Lunes 08:00 - 15:00 Martes 08:00 - 15:00 Miércoles 08:00 - 15:00 Jueves 08:00 - 15:00 Viernes 08:00 - 15:00

Concello de Laxe

Casa
España
Laxe
Concello de Laxe

Páxina oficial do Concello de Laxe en Facebook

10/09/2026

📚💙 CURSO DE INTRODUCIÓN Á LINGUA E Á CULTURA GALEGAS

O Concello de Laxe colabora na posta en marcha deste curso dirixido a persoas maiores de 16 anos que se achegan por primeira vez ao galego, unha oportunidade para iniciarse na nosa lingua e coñecer un pouco máis da cultura galega. 🗣️💬

📅 Datas: 16, 17, 18, 21, 22, 23 e 24 de setembro
🕙 Horario: de 10:00 a 13:00 h
📍 Lugar: Valle-Inclán
⏳ Duración: 20 horas de formación
🎓 Ao finalizar entregarase un diploma acreditativo do curso.

📝 Inscricións:
🏛️ Nas Oficinas Xerais do Concello de Laxe
📞 No teléfono 981 706 903

Desde o Concello de Laxe animamos a todas as persoas interesadas a participar nesta iniciativa que contribúe a achegar, promover e poñer en valor a lingua e a cultura galegas. 💙🤍

09/09/2026

💧🌿 NOVO INVESTIMENTO NA RECUPERACIÓN DAS FONTES E DO LAVADOIRO DO BIEITEIRO

O Concello de Laxe vén de completar os traballos de rehabilitación e recuperación das fontes e do lavadoiro do Bieiteiro, unha actuación destinada a poñer en valor estes espazos tradicionais e mellorar a súa funcionalidade, seguridade e integración na contorna.

🔹 Na fonte e lavadoiro da Rúa Río realizáronse traballos de limpeza, reparación do picho da fonte e renovación dos elementos deteriorados da contorna.

🔹 Na fonte situada na prolongación da Rúa Roda levouse a cabo a limpeza e acondicionamento da zona, o chapado da fonte e do muro de contención, a substitución das reixas deterioradas, a colocación dun novo banco e a instalación de varandas nas escaleiras de acceso.

📸 Compartimos convosco algunhas imaxes do resultado final desta actuación, coa que seguimos apostando pola recuperación do noso patrimonio, o coidado dos espazos públicos e a mellora da contorna para a veciñanza.

💙 Seguimos traballando para conservar e mellorar Laxe.

08/09/2026

🌊🏛️ O MUSEO DO MAR DE LAXE RECIBIU CINCO EXCURSIÓNS DO PROGRAMA “VEN E DESCUBRE! 2026”

O Museo do Mar de Laxe recibiu ao longo dos últimos meses a visita de máis de 200 veciños e veciñas das diferentes parroquias do Concello de Oleiros, participantes no programa “Ven e Descubre! 2026”, impulsado pola Concellería de Servizos Sociais e Igualdade do Concello de Oleiros. 💙

📅 As cinco visitas celebráronse os días 18 de xuño, 2 e 9 de xullo e 2 e 4 de setembro, sendo esta última a que puxo o broche final ás excursións programadas para este ano.

Durante estas xornadas, as persoas participantes tiveron a oportunidade de achegarse á historia, á cultura mariñeira e ao patrimonio de Laxe, coñecendo de preto un espazo que conserva e divulga unha parte fundamental da identidade do noso municipio. ⚓🌊

Desde o Concello de Laxe queremos agradecer ao Concello de Oleiros que escollese o noso Museo do Mar como unha das paradas deste programa, así como a todas as persoas que nos visitaron nestas cinco xornadas.

🤝 Agardamos volver recibilos moi pronto en Laxe!

08/09/2026

🏃‍♀️🏀 VOLVEN AS ACTIVIDADES DEPORTIVAS DO CONCELLO DE LAXE! 🏸🤸‍♀️
O Concello de Laxe presenta a programación de Actividades Deportivas para o curso 2026/2027, cunha ampla oferta pensada para nenos, nenas, mocidade e persoas adultas. 💙
📅 Inscricións: do 21 ao 30 de setembro
🕙 Horario: de 10:00 a 13:00 horas
📍 Departamento de Deportes
▶️ Inicio das actividades: 1 de outubro
👧👦 Escolas Deportivas:
🏀 Multideporte/Predeporte
🏸 Deportes de raqueta: bádminton e pádel
⚽ Fútbol sala e baloncesto
🥋 Taekwondo
🤸 Acróbatas
🛼 Patinaxe de iniciación e avanzado
♟️ Xadrez
💃 Rítmica I e II
🩰 Iniciación á danza
💪 Full Body
🏋️‍♀️ Actividades para persoas adultas:
🔥 Adestramento HIIT
🎶 Aerobic-Step
💪 Full Body
🧘 Pilates I, II e III
🌿 Ximnasia terapéutica
Ademais, continúa dispoñible o ximnasio municipal para persoas nacidas no ano 2011 e anteriores.
📞 Para máis información: 981 706 903
📌 Consulta nos carteis os horarios, idades, taxas e condicións de cada actividade.
💙 Desde o Concello de Laxe seguimos apostando polo deporte, a vida activa e os hábitos saudables, cunha programación para todas as idades.
Anímate e participa! Agardámoste! 🏃‍♂️🏋️‍♀️✨

08/09/2026

🌊🦪 A RUTA DO PERCEBE DE LAXE APRÁZASE AO 9 DE SETEMBRO
Por mor das condicións meteorolóxicas e da previsión de choiva, a Visita Guiada de Turismo Mariñeiro “Ruta do Percebe de Laxe”, prevista inicialmente para hoxe, 8 de setembro, queda aprazada para mañá, mércores 9 de setembro.
📅 Nova data: 9 de setembro
🕔 Horario: de 17:00 a 18:30 h
📍 Punto de encontro: Hotel Náutico Laxe, Rúa Rosalía de Castro, 46
📞 Inscricións: 618 32 00 33
✅ Actividade gratuíta
Unha oportunidade para coñecer de preto o oficio tradicional dos percebeiros e percebeiras da Costa da Morte, descubrir a súa relación co mar e achegarnos a unha das profesións máis representativas da nosa identidade mariñeira. 🌊💙
🙏 Agradecemos a comprensión de todas as persoas inscritas e agardámosvos mañá para desfrutar desta experiencia en Laxe.

07/09/2026

📚💙 CURSO DE INTRODUCIÓN Á LINGUA E Á CULTURA GALEGAS EN LAXE
O Concello de Laxe informa da posta en marcha dun Curso de Introdución á Lingua e á Cultura Galegas, especialmente dirixido a persoas maiores de 16 anos que se achegan por primeira vez ao galego.
📅 Datas: 16, 17, 18, 21, 22, 23 e 24 de setembro
🕙 Horario: de 10:00 a 13:00 horas
📍 Lugar: Valle-Inclán
🎓 Duración: 20 horas de formación, coa entrega dun diploma ao remate do curso.
✍️ Inscricións abertas ata o 14 de setembro!
As persoas interesadas poden anotarse: 🏛️ Nas Oficinas Xerais do Concello de Laxe
📞 Chamando ao 981 706 903
Unha boa oportunidade para achegarse á nosa lingua, coñecer a nosa cultura e dar os primeiros pasos en galego. 💙🤍
Anímate a participar e comparte con quen lle poida interesar!

06/09/2026

📸 Compartimos algunhas imaxes da III Foliada Maruxía, celebrada onte, 5 de setembro, na Praza dos Voluntarios de Laxe. 🌊🎶
Unha xornada chea de tradición, cultura, música, gastronomía e bo ambiente, na que veciñanza e visitantes puideron desfrutar dunha celebración moi especial. 💙
Desde o Concello de Laxe queremos agradecer á organización da Foliada Maruxía o seu traballo e dedicación, así como a todos os grupos, participantes e persoas que se achegaron e contribuíron a facer desta terceira edición todo un éxito. 👏🥁🎵
Seguimos apoiando iniciativas que manteñen vivas as nosas tradicións e fortalecen a cultura e a convivencia no noso municipio.
Grazas a todos e todas por formar parte desta III Foliada Maruxía! 💙🌊

04/09/2026

🎭🚌 LAXE SÚBESE AO AUTOBÚS DO TEATRO!

O Concello de Laxe convida á veciñanza a g***r dunha tarde diferente coa proposta “A serie Cløpen”, unha produción do Centro Dramático Galego que combina acrobacias, danza, clown, humor e unha historia pensada para todos os públicos. 🤸‍♀️✨

📅 Domingo, 20 de setembro de 2026
🚌 Saída: 14:55 h desde a Avda. Cesáreo Pondal, 26
🎭 Función: 18:00 h no Salón Teatro de Santiago de Compostela
🕗 Regreso: 20:00 h, ao rematar a función
💶 Prezo: 5 €

📞 Inscricións: 981 706 903
📆 Ata o 18 de setembro

⚠️ Prazas limitadas, polo que recomendamos realizar a inscrición canto antes.

Unha excelente oportunidade para achegarnos ao teatro galego e desfrutar dunha proposta espectacular, divertida e accesible para todos os públicos. 💙🎭

04/09/2026

💧 LAXE COIDA O SEU PATRIMONIO, COIDA O QUE É DE TODOS E TODAS 💙

Desde o Concello de Laxe levamos a cabo un importante traballo de limpeza, acondicionamento e posta en valor dos lavadoiros do municipio, espazos que forman parte da nosa historia, da memoria das nosas parroquias e do patrimonio que compartimos toda a veciñanza. 🌿✨

O alcalde, Paco Charlín,xunto co equipo de goberno manteñen unha aposta clara por conservar e dignificar estes pequenos elementos do noso patrimonio, moitas veces cargados de lembranzas, tradicións e historias de xeracións de veciños e veciñas.

Porque gobernar tamén significa coidar o pequeno, estar pendentes de cada parroquia e preservar aquilo que forma parte da identidade de Laxe. 🏡💙

📍 As actuacións realizáronse no:
🔹 Lavadoiro de Val de Regueira
🔹 Lavadoiro Río dos Cabalos
🔹 Lavadoiro da Torre
🔹 Lavadoiro de Pazo de Leis, en Soesto
🔹 Lavadoiro de Coens
🔹 Lavadoiro de Matio
🔹 Lavadoiro de Cuiña
🔹 Lavadoiro de Boaño
🔹 Lavadoiro Fonte do Sapo
🔹 Lavadoiro de Mórdomo

📸 Hoxe compartimos algunhas imaxes de como lucen novamente estes espazos despois dos traballos realizados.

Seguimos traballando, paso a paso e lugar a lugar, por un Laxe máis coidado, máis bonito e orgulloso do seu patrimonio. 💪🌿

O patrimonio é de todos e todas. Coidalo é responsabilidade do Concello e un compromiso coa nosa xente e coa nosa historia. 💙

Dirección

Avenida Cesáreo Pondal, 26
Laxe
15117

Horario de Apertura

Lunes	08:00 - 15:00
Martes	08:00 - 15:00
Miércoles	08:00 - 15:00
Jueves	08:00 - 15:00
Viernes	08:00 - 15:00

Página web

https://www.concellodelaxe.com/

Notificaciones

Sé el primero en enterarse y déjanos enviarle un correo electrónico cuando Concello de Laxe publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.