Idukki Police

Idukki Police Official page of District Police Idukki
(6)

ഇടുക്കി ജില്ലയുടെ ക്രമസമാധാന പരിപാലന-നിയമ നിർവഹണ ഏജൻസി- കേരള പോലീസ് ഡിപ്പാർട്ട്മെന്റിൻ്റെ ഭാഗമായി, ജനങ്ങൾക്ക് ഉയർന്ന നിലവാരത്തിലുള്ള പോലീസ് സേവനങ്ങൾ നൽകാൻ ഞങ്ങൾ പ്രതിജ്ഞാബദ്ധരാണ്. പൊതു സുരക്ഷ വർദ്ധിപ്പിക്കുന്നതിനും പൗരൻ്റെ അവകാശങ്ങൾ മാനിച്ചും അന്തസ്സ് ഉയർത്തുന്നതിനുമുള്ള ക്രമസമാധാന പാലനത്തിനുള്ള ഞങ്ങളുടെ ശ്രമങ്ങൾ ഞങ്ങൾ നിരന്തരം വിലയിരുത്തുകയും മെച്ചപ്പെടുത്തുകയും ചെയ്യും

ലഹരിമുക്ത സമൂഹത്തിനായി വിദ്യാർത്ഥികളിൽ അവബോധം വളർത്തി ഇടുക്കി പോലീസ്.====================================“ഓപ്പറേഷൻ തൂഫാൻ...
04/06/2026

ലഹരിമുക്ത സമൂഹത്തിനായി വിദ്യാർത്ഥികളിൽ അവബോധം വളർത്തി ഇടുക്കി പോലീസ്.
====================================
“ഓപ്പറേഷൻ തൂഫാൻ ദി നാർക്കോ ഹണ്ട്“ എന്ന കേരള പോലീസിന്റെ ലഹരിവിരുദ്ധ പ്രൊജക്റ്റിന്റെ ഭാഗമായി തൊടുപുഴ സെന്റ്. സെബാസ്റ്റ്യൻസ് ഹൈസ്കൂളിലെ കുട്ടികൾക്കായി ലഹരിവിരുദ്ധ ബോധവത്കരണ ക്ലാസ് നടത്തപ്പെട്ടു. തൊടുപുഴ പോലീസ് ഇൻസ്പെക്ടർ ​ശ്രീ. സിജോ വർഗീസ് ക്ലാസിന്റെ ഉദ്ഘാടനം നിർവഹിച്ചു. ഇടുക്കി ജില്ലാ സ്റ്റുഡന്റ് പോലീസ് പ്രോജക്ടിന്റെ മോട്ടിവേഷൻ സെല്ലിലെ സബ് ഇൻസ്‌പെക്ടർ ശ്രീ. അജി അരവിന്ദ് ക്ലാസ് നയിച്ചു. തൊടുപുഴ പോലീസ് സ്റ്റേഷനിലെ പബ്ലിക് റിലേഷൻ ഓഫീസറായ സബ് ഇൻസ്പെക്ടർ ​ശ്രീ. ബിജു വി.എ, സ്കൂൾ മാനേജർ ഫാദർ.ആൽഫ്രഡ്, ഹെഡ്മാസ്റ്റർ ശ്രീ. സജി മാത്യു എന്നിവർ സന്നിഹിതനായിരുന്നു. ഇടുക്കി ജില്ലാ പോലീസ് മേധാവിയുടെ നിർദ്ദേശപ്രകാരം ജില്ലയിൽ ലഹരിവിരുദ്ധ ബോധവൽക്കരണ ക്ലാസുകൾ നടത്തിവരികയാണ്. ഇത്തരം അവബോധ ക്ലാസുകള്‍ക്കായി 9497912649 എന്ന ജനമൈത്രി ജില്ലാ അസിസ്റ്റന്റ് നോഡ‍ല്‍ ഓഫീസറുടെ നമ്പരില്‍ ബന്ധപ്പെടാവുന്നതാണ്.
ഇടുക്കി ജില്ലയിലെ നിങ്ങളുടെ ചുറ്റുപാടുകളില്‍ നടക്കുന്ന ലഹരിവസ്തുക്കളുടെ കച്ചവടങ്ങളോ, ഉപയോഗമോ ശ്രദ്ധയില്‍പെട്ടാല്‍ ഇടുക്കി ജില്ലാ നർകോട്ടിക് സെല്ലിന്റെ 9497912594 എന്ന നമ്പരിൽ അറിയിക്കൂ. ഇത്തരത്തില്‍ സന്ദേശം അറിയിക്കുന്നവരുടെ വിവരങ്ങള്‍ രഹസ്യമായിരിക്കും.

നഷ്ടപ്പെട്ട മൊബൈൽ ഫോൺ വീണ്ടെടുത്ത് ഉടമസ്ഥന് കൈമാറി മൂന്നാർ പോലീസ്.======================================================...
04/06/2026

നഷ്ടപ്പെട്ട മൊബൈൽ ഫോൺ വീണ്ടെടുത്ത് ഉടമസ്ഥന് കൈമാറി മൂന്നാർ പോലീസ്.
=============================================================
2025 ജനുവരിയിൽ മൂന്നാറിൽ വെച്ച് തിരുവനന്തപുരം സ്വദേശി ജിബിന് മൊബൈൽ ഫോൺ നഷ്ടപ്പെട്ടതായി മൂന്നാർ പോലീസ് സ്റ്റേഷനിൽ അറിയിച്ചതിനെ തുടർന്ന് ഇൻസ്പെക്ടർ ബിനോദ് കുമാറിന്റെ നിർദ്ദേശപ്രകാരം സിവിൽ പോലീസ് ഓഫീസർ ആതിര നടത്തിയ കാര്യക്ഷമമായി അന്വേഷണത്തിനൊടുവില്‍ ഫോൺ കണ്ടെത്തുകയായിരുന്നു. സ്റ്റേഷനിൽ വച്ച് ഫോൺ ഉടമസ്ഥന് കൈമാറി.
നിങ്ങളുടെ ഫോൺ നഷ്ടപ്പെട്ടാല്‍ ഉടന്‍ എന്ത് ചെയ്യണം?
* എത്രയും വേഗം പോലീസില്‍ ഒരു പരാതി രജിസ്റ്റര്‍ ചെയ്യുക
അതിനായി കേരള പോലീസിന്റെ ഔദ്യോഗിക മൊബൈല്‍ ആപ്പായ പോൽ-ആപ്പ് വഴിയോ, തുണ വെബ് പോർട്ടൽ വഴിയോ, പോലീസ് സ്റ്റേഷനിൽ നേരിട്ടോ നിങ്ങൾക്ക് പരാതി നൽകാം. ഓര്‍ക്കുക പരാതിയിൽ ഫോണിന്റെ IMEI നമ്പർ കൃത്യമായി രേഖപ്പെടുത്തേണ്ടതാണ്
* സിം കാർഡിന്റെ ഡ്യൂപ്ലിക്കേറ്റ് എടുക്കുക
സർവീസ് പ്രൊവൈഡറുമായി ബന്ധപ്പെട്ട് ഫോണിൽ ഉപയോഗിച്ചിരുന്ന സിം കാർഡിന്റെ ഡ്യൂപ്ലിക്കേറ്റ് എടുക്കുക വഴി ഇത് നിങ്ങളുടെ ഫോൺ നമ്പർ ദുരുപയോഗം ചെയ്യുന്നത് തടയാൻ ഉപകരിക്കും. ഓര്‍ക്കുക നിങ്ങളുടെ ഫോണ്‍ ബ്ലോക്ക് ചെയ്യുന്നതിന് ഈ നമ്പര്‍ ആവശ്യമാണ്. 24 മണിക്കൂറില്‍ തന്നെ ഡ്യൂപ്ലിക്കേറ്റ് സിംകാര്‍ഡ് ആക്റ്റിവേറ്റ് ചെയ്തുകിട്ടും.
* www.ceir.gov.in എന്ന വെബ്‌സൈറ്റില്‍ രജിസ്റ്റര്‍ ചെയ്യുക വഴി നിങ്ങളുടെ നഷ്ടപ്പെട്ട ഫോണ്‍ ബ്ലോക്ക് ചെയ്യാം
ഈ വെബ്‌സൈറ്റില്‍ ചുവന്ന നിറത്തിലുള്ള ബട്ടനില്‍ Block Stolen/Lost Mobile എന്ന ഓപ്ഷന്‍ കാണാം. അതില്‍ പരാതിയുടെ കോപ്പി, തിരിച്ചറിയല്‍ രേഖ ഏതെങ്കിലും, ഫോണ്‍ വാങ്ങിയതിന്റെ ഇന്‍വോയ്‌സ് തുടങ്ങിയ രേഖകളുടെ പിന്‍ബലത്തോടെ അപേക്ഷ സമര്‍പ്പിച്ചാല്‍ വൈകാതെതന്നെ നിങ്ങള്‍ നല്‍കിയ ഐഎംഇഐ നമ്പര്‍(മൊബൈല്‍ നമ്പര്‍) ബ്ലോക്ക് ചെയ്യപ്പെടും. പിന്നീട് ഒരു സിം കാര്‍ഡും ഈ ഫോണില്‍ പ്രവര്‍ത്തിക്കുകയില്ല. ഫോണ്‍ ഈ രീതിയില്‍ ബ്ലോക്ക് ചെയ്താല്‍പോലും അത് ട്രാക്ക് ചെയ്യാന്‍ പോലീസിന് സാധിക്കും. ഇങ്ങനെയുള്ള അപേക്ഷയില്‍ നിങ്ങള്‍ക്ക് ഒരു റിക്വസ്റ്റ് ഐഡി ലഭിക്കുന്നതാണ്. ഈ റിക്വസ്റ്റ് ഐഡി ഉപയോഗിച്ച് നിങ്ങളുടെ അപേക്ഷയുടെ Status എപ്പോള്‍ വേണമെങ്കിലും പരിശോധിക്കാവുന്നതാണ്.
നഷ്ടപ്പെട്ട ഫോണ്‍ തിരിച്ച് കിട്ടിയാല്‍ www.ceir.gov.in വെബ്‌സൈറ്റില്‍ തന്നെ അണ്‍ബ്ലോക്ക് ചെയ്യുന്നതിനുള്ള ബട്ടന്‍ കാണാം. ഇത് ക്ലിക്ക് ചെയ്ത് റിക്വസ്റ്റ് ഐഡി നല്‍കിയതിന് ശേഷം അണ്‍ബ്ലോക്ക് ചെയ്യാനുള്ള കാരണം വ്യക്തമാക്കി സബ്മിറ്റ് ചെയ്യാം. അണ്‍ബ്ലോക്ക് ചെയ്ത ഫോണില്‍ പിന്നീട് സിംകാര്‍ഡ് ഇട്ട് ഉപയോഗിക്കാം
* നഷ്ടമായ സ്മാര്‍ട്ട് ഫോണിൽ സ്വകാര്യ വിവരങ്ങൾ ഉണ്ടെങ്കിൽ അവ നിങ്ങൾക്കുതന്നെ ഡിലീറ്റ് ചെയ്യാൻ മറ്റൊരു മാര്‍ഗ്ഗത്തിലൂടെ കഴിയും.
അതിനായി https://www.google.com/android/find/ എന്ന ഗൂഗിൾ ലിങ്ക് ഉപയോഗിക്കാവുന്നതാണ്. നഷ്ടമായ ഫോണിൽ സൈൻ ഇൻ ചെയ്യാൻ ഉപയോഗിച്ചിരുന്ന അക്കൗണ്ട് ലോഗിൻ വിവരങ്ങൾ ഉപയോഗിച്ചുകൊണ്ട് ഈ പേജിൽ ലോഗിൻ ചെയ്യുക. ഫോൺ റിങ്ങ് ചെയ്യിക്കാനും ലോക്ക് ചെയ്യുവാനുമുള്ള മാർഗ്ഗങ്ങൾ ഈ പേജിൽ കാണാൻ കഴിയും. കൂടാതെ ഇറേസ് ഡിവൈസ് എന്ന ഓപ്ഷൻ ഉപയോഗിച്ച് ഫോണിലെ വിവരങ്ങൾ പൂർണമായി ഡിലീറ്റ് ചെയ്യാനും സംവിധാനമുണ്ട്. നഷ്ടപ്പെട്ട ഫോണിൽ ഉപയോഗിച്ച ഗൂഗിൾ അക്കൗണ്ട് സൈൻ ഇൻ ചെയ്തിരുന്നാൽ മാത്രമേ ഈ സേവനം ലഭ്യമാവുകയുള്ളൂ.

03/06/2026

ചെങ്കരയിൽ നിന്ന് പൂർണ വളർച്ചയെത്തിയ കഞ്ചാവ് ചെടി കണ്ടെത്തി കുമളി പോലീസ്.
===================================
സംസ്ഥാനത്ത് ലഹരിമരുന്ന് ഉപയോഗവും വ്യാപനവും തടയുന്നതിനായി കേരള പോലീസ് നടപ്പിലാക്കുന്ന 'ഓപ്പറേഷൻ തൂഫാൻ: ദ നാർക്കോ ഹണ്ട്' പദ്ധതിയുടെ ഭാഗമായി കുമളി പോലീസ് നടത്തിയ പരിശോധനയിൽ പൂർണ വളർച്ചയെത്തിയ കഞ്ചാവ് ചെടി കണ്ടെത്തി. 03.06.2026 തിയതി കുമളി ചെങ്കര പ്രദേശത്ത് നടത്തിയ പരിശോധനയ്ക്കിടെയാണ് കഞ്ചാവ് ചെടി കണ്ടെത്തിയത്. കുമളി പോലീസ് ഇൻസ്‌പെക്ടർ അഭിലാഷ് കുമാറിന്റെ നേതൃത്വത്തിൽ നടത്തിയ പരിശോധനയിൽ സബ് ഇൻസ്‌പെക്ടർ കണ്ണൻ, സിവിൽ പോലീസ് ഓഫീസർമാരായ ഷിനോമോൻ, മാരിയപ്പൻ, രമേശ് എന്നിവരും ജില്ലാ പോലീസ് മേധാവിയുടെ നേതൃത്വത്തിലുള്ള ഡാൻസാഫ് അംഗങ്ങളും പങ്കെടുത്തു. കണ്ടെത്തിയ കഞ്ചാവ് ചെടി പോലീസ് കസ്റ്റഡിയിലെടുത്തു. സംഭവത്തിൽ കുമളി പോലീസ് കേസ് രജിസ്റ്റർ ചെയ്തു.

ഇടുക്കി ജില്ലയിലെ നിങ്ങളുടെ ചുറ്റുപാടുകളില്‍ നടക്കുന്ന ലഹരിവസ്തുക്കളുടെ കച്ചവടങ്ങളോ, ഉപയോഗമോ ശ്രദ്ധയില്‍പെട്ടാല്‍ ഇടുക്കി ജില്ലാ നർകോട്ടിക് സെല്ലിന്റെ 9497912594 എന്ന നമ്പരിൽ അറിയിക്കൂ. ഇത്തരത്തില്‍ സന്ദേശം അറിയിക്കുന്നവരുടെ വിവരങ്ങള്‍ രഹസ്യമായിരിക്കും.

സംസ്ഥാനത്തെ ലഹരിമരുന്നുകളുടെ പിടിയില്‍ നിന്ന് മോചിപ്പിക്കുന്നതിനും ലഹരിവ്യാപനം തടയുന്നതിനുമായി കേരള പോലീസ് ആവിഷിക്കരിച്ച...
03/06/2026

സംസ്ഥാനത്തെ ലഹരിമരുന്നുകളുടെ പിടിയില്‍ നിന്ന് മോചിപ്പിക്കുന്നതിനും ലഹരിവ്യാപനം തടയുന്നതിനുമായി കേരള പോലീസ് ആവിഷിക്കരിച്ച് നടപ്പിലാക്കുന്ന പുതിയ പദ്ധതിയായ 'ഓപ്പറേഷൻ തൂഫാന്‍ : ദ നാര്‍ക്കോ ഹണ്ട്' പദ്ധതിയുടെ ഭാഗമായി ലഹരിമരുന്ന് വില്‍ക്കുന്നവരെയും ഉപയോഗിക്കുന്നവരെയും കണ്ടെത്തുവാൻ 02.06.2026 തിയതി വരെ
ഇടുക്കി ജില്ലയിലെ 5 പോലീസ് സബ് ഡിവിഷനുകളിൽ നിന്നുമായി സ്കൂൾ പരിസരങ്ങളിലെ 264 റെയ്ഡുകളും മറ്റു വ്യാപാരസ്ഥാപനങ്ങളിലെ 298 റെയ്ഡുകളും ഉൾപ്പെടെ 562 റെയ്ഡുകൾ ജില്ലയിൽ നടത്തപ്പെട്ടു. സംസ്ഥാനത്ത് ലഹരിയുടെ ഒഴുക്ക് പൂർണ്ണമായും തടയുന്നുന്നതിനായി, കുട്ടികളെയും, യുവജനങ്ങളേയും ലഹരിയുടെ കെണിയിൽ വീഴ്ത്തുന്ന സംഘങ്ങളിലെ പ്രധാന കണ്ണികളെ കണ്ടെത്തി ജയിലിലടയ്ക്കാൻ ഞങ്ങളോടൊപ്പം, പൊതുജനങ്ങളായ നിങ്ങളുടെ പിന്തുണയും ആവശ്യമാണ്.

ഇടുക്കി ജില്ലയിലെ നിങ്ങളുടെ ചുറ്റുപാടുകളില്‍ നടക്കുന്ന ലഹരിവസ്തുക്കളുടെ കച്ചവടങ്ങളോ, ഉപയോഗമോ ശ്രദ്ധയില്‍പെട്ടാല്‍ ഇടുക്കി ജില്ലാ നർകോട്ടിക് സെല്ലിന്റെ 9497912594 എന്ന നമ്പരിൽ അറിയിക്കൂ.



കൊലപാതക കേസിൽ പ്രതിക്ക് ജീവപര്യന്തം കഠിനതടവും ഒരു ലക്ഷം രൂപ പിഴയും ശിക്ഷ.=======================================പനംകുട...
03/06/2026

കൊലപാതക കേസിൽ പ്രതിക്ക് ജീവപര്യന്തം കഠിനതടവും ഒരു ലക്ഷം രൂപ പിഴയും ശിക്ഷ.
=======================================
പനംകുട്ടി പൈപ്പ് ലൈൻ ഭാഗം ചൊള്ളംകുഴിയിൽ ഏലിയാസ് എന്നയാൾക്കാണ് 30/05/26 തിയതി തൊടുപുഴ നാലാം അഡിഷണൽ കോടതി കുറ്റക്കാരൻ എന്ന് കണ്ടെത്തി ജീവപര്യന്തം കഠിനതടവിനും ഒരു ലക്ഷം രൂപ പിഴയും, പിഴ അടച്ചില്ലെങ്കിൽ ഒരു വർഷം കൂടി കഠിന തടവിനും ശിക്ഷ വിധിച്ചത്. 2020 ഡിസംബർ നാലിന് ആയിരുന്നു കേസിനാസ്പദമായ സംഭവം നടന്നത്. അടിമാലി പോലീസ് സ്റ്റേഷൻ പരിധിയിൽ ബസ് സ്റ്റാൻഡിനു സമീപം രാത്രി കടത്തിണ്ണയിൽ കിടന്നുറങ്ങിരുന്ന അറക്കുളം സ്വദേശിയായ മാത്യൂസ് എന്നയാളെ പ്രതി സിമന്റ് ഇഷ്ടിക കൊണ്ട് തലയിൽ ഇടിച്ചു കൊലപെടുത്തുകയായിരുന്നു.

"തൂഫാന്‍ : ദ നാര്‍ക്കോ ഹണ്ട്" ഗഞ്ചാവുമായി കഞ്ഞികുഴി സ്വദേശി കുമളി പോലീസിന്റെ പിടിയിൽ.=================================കഞ...
03/06/2026

"തൂഫാന്‍ : ദ നാര്‍ക്കോ ഹണ്ട്" ഗഞ്ചാവുമായി കഞ്ഞികുഴി സ്വദേശി കുമളി പോലീസിന്റെ പിടിയിൽ.
=================================
കഞ്ഞികുഴി എഴുത്തുപാറക്കൽ വീട്ടിൽ
ശ്രീരാഗ് ബിജു (22) ആണ് പിടിയിലായത്.
ലഹരിമരുന്നുകളുടെ പിടിയില്‍ നിന്ന് യുവാക്കളെയും വിദ്യാര്‍ത്ഥികളെയും രക്ഷിക്കുവാനും സംസ്ഥാനത്തെ ലഹരി മയക്കുമരുന്ന് സംഘങ്ങളുടെ ഉറവിടം കണ്ടെത്തി നശിപ്പിക്കാനുമുള്ള കേരള പൊലീസിന്‍റെ പദ്ധതിയായ 'തൂഫാന്‍ : ദ നാര്‍ക്കോ ഹണ്ട് പദ്ധതിയുടെ ഭാഗമായി 02/06/2026 തിയതി നടത്തപ്പെട്ട പരിശോധനയിൽ കുമളി വണ്ടൻമേട് ജംഗ്ഷനിൽ വച്ച് 3.15 ഗ്രാം ഗഞ്ചാവുമായി കണ്ടെത്തിയതിനെ തുടർന്ന് കുമളി പോലീസ് ഇൻസ്പെക്ടർ അഭിലാഷ് കുമാറിന്റെ നേതൃത്വത്തിൽ സബ് ഇൻസ്പെക്ടർ കണ്ണൻ, സീനിയർ സിവിൽ പോലീസ് ഓഫീസർ അനീഷ്‌, സിവിൽ പോലീസ് ഓഫീസർമാരായ രമേശ്‌, ധനേഷ് എന്നിവരടങ്ങിയ പോലീസ് സംഘമാണ് പ്രതിയെ പിടികൂടിയത്.



03/06/2026

സ്കൂൾ പ്രവേശനോത്സവത്തോടനുബന്ധിച്ച്
മുതലക്കോടം സെന്റ് ജോർജ് ബോയ്സ് ഹൈസ്കൂളിലെ കുട്ടികൾക്കും മാതാപിതാക്കൾക്കുമായി ഇടുക്കി ജില്ലാ പോലീസിന്റെയും ഇടുക്കി ജില്ലാ സ്റ്റുഡന്റ് പോലീസ് പ്രൊജക്റ്റിന്റെയും ആഭിമുഖ്യത്തിൽ നടത്തിയ ബോധവത്കരണ മോട്ടിവേഷൻ ക്ലാസ്സിൽ നിന്നും. ജില്ലാ സ്റ്റുഡന്റ് പോലീസ് പ്രോജക്ട് മോട്ടിവേഷൻ സെല്ലിലെ സബ് ഇൻസ്‌പെക്ടർ ശ്രീ. അജി അരവിന്ദ് ക്ലാസ് നയിച്ചു. ലഹരി ഉപയോഗം കുട്ടികളിലുണ്ടാക്കുന്ന ശാരീരിക-മാനസിക പ്രശ്നങ്ങളെക്കുറിച്ചും, രക്ഷിതാക്കൾ ശ്രദ്ധിക്കേണ്ട കാര്യങ്ങളെക്കുറിച്ചും അദ്ദേഹം വിശദീകരിച്ചു. ​ ജില്ലാ പോലീസ് മേധാവിയുടെ നിർദ്ദേശപ്രകാരം ജില്ലയിലെ വിവിധ വിദ്യാലയങ്ങളിൽ ക്ലാസുകൾ തുടരുകയാണ്.
ഇത്തരത്തിലുള്ള അവബോധ ക്ലാസുകൾ സംഘടിപ്പിക്കാൻ താല്പര്യമുള്ളവർക്ക് ജനമൈത്രി ജില്ലാ അസിസ്റ്റന്റ് നോഡൽ ഓഫീസറെ 9497912649 എന്ന നമ്പരിൽ ബന്ധപ്പെടാവുന്നതാണ്.

“ഓപ്പറേഷൻ തുഫാന്‍ ദി നാര്‍ക്കോ ഹണ്ട്“ പ്രോജക്ട് സംസ്ഥാന വ്യാപകമായി ഇന്ന് (02.06.26) തീയതി വൈകുന്നേരം മൂന്നുമണിക്ക് തിരുവ...
02/06/2026

“ഓപ്പറേഷൻ തുഫാന്‍ ദി നാര്‍ക്കോ ഹണ്ട്“ പ്രോജക്ട് സംസ്ഥാന വ്യാപകമായി ഇന്ന് (02.06.26) തീയതി വൈകുന്നേരം മൂന്നുമണിക്ക് തിരുവനന്തപുരത്ത് വച്ച് ഉദ്ഘാടനം ചെയ്യപ്പെടുന്നു.
**********************************************************************
സംസ്ഥാനത്തെ ലഹരിമരുന്നുകളുടെ പിടിയില്‍ നിന്ന് മോചിപ്പിക്കുന്നതിനും ലഹരിവ്യാപനം തടയുന്നതിനുമായി കേരള പോലീസ് ആവിഷിക്കരിച്ച് നടപ്പിലാക്കുന്ന പുതിയ പദ്ധതിയായ 'തൂഫാന്‍ : ദ നാര്‍ക്കോ ഹണ്ട്' സംസ്ഥാനതല ഉദ്ഘാടനം ഇന്ന് (02-06-2026) തീയതി വൈകുന്നേരം മൂന്നുമണിക്ക് തിരുവനന്തപുരത്ത് കോട്ടണ്‍ഹില്‍ സ്കൂളില്‍ വച്ച് നടക്കുന്ന ചടങ്ങില്‍ ബഹുമാനപ്പെട്ട മുഖ്യമന്ത്രി ശ്രീ. വി ഡി സതീശന്‍ നിര്‍വ്വഹിക്കും.
കുടുംബ ബന്ധങ്ങളെ പോലും തകര്‍ക്കുന്ന ലഹരിമരുന്നുകളുടെ പിടിയില്‍ നിന്ന് യുവാക്കളെയും വിദ്യാര്‍ത്ഥികളെയും രക്ഷിക്കുവാനും സംസ്ഥാനത്തെ ലഹരി മയക്കുമരുന്ന് സംഘങ്ങളുടെ ഉറവിടം കണ്ടെത്തി നശിപ്പിക്കാനുമുള്ള കേരള പൊലീസിന്‍റെ പദ്ധതിയാണ് 'തൂഫാന്‍ : ദ നാര്‍ക്കോ ഹണ്ട്'.
തൂഫാന്‍ പദ്ധതിയുടെ ഭാഗമായി ലഹരിമരുന്ന് വില്‍ക്കുന്നവരെയും ഉപയോഗിക്കുന്നവരെയും നിരീക്ഷിക്കാന്‍ പ്രത്യേക സംവിധാനം ഉണ്ടാകും. വിദ്യാഭ്യാസ സ്ഥാപനങ്ങളുടെ പരിസരങ്ങള്‍, ആഡംബര ഹോട്ടലുകള്‍, ഡി.ജെ പാര്‍ട്ടികള്‍ എന്നിവടങ്ങള്‍ കര്‍ശന നിരീക്ഷണത്തിലാക്കുകയും ലഭ്യമാകുന്ന സൂചനകളില്‍ ഉടനടി നടപടി സ്വീകരിക്കുകയും ചെയ്യും.
ആഭ്യന്തര വകുപ്പ് മന്ത്രി ശ്രീ. രമേശ് ചെന്നിത്തല അധ്യക്ഷത വഹിക്കുന്ന ചടങ്ങില്‍ ആരോഗ്യ വകുപ്പ് മന്ത്രി ശ്രീ. കെ. മുരളീധരന്‍, വിദ്യാഭ്യാസ വകുപ്പ് മന്ത്രി ശ്രീ. എന്‍. ഷംസുദീന്‍, എക്സൈസ് വകുപ്പ് മന്ത്രി ശ്രീ. എം.ലിജു, ഗതാഗത വകുപ്പ് മന്ത്രി ശ്രീ. സി പി ജോൺ, പാർലമെന്റ് അംഗം ശ്രീ. ശശി തരൂർ, സംസ്ഥാന പോലീസ് മേധാവി ശ്രീ. റവാഡ ആസാദ് ചന്ദ്ര ശേഖര്‍ ഐ.പി.എസ്, ക്രമസമാധാന വിഭാഗം എ.ഡി.ജി.പി ശ്രീ. എച്ച്. വെങ്കടേഷ് ഐ.പി.എസ്, സ്കുള്‍ അധികൃതര്‍, രക്ഷിതാക്കള്‍, വിദ്യാര്‍ത്ഥികള്‍ എന്നിവര്‍ പങ്കെടുക്കും.

സ്കൂൾ പ്രവേശനോത്സവത്തിൽ സുരക്ഷാ ബോധവത്കരണവുമായി കരിങ്കുന്നം പോലീസ്.============================= 2026 ജൂൺ 1-ന് കരിങ്കുന്...
01/06/2026

സ്കൂൾ പ്രവേശനോത്സവത്തിൽ സുരക്ഷാ ബോധവത്കരണവുമായി കരിങ്കുന്നം പോലീസ്.
=============================
2026 ജൂൺ 1-ന് കരിങ്കുന്നം ഗവൺമെന്റ് എൽ.പി. സ്കൂളിൽ നടത്തപ്പെട്ട പഞ്ചായത്ത് തല പ്രവേശനോത്സവത്തോടനുബന്ധിച്ച് കരിങ്കുന്നം പോലീസിന്റെ നേതൃത്വത്തിൽ കുട്ടികൾക്കും മാതാപിതാക്കൾക്കും അധ്യാപകർക്കുമായി കുട്ടികളുടെ സുരക്ഷയുമായി ബന്ധപ്പെട്ട നിയമങ്ങൾ, ലഹരി വിരുദ്ധ പ്രവർത്തനങ്ങൾ, റോഡ് സുരക്ഷ, ഗതാഗത നിയന്ത്രണം തുടങ്ങിയ വിഷയങ്ങളിൽ വിശദമായ മാർഗനിർദേശങ്ങൾ നൽകി. കുട്ടികളുടെ സുരക്ഷ ഉറപ്പാക്കുന്നതിൽ മാതാപിതാക്കളുടെയും അധ്യാപകരുടെയും പങ്ക്, ലഹരി ഉപയോഗത്തിന്റെ ദൂഷ്യഫലങ്ങൾ, വിദ്യാർത്ഥികളിൽ സുരക്ഷാ അവബോധം വളർത്തേണ്ടതിന്റെ ആവശ്യകത എന്നിവയും പ്രതിപാദിച്ചു. കരിങ്കുന്നം പോലീസ് ഇൻസ്പെക്ടർ മഹേഷ് പിള്ള ബി.യുടെ നിർദേശപ്രകാരം അസിസ്റ്റന്റ് സബ് ഇൻസ്പെക്ടർ പ്രദീപ് കുമാറും സീനിയർ സിവിൽ പോലീസ് ഓഫീസർ അനസ് വി.ജെയും ക്ലാസിന് നേതൃത്വം നൽകി.

Address

Painavu
Painavu
685603

Telephone

+914862233006

Website

Alerts

Be the first to know and let us send you an email when Idukki Police posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Idukki Police:

Shortcuts

Share

Category