https://www.facebook.com/316240095539709/

Se bashku per Vithkuqin, fshat turistik 22, 5 km nga Korca, Korçë (2026)

The page is part of the personal profile of its publisher and administrator.

18/08/2026

Lamtumirë veprimtari ynë i palodhur dhe i paharruar Koço Qirjo!

Lamtumirë, bilbil i këngës, jehonë e trojeve vithkuqare! Na ke lënë bosh një vend nderi që shkon drejt kohëve të reja me iso historie. U le brezave perkëdheljet në fytyrën e bukur të Vithkuqit tonë. Eshtë gdhendur e sotmja e tij tek videoregjistrimet e tua! Nga sot do të na mungojë ai zë, ai përkushtim, ajo dorë që regjistronte çdo moment, çdo stinë, çdo lagje, toponim apo ngjarje jete. Por kurrë nuk do të shuhet ajo çerdhe tradite, pikenisje veprimtarish kulturore dhe mjedisi shoqëror atdhetar që ti e pasurove me gjithçka munde.
Do t'ju mungosh më së tepërmi të dashurve të tu, bashkëshortes Frosina, vajzës Redina e djalit Olsi, nipërve e mbesave, shokëve dhe miqve të shumtë, festave, festivaleve, jetës kulturore në Vithkuq, Korçë e më gjerë. Por gjithçka që le pas, si trashëgimi pasioni e pune, do të udhëtojë me ne dhe brezat e rinj tok me kujtimin e çmuar mbi çdo gur e çezmë, kudo ku ndërtove e sendërtove plot dashuri dhe aftësi të veçanta profesionale e shpirterore.
Ngushëllime të përzemërta gjithë të dashurve, vithkuqarëve, kujtdo që e njohu dhe e çmoi talentin tënd!
Nderim, paqe, dritë në përjetësi, i dashur veprimtari ynë i palodhur dhe i paharruar Koço Qirjo!

01/08/2026

TOPONIME DHE PERSHKRIME TE LAGJEVE TE VJETRA, TE RRENUARA TE QYTETIT VITHKUQ
(Vijim fragmentesh nga Historiku i Vithkuqit, shkruar në vitin 1981)

24 - LAGJIA PRENÇKA ose CILIA (lagje e vjetër). Shtrihej në hapësirën prej ndërtesës së ish-Muzeut të Vithkuqit deri tek vendi i quajtur Shkëmbi i Maces. Në jug, karshi kësaj lagjeje, ndodhet Korija e Shën e Premtes, kurse në veri e verilindje kanë qënë lagjet Dukas e Rusas. Në shtrirje të kësaj ish-lagjeje është zbuluar një zonë mineralmbajtëse me bakër e bronx. Lagjia Prençka furnizohej me ujë të pijshëm nga burimi i Kroit të Vashës përmes një ujësjellësi prej tylyni. Ruhen edhe sot gjurmë të këtij ujësjellësi në afërsi të burimit. Kjo lagje ka qënë shumë e pasur me drurë frutorë, si arra, mollë, gorrica, dardha, thana e kumbulla, Janë mbjellë në kohët më të reja edhe kumbulla të zeza tropojane.
Varrezat e lagjes kanë qënë tek Kisha e Shën e Premtes.

Fotot:

1) - Pamje e pjesëshme e ish-lagjes Cili ose Prençka. Shtrirja e saj në pjerrësinë që vijon pas kurrizit të lagjes së sotme Dukas.
2) - Një pjesë e qendrës së lagjes Dukas, në sfondin e largët të së cilës ngrihet Shkëmbi i Maces, i përfshirë në ish-territorin e lagjes Cili (Prençka).
3) - Pamje e afërt e Shkëmbit të Maces midis ish-territorit të lagjes Cili ose Prençka.
4) - Pamje nga lart, ku dallohen pjesërisht 3 lagjet e sotme, të mbijetuara (Saraq, Dukas e Krekas/Grekas) të ish-qytetit mesjetar Vithkuq. Midis tyre, në sfond, shihet Shkëmbi i Maces, poshtë të cilit ndodhet lugina me shtrirjen e ish-lagjes Cili (Prençka) - Foto e vitit 1930.

27/06/2026

TOPONIME DHE PERSHKRIME TE LAGJEVE TE VJETRA, TE RRENUARA TE QYTETIT VITHKUQ
(Vijim fragmentesh nga Historiku i Vithkuqit, shkruar në vitin 1981)

23 - LAGJIA RUSAS (lagje e vjetër). Shtrihej në lindje të lagjes së sotme Dukas, ku ndodhet aktualisht ndërtesa e Komunës, sot Qendra Administrative e Vithkuqit. Në mes të lagjes Rusas ka qënë Kisha e Shën e Premtes me mjaft piktura ikonografike. Kjo kishë u rrënua gjatë Luftës së Dytë Botërore.
Lagjia Rusas nuk ka pasur ujë, por furnizohej nëpërmjet ujësjellësit të Dukasit me ujin që vinte nga Burimet e Turmasit. Një pjesë e lagjes Rusas e siguronte ujin edhe nga puset. Janë zbuluar kohët e fundit disa puse që mund të kenë qënë pranë oborreve personale të banorëve. Një i tillë është gjetur kur po hapeshin themelet e Shkollës së Re “Naum Veqilharxhi”. Gjithashtu një pus i përmendur shpesh në kujtimet e banorëve të moshuar ka qënë edhe ai që ndodhej në oborrin e Kishës së Shën e Premtes, apo Pusi i Mio Rusit etj.
Varrezat e lagjes Rusas kanë qënë në Kishën e Shën e Premtes.

Fotot:
1) - Pamje nga shtrirja e lagjes Dukas.
2) - Qendra e lagjes Dukas, njëkohësisht edhe qendër e fshatit Vithkuq, ku ndodhet ndërtesa e Njësisë Administrative të Zonës, shkolla 9-vjeçare, disa bare e hotele, si dhe një baxho për bulmetin.
3) - Busti i Rilindasit të shquar Naum Veqilharxhi tek lulishtja në qendër të fshatit.
4) - Kisha e dikurshme e Shën e Premtes, Vithkuq - Foto e vitit 1930.

26/04/2026

TOPONIME DHE PERSHKRIME TE LAGJEVE TE VJETRA, TE RRENUARA TE QYTETIT VITHKUQ
(Vijim fragmentesh nga Historiku i Vithkuqit, shkruar në vitin 1981)

22 - LAGJIA JANOLLI (lagje e vjetër). Shtrihej mbi lagjen e sotme Dukas. Karshi saj, në veriperëndim ndodhet Gorrica e Fshatit. Ndërsa në krahun tjetër, në juglindje, ndodhet Korija e Madhe. Sipas rrëfimeve të banorëve të motçëm vithkuqarë kjo ka qënë lagjia e ish-blektorëve më të pasur të Vithkuqit, të cilët mbanin kope të mëdha me dhen e dhi. Njëherësh banorët e kësaj lagjeje kanë qënë edhe përpunuesit më të mirë të bulmetit, si dhe argasësit më të mirë të lëkurëve. Te kjo lagje, pranë burimeve të Turmasit, ndodheshin edhe baxhot më të mëdha për prodhimin e djathit dhe kaçkavallit. Ish-lagjia Janolli furnizohej me ujë të pijshëm nga burimet e Turmasit.
Varrezat e banorëve te kësaj lagjeje ndodheshin tek Kisha e Shën e Premtes.

Foto të realizuara nga Kristaq Shore:

1- Në këtë pamje shihet majtas një pjesë e shtrirjes së ish-lagjes Janolli, përmbi lagjen e sotme Dukas deri në afërsi të Kodrës së quajtur Gorrica e Fshatit. Ndërsa pjesa djathtas, me shtëpitë e dendura që nga rrëza e Gorricës së Fshatit deri në pjerrësi, i përket lagjes së sotme Grekas (Krekas).
2 – Dele në kullotë.
3 – Përpunimi i djathit dhe bulmetit në mënyrë artizanale tradicionale.
4 – Në “stallën” familjare.

02/04/2026

TOPONIME DHE PERSHKRIME TE LAGJEVE TE VJETRA, TE RRENUARA TE QYTETIT VITHKUQ
(Vijim fragmentesh nga Historiku i Vithkuqit, shkruar në vitin 1981)

21 - LAGJIA SKENDERAS (lagje e vjetër). Shtrihej në perëndim të Urës së Zotos, në krahun e djathtë të derdhjes së Osumit, tek ish-luadhet e Shën Pjetrit. Përbri saj ndodhet lartësia e Shën Pjetrit dhe shtrirja e ish-lagjes Qyran. Në fund të kësaj lagjeje ndodhet ura e gurtë që e lidhte me lagjen Kovaças dhe lagjet e tjera. Kurse në veriperëndim të shtrirjes së saj ndodhet kodra Skënderas, në pjerrësinë e së cilës rrjedh burimi me të njëjtin emër prej nga lagjia furnizohej me ujë të pijshëm.
Varrezat e ish-lagjes Skënderas kanë qënë në ish-lagjen Qyran.

Fotot:
1) Pamje e pjesëshme nga Luadhet e Shën Pjetrit, përgjatë shtrirjes së ish-lagjes Skënderas, në krahun e djathtë të derdhjes së Osumit. Dallohet aty pranë Ura e Zotos. - Foto nga Koço Qirjo
2) Rrëzë kodrës së Shën Pjetrit, përfund, mes shtrirjes së ish-lagjeve Qyran e Skënderas vijon të mbijetojë ende druri frutor me emrin Arra e Zotos (shih foton). Mbijetojnë këtu edhe toponimet e vendorigjinës së fisit vithkuqar Zoto, shpërngulur pas prishjes së qytetit, fillimisht drejt Himarës. Sot pinjollë të këtij fisi jetojnë në Francë. - Foto nga Koço Qirjo
3) Vjeshtë në Vithkuq - Nga peneli i piktorit Pashk Përvathi.

Address

Fshat Turistik 22, 5 Km Nga Korca
Korçë

Website

facebook.com

Alerts

Be the first to know and let us send you an email when Se bashku per Vithkuqin posts news and promotions. Your email address will not be used for any other purpose, and you can unsubscribe at any time.

Se bashku per Vithkuqin