Lunes 08:00 - 14:30 Martes 08:00 - 15:00 Miércoles 08:00 - 15:00 Jueves 08:00 - 15:00 Viernes 08:00 - 15:00

Concello de Noia

Casa
España
Noya
Concello de Noia

Este é o perfil informativo do Concello de Noia. Dende esta páxina trasladaremos toda a información do traballo do día a día e noticias de actualidade.

Sede benvidos e benvidas!

02/06/2026

🌟 ABERTAS AS INSCRICIÓNS PARA O PROGRAMA "SOMOS COMUNIDADE" 🌟

Tes entre 12 e 17 anos e queres vivir unha experiencia diferente este verán? ☀️

O Concello de Noia pon en marcha "Somos Comunidade", un programa no que poderás coñecer de preto o traballo que realizan diferentes asociacións, colectivos e entidades sociais da vila, colaborando con elas e descubrindo a importancia da participación comunitaria.

Durante dúas semanas, en horario de 10:00 a 14:00 horas, visitarás entidades como A Creba, Misela ou Cruz Vermella, acompañado/a por un monitor ou monitora que guiará todas as actividades.

📅 Quendas dispoñibles:
➡️ Do 1 ao 15 de xullo
➡️ Do 16 ao 31 de xullo

💰 PROGRAMA GRATUÍTO
⚠️ Prazas limitadas
🏠 Terán prioridade os mozos e mozas empadronados/as en Noia.

🔗 Inscricións: https://forms.gle/QUmdcRHVvR4oaNsQ6

02/06/2026

📅😍 Xa temos data para o Sancosmeiro!

O vindeiro 27 de xuño de 2026, Noia volverá vestirse de tradición, música, alegría e moita festa coa celebración do Pon un Sancosmeiro 2026. 🎶

E a data non será a única novidade desta edición... 👀 Da man da asociación "Pon Un Sancosmeiro", temos preparadas moitas sorpresas e actividades para que todo o mundo atope o seu lugar na festa: desde os máis pequenos da casa 👧🧒 ata os máis veteranos 👵👴.

Será unha xornada para compartir, cantar, bailar e celebrar xuntos unha tradición que cada ano medra un pouco máis grazas a todos e todas vós.

📢 Nas próximas semanas iremos desvelando toda a programación. De momento, gardade ben a data no calendario...

Vémonos no Sancosmeiro!

01/06/2026

🌿🌊 Queres coñecer mellor as propiedades das algas das rías galegas? Asiste ás xornadas Pesca Saúde organizadas polo GALP Costa Sostible.

👩🏻‍⚕️ Con Ana B. Crujeiras Martínez, Investigadora da USC

📌 Xoves 4 de xuño ás 19:00 h no Edificio Casino de Noia.

💜 Aberto ao público. Non é precisa inscripción previa. Despois da conferencia haberá unha degustación de elaboracións con algas.

01/06/2026

📱 QUEN É QUEN NAS REDES SOCIAIS?

As redes sociais forman parte do noso día a día, pero... sabemos identificar os discursos que perpetúan estereotipos, desigualdades ou violencias dixitais?

Desde o Centro de Información á Muller (CIM) de Noia, en coordinación coa Deputación da Coruña, organizamos o obradoiro “Quen é quen nas redes sociais?”, un espazo de reflexión e aprendizaxe sobre os discursos arredor da feminidade e a masculinidade nas RRSS e a súa relación coas violencias dixitais.

📅 Mércores, 3 de xuño
🕖 De 19:00 a 20:30 h
📍 Casino de Noia
👥 Actividade aberta a público de 13 anos en adiante

31/05/2026

🏆 O , TERCEIRAS NO MUNDIAL DE CESENA! 👏👏

Dende o Concello de Noia queremos trasladar a nosa máis sincera felicitación ao Club Noia Patín polo extraordinario resultado acadado hoxe na Artistic World Cup Final de Grupos Show, celebrada esta tarde en Cesena (Italia) 🌍🥉

Onte partían cara a Italia coa ilusión de representar a Noia nunha das competicións máis importantes do mundo, e agora regresarán cun logro histórico: terceiras do mundo 🏆✨

Coa súa coreografía “Sin Identidad” volveron demostrar o inmenso talento, a dedicación e a excelencia dun equipo que leva anos situando o nome de Noia entre os mellores do patinaxe artístico internacional 🎭💙

Este éxito é o resultado de moitas horas de traballo, esforzo, sacrificio e compromiso, e converte a estas deportistas nun orgullo para toda a nosa vila.

Parabéns ás patinadoras, ao corpo técnico, ás familias e a todas as persoas que forman parte deste gran proxecto. Grazas por levar o nome de Noia tan lonxe e por seguir escribindo páxinas inesquecibles da nosa historia deportiva ❤️👏

Noraboa, campioas! 🥉🌍

31/05/2026

🌊⚓ O Museo do Mar Carmen Barcia pecha un mes de maio de récord!

Máis de 1.000 visitantes descubriron durante o último mes a riqueza da nosa cultura mariñeira, consolidando ao Museo do Mar Carmen Barcia como un dos grandes referentes culturais de Noia.

Tras apenas cinco meses de funcionamento, o museo xa traballa a pleno rendemento, achegando a veciños e visitantes a historia, as tradicións e o patrimonio vinculado ao mar que forman parte da nosa identidade.

Dende o Goberno Municipal queremos anunciar tamén que nos vindeiros meses se acometerán actuacións para reparar e mellorar todo o contido tecnolóxico do museo, co obxectivo de seguir ofrecendo unha experiencia de calidade a todas as persoas que nos visitan.

Queremos expresar un agradecemento especial á asociación Mar de Noia polo seu compromiso e polo magnífico traballo realizado, así como á Oficina de Turismo de Noia, que dende o mes de xaneiro impulsa os programas "Visita Noia" dirixidos a colexios, asociacións e colectivos, contribuíndo a divulgar o noso patrimonio entre públicos de todas as idades.

Seguimos traballando para facer de Noia un destino cultural de referencia e para poñer en valor a nosa historia e a nosa relación co mar.

🌊⛵️

31/05/2026

🎪✨ A Alameda de Noia converteuse este sábado nun gran escenario ao aire libre co espectáculo familiar “Calquera Verdura”, de Rafael Dante, presentado por Circo Pistacatro.

Veciños e visitantes g***ron dunha tarde chea de humor, malabares, equilibrios e moita diversión nunha proposta que conquistou ao público de todas as idades. O evento foi todo un éxito de participación e contribuíu a dinamizar as rúas da nosa vila, enchendo a Alameda de vida, alegría e ambiente familiar.

31/05/2026

✨ A concelleira de Cultura, Chelo Martínez, acompañou a David P. Arufe na presentación do seu libro Soños sen Luz.

Dende o Concello de Noia queremos felicitar ao autor noies nesta importante ocasión, xa que esta obra supón a súa primeira publicación. Un proxecto cheo de ilusión, esforzo e talento que enriquece a nosa cultura e pon en valor a creatividade da nosa veciñanza.

Desexámoslle a David moitos éxitos nesta nova etapa e que Soños sen Luz sexa o primeiro de moitos traballos que cheguen ás mans dos lectores

30/05/2026

🎉🍷 100 anos de historia, encontros e tradición!

Dende o Concello de Noia quixemos render unha homenaxe moi especial ao Lelé, que celebra o seu centenario sendo moito máis ca unha taberna: un auténtico símbolo da nosa vila ❤️.

Durante un século, o Lelé foi punto de encontro de varias xeracións, contribuíndo a dinamizar o casco histórico e formando parte da memoria colectiva de Noia. E quen non lembra os seus míticos Tumbas?🤣

As concelleiras Sandra González Castro e Chelo Martínez fixeron entrega dun ramo de flores 💐 como mostra do agradecemento do Concello a unha casa que leva 100 anos abrindo as súas portas e creando comunidade.

Parabéns por este aniversario tan especial! 🥂 Que sigades enchendo de vida, historias e amizade as rúas de Noia por moitos anos máis.

💯 Por cen anos máis, Lelé!

30/05/2026

🎪 A dinamización cultural de Noia non para!

Neste caloroso día, cando a fresca comece a entrar pola tarde, temos unha proposta perfecta para g***r en familia.

A Concellería de Cultura organiza o espectáculo familiar "Calquera Verdura", da man de Circo Pistacatro e Rafael Dante, un show cheo de malabares, equilibrios e comedia para todas as idades.

📅 Sábado 30 de maio
🕖 19:00 h
📍 Alameda de Noia

Unha oportunidade fantástica para desfrutar da cultura ao aire libre e compartir unha tarde de diversión en familia.

Agardámosvos na Alameda! 🎭🤹‍♂️✨

Dirección

Rosalía De Castro, 2
Noya
15200

Horario de Apertura

Lunes	08:00 - 14:30
Martes	08:00 - 15:00
Miércoles	08:00 - 15:00
Jueves	08:00 - 15:00
Viernes	08:00 - 15:00

Teléfono

+34981842100

Página web

http://concellodenoia.gal/

Notificaciones

Sé el primero en enterarse y déjanos enviarle un correo electrónico cuando Concello de Noia publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.