09/09/2026
⚓ A LONXA NON ESTÁ PECHADA. A POXA DIARIA, SI.
A Confraría de Laxe asegura hoxe na prensa que «a lonxa non estivo en ningún momento pechada» e atribúe perdas á información difundida polo BNG sobre o seu peche.
Aclarémolo: a lonxa non está pechada. A poxa diaria, si. E se utilizamos unha expresión que non describía con exactitude esa diferenza, rectificámola sen ningún problema.
Pero aclarado isto, o problema de fondo segue aí.
❓ Por que deixou de haber poxa diaria na Lonxa de Laxe?
❓ Por que barcos de Laxe levan tempo comercializando as súas capturas noutros portos?
❓ Por que a nosa lonxa deixou de ser unha opción suficientemente atractiva para parte da propia frota?
❓ Que se está facendo para recuperar esa actividade?
Nós non queremos que a Lonxa de Laxe perda compradores nin barcos. Queremos exactamente o contrario. Por iso preguntamos.
E por iso tamén nos preocupa que se atribúan ao comunicado do BNG unhas perdas cando a perda de actividade da lonxa é anterior ao noso comunicado.
🤝 Se a Confraría está traballando para recuperar esa actividade, contará con nós.
Pero unha vez aclarado que a lonxa non pechou e a poxa diaria si, non deberiamos quedar atrapados nunha discusión sobre palabras.
⚓ O importante é saber por que chegamos ata aquí e, sobre todo, que facer para que a Lonxa de Laxe recupere actividade e teña futuro.
