22/05/2026
പ്രിയപ്പെട്ടവരെ,
കേരള നിയമസഭയിൽ കൊണ്ടോട്ടിയുടെ എം.എൽ.എയായി ഇന്നത്തെ സത്യപ്രതിജ്ഞയോടെ ഔദ്യോഗികമായി ചുമതലയേറ്റെടുത്തു. കൊണ്ടോട്ടിയിലെ പ്രിയപ്പെട്ട UDF പ്രവർത്തകരുടെ ചോരനീരാക്കിയും രാത്രികൾ പകലാക്കിയുമുള്ള പ്രവർത്തനങ്ങളുടെയും പ്രാർഥനകളുടെയും ഫലമാണ് ഈ വിജയം. മണ്ഡലത്തിലെ ഓരോ വോട്ടർമാരും എന്നിലേൽപ്പിച്ച ഉത്തരവാദിത്വം കേവലമായൊരു പദവിയല്ലെന്നും ജനസേവനത്തിനുള്ള വലിയ ഉത്തരവാദിത്വമാണെന്നും ഞാൻ തിരിച്ചറിയുന്നു.
ഈ യാത്രയിൽ എന്റെ കൂടെ നിന്ന ഓരോ വോട്ടർമാർക്കും, UDF പ്രവർത്തകർക്കും, സ്നേഹിതർക്കും, ബഹുമാനപ്പെട്ട സയ്യിദ് സാദിഖലി ശിഹാബ് തങ്ങൾ ഉൾപ്പെടെയുള്ള നേതാക്കൾക്കും, രാഷ്ട്രീയാതീതമായ പിന്തുണ നൽകിയ ഓരോരുത്തർക്കും ഹൃദയത്തിന്റെ അടിത്തട്ടിൽ നിന്നുള്ള നന്ദി അറിയിക്കുന്നു. വികസനപ്രവർത്തനങളിൽ രാഷ്ട്രീയാതീതമായ പിന്തുണ നൽകിയും തെറ്റുകൾ സ്നേഹബുദ്ധ്യാ തിരുത്തിയും, ശ്രദ്ധ പതിയാതെ പോവുന്ന ഇടങ്ങൾ ഓർമപ്പെടുത്തിയും കൊണ്ടോട്ടിയിലെ ഓരോ വോട്ടർമാരും പിന്തുണക്കണമെന്ന് വിനീതമായി അഭ്യർഥിക്കുന്നു. കൊണ്ടോട്ടിയുടെ വികസനത്തിനായി നമുക്കൊന്നിച്ചൊരുമിച്ച് മുന്നേറാം.
സ്നേഹപൂർവം
ടിപി അഷ്റഫലി എം.എൽ.എ
കൊണ്ടോട്ടി
