Embassy of Mongolia in Vienna

10/08/2026

Монгол Улсын Ерөнхийлөгч У.Хүрэлсүхийн зарлигаар монгол судлалыг олон улсад хөгжүүлэх, түгээн дэлгэрүүлэх, Монголын түүх, хэл, соёл, өв уламжлалыг дэлхий нийтэд сурталчлан таниулах үйлсэд онцгой хувь нэмэр оруулж байгаа Бүгд Найрамдах Австри Улсын иргэн, ШУА-ийн Нийгмийн антропологийн хүрээлэнгийн эрдэм шинжилгээний ахлах ажилтан, доктор Мариа-Катарина Лангийг “Найрамдал медалиар” шагналаа.

Мариа-Катарина Ланг нь 2000 оноос Монгол судлалын үйлсэд зүтгэж буй бөгөөд 2018-2026 онуудад Монгол Улсын Соёлын элчээр ажилласан. Тэрбээр Манж Чин улсын үед буюу 1899-1905 оны хооронд Монголын газар нутгаар аялж байсан Австрийн судлаач Хаанс Лэдэрийн Монголын угсаатны зүй, бурхны шашин болон соёлын өвтэй холбоотой цуглуулгын талаар судалгаа хийсэн.

Эдгээр цуглуулгын талаарх “Эд өлгийн барилдлага, Хаанс Лэдэрийн мөрөөр” нэртэй үзэсгэлэнг 2017 онд “Богд Хааны ордон музей”-д толилуулсан бөгөөд угсаатны зүй, шашин, соёлын холбогдол бүхий эд өлгийн зүйлсийг аман түүх, дурсамжтай уялдуулан толилуулснаараа онцлог болжээ. Үзэсгэлэнд 19 дүгээр зууны сүүл үеийн нийгэм, улс төрийн нөхцөл байдал, шашин, сүм хийдийн хөгжлийг гэрэл зургаар үзүүлсэн. Хаанс Лэдэрийн цуглуулга болох 4500 гаруй үзмэр Вена, Будапешт, Лайпциг, Штутгарт, Берлин хотуудын музейд мөн хадгалагддаг.

Мариа-Катарина Ланг мөн Австри Улсын Вена хотын төвд байрлах “Weltmuseum”-д “Тоос ба торго” нэртэй үзэсгэлэнг 2021 онд зохион байгуулсан. Энэхүү үзэсгэлэнд шинэ үеийн Торгоны зам болон Ази, Европыг холбосон худалдааны харилцаа, соёлын уялдаа холбоог тодотгон үзүүлсэн 200 гаруй түүхэн үзмэр, урлагийн бүтээл, гэрэл зураг болон судалгааны баримт бичгийг дэлгэгджээ.

Монгол, Австрийн соёлын харилцаа өргөжин хөгжихөд үнэтэй хувь нэмэр оруулж буй Танд талархал илэрхийлж, цаашдын ажилд нь амжилт хүсье.

Монгол Улсын Гадаад Харилцааны Яам Ministry of Foreign Affairs of Mongolia
Dorjraa Munkhtur

30/07/2026

Олон улсын монголч эрдэмтдийн XIII бага хурал Монгол Улсын Ерөнхийлөгч У.Хүрэлсүхийн ивээл дор 2026 оны 8 дугаар сарын 10-13-ны өдрүүдэд Улаанбаатар хотноо "Монгол судлал: уламжлал ба орчин үе" сэдвээр зохион байгуулагдана.

Хөтөлбөртэй доорх холбоосоор танилцана үү.
https://drive.google.com/file/d/1LF5rEEvLyMN_msKtNmYdIHkT8hCYgSKw/view

The 13th International Congress of Mongolists will be held under the auspices of His Excellency Khurelsukh Ukhnaa, President of Mongolia, in Ulaanbaatar from 10 to 13 August 2026, under the theme “Mongolian Studies: Tradition and Modernity.”

Олон улсын монголч эрдэмтдийн XIII бага хурал Монгол Улсын Ерөнхийлөгч У.Хүрэлсүхийн ивээл дор 2026 оны 8 дугаар сарын 10-13-ны өдрүүдэд Улаанбаатар хотноо "Монгол судлал: уламжлал ба орчин үе" сэдвээр зохион байгуулагдана.

Хөтөлбөртэй доорх холбоосоор танилцана үү.
https://drive.google.com/file/d/1LF5rEEvLyMN_msKtNmYdIHkT8hCYgSKw/view

The 13th International Congress of Mongolists will be held under the auspices of His Excellency Khurelsukh Ukhnaa, President of Mongolia, in Ulaanbaatar from 10 to 13 August 2026, under the theme “Mongolian Studies: Tradition and Modernity.”

Please find the conference program at the link below.
https://drive.google.com/file/d/1LF5rEEvLyMN_msKtNmYdIHkT8hCYgSKw/view

Bulgan Michelle
Олон Улсын Монгол Судлалын Холбоо

29/07/2026

27/07/2026

СЭРЭМЖЛҮҮЛЭГ

Ойрын өдрүүдэд Европын улс, орнуудад хэт халах үзэгдэл дахин давтагдаж, өмнөхөөс илүү олон хоногоор үргэлжлэх төлөвтэй байгаа тул Та бүхэнд дараах сэрэмжлүүлгийг хүргэж байна.

Хэт халалт нь ахмад настан, бага насны хүүхэд, архаг өвчтэй зэрэг эрсдэлт бүлгийн хүмүүст төдийгүй бусад иргэдийн эрүүл мэндэд сөргөөр нөлөөлж болзошгүй. Иймд Европ орнуудад оршин сууж буй болон тус бүс нутагт зорчихоор төлөвлөж буй хүмүүст дараах зөвлөмжийг хүргэж байна. Үүнд:
- Өдрийн халуун үе буюу 11:00-18:00 цагийн хооронд нарны шууд тусгалд удаан байхаас зайлсхийх,
- Хоолны тодорхой хэмжээний дэглэм барих (хөнгөн хооллох), мах зэрэг удаан шингэцтэй хоол, хүнсийг багасгах, хагас боловсруулсан болон халуун ногоо ихтэй хоол хүнснээс татгалзаж, гоймон, загас, шинэ ногоо, жимсийг түлхүү хэрэглэх,
- Биеийн шингэнээ нөхөх зорилгоор ус их хэмжээгээр уух, хийжүүлсэн эсвэл чихэрлэг ундаа, цай, кофены хэрэглээгээ багасгах, мөн хэт хүйтэн болон согтууруулах ундаанаас зайлсхийх,
- Гэр, албан тасалгаа, зочид буудлын өрөөндөө агаар сэлгэлтийг тогтмол хийх,
- Хөвөн, даавуу зэрэг байгалийн гаралтай материалаар хийсэн цайвар өнгийн хувцас өмсөж, малгай, нарны шил тогтмол хэрэглэх,
- Нарны тос түрхэж, арьсаа наранд түлэгдэхээс хамгаалах,
- Биед хүнд ачаалал өгөх, дасгал хөдөлгөөнөөс аль болох зайлсхийх зэрэг болно.
Иргэд Та бүхнийг өөртөө болон гэр бүлдээ анхаарал тавьж, шаардлагатай тохиолдолд түргэн тусламжийн байгууллагад хандах, суугаа болон зорчиж буй орондоо байгаа Монгол Улсын Элчин сайдын яаманд хандахыг зөвлөж байна.
Та амьдарч буй болон зорчих Европын орон дахь Монгол Улсын Дипломат төлөөлөгчийн газруудын холбоо барих мэдээллийг дараах линкээр орж авна уу. https://www.consul.mn/news/c/162

Элчин сайдын яамны консулын албаны шуурхай утас:
01 535280715

24/07/2026

Зөвлөгөө өгөх “Хуульч AI” апп хэрэглээнд нэвтэрлээ

Монгол Улсын Хууль зүй, дотоод хэргийн яамны харьяа Хууль зүйн туслалцааны төвөөс “Аствишн” ХХК-тай хамтран “Хуульч AI” хиймэл оюунд суурилсан, үнэ төлбөргүй хууль зүйн зөвлөгөө өгөх мобайл аппликейшныг хөгжүүлж хэрэглээнд нэвтрүүллээ.

“Хуульч AI” аппликейшн нь эрх зүйн мэдээллийн нэгдсэн систем болох www.legalinfo.mn-тэй холбогдон Монгол Улсад хүчин төгөлдөр мөрдөгдөж буй хууль тогтоомж, эрх зүйн актад үндэслэн хэрэглэгчдэд хууль зүйн зөвлөгөө, мэдээллийг үнэ төлбөргүй хүргэдэг бөгөөд App Store болон Play Store-оос татан авч, хууль зүйн асуудлаар асуултаа бичгээр болон дуу хоолойгоор асууж, зөвлөгөө, мэдээлэл авах боломжтой юм. Түүнчлэн тус аппликейшны үйлчилгээг Хууль зүйн туслалцааны төвийн цахим хуудас (www.lac.gov.mn) болон албан ёсны фэйсбүүк хуудасны чатботоор дамжуулан ашиглах боломжтой юм.

08/07/2026

Хилийн чанадад суугаа монголчууд гар утсандаа E-Mongolia апп суулган, өөрт хэрэгтэй лавлагааг гадаад хэлээр авах боломж нэмэгдсээр байна.

Өөрийн нэр дээр гар утасны дугаарыг виртуал оператороос авч, E-Mongolia апп ашиглах боломжтой тул https://lime.mn/ цахим хуудаснаас дэлгэрэнгүй мэдээлэл аваарай.

📣E-MONGOLIA СИСТЕМД УЛСЫН БҮРТГЭЛИЙН ЕРӨНХИЙ ГАЗРЫН 4 ТӨРЛИЙН ШИНЭ ҮЙЛЧИЛГЭЭ НЭМЭГДЛЭЭ! 🎉

🌐 Иргэний оршин суугаа газрын хаягийн бүртгэлийн лавлагаа /Англи хэлээр/ 🇬🇧
🌐 Гадаад паспорт бүртгэлгүй тухай лавлагаа /Англи хэлээр/ 🇬🇧
🌐 Регистрийн дугаар өөрчилсний лавлагаа /Англи хэлээр/ 🇬🇧
🌐 Регистрийн дугаарын тухай лавлагаа /Англи хэлээр/ 🇬🇧

💁‍♀️Та мэргэжлийн орчуулгын төв хайж, цаг алдах шаардлагагүйгээр 🛑 тус үйлчилгээг гар утаснаасаа 📲 байршил харгалзахгүйгээр шууд авах боломжтой боллоо!✨

06/07/2026

01/07/2026

ЭЛЧИН САЙД Д.МӨНХТӨР ИТГЭМЖЛЭХ ЖУУХ БИЧГЭЭ ӨРГӨН БАРИВ

Монгол Улсаас Бүгд Найрамдах Австри Улсад суух Элчин сайд Д.Мөнхтөр 2026 оны 7 дугаар сарын 1-ний өдөр Австри Улсын Ерөнхийлөгч Александр Ван дэр Беллэнд Итгэмжлэх жуух бичгээ өргөн барив.

Элчин сайд Д.Мөнхтөр Монгол Улсын Ерөнхийлөгч У.Хүрэлсүхийн мэндчилгээг Ерөнхийлөгч Александр Ван дэр Беллэнд уламжилж, хоёр улсын найрсаг харилцаа, хамтын ажиллагааг эдийн засаг, байгаль орчин, боловсрол хүмүүнлэгийн салбарт өргөжүүлэх талаар ярилцав. Ерөнхийлөгч Александр Ван дэр Беллэн хоёр улсын харилцаа өргөжин тэлж байгаад сэтгэл хангалуун байгаагаа илэрхийлж, ажлын амжилт хүсэв.

Монгол Улс, Бүгд Найрамдах Австри Улсын хооронд 1963 оны 7 дугаар сарын 1-нд дипломат харилцаа тогтоосны 63 жилийн ой өнөөдөр тохиож байна.

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг