03/07/2025
*വിജ്ഞാന കേരളം- കാറഡുക്ക ബ്ലോക്ക് ജോബ് സ്റ്റേഷൻ ഉദ്ഘാടനം ചെയ്തു*
സംസ്ഥാന സർക്കാരിന്റെ വിജ്ഞാനകേരളം പദ്ധതിയുടെ ഭാഗമായി കാസറഗോഡ് കാറഡുക്ക ബ്ലോക്കിൽ ജോബ് സ്റ്റേഷൻ പ്രവർത്തനം ആരംഭിച്ചു. ബ്ലോക്കിന്റെ കീഴിലുള്ള ഏഴ് പഞ്ചായത്തുകളിൽ നിന്നായുള്ള തൊഴിൽ അന്വേഷകർക്ക് ഇന്റർവ്യൂ പരിശീലനം സോഫ്റ്റ്സ്കിൽ പരിശീലനം ഗ്രൂപ്പ് ഡിസ്ക്കഷൻ പരിശീലനം എന്നിവ നൽകി ജോബ്സ്റ്റേഷൻ വഴി പൊതു സ്വകാര്യ സ്ഥാപനങ്ങളിലേക്ക് നേരിട്ടും വിർച്വലായും പ്ലേസ്മെന്റ് നടത്തും.
തൊഴിലന്വേഷകർക്ക് അവരുടെ അഭിരുചിക്കും താൽപര്യത്തിനും അനുസരിച്ചുള്ള തൊഴിൽ എത്തുവാനുള്ള പിന്തുണ സംവിധാനങ്ങളും കരിയർ കൗൺസിലിംഗ്, മോക്ക് ഇന്റർവ്യൂ തുടങ്ങിയ സേവനങ്ങളും ജോബ് സ്റ്റേഷൻ വഴി നൽകും.
പ്രവർത്തന ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് സിജി മാത്യു നിർവഹിച്ചു. വൈസ് പ്രസിഡന്റ് കെ രമണി അധ്യക്ഷത വഹിച്ചു. കാറഡുക്ക ഗ്രാമ പഞ്ചായത്ത് പ്രസിഡന്റ് ശ്രീ. കെ. ഗോപാലകൃഷ്ണ, ബ്ലോക്ക് പഞ്ചായത്ത് സ്റ്റാൻഡിങ് കമ്മിറ്റി ചെയർപേഴ്സൺമാരായ ബി കെ നാരായണൻ, പി സവിത, സ്മിത പ്രിയരഞ്ജൻ,മെമ്പർമാരായ സാവിത്രി ബാലൻ,കൃഷ്ണൻ, യശോദ, കില ഫെസിലിറ്റേറ്റർ അജയൻ പനയാൽ, കുടുംബശ്രീമിഷൻ ജില്ലാ പ്രോഗ്രാം മാനേജർ രേഷ്മ എം, കില ആർ പി ഇ ഗംഗാധരൻ കുടുംബശ്രീ ബ്ലോക്ക് കോർഡിനേറ്റർ റെനീഷ,കമ്മ്യൂണിറ്റി അംബാസിഡർ ശാലിനി, ലയ തുടങ്ങിയവർ യോഗത്തിൽ പങ്കെടുത്തു. ജനറൽ എക്സ്ടെൻഷൻ ഓഫീസർ സി രാമചന്ദ്രൻ സ്വാഗതവും കില തിമാറ്റിക് എക്സ്പെർട്ട് ശ്രുതി എസ് ബി നന്ദിയും പറഞ്ഞു.
