29/08/2026
හිසට සෙවණක් දුන් සැබෑ නායකත්වය: ඉතිහාසය පිරික්සා බලද්දී හමුවන අපේ රටේ නිවාස විප්ලවයේ සැබෑ විප්ලවකරුවන්! 🏠🇱🇰
----------------------------------------------------------------------
අද දේශපාලන වේදිකාවල සහ සමාජ මාධ්යවල තමන් නිවාස ව්යාපෘතිවල "පියවරුන්" යැයි කියාගන්නා, අනුන්ගේ වැඩවලට රිබන් කපන්න දඟලන අලුත් දේශපාලනඥයන් ඕනෑතරම් අපි දකිනවා. සැබෑ ඉතිහාසය නොදන්නා ඇතැම් පිරිස් මේ නායකයන් පසුපස අත්පුඩි ගසමින් යනවා. නමුත්, අපේ රටේ නිවාස සංවර්ධන ඉතිහාසය ගැන ඇත්තම කතාව දැනගන්න නම් අපි ඉතිහාසය ටිකක් හාරා බලන්න ඕනේ.
එහෙම බලද්දී අපිට පැහැදිලිවම පෙනෙන්න ඉන්නවා මේ රටේ සාමාන්ය ජනතාවගේ, දුප්පතාගේ සැබෑ හදගැස්ම හඳුනාගෙන, නිවාස හිමිකම ජනතාවගේ මූලික අයිතියක් බව තේරුම් ගත්තු සැබෑ දේශපාලනඥයන් සහ නිවාස ව්යාපෘතිවල සැබෑ නිර්මාතෘවරුන් දෙන්නෙක්!
ඒ තමයි හිටපු ජනාධිපති රණසිංහ ප්රේමදාස සහ හිටපු ජනාධිපති මහින්ද රාජපක්ෂ යන මහත්වරුන්.ඔවුන් දෙදෙනාම තමන් ඇමැති ධුර දැරූ සමයේ සිටම රටේ දිළිඳුකම පිටුදැකීම සඳහා දැවැන්ත ප්රතිපත්ති ඔස්සේ වැඩ කළා මිසක්, අනුන්ගේ ව්යාපෘති තමන්ගේ කරගන්න හැදුවේ නැහැ.මෙන්න මේ සැබෑ නායකයන් දෙදෙනාගේ නිවාස විප්ලවයේ නොමැකෙන ඉතිහාසය:
🏛️ 1. රණසිංහ ප්රේමදාස යුගය (1968 - 1993) - "ස්වයං ශ්රමයේ සහ ග්රාමීය නිවාසවල පියා"
ප්රේමදාස මහතා දුප්පත් ජනතාවට තමන්ගේම කියා ස්වයං-ගෞරවයක් ඇතිව හිසට සෙවණක් හදාගන්න මඟ පෑදූ නායකයායි.
1968 (අමාත්ය ධුරය): මාලිගාවත්ත, ගුණසිංහපුර, සෝන්ඩර්ස් පෙදෙස හරහා ලංකාවේ මුල්ම සහ විශාලතම නාගරික මහල් නිවාස ක්රමය හඳුන්වා දෙමින් පවුල් 5,000 කට අධික පිරිසකට සහන සැලසුවා.
1978 - 1980 (අගමැති ධුරය): "ලක්ෂයේ නිවාස වැඩසටහන" සහ "ගම් උදාව" සංකල්පය හරහා රට පුරා ආදර්ශ ගම්මාන බිහි කරමින් පවුල් ලක්ෂ ගණනකට පර්චස් 10-20 ඉඩම් සමඟ ස්ථිර නිවාස ලබා දුන්නා.
1984 - 1989: ලෝක බැංකුවේ පවා ඇගයීමට ලක්වූ "දශලක්ෂයේ නිවාස වැඩසටහන" මඟින් දිවයින පුරා පවුල් මිලියනයකට (1,000,000) නිවාස සහන දුන්නා. ඔහුගේ යෝජනාවකට අනුව 1987 වසර එක්සත් ජාතීන්ගේ සංවිධානය (UN) විසින් "ජාත්යන්තර නිවාස වර්ෂය" ලෙස ප්රකාශ කළා.
1989 - 1993 (ජනාධිපති ධුරය): වතුකරයේ කම්කරුවන්ගේ ලැයින් කාමර ඉවත් කර පවුල් 15,000 කට අධික පිරිසකට තනි නිවාස සහ සින්නක්කර ඉඩම් ඔප්පු ලබා දුන්නා. බත්තරමුල්ලේ "ජයවඩනගම" හරහා රාජ්ය සේවකයන් පවුල් 2,000 කට අධික පිරිසකට සහ ඇඟලුම් කම්හල් සේවිකාවන් 10,000 කට අධික පිරිසකට නේවාසිකාගාර පහසුකම් දුන්නා.
🏛️ 2. මහින්ද රාජපක්ෂ යුගය (1997 - 2022) - "රාජ්ය අනුග්රහය සහ නවීන නාගරික/රණවිරු නිවාසකරණය"මහින්ද රාජපක්ෂ මහතා රටේ ආරක්ෂාව තහවුරු කරන අතරතුරම නාගරික සංවර්ධනය සහ වෘත්තීය ප්රජාවන් වෙනුවෙන් පූර්ණ රාජ්ය අනුග්රහය සහිත නිවාස ක්රම හඳුන්වා දුන්නා.
1997 (ධීවර අමාත්ය ධුරය): වෙරළබඩ සහ මිරිදිය ධීවරයන් වෙනුවෙන් යටිතල පහසුකම් සහිත "දියවර ගම්මාන" 60 කට අධික ප්රමාණයක් බිහි කරමින් පවුල් 8,000 කට අධික පිරිසකට සෙවණ දුන්නා.
2005 (ජනාධිපති ධුරය): සුනාමි ව්යසනයෙන් පසු අම්පාර නොරොච්චෝල ප්රදේශයේ සෞදි රියාල් මිලියන 42 ක ආධාරයෙන් පාසල්, රෝහල් සහිත සුනාමි සහන නිවාස 500 ක් ඇතුළු නිවාස දහස් ගණනක් ඉදිකළා.
2009: "අපි වෙනුවෙන් අපි" අරමුදල හරහා අනුරාධපුර ඉපලෝගම අක්කර 180 ක භූමියක නිවාස 1,509 කින් යුත් ලංකාවේ විශාලතම "රණජයපුර" රණවිරු පුරවරය බිහි කළා. "විරුසුමිතුරු" ව්යාපෘතියෙන් තවත් රණවිරු පවුල් 3,650 කට සහන දුන්නා.
2010: ඉන්දීය රජයේ ඩොලර් මිලියන 350 ක ප්රදාන ආධාර මත වතුකරයේ ලැයින් කාමර වෙනුවට පර්චස් 7-10 ඉඩමක වර්ග අඩි 550 ක නවීන තනි නිවාස 4,000 ක් වතු ජනතාවට ලබා දුන්නා.
2011 (නාගරික පුනර්ජීවනය):
කොළඹ පැල්පත් වැසි පවුල් 5,000 කට ආසන්න පිරිසකට සිරිසර උද්යානය (නිවාස 718),
මෙත්සර උද්යානය (430),
මිහිඳුසෙන්පුර (500),
සිරිසඳ සෙවණ (366),
මුවදොර උද්යානය (800+) වැනි සෝපාන සහ සියලු පහසුකම් සහිත නවීන මහල් නිවාස නොමිලේ හෝ සහන මිලට ලබා දුන්නා.
මීට අමතරව වියත්පුර සහ ඔරුගොඩවත්ත හරහා මධ්යම පාන්තිකයන්ට නිවාස 3,200 කට අධික ප්රමාණයක් සැලසුම් කළා.
2020 (අගමැති/නිවාස අමාත්ය ධුරය): "ගමට ගෙයක් - රටට හෙටක්" සහ "සියපත් ගම" වැඩසටහන් හරහා රට පුරා අන්ත දිළිඳු පවුල් වෙනුවෙන් නිවාස 14,000 කට අධික ප්රමාණයක වැඩ ආරම්භ කළා.
දේශපාලන බලය ලබාගැනීම සඳහා අද කවුරුන් කුමන පම්පෝරි ගැසුවද, මේ රටේ බිම් මට්ටමේ දුප්පත්කම හඳුනාගෙන, ජනතාවගේ නිවාස ප්රශ්නයට ප්රායෝගික සහ දැවැන්ත විසඳුම් ලබා දුන් සැබෑ නිර්මාතෘවරුන් වන්නේ රණසිංහ ප්රේමදාස සහ මහින්ද රාජපක්ෂ යන නායකයන් දෙදෙනා පමණි. ඉතිහාසය වෙනස් කිරීමට කිසිවෙකුට නොහැක! ✊🇱🇰
© Protect Gota
Protect GOTA
