhe në rritjen e efikasitetit të proceseve të punës në Doganën e Kosovës.
Dogana e Kosovës mbetet e përkushtuar ndaj bashkëpunimit ndërkombëtar dhe zhvillimit të vazhdueshëm profesional, me synimin për të avancuar standardet e saj institucionale dhe për të kontribuar në forcimin e komunitetit doganor ndërkombëtar.

03/06/2026

📱💻 Shërbimet e Doganës në dorën tuaj!
Tani mund të paraqisni ankesat dhe kërkesat tuaja online, në mënyrë të shpejtë, të sigurt dhe pa nevojë për vizitë fizike.
✅ Qasje më e lehtë në shërbime
✅ Komunikim më i shpejtë me Doganën
✅ Transparencë dhe efikasitet më i madh
Dogana e Kosovës vazhdon të avancojë shërbimet digjitale për t'ju ofruar shërbime sa më cilësore dhe të qasshme për qytetarët dhe bizneset.

Dogana e Kosovës ndalon mbi 3,400 aksesorë telefonikë të dyshuar si mallra që shkelin të drejtat e pronësisë intelektual...
02/06/2026

Dogana e Kosovës ndalon mbi 3,400 aksesorë telefonikë të dyshuar si mallra që shkelin të drejtat e pronësisë intelektuale

Dogana e Kosovës, në kuadër të aktiviteteve të saj për mbrojtjen e tregut dhe të drejtave të pronësisë intelektuale, ka ndaluar një sasi mallrash të dyshuara si produkte që shkelin markat tregtare të mbrojtura.

Në Terminalin Doganor Vermicë, për zhdoganim është paraqitur nje dërgesa me origjinë nga Kina. Pas rivlerësimit të dërgesës dhe kontrollit fizik të realizuar nga zyrtarët e doganes, gjatë ekzaminimit janë identifikuar mallra për të cilat ekziston dyshimi se cenojnë të drejtat e pronësisë intelektuale.

Në total janë ndaluar 3,480 copë koka mbushës për telefona mobil me brendin Apple, për të cilat dyshohet se shkelin markën tregtare të mbrojtur të kompanisë Apple.

Në përputhje me procedurat ligjore për mbrojtjen e të drejtave të pronësisë intelektuale, Dogana e Kosovës ka ndërmarrë masat e nevojshme për ndalimin e mallrave dhe njoftimin e palëve relevante për verifikimin e autenticitetit të produkteve.

Dogana e Kosovës mbetet e përkushtuar në luftimin e tregtisë së mallrave të falsifikuara dhe në mbrojtjen e konsumatorëve, bizneseve legjitime dhe të drejtave të pronarëve të markave tregtare.

Address

Pristina
10000

Telephone

+38380050095

Website

Alerts

Be the first to know and let us send you an email when Dogana e Kosovës posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Dogana e Kosovës:

Shortcuts

Share

Category