06/09/2026
പെരുവന്താനം കൊലക്കേസ് : പ്രതി അറസ്റ്റിൽ.
=====================================
കോട്ടയം, കൂട്ടിക്കൽ, ഇളംകാട്, പനമൂട്ടിൽ വീട്ടിൽ ബിനു പി വി(50) എന്നയാളെ കൊലപ്പെടുത്തിയ കേസിൽ പെരുവന്താനം, പുല്ലുപാറ ഭാഗം, മുറിഞ്ഞപുഴ
തോലമ്മാക്കൽ വീട്ടിൽ തങ്കച്ചൻ റ്റി ഡി (60) ആണ് അറസ്റ്റിൽ ആയത്. 05.09.2026 തിയതി വൈകിട്ട് ഇരുവരും തമ്മിലുണ്ടായ വാക്ക് തർക്കത്തെ തുടർന്ന് പ്രതി, തന്റെ വീടിനുള്ളിലെ കട്ടിലിനടിയിൽ കിടന്ന കമ്പി വടി എടുത്ത് ബിനുവിന്റെ തലയുടെ പിന്നിൽ അടിച്ചും കുത്തിയും ഗുരുതര പരിക്കേൽപ്പിച്ച് ബിനുവിനെ കൊലപ്പെടുത്തുകയായിരുന്നു .
ബിനു മരണപ്പെട്ടതായി അറിയാതെ ഫയര്ഫോഴ്സിനെയും പോലീസിനെയും ആംബുലൻസിനായി പ്രതി തന്നെ ഫോണ് വിളിച്ചറിയിക്കുകയായിരുന്നു. ഫയര്ഫോഴ്സ് ഉദ്യോഗസ്ഥരാണ് ബിനു മരണപ്പെട്ടുകിടക്കുകയാണെന്നുള്ള വിവരം പോലീസിനെ വിളിച്ചറിയിച്ചത്.
