16/08/2026
ഓച്ചിറ പരബ്രഹ്മ നഴ്സിംഗ് കോളേജിലെ വിദ്യാർഥിയുടെ മരണം: സമഗ്രമായ അന്വേഷണം നടത്തി കുറ്റക്കാരായ അദ്ധ്യാപകർക്കെതിരെ ആത്മഹത്യ പ്രേരണകുറ്റം ചുമത്തി കേസെടുക;
വിദ്യാർത്ഥികളെ വേട്ടയാടുന്ന ക്യാമ്പസുകളിലെ മാനസിക പീഡന പ്രവണതയ്ക്ക് അറുതി വരുത്തുക.
കരുനാഗപ്പള്ളി: ഓച്ചിറ പരബ്രഹ്മ നഴ്സിങ് കോളജിലെ രണ്ടാം വർഷ ബി.എസ്.സി നഴ്സിങ് വിദ്യാർത്ഥി അഹമ്മദ് നജാദ് ആത്മഹത്യ ചെയ്ത സംഭവം അതീവ ദുഃഖകരമാണ്. പരീക്ഷാ മാർക്കിന്റെ പേരിൽ അധ്യാപകർ നടത്തിയ ക്രൂരമായ മാനസിക പീഡനവും ഭീഷണിയുമാണ് ഈ യുവാവിന്റെ ജീവൻ പൊലിയാൻ കാരണമായതെന്ന കുടുംബത്തിന്റെ ആരോപണം അതീവ ഗൗരവമുള്ളതാണ്.
വിദ്യാഭ്യാസ സ്ഥാപനങ്ങൾ വിദ്യാർത്ഥികൾക്ക് തണലാകേണ്ടതിന് പകരം, അവരെ മാനസികമായി തകർക്കുന്ന പീഡനകേന്ദ്രങ്ങളായി മാറുന്നത് ഒരു തരത്തിലും അംഗീകരിക്കാൻ കഴിയില്ല. പ്രതിഷേധത്തെ തുടർന്ന് നാല് അധ്യാപകരെ സസ്പെൻഡ് ചെയ്തത് പ്രാഥമികമായ നടപടി മാത്രമാണ്.
എന്നാൽ സമഗ്രമായ പൊലീസ് അന്വേഷണം നടത്തി ആത്മഹത്യാ പ്രേരണക്കുറ്റം ചുമത്തി കുറ്റക്കാരായ അധ്യാപകർക്കെതിരെ കർശന നിയമനടപടി സ്വീകരിക്കണമെന്നും, ഉന്നതതല അന്വേഷണം നടത്തി കോളേജ് അധികൃതരുടെ ഭാഗത്തുനിന്നുണ്ടായ വീഴ്ചകളെക്കുറിച്ച് സർവ്വകലാശാലയും ആരോഗ്യവകുപ്പും പ്രത്യേക അന്വേഷണം നടത്തുകയും, മാർക്കിന്റെയും പരീക്ഷകളുടെയും പേരിൽ വിദ്യാർത്ഥികളെ മാനസികമായി വേട്ടയാടുന്നക്യാമ്പസുകളിലെ മാനസിക പീഡന പ്രവണതയ്ക്ക് അറുതി വരുത്തണമെന്നും
എസ് ഡി പി ഐ കരുനാഗപ്പള്ളി നിയോജക മണ്ഡലം പ്രസിഡൻ്റ് ഷാജഹാൻ കെ എസ് പുരം ആവശ്യപ്പെട്ടു...
അഹമ്മദ് നജാദിന്റെ കുടുംബത്തിന് നീതി ലഭിക്കുന്നതുവരെ കുടുംബത്തോടൊപ്പം എസ് ഡി പി ഐ ഉണ്ടാകുമെന്നും അദ്ദേഹം പറഞ്ഞു.
