Muriyad Grama Panchayat

01/09/2026

17/08/2026

കർഷക ദിനാഘോഷവും കർഷകരെ ആദരിക്കലും സംഘടിപ്പിച്ചു.

ചിങ്ങം 1 , കർഷക ദിനാഘോഷത്തോട് അനുബന്ധിച്ച് മുരിയാട് ഗ്രാമപഞ്ചായത്തും കൃഷിഭവനും സംയുക്തമായി കർഷകദിനാഘോഷവും കർഷകരെ ആദരിക്കലും അവാർഡ് വിതരണവും സംഘടിപ്പിച്ചു. ആനന്ദപുരം ഇ എം എസ് ഹാളിൽ വച്ച് സംഘടിപ്പിച്ച കർഷക ദിനാഘോഷ പരിപാടിയിൽ മുരിയാട് ഗ്രാമപഞ്ചായത്ത് പ്രസിഡന്റ് സരള വിക്രമൻ അദ്ധ്യക്ഷത വഹിച്ചു.ഇരിങ്ങാലക്കുട നിയോജക മണ്ഡലം എം എൽ എ അഡ്വ. തോമസ് ഉണ്ണിയാടൻ ഉദ്ഘാടനം ചെയ്തു. ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്റ് ടി ജി ശങ്കരനാരായണൻ,തൃശൂർ ജില്ല പഞ്ചായത്ത് മെമ്പർ ജോസ് ജെ ചിറ്റിലപ്പിള്ളി എന്നിവർ മുഖ്യാതിഥികൾ ആയിരുന്നു. പഞ്ചായത്ത് തലത്തിൽ 9 വിഭാഗങ്ങളിലായി മികച്ച കർഷകരെ ആദരിച്ചു. ഒപ്പം 18 വാർഡിലെയും മികച്ച കർഷകരെയും ആദരിച്ചു.മുരിയാടിന്റെ കാർഷിക പ്രവർത്തനങ്ങളെ ക്രോഡീകരിച്ചുകൊണ്ട് “ഹരിതശ്രീ” കാർഷിക വികസനരേഖ പഞ്ചായത്ത് പ്രസിഡന്റ് പ്രകാശനം ചെയ്തു. ഇരിങ്ങാലക്കുട കൃഷി അസിസ്റ്റന്റ് ഡയറക്ടർ ഫാജിത റഹ്മാൻ പദ്ധതി വിശദീകരണം നിർവഹിച്ചു. മുരിയാട് ഗ്രാമപഞ്ചായത്ത് വൈസ് പ്രസിഡന്റ് സുമിത പ്രസാദ്, വികസന സ്റ്റാന്റിംഗ് കമ്മിറ്റി ചെയർപേഴ്സൺ നികിത അനൂപ്, ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ എ എം ജോൺസൺ, ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ സുനിത മുരളി, ഇരിങ്ങാലക്കുട ബ്ലോക്ക് പഞ്ചായത്ത് മെമ്പർ കെ യു വിജയൻ, മുരിയാട് ഗ്രാമപഞ്ചായത്ത് ഭരണസമിതിയംഗങ്ങളായ സുനിൽകുമാർ, ഷൈജു, അജീഷ്,ജസ്റ്റിൻ ജോർജ്,ബിന്ദു ടീച്ചർ, സുരേഷ് ബാബു, ഷാരി വീനസ്, അഞ്ജലി ഷാബു,തോമസ് തത്തമ്പിള്ളി, ജ്യോതി സരിൻ, തോമസ് തൊകലത്ത്, ടി കെ ശശി, ഷീജ മോഹനൻ, കാർഷിക വികസന സമിതിയംഗങ്ങളായ എം ബി ഗോപാലകൃഷ്ണൻ, എൻ ഡി പോൾ, ഗ്രാമപഞ്ചായത്ത് സെക്രട്ടറി ശാലിനി എന്നിവർ ആശംസകൾ അർപ്പിച്ച് സംസാരിച്ചു.കൃഷി ഓഫീസർ ഡോ അഞ്ചു ബി രാജ് സ്വാഗതവും കൃഷി അസിസ്റ്റന്റ് ഓഫീസർ ബിന്ദു ഈ കെ നന്ദിയും അറിയിച്ചു.

15/08/2026

മുരിയാട് ഗ്രാമ പഞ്ചായത്തിൽ ഇന്ത്യയുടെ 80 ആം സ്വാതന്ത്ര്യദിനം ആഘോഷിച്ചു . പഞ്ചായത്ത് പ്രസിഡന്റ് സരള വിക്രമൻ പതാക ഉയർത്തി ചടങ്ങുകൾ ഉദ്ഘാടനം ചെയ്യ്തു . വൈസ് പ്രസിഡന്റ് സുമിത പ്രസാദ് അദ്ധ്യക്ഷത വഹിച്ചു . ക്ഷേമ കാര്യ സ്റ്റാന്റിംഗ് കമ്മിറ്റി ചെയർ മാൻ എ എം ജോൺസൻ , ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ സുനിത മുരളി ഭരണ സമിതി അംഗങ്ങളായ അജീഷ് കുഞ്ഞൻ, ബിന്ദു ടീച്ചർ ,ഷീജ മോഹനൻ ,ടി കെ ശശി, അസ്സിസ്ടന്റ് സെക്രട്ടറി മനോജ് മുകുന്ദൻ , പഞ്ചായത്ത് ജീവനക്കാർ , ഹരിത കർമ്മ സേന അംഗങ്ങൾ , നാട്ടുകാർ തുടങ്ങിയവർ പങ്കെടുത്തു .

13/08/2026

ചെണ്ടുമല്ലികൃഷിയിൽ നൂറുമേനിയുമായി പുല്ലൂർ സഹൃദയ കുടുംബശ്രീ

മുരിയാട് ഗ്രാമപഞ്ചായത്തിലെ സഹൃദയ കുടുംബശ്രീ, പുല്ലൂർ ചെണ്ടുമല്ലി കൃഷി വിളവെടുപ്പ് നടത്തി. മുരിയാട് ഗ്രാമപഞ്ചായത്തിന്റെ വനിതാരാമം, ഇരിങ്ങാലക്കുട ബ്ലോക്ക് പഞ്ചായത്തിന്റെ ഹരിത വസന്തം പദ്ധതികളുടെ ഭാഗമായി പഞ്ചായത്തിലൊട്ടാകെ കുടുംബശ്രീയുടെ നേതൃത്വത്തിൽ വനിത ഗ്രൂപ്പുകൾ ചെണ്ടുമല്ലി കൃഷി നടത്തുകയുണ്ടായി. ആനന്ദത്തിനൊപ്പം ആദായവും എന്ന ആശയത്തിൽ ഓണവിപണി ലക്ഷ്യമാക്കി ചെയ്ത ചെണ്ടുമല്ലി കൃഷി വൻവിജയമായ സന്തോഷത്തിലാണ് കുടുംബശ്രീ. വിളവെടുപ്പ് ഉദ്ഘാടന ചടങ്ങിൽ മുരിയാട് ഗ്രാമപഞ്ചായത്ത് പ്രസിഡന്റ് സരള വിക്രമൻ അധ്യക്ഷത വഹിച്ചു. ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്റ് ടി ജി ശങ്കരനാരായണൻ വിളവെടുപ്പ് ഉദ്ഘാടനം നിർവഹിച്ചു. വാർഡ് മെമ്പർ തോമസ് തൊകലത്ത് ആശംസകൾ അറിയിച്ചു. ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർ പേഴ്സൺ സുനിത മുരളി, വാർഡ് മെമ്പർമാരായ ഷീജ മോഹനൻ, ബിന്ദു ടീച്ചർ, ഷൈജു, സി ഡി എസ് ചെയർപേഴ്സൺ മിനി സത്യൻ,വൈസ് ചെയർ പേഴ്സൺ രമ്യ മണികണ്ഠൻ,കൃഷി ഓഫീസർ ഡോ. അഞ്ചു ബി രാജ്, അസിസ്റ്റന്റ് കൃഷി ഓഫീസർ ബിന്ദു, കുടുംബശ്രീ എഡിഎസ്,ജെ എൽ ജി അംഗങ്ങൾ എന്നിവർ സന്നിഹിതരായിരുന്നു. എഡിഎസ് സുജാത നന്ദി അറിയിച്ചു.