10/06/2026
💻🤝 Po zhvillohet sot në Durrës Koalicioni i Dytë Kombëtar për Përfshirjen Digjitale, duke mbledhur së bashku përfaqësues të institucioneve publike, pushtetit vendor, organizatave të shoqërisë civile, universiteteve, organizatave rinore, organizatave të personave me aftësi të kufizuara dhe sektorit privat.
Nën temën **“From Recommendations to Action: Strengthening Inclusive Digital Transformation in Albania”**, pjesëmarrësit po diskutojnë mbi progresin e arritur deri më tani, sfidat që vazhdojnë të ndikojnë në përfshirjen digjitale dhe hapat konkretë që duhen ndërmarrë për të siguruar që askush të mos mbetet pas në transformimin digjital të vendit.
Gjatë pjesës së parë të aktivitetit u prezantuan gjetjet dhe rekomandimet kryesore të procesit të deritanishëm, ndërsa diskutimet nxorën në pah rëndësinë e bashkëpunimit ndërmjet institucioneve, komuniteteve lokale dhe aktorëve të tjerë për të ndërtuar shërbime digjitale më të aksesueshme dhe më gjithëpërfshirëse.
Aktualisht, pjesëmarrësit po punojnë në grupe tematike, ku po identifikojnë prioritetet kryesore dhe po propozojnë veprime konkrete për forcimin e aftësive digjitale, rritjen e aksesueshmërisë, përmirësimin e lidhshmërisë dhe nxitjen e pjesëmarrjes së barabartë të të gjithë qytetarëve në epokën digjitale.
🌐 Së bashku për një Shqipëri më të lidhur, më gjithëpërfshirëse dhe më të përgatitur për të ardhmen digjitale.
Projekti DII, i financuar nga Bashkimi Evropian, zbatohet në të gjithë Kosovën, Maqedoninë e Veriut, Shqipërinë, Bosnjën dhe Hercegovinën dhe Serbinë, dhe synon të rrisë rolin e organizatave të shoqërisë civile (OSHC-ve) në avokimin për përfshirjen dixhitale dhe demokracinë pjesëmarrëse.
Digital Inclusion Initiative
