LSAP Mertert-Wasserbillig

27/10/2026

Gare Waasserbëlleg an Arrêt Mäertert: nach méi laang waarden!

Aus der Äntwert op d’parlamentaresch Fro vum LSAP-Deputéierte Ben Streff geet ervir, datt de Chantier fir d’Moderniséierung vun der Gare Waasserbëlleg eréischt 2030 ufänke soll. Den Ofschloss ass elo fir 2036 virgesinn – amplaz vun Enn 2032. D’Aarbechten um Arrêt Mäertert sollen eréischt duerno ëmgesat ginn.

Als LSAP Mäertert-Waasserbëlleg bedauere mir, datt dës wichteg Projeten ëmmer nees no hanne verréckelt ginn. D’Gare Waasserbëlleg ass e wichtege Verkéiersknuet fir eis ganz Regioun.

Besonnesch bedauerlech ass, datt domat och de barrièrefräien Zougang zu den Zich nach méi laang op sech waarde léisst. Mënsche mat enger Behënnerung oder ageschränkter Mobilitéit, eeler Leit an Eltere mat Kannerween sinn op zougänglech Infrastrukturen ugewisen. Dat gëllt zu Waasserbëlleg genee esou wéi zu Mäertert.

Domat verréckelt sech och de Bau vum Parkhaus, dat ënner anerem de Bierger aus der Gemeng Mäertert, der Stad Gréiwemaacher, der Gemeng Rouspert-Mompech an der Grenzregioun den Ëmstig op den Zuch erliichtere soll.

Wa mir méi Leit fir den ëffentlechen Transport wëlle gewannen, muss en och fir jiddereen zougänglech sinn. Mir setzen eis weider fir eng zäitno Ëmsetzung vu béide Projeten an!

Héi kennt dir et Äntwert liesen: https://www.chd.lu/fr/question/51471

15/10/2026

DU SCHWÄTZ, MIR LAUSCHTEREN NO! 📣

Egal ob s du Member vun der LSAP bass oder net: Deng Erfarungen, deng Iddien an deng Meenung zielen!

💬 Diskutéier mat eis iwwert Wunnen, Aarbecht, Nohaltegkeet a Gesondheet. Zesumme wëlle mir Recommandatiounen ausschaffen, déi an eis politesch Aarbecht afléissen.

📅 14. November 2026 & 23. Januar 2027
📩 Fir méi Infos schreiw MATMAACHEN an d’Kommentarer

À VOUS LA PAROLE, NOUS SOMMES À L’ÉCOUTE ! 📣

Que vous soyez membre du LSAP ou non, vos expériences, vos idées et votre avis comptent !

💬 Échangez avec nous sur le logement, le travail, la durabilité et la santé. Ensemble, nous voulons élaborer des recommandations qui contribueront à notre travail politique.

📅 14 novembre 2026 & 23 janvier 2027
📩 Pour plus d’informations, écrivez MATMAACHEN en commentaire.

YOU SPEAK, WE LISTEN! 📣

Whether you’re an LSAP member or not, your experiences, ideas and opinions matter!

💬 Join us to discuss housing, work, sustainability and health. Together, we want to develop recommendations that will help shape our political work.

29/09/2026

Zesummen an d'Chamber? 👀

Haut an 2 Méint invitéieren ech Dech fir en Tour duerch d'Chamber.
Wéi gesäit et wieklech do aus, wou eis Gesetzer gestëmmt ginn? Wat geschitt hannert de Kulissen? 🔓

=> 26.11.26 - 18:00h 🕰️
=> Umellen op [email protected] ☑️

Duerno gëtt et e Patt 🥂🎄

15/09/2026

15/09/2026

Däitsch Versioun Version française

15/09/2026

08/05/2026

🇱🇺 De Schäffen- a Gemengerot invitéiert no der Mass fir de Gust Stefanetti de Méinden 11. Mee 2026 op ee gemeinsamt Gedenken am Centre Culturel zu Waasserbëlleg zu deem Jiddereen häerzlech agelueden ass.
D'Gemeng mécht de Méinden ausnamsweis schonn ëm 15.30 zou

🇫🇷 Le collège échevinal et le conseil communal invitent après la messe pour Gust Stefanetti le 11 mai 2026 à une cérémonie commémorative au Centre culturel de Wasserbillig, à laquelle tout le monde est chaleureusement invité.
L'administration communale fermera exceptionnellement lundi à 15 h 30

01/05/2026

D’LSAP Mäertert-Waasserbëlleg huet déi traureg Matdeelung kritt, datt hire laangjärege Buergermeeschter a Sektiounspresident, de Gust Stefanetti, haut verscheet ass.

De Gust war vun 1982 bis 2016 Member vum Gemengerot. Vun 1985 bis 2000 war hie Schäffen, an am Joer 2000 ass hien zum Buergermeeschter vun eiser Gemeng ginn. 2016 huet hien aus gesondheetleche Grënn seng Demissioun misse ginn.

Wärend 34 Joer huet hie sech mat vollem Asaz fir d’Wuel vun eiser Gemeng an hir Biergerinnen a Bierger agesat. Vill Projeten an Entwécklunge sinn an eiser Gemeng a senger Zäit als Buergermeeschter ëmgesat ginn. 2016 huet de Gemengerot de Gust zum Éierebuergermeeschter vun der Gemeng ernannt.

De Gust war zënter 1982 Member vun der LSAP an huet als Bezierkspresident an Organisationssekretär vun der LSAP vill Verantwortung iwwerholl.

Kolleg Gust, mir soen dir Merci fir däin Asaz am Numm vun eiser ganzer LSAP-Sektioun Mäertert-Waasserbëlleg.

Rou a Fridden.