SAHY Miteny

SAHY Miteny vaovao rehetra, trangam_piaraha_monina , politika, ....

01/06/2026

‼ Siteny

Izao ny vokany rehefa miteniteny foana sy tsy mieritreritra ny mety ho vokatry ny zavatra lazainy ny mpitondra.
Nandritra tamin'ny fihaonana tamin'ny diaspora tao Paris dia nilaza i Siteny fa hanafatra solika any Rosia i Madagasikara.

Ny zavatra tsy fantatr'i Siteny anefa dia firenena tratran'ny sazy iraisam-pirenena Rosia nanomboka tamin'ny taona 2022 nohon'ny ady ataony amin'i Ukraine.
Tsy mahazo mandalo fari-dranomasina maro ny sambo Rosiana fa voasazy, ka sakanana sy potehin'ireo firenena mivondrona ao anatin'ny OTAN.
Mampiasa "flotte fantôme" i Rosia mba ahafahany manondrana solika, gaz ary fitaovam-piadina hamatsiana ny ady any Ukraine.

Nijabaka tanteraka i Madagasikara fa ho tratran'ny sazy iraisam-pirenena ihany koa nohon'ny adalan'ny mpitondran'ny FAHAVOAZANA.
Voasakana ny sambo mpitatitra solika avy any Rosia izay nitondra sainam-pirenena Malagasy tao amin'ny ranomasina Atlantika omaly.
Tsy hisy mpamatsy vola hatoky an'i Madagasikara intsony ary ho voasokajy ho firenena atahorana amin'ny fanaovana trafics isan-karazany.

🔴Fanenjehana mpikambana ao amin’ny HCC : tsy menatra mampiseho ny fandikan-dalàna sy ny jadona i Fanirisoa ErnaivoHanome...
01/06/2026

🔴Fanenjehana mpikambana ao amin’ny HCC : tsy menatra mampiseho ny fandikan-dalàna sy ny jadona i Fanirisoa Ernaivo

Hanome alalana ny fanenjehana ireo mpikambana 4 tsy nitovy hevitra tamin’ny filohan’ny HCC florent rakotoarisoa izany ilay minisitry ny fitsarana.

Mikasika ilay fitoriana napetrak’i depute Rajerison Antoine mitaky ny fanesorana an’i colonel Mika, kanefa fandikan-dalàna bevava marososona no mitranga :

-Voalohany dia milaza i fanirisoa fa tsy afaka mitory eo amin’ny HCC ny solombavambahoaka 1. Odiany fanina fa efa nisy jurisprudence tamin’i Siteny nitory teny amin’ny HCC nahatonga ny fanesorana ny filoha Andry RAJOELINA.

Solombavambahoaka tsotra i Siteny tamin’izany, izy irery no nanao ny fitoriana fa tsy 2/3 ny députés araka ny lalàna manankery. Ary na filoha lefitry ny an faha-7 aza izy tamin’izany dia tsy manana kalitao hanao fitoriana satria ny Filohana Andrim-panjakana ihany no manana izany fa tsy ny filoha lefitra.

Inona no helok’izy 4 mianadahy ao amin’ny HCC raha nihevitra ny hanaiky ny fitorian’i député Rajerison Antoine izy ireo kanefa efa nisy ohatra iny fitorian’i Siteny iny ary lasa jurisprudence mazava tsara eo anoloan’ny HCC?

-Faharoa dia lazain’i fanirisoa fa heloka izany ho an’ireo mpanolotsaina avon’ny HCC ny manana hevitra hafa ankoatra ny misolelaka amin’ny FAHAVOAZANA. Aiza no misy lalàna milaza fa helohin’ny lalàna ny manana hevitra tsy mitovy amin’ny FAHAVOAZANA ? Izany ve no fahalalahana nolazaina fa notakiana tamin’ny hetsika septambra 2025 ? Ny fananan’ireo mpitsara hevitra hafa tsy misolelaka amin’ny FAHAVOAZANA araka izany no hanagadrana azy satria lazaina fa fanakorontanana

-Fahatelo sady tena zavadoza koa dia ny hoe adihevitra anatiny tao anatin’ireo mpitsara tao amin’ny HCC kanefa dia notaterin’i Florent Rakotoarisoa taty amin’ny fitondrana FAHAVOAZANA. Mazava be fa nohitsakitsahina ny lalàna mifehy ny tsiambaratelon’ny adihevitra izay tokony hiantoka ny fahaleovantenan’ny HCC.

Tena rendrika tanteraka ny firenena sendra an’ireto jiolahimboto FAHAVOAZANA nahazo fahefana ireto. Hatramin’ny oviana no avela hanao izay danin’ny kibony izy ireo?

🚨Fanirisoa ErnaivoTsy mijery ny fiavin'ny mpandika lalàna hono ny fitsarana hoy i Fanirisoa Ernaivo.Nefa ireo merina sy ...
01/06/2026

🚨Fanirisoa Ernaivo

Tsy mijery ny fiavin'ny mpandika lalàna hono ny fitsarana hoy i Fanirisoa Ernaivo.
Nefa ireo merina sy betsileo dia samborina sy gadraina avokoa, hamoronana dossiers sy lazaina fa mikasa hanongam-panjakana rehefa tsy manohana ny fitondrana FAHAVOAZANA.

Fa ry Maharante, Onitiana Realy, Briand Andrianirina, Koufali Daya tsy misy mikitika satria avy any Atsimo.
Nefa dia fatam-poko, fatam-pirenena izao ny halatra bevava nataon'ireo olona ireo teto amin'ny firenena.
Mifampiaro ny samy mafia ary manjaka ny tsimatimanota eto amin'ny firenena.

01/06/2026

‼ Koufali Daya

Aza dia mihevitra ny vahoaka ho bado sy vendrana re ry Kolonely Michael a!
I Koufali Daya izay havanao ve moa tsy ho arovanao fa lazainao atao fitaovana politika entina handotoana anao fotsiny ny momba azy ?

Ka i Maitre Hanitra sa i Fidèle Razara Pierre ve izany no manao fitaovana politika ny momba an'i Koufali Daya mba handotoana anao ?
Efa Minisitra sy VPAN manko izy mianadahy ireo izay nanao ampamoaka ny fanondranana volamena any ivelany ataon'i Koufali Daya.

I Fanirisoa Ernaivo izany moa dia be vava fotsiny fa rehefa tena tonga eo amin'ny toerana tsy misy apoaka akory.
Manjaka ny herin'ny vola ary efa miray petsapetsa amin'ireo mafia ka minia mangina sy tsy sahy miteny amin'ny zavatra tsy mety eto amin'ny firenena.

Milaza ianao ry Kolonely Michael fa olona madio ary tsy tia kolikoly.
Ka sokafy ary ny fanadihadiana momba an'i Koufali Daya fa efa ao amin'ny BIANCO ao ny fitoriana mahakasika azy.

‼HCC : Mpikambana 4 iharan’ny fangatahana “ordre de poursuite”Mpanolotsaina avo efatra eo anivon’ny HCC no voalaza fa na...
30/05/2026

‼HCC : Mpikambana 4 iharan’ny fangatahana “ordre de poursuite”

Mpanolotsaina avo efatra eo anivon’ny HCC no voalaza fa nahazo fangatahana didy fanenjehana avy ao amin’ny Fitsarana Ambaratonga Voalohany, izay nalefa any amin’ny Ministeran’ny Fitsarana.

Ireo voatonona amin’izany dia Rojoniaina Ranaivoson, Antonia Rakotoniaina Raverohanitrambolatianiony, William Noelson, ary Nandrasana Georges Merlin Rasolo.

Araka ny loharanom-baovao, ahiahiana ho voarohirohy amin’ny firaisana tsikombakomba hanakorontana firenena izy ireo. Voalaza ihany koa fa efa nisy didy « IST » na fandraràna tsy hahafahan’izy ireo mivoaka ny firenena, saingy mbola tsy nampafantarina ny daholobe izany.

Mipetraka ny fanontaniana : inona marina no tena mitranga ao amin’ny HCC amin’izao fotoana izao.

Source : Gazety L’Express de Madagascar

30/05/2026

𝐏𝐄𝐓𝐈𝐓𝐄 𝐕𝐈𝐓𝐄𝐒𝐒𝐄 : 𝐌𝐀𝐇𝐀 𝐁𝐀𝐍𝐊𝐈𝐑𝐎𝐌𝐏𝐈𝐓𝐑𝐀 𝐍𝐘 𝐅𝐈𝐃𝐈𝐑𝐀𝐍𝐀 𝐀𝐎 𝐀𝐍𝐀𝐓𝐘 𝐍𝐘 𝐓𝐒𝐄𝐍𝐀 𝐊𝐀𝐒𝐀𝐈𝐍𝐀 𝐇𝐀𝐌𝐈𝐍𝐃𝐑𝐀𝐍𝐀 𝐈𝐑𝐄𝐎 𝐌𝐏𝐈𝐕𝐀𝐑𝐎𝐓𝐑𝐀

Nanazava ireo mpivarotra amoron-dalana eny amin'ny Petite vitesse, momba ny tsy faneken'izy ireo ny hiditra ao amin'ny étale (Ambony rihin'ny tsena anaty trano). Tery ny lalana, tsy misy mpiantsena ka tsy mahalafo mihitsy ny mpivarotra. Banky rompitra avokoa ireo izay efa nampidirina tao, raha ny fanazavana. Tsy hanaiky hiditra ao mihitsy izahay, hoy ireo mpivarotra satria nahita faisana tao.
Mangataka vaha olana hafa izy ireo, ka miangavy ny fahafahany mivarotra amin'ny antsasaky ny trotoir ilany sy ilany eo amin'ny petite vitesse aloha mandrampahitana vaha olana mety.

🔴Nolavin'ny HCC ny fitoriana napetraky ny depiote Antoine RajerisonTsy azo raisina ny fitoriana napetraky ny Solombavamb...
29/05/2026

🔴Nolavin'ny HCC ny fitoriana napetraky ny depiote Antoine Rajerison

Tsy azo raisina ny fitoriana napetraky ny Solombavambahoaka Rajerison Antoine teny amin'ny HCC mahakasika ny fampitsaharana ny kolonely Michaël Randrianirina amin'ny andraikiny nohon'ny fanitsakitsahany ny lalàm-panorenana, ary hamindrana ny fahefanana amin'ny manamboninahitra miaramila hafa.

Ka apetrakay aminareo HCC ny fanontaniana aza hoe rehefa iza no mametraka fitoriana dia azo raisina ? De rehefa iza no tsy azo raisina ?
Fa tsy mitombona ihany koa izany ny fitoriana napetrak'i Siteny tamin'ny Oktobra 2025 teny amin'ny HCC nanala an'i Andry RAJOELINA.

Tsy nanana sata ahafahana mitory (qualité pour agir) eo anoloan'ny HCC i Siteny tamin'ny Oktobra 2025.
Satria izy dia filoha lefitra faha-7 fa tsy mbola filohan'ny Antenimierampirenena tamin'izany.

Nefa nanaiky ny fitoriana napetrany ihany ny HCC, ka nambara fa azo raisina (recevable) ilay fitoriany ary mitombona.
Ny Filohan'ny Andrimpanjakana sy ny rafitra vondrom-bahoaka hitsinjaram-pahefana ihany no manana izany sata izany araka ny voalazan'ny lalàm-panorenana

Azo raisina ho jurisprudence noho izany ny saisine nataon'i Siteny na dia tsy nanana sata ahafahana mitory teny amin'ny HCC aza ny tenany.
Ka tokony azo raisina (recevable) tsara noho izany ny fitoriana napetraky ny depiote Antoine Rajerison teny amin'ny HCC.

Mampametra-panontaniana ihany koa fa ny fitsabahan'i Siteny amin'ny asan'ny fitsarana nilaza fa tsy azo raisina ny fitoriana nataon'ny depiote Antoine Rajerison rehefa avy nametraka izany teny amin'ny HCC.
Mahavita mibaiko ny HCC ve izany i Siteny fa tsy mbola nivoaka akory ilay fandàvana dia efa niteny i Siteny fa tsy azo raisina ilay fitoriana?

29/05/2026

‼ Petite vitesse

Mbola mitohy hatrany ny fitokonana ataon'ireo mpivarotra eny amin'ny petite vitesse.
Nilaza sora-baventy ireo mpivarotra amoron-dalana mitaky ny hijerena ireo madinika.
Matoa misy ny mpivarotra amoron-dalana de mahantra izay ny firenena hoy ireo mpivarotra.
Vahaolana hafa no tokony jeren'ny fanjakana fa tsy ny mpivarotra amoron-dalana no enjehina hoy hatrany izy ireo.

‼ Lily RafaralahyRehefa traingo ny fandaniana volam-panjakana mihoa-pampana nataon'i Lily Rafaralahy sy ny delegasiona m...
28/05/2026

‼ Lily Rafaralahy

Rehefa traingo ny fandaniana volam-panjakana mihoa-pampana nataon'i Lily Rafaralahy sy ny delegasiona mafonja noentiny tany Paris dia miezaka mamono afo milaza fa tsaho sy lainga afafy izany.
Delegasiona ombam-bady aman-janaka mihitsy no noentina tany Suèvres, hanao vacances sy tourisme izay tsy misy fiantraikany amin'ny fiainam-bahoaka velively.

Mba azavao aminay vahoaka hoe inona marina moa izany no andraikitra sahanin'ny vadinao ao amin'ny Minisitera ?
Fa hita sy tazana foana rehefa misy fihaonana amin'ny mpamatsy vola ao amin'ny Minisitera.
Ary hita manaraka anao hatrany rehefa misy fivoahana ivelan'i Madagasikara ?

Moa ve tsy zavatra toy izao no nanakianana sy nanenjehanareo ny mpitondra teo aloha ?
Moa ve tsy ny fivoahana any ivelany tsy misy fiantraikany amin'ny fiainan'ny vahoaka Malagasy no nanakiananareo ny teo aloha ?
Mamerina ny zavatra tsy mety teo aloha ary vao maika "pire" ny zavatra ataonareo mpitondra ankehitriny.

28/05/2026

🔴Hajo Andrianainarivelo : Tsy fanovana olona notakiana fa fanovana rafitra

Tsy mbola tena hita taratra ny tena fanovana momban’ny fikarakarana ny fifidianana hoy ny filohan’ny antoko MMM Atoa Hajo Andrianainarivelo.
Ny fanovana ny lalàm-pifidianana kosa no tokony handeha mialohan’ny fanavaozana ny lisim-pifidianana raha tena hiroso amin’ny fifidianana.
Tsy resaka fanovana olona no mahamaika fa ny fanovana ny rafitra izay nisy hatramin’izay. Manazava momba izay ny filohan’ny antoko MMM Atoa Hajo Andrianainarivelo.

©️: Antsiva Radio 97.6 FM

Address

Foulpointe
Antsirabe

Website

Alerts

Be the first to know and let us send you an email when SAHY Miteny posts news and promotions. Your email address will not be used for any other purpose, and you can unsubscribe at any time.

Shortcuts

Share