Ministry of Social, Labour and Humanitarian Affairs - NUG

28/08/2026

🚨 🚨 ၂၀၂၆ ခုနှစ်၊ သြဂုတ်လ ၂၈ ရက်နေ့၊ မြန်မာစံတော်ချိန် နေ့လယ် ၁:၃၆ နာရီအချိန်ခန့်တွင် ရန်ကုန်တိုင်း၊ ရန်ကုန်မြို့၏ တောင်-အရှေ့တောင်ဘက် ၁၈၀ ကီလိုမီတာ (၁၁၂မိုင်ခန့်) အကွာ၊ ကပ္ပလီပင်လယ်ပြင်အတွင်း မြေအောက်အနက် ၁၀ ကီလိုမီတာခန့်ကိုဗဟိုပြု၍ ရစ်ခ်တာစကေး ၃.၆ အဆင့်ဖြင့် အင်အားအနည်းငယ်ရှိသည့် မြေငလျင်တစ်ခု လှုပ်ခတ်ခဲ့ပါသည်။ ယေဘုယျအားဖြင့် ရစ်ခ်တာစကေး၄.၀ နှင့်အထက်ငလျင်များသည် ထိခိုက်မှုများ ဖြစ်ပေါ်စေနိုင်သည့်အတွက် သတိပေးချက်ထုတ်ပြန်သော်လည်း ရန်ကုန်တိုင်းအနီး လှုပ်ခတ်သည့်ငလျင်ငယ်များအတွက်အများပြည်သူသတိပြု သိရှိနိုင်ပါရန် အသိပေးအပ်ပါသည်။

⛑️ ငလျင်အန္တရာယ်ကြောင့်ထိခိုက်ဆုံးရှုံးမှုများလျော့နည်းစေရန်အတွက် ဆောင်ရန်၊ ရှောင်ရန်၊ သတိပြုရန်များနှင့်အညီ နေထိုင်ကြပါရန် အသိပေးအပ်ပါသည်။

မှတ်ချက်။ မြေငလျင်တိုင်းတာစက်များကအသုံးပြုသည့် စကေးနှင့်တိုင်းတာသည့်နည်းလမ်းတို့အပေါ်မူတည်၍လည်း ငလျင်အင်အားပမာဏ အနည်းငယ်ကွာခြားမှုရှိနိုင်ပါသည်။

24/08/2026

ဒီစက်လှေကို သင် ကူညီပေးခဲ့တာပါ...

ဟုတ်ပါတယ်။ ဒီစက်လှေကို SCF မှာပြုလုပ်နေတဲ့ "စစ်ကိုင်းရေဘေး ဖေးမစာနာကူညီပေး" ကမ်ပိန်းမှာ ထောက်ပံ့လှူဒါန်းပေးကြတဲ့ အလှူရှင်အကြည်ဓာတ်လေးများကြောင့် ရရှိတဲ့ အလှူငွေများထဲကနေ ဝယ်ယူကူညီပေးနိုင်ခဲ့တာပါ။

ရေစကြီးတဲ့ရက်တွေမှာဆိုရင် မနေ့က ပုံလေးထဲကလို ကောက်ရိုးတွေဝါးတွေနဲ့ အရေးပေါ် လက်ဖြစ် စက်လှေလုပ်ပြီး ခက်ခက်ခဲခဲ ကျော်ဖြတ်ခဲ့ရပါတယ်။

ဒါပေမဲ့ ဒီစက်လှေလေး ဝယ်ယူပေးနိုင်ခဲ့ပြီးနောက်မှာတော့ အရေးပေါ်ကူညီမှုတွေကို ပိုပြီးအဆင်ပြေထိရောက်စွာ လုပ်ပေးနိုင်ခဲ့ပါတယ်။

အလှူရှင် အကြည်ဓာတ်လေးတွေအားလုံးကို လှိုက်လှိုက်လှဲလှဲ ကျေးဇူးအများကြီးတင်ပါတယ်။ 🥰🙏

Photos: MoSLHA-NUG


#စစ်ကိုင်းရေဘေးဖေးမစာနာကူညီပေး

24/08/2026

24/08/2026

၂၀၂၆ခုနှစ်၊ သြဂုတ်လ (၂၄)ရက်နေ့မှ (၃၀)ရက်နေ့ထိ မိုးလေဝသ အခြေအနေ

အလေးပေးတင်ပြချက်များ

🌀 ယခုတစ်ပတ်အတွင်း ဘင်္ဂလားပင်လယ်အော်အခြေအနေမှာ ကပ္ပလီပင်လယ်ပြင်နှင့် ဘင်္ဂလား ပင်လယ်အော်တို့တွင် တိမ်အသင့်အတင့်မှ တိမ်ထူထပ်နိုင်ပြီး မြန်မာ့ကမ်းရိုးတန်းဒေသများနှင့် ကမ်းလွန် ပင်လယ်ပြင်တို့တွင် အနောက်တောင် မုတ်သုံလေသည် အားကောင်းရာမှ အားအလွန်ကောင်းနိုင် ပါသည်။ ဘင်္ဂလားပင်လယ်အော် အနောက်မြောက်ပိုင်းတွင် လေဖိအားနည်းရပ်ဝန်းတစ်ခု ဖြစ်ပေါ်နေ ပါသည်။

⛈️ မိုးအခြေအနေမှာ လေဖိအားနည်းရပ်ဝန်းအရှိန်ကြောင့်လည်းကောင်း၊ အနောက်တောင် မုတ်သုံလေ အားကောင်းနေသောကြောင့်လည်းကောင်း၊ မြန်မာနိုင်ငံတစ်ဝှမ်းလုံးတွင် နေရာစိပ်စိပ်မှ နေရာအနှံ့အပြား မိုးထစ်ချုန်း ရွာသွန်းနိုင်ပါသည်။ (စစ်ကိုင်းတိုင်း(အထက်ပိုင်း)၊ ရန်ကုန်တိုင်း၊ ပဲခူးတိုင်း၊ ဧရာဝတီတိုင်း၊ တနင်္သာရီတိုင်း၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်ပါသည်။)

🚨 ယခုရက်သတ္တပတ်အတွင်း ချင်းပြည်နယ်၊ ကရင်ပြည်နယ်၊ မွန်ပြည်နယ်၊ ရခိုင်ပြည်နယ်နှင့် တနင်္သာရီတိုင်းတို့တွင် နေရာကွက်၍ မိုးကြီးနိုင်သည့် အခြေအနေရှိပါသဖြင့် နောက်ဆက်တွဲ ရေကြီး ရေလျှံခြင်း၊ တောင်ကျချောင်းရေစီးဆင်းခြင်း၊ ကမ်းပါးပြိုမြေပြိုခြင်းနှင့် လျှပ်တစ်ပြက် ရေကြီး ခြင်းများ ဖြစ်ပေါ်နိုင်သည့်အတွက် အထူးသတိပြု နေထိုင်သင့်ပါသည်။

📅 နေ့အလိုက်တစ်ပတ်စာ မိုးလေဝသအခြေအနေများကို ဆက်လက်တင်ပြသွားပါမည်။

#မိုးလေဝသသတင်း

23/08/2026

🚨🚨 ၂၀၂၆ ခုနှစ်၊ သြဂုတ်လ ၂၃ ရက်နေ့၊ မြန်မာစံတော်ချိန် နံနက် ၁၀:၁၅ နာရီအချိန်ခန့်တွင် ပဲခူးတိုင်း၊ ပဲခူးမြို့အနီး၊ မြေအောက်အနက် ၁၀ ကီလိုမီတာခန့်ကိုဗဟိုပြု၍ ရစ်ခ်တာစကေး ၄.၆ အဆင့်ဖြင့် အင်အားအတော်အသင့်ရှိသည့် မြေငလျင်တစ်ခု လှုပ်ခတ်ခဲ့ပါသည်။

🚦 ငလျင်အန္တရာယ်ကြောင့်ထိခိုက်ဆုံးရှုံးမှုများလျော့နည်းစေရန်အတွက် ဆောင်ရန်၊ ရှောင်ရန်၊ သတိပြုရန်များနှင့်အညီ နေထိုင်ကြပါရန် အသိပေးအပ်ပါသည်။

မှတ်ချက်။ မြေငလျင်တိုင်းတာစက်များကအသုံးပြုသည့် စကေးနှင့်တိုင်းတာသည့်နည်းလမ်းတို့အပေါ်မူတည်၍လည်း ငလျင်အင်အားပမာဏ အနည်းငယ်ကွာခြားမှုရှိနိုင်ပါသည်။

22/08/2026

ဩဂုတ်လ (၂၁) ရက်နေ့အထိ ရေကြီးရေလျှံမှုဆိုင်ရာ အခြေအနေကို အစီရင်ခံတင်ပြခြင်း (ရုပ်/သံ)

🌊 ​မြန်မာနိုင်ငံ အထက်ပိုင်းဒေသတွေမှာ ရက်ဆက် မိုးသည်းထန်စွာ ရွာသွန်းမှုနှင့် ဆည်တမံ/ရေလှောင်ကန်များမှ ရေလွှတ်ခြင်းတို့ကြောင့် လက်ရှိတွင် စစ်ကိုင်းယူနစ်၊ မန္တလေးယူနစ်၊ မကွေးယူနစ်၊ ဧရာဝတီတိုင်းနှင့် ကရင်ပြည်နယ်တို့ရှိ မြို့နယ်ပေါင်း (၂၅) မြို့နယ်မှာ ရေကြီးရေလျှံမှုများ ဖြစ်ပွားလျက်ရှိပါတယ်။

📌 ​ဆန်းစစ်ချက်များအရ ရေဘေးကြောင့် စုစုပေါင်း လူဦးရေ ၆၁၉,၇၆၈ ဦးခန့် ထိခိုက်ခံစားနေရပြီး သေဆုံးသူ (၃၂) ဦးနှင့် ပျောက်ဆုံးသူ (၂) ဦး ရှိပါတယ်။ ရေဘေးသင့်ဒေသ (၅) ခုရှိ မြို့နယ်အလိုက် ရေဘေးသင့်ပြည်သူဦးရေ နှိုင်းယှဉ်ဖော်ပြချက်များကို ဆက်လက် အစီရင်ခံ တင်ပြအပ်ပါတယ်။

https://www.facebook.com/share/p/1BjGqE1KYy/

21/08/2026

📣📣 Flood Situation Report as of 21 August 2026

🌊 Due to several consecutive days of heavy rainfall in the upper parts of Myanmar, combined with water releases from dams and reservoirs, flooding is currently occurring in 25 townships across Sagaing Unit, Mandalay Unit, Magway Unit, Ayeyarwady Region, and Kayin State.

🔴 According to the assessments, approximately 619,768 people have been affected by the flooding. There have been 32 reported deaths and 2 people remain missing.
The township-level comparison of the number of flood-affected people across the five affected areas is presented in the figures below.

21/08/2026

📣📣 ၂၀၂၆ ခုနှစ်၊ ဩဂုတ်လ ၂၁ ရက်နေ့အထိ ရေကြီးရေလျှံမှုဆိုင်ရာ အခြေအနေပြ အစီရင်ခံစာ

🌊 မြန်မာနိုင်ငံ အထက်ပိုင်းဒေသများတွင် ရက်ဆက် မိုးသည်းထန်စွာ ရွာသွန်းခြင်းနှင့် ဆည်တမံ/ရေလှောင်ကန်များမှ ရေလွှတ်ခြင်းတို့ကြောင့် လက်ရှိတွင် စစ်ကိုင်းယူနစ်၊ မန္တလေးယူနစ်၊ မကွေးယူနစ်၊ ဧရာဝတီတိုင်းနှင့် ကရင်ပြည်နယ်တို့ရှိ မြို့နယ်ပေါင်း ၂၅ မြို့နယ်၌ ရေကြီးရေလျှံမှုများ ဖြစ်ပွားလျက်ရှိပါသည်။ ဆန်းစစ်ချက်များအရ ရေဘေးကြောင့် စုစုပေါင်း လူဦးရေ ၆၁၉,၇၆၈ ဦးခန့် ထိခိုက်ခံစားနေရပြီး သေဆုံးသူ ၃၂ ဦးနှင့် ပျောက်ဆုံးသူ ၂ ဦး ရှိပါသည်။ ရေဘေးသင့်ဒေသ ၅ ခုရှိ မြို့နယ်အလိုက် ရေဘေးသင့်ပြည်သူဦးရေ နှိုင်းယှဉ်ဖော်ပြချက်များကို အောက်ပါပုံများတွင် ဖော်ပြထားပါသည်။

21/08/2026