Faritra Vakinankaratra Ofisialy

Faritra Vakinankaratra Ofisialy La Région de Vakinankaratra est une des 23 Régions de Madagascar, Province d'Antananarivo

03/08/2026

🎶✨ Ho antsika manan-talenta amin’ny famoronana hira, araho anie e! 🎤🌟

Aza misalasala mampiseho ny talentanao sy ny fahaizanao mamorona. 🚀🎵

02/08/2026

🎉🔥 Ho an'ny anio,
andao hiara-hijery ireo fifaninanana mampientanentana ao anatin’ny VAK’RANTY 2026! 🏆🎭⚽

Fifaninanana maro samihafa no miandry antsika, na eo amin’ny sehatry ny ara-patanjahan-tena na ny ara-kolontsaina. Hetsika feno hafanam-po, talenta ary fifampizarana! ✨🙌

🎥 Hiiaraka amin’i Santal sy Le Za indray isika amin'ity horonantsary ity sady ahitantsika ireo fotoana tsy hay hadinoina! 📹🔥
Maria Gabrielle
Rasolonjatovo Pascal Tovoniana

FANAMAFISANA NY FILAMINAM-BAHOAKA : MIHAMAFY NY FANDRAISANA ANDRAIKITRY NY FANJAKANA ENY IFOTONYHo fanatanterahana ny to...
01/08/2026

FANAMAFISANA NY FILAMINAM-BAHOAKA : MIHAMAFY NY FANDRAISANA ANDRAIKITRY NY FANJAKANA ENY IFOTONY

Ho fanatanterahana ny toromarika nomen’Andriamatoa Praiminisitra, Lehiben’ny Governemanta, mikasika ny fanamafisana ny fandraisana andraikitry ny tompon’andraiki-panjakana manoloana ny toe-draharaha ara-pilaminana, dia nivory ny OMC (Organisme Mixte de Conception) ny Zoma 31 Jolay 2026 tao amin’ny efitrano malalaky ny Fileovana Antsirabe (préfecture).

Nandritra izany no nanaovana fanadihadiana sy tombana ny zava-misy eo amin’ny fandriampahalemana, ary namaritana ireo fepetra sy paikady hampiharina ho fiantohana ny filaminam-bahoaka sy ny fiarovana ny olona ary ny fananany.

Vokatry ny fivoriana dia nohamafisina ny fiaraha-mientan'ireo Hery Fiarovana sy Filaminana, ka natsaraina ny fandrindrana ny fisafoana iarahan'ny Polisim-pirenena, ny Zandarimariam-pirenena ary ny Tafika Malagasy. Ireo hetsika ireo dia notarihin-dRamatoa Prefen’Antsirabe, Filohan’ny OMC, notronin-dRamatoa Lehiben’ny Faritra Vakinankaratra.

Maneho ny fahavononan’ny Fanjakana hampanjaka ny filaminam-bahoaka sy hiantoka ny fandriampahalemana maharitra ireo fepetra noraisina, sady manamafy ny fiaraha-miasa akaiky eo amin’ny tompon’andraiki-panjakana sy ny Hery Fiarovana sy Filaminana ho fiarovana ny vahoaka sy ny fananany.

"Filaminana matanjaka no fototry ny fampandrosoana maharitra."

01/08/2026

Inona daholo lay hetsika efa arakantsika @ 'ty Vak'ranty 'ty? 🤔

Ataovy ao -kevitra hoe......👇🏻

Mamatagany Mahyen Lesy zao naka tranoheva,

Santal Maria Gabrielle efa nahazo billet hijery RyKala Vazo

Fa Jean Aimé Jahdy koa taitra rehefa naheno fa misy famelabelaran-kevitra arahina ady hevitra koa 'lay (CONFÉRENCE )dia tsy nanaiky koa fa naka vaovaon'izay...😉

Araho anie e👀




ANTSIRABE | NOSOKAFANA TAMIN'NY FOMBA OFISIALY NY FANAVAOZANA MANONTOLO NY LISITRY NY MPIFIDY ETO AMIN'NY FARITRA VAKINA...
01/08/2026

ANTSIRABE | NOSOKAFANA TAMIN'NY FOMBA OFISIALY NY FANAVAOZANA MANONTOLO NY LISITRY NY MPIFIDY ETO AMIN'NY FARITRA VAKINANKARATRA

Notanterahina ny Talata 28 Jolay 2026, tao amin'ny Fokontany Ampatana, Kaominina Ambonivohitra Antsirabe, Distrikan'Antsirabe I, ny lanonam-panokafana tamin'ny fomba ofisialy ny fanavaozana manontolo ny lisitry ny mpifidy eto amin'ny Faritra Vakinankaratra.

Ramatoa ANDRIATSIMIALA Sariaka, Filoha Lefitra Faharoa eo anivon'ny Vaomieram-pirenena Mahaleo tena misahana ny Fifidianana (CENI), no nitarika ny lanonana. Nanotrona izany ny Tale Misahana ny Fiahiana ny ara-Tsosialy eo amin’ny Faritra Vakinakaratra izay nisolontena an-dRamatoa Lehiben'ny Faritra Vakinankaratra, teo ihany koa ny Ben'ny Tanàna Mpisolo Toerana eto Antsirabe ary ny Filohan'ny Fokontany Ampatana.

Ho fanamarihana ny fanombohan'ny hetsika dia notanterahina ny fisoratana anarana mivantana teo anivon'ny Fokontany Ampatana, ny fitetezana tokantrano ho fanentanana ny mponina, ary ny fisoratana anarana teny amin'ny toeram-piasana. Tao anatin'izany, nisongadina ny fiaraha-miasan'ny orinasa COTONLINE, ao anatin'ny Vondrona SOCOTA, izay nanamora ny fisoratana anaran'ireo mpiasa tao aminy ka nahafahan'izy ireo nanatanteraka izany tao amin'ny toeram-piasany.

Nofaranana tamin'ny diabe fanentanana nanerana ny tanànan'Antsirabe ny hetsika, niarahana tamin'ilay mpanentana Mahyen Lesy III, ho fampahafantarana sy famporisihana ny olom-pirenena hisoratra anarana ao anatin'ny lisitry ny mpifidy, mba hahafahan'izy ireo mampiasa feno ny zony handray anjara amin'ny fifidianana sy amin'ny fanamafisana ny demokrasia.

Manentana ny olom-pirenena rehetra mahafeno fepetra ny Faritra Vakinankaratra mba hanatanteraka ara-potoana ny fisoratana anarana ao anatin'ny lisitry ny mpifidy, satria zo fototra sy adidy maha-olom-pirenena izany, sady antoky ny fandraisana anjara mavitrika amin'ny fiainam-pirenena.

Faritra Vakinankaratra – Mifampitantana, Miara-mandroso.

CAFPA ANTSIRABE : FANATSARANA NY FAMPIANARANA SY NY FIOFANANA HO AN’NY TANORA MPAMOKATRANandray anjara tamin’ny fivorian...
31/07/2026

CAFPA ANTSIRABE : FANATSARANA NY FAMPIANARANA SY NY FIOFANANA HO AN’NY TANORA MPAMOKATRA

Nandray anjara tamin’ny fivorian’ny Filankevi-pitantanan’ny CAFPA (Centre d’Appui et de Formation Professionnelle Agricole d’Antsirabe) Andriamatoa RAZAFINDRAPAOLY Oméga Tovontsoananahary, Sekretera Jeneralin’ny Faritra Vakinankaratra, ny zoma 31 jolay 2026 tao amin’ny CAFPA Andrefan’ny STAR.
Notarihin’ny Talen’ny CAFPA Antsirabe Andriamatoa Aina RAMILITIANA ny fivoriana izay nanaovana ny tatitra ara-teknika sy ara-bola momba ny asa vitan’ny ivon-toerana nandritra ny taona 2025, ary nisy ny fifanakalozan-kevitra hanatsarana ny fitantanana sy ny fampandehanana ny CAFPA.

Ny CAFPA Antsirabe dia ivon-toerana manofana tanora ho mpamokatra sy mpandraharaha ara-pamokarana, sady manampy amin’ny fanatsarana ny fahaiza-manao ara-teknika sy ara-pitantanana.
Efa misokatra ihany koa ny fandraisana antontan-taratasy ho an’ireo tanora 18 ka hatramin’ny 23 taona avy amin’ny Faritra Vakinankaratra, Menabe ary Matsiatra Ambony, izay maniry hiditra amin’ny fiofanana manaraka. Ny fanadinana fifaninanana hidirana amin’izany dia hatao ny 02 septambra 2026.

𝗧𝗢𝗨𝗦 𝗥𝗘𝗗𝗘𝗩𝗔𝗕𝗟𝗘𝗦 : 𝗙𝗮𝗻𝗮𝗺𝗮𝗳𝗶𝘀𝗮𝗻𝗮 𝗻𝘆 𝗙𝗶𝘁𝘀𝗶𝗻𝗷𝗮𝗿𝗮𝗺-𝗽𝗮𝗵𝗲𝗳𝗮𝗻𝗮 𝘀𝘆 𝗻𝘆 𝗙𝗮𝗺𝗽𝗮𝗻𝗱𝗿𝗼𝘀𝗼𝗮𝗻𝗮 𝗘𝗻𝘆 𝗜𝗳𝗼𝘁𝗼𝗻𝘆Notanterahina ny Alakamisy 30 Jol...
31/07/2026

𝗧𝗢𝗨𝗦 𝗥𝗘𝗗𝗘𝗩𝗔𝗕𝗟𝗘𝗦 : 𝗙𝗮𝗻𝗮𝗺𝗮𝗳𝗶𝘀𝗮𝗻𝗮 𝗻𝘆 𝗙𝗶𝘁𝘀𝗶𝗻𝗷𝗮𝗿𝗮𝗺-𝗽𝗮𝗵𝗲𝗳𝗮𝗻𝗮 𝘀𝘆 𝗻𝘆 𝗙𝗮𝗺𝗽𝗮𝗻𝗱𝗿𝗼𝘀𝗼𝗮𝗻𝗮 𝗘𝗻𝘆 𝗜𝗳𝗼𝘁𝗼𝗻𝘆

Notanterahina ny Alakamisy 30 Jolay 2026, tao amin'ny Le Rêve Antsirabe, ny lanonana fanambarana tamin'ny fomba ofisialy ny fisitrahan'ireo Kaominina dimy ambin'ny folo (15) avy amin'ny Faritra Vakinankaratra sy Matsiatra Ambony, ary ny Kaominina Antsiranana, ny tetikasa « Tous Redevables », vatsian'ny Vondrona Eoropeana sy tanterahin'ny Expertise France.

Andriamatoa RAKOTONANDRASANA Hanitra Velonjara Tiaray, Minisitry ny Atitany sy ny Fitsinjaram-pahefana, sy ny solontena ambony avy amin'ny Vondrona Eoropeana ary ny solontenan'ny Expertise France no niara-nitarika tamin'ny fomba ofisialy ny lanonana, izay nanamarihana ny fanombohan'ny fampiharana ity tetikasa ity. Nanatrika izany ihany koa Ramatoa RAVAONIRINA Nathalie Sébastienne, Lehiben'ny Faritra Vakinankaratra, Ramatoa Prefen'Antsirabe, ireo Lehiben'ny Distrika, ireo Ben'ny Tanàna voakasiky ny tetikasa, ary ireo tompon'andraiki-panjakana sy mpiara-miombon'antoka isan-tsokajiny.

Tafiditra ao anatin'ny politikam-panjakana momba ny fanamafisana ny fitsinjaram-pahefana sy ny fitantanana tsara ny tetikasa « Tous Redevables », izay mikendry ny hanatsara ny fahaiza-mitantan'ireo Kaominina, hampiroborobo ny mangarahara sy ny tamberin'andraikitra, ary hanamafy ny fandraisan'anjaran'ny olom-pirenena amin'ny fampandrosoana eny ifotony.

Nandritra ny lahateniny, Ramatoa Lehiben'ny Faritra Vakinankaratra dia nanamafy fa maneho ny finiavan'ny Fanjakana sy ireo mpiara-miombon'antoka hampandroso ny fitantanana akaiky ny vahoaka ity tetikasa ity. Nambarany fa antoky ny fanamafisana ny fahafahan'ireo Kaominina mamolavola sy manatanteraka tetikasa mifanaraka amin'ny filàn'ny mponina izy io, ka hitondra fampandrosoana maharitra sy fanatsarana ny kalitaon'ny tolotra omena ny vahoaka.

Mitohy ny ezaka iarahan'ny Fanjakana sy ireo mpiara-miombon'antoka amin'ny fanamafisana ny fitsinjaram-pahefana, ho fanorenana fitantanana mangarahara, tompon'andraikitra ary manakaiky hatrany ny olom-pirenena, ho antoky ny fampandrosoana lovain-jafy manerana an'i Madagasikara.

FAMPIROBOROBOANA NY TOE-TSAINA HO AMIN'NY FAHINTSIANA EKEN'NY REHETRA : MANAMAFY NY FANABEAZANA HO FOTOTRY NY ADY AMIN'N...
31/07/2026

FAMPIROBOROBOANA NY TOE-TSAINA HO AMIN'NY FAHINTSIANA EKEN'NY REHETRA : MANAMAFY NY FANABEAZANA HO FOTOTRY NY ADY AMIN'NY KOLIKOLY

Notanterahina ny Talata 28 Jolay 2026, tao amin'ny Amphithéâtre Akademia Miaramila Antsirabe (ACMIL), ny atrikasa famolavolana ny fandaharam-pampianarana hampidirana amin'ny fomba ofisialy ny taranja momba ny ady amin'ny kolikoly ho an'ireo mpiofana ao amin'ny Akademia Miaramila Antsirabe (ACMIL), ny École Nationale des Inspecteurs et Agents de Police (ENIAP), ary ny Zandarimariam-pirenena.

Atrikasa notarihin'ny BIANCO izany, niaraka tamin'ny fanohanan'ny "Organisation Internationale de la Francophonie" (OIF) sy ny Confédération Suisse, ho fanamafisana ny paikady nasionaly amin'ny fampiorenana ny kolontsain'ny fahitsiana sy ny fitantanana mangarahara.

Nisolo tena an-dRamatoa RAVAONIRINA Nathalie Sébastienne, Lehiben'ny Faritra Vakinankaratra, nandritra ny lanonana fanokafana, Andriamatoa TOBIARITIANA Nofidiantsoa Tsinjomahenina, Talen'ny Kabinetran'ny Faritra.

Nandritra ny atrikasa dia nohamafisina fa ny fanabeazana miorina amin'ny soatoavina, ny fahitsiana ary ny andraikitra iombonana no antoky ny fananganana taranaka mandà ny kolikoly, ka manamafy ny fitokisan'ny olom-pirenena amin'ny andrim-panjakana sy mandray anjara amin'ny fampandrosoana maharitra.

Ny Faritra Vakinankaratra dia manamafy hatrany ny fanohanany ireo hetsika rehetra mikendry ny fampiroboroboana ny fitantanana tsara tantana, ny mangarahara ary ny fanabeazana olom-pirenena ho antoky ny fampandrosoana maharitra sy ny fanjakana tan-dalàna.

FAHASALAMAN’NY TANORA : LAHARAHAM-PAHAMEHANA HO AN’NY FARITRA VAKINANKARATRANotanterahina ny Alarobia 29 Jolay 2026 tao ...
31/07/2026

FAHASALAMAN’NY TANORA : LAHARAHAM-PAHAMEHANA HO AN’NY FARITRA VAKINANKARATRA

Notanterahina ny Alarobia 29 Jolay 2026 tao amin’ny Oniversiten’i Vakinankaratra ny fanamarihana ny Andron’ny Fahasalamana, izay nifantoka tamin’ny lohahevitra hoe: « Ny fahasalaman’ny tanora sy ny zony ».

Nandray anjara mavitrika tamin’izany ny Lehiben’ny Faritra Vakinankaratra, Ramatoa RAVAONIRINA Nathalie Sébastienne, maneho indray fa isan’ny laharam-pahamehan’ny Faritra ny fiarovana sy ny fanatsarana ny fahasalaman’ny tanora, izay hery velona sy antoky ny fampandrosoana maharitra.

Niaraka tamin’ny Lehiben’ny Fileovana Antsirabe, Ramatoa RANDRIANAIVO Voahangindraibe, sy ireo tompon’andraikim-panjakana ary mpiara-miombon’antoka eo amin’ny sehatry ny fahasalamana, dia notanterahina nandritra ny hetsika ny diabe (Carnaval), zumba, famelabelarana sy adihevitra ho an’ny tanora, ary tolotra ara-pahasalamana maimaim-poana ho an’ny besinimaro.

Tamin’ny lahateniny, nanamafy ny Lehiben’ny Faritra fa ny tanora salama, mahalala ny zony ary tompon’andraikitra amin’ny safidiny no fototra iorenan’ny fampandrosoana. Namporisihiny izy ireo mba tsy hatahotra hitady vaovao sy tolotra ara-pahasalamana, hiaro ny tenany, ary handray anjara mavitrika amin’ny fanorenana fiarahamonina salama sy mandroso.

Manohy manamafy ny fahavononany ny Faritra Vakinankaratra hiara-hiasa amin’ireo mpiara-miombon’antoka rehetra amin’ny fampiroboroboana ny fahasalaman’ny reny sy ny zaza ary indrindra ny tanora, ho fananganana taranaka vanona sy Faritra matanjaka.

Tsy akiandriandry ity Vak'Ranty ity🤩Efa fotoana izao...Efa arakao tsara daholo ve ireo hetsika rehetra?📝Ity 'lay andrasa...
31/07/2026

Tsy akiandriandry ity Vak'Ranty ity🤩
Efa fotoana izao...
Efa arakao tsara daholo ve ireo hetsika rehetra?📝

Ity 'lay andrasantsika; aza variana intsony an😉

Aza tara fa efa mandeha ny fisoratana anarana
Safidio 'zay mety aminao💁‍♂️💁‍♀️

Address

Région Vakinankaratra
Antsirabe
110

Website

Alerts

Be the first to know and let us send you an email when Faritra Vakinankaratra Ofisialy posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Faritra Vakinankaratra Ofisialy:

Shortcuts

Share

Category