Time kommune

Time kommune Spørsmål vil bli besvart mellom kl 8.00 og 14.30 på kvardagar. Meld feil: www.time.kommune.no Velkommen til Time kommune si side på Facebook.

Her kan du få informasjon om kommunale tenester og stilla spørsmål som Innbyggarservice vil svara på mellom kl 8.00 og 14.30 på kvardagar. Time kommune har det redaksjonelle ansvaret for denne sida, men det du skriv er du personleg ansvarleg for. Me vil oppmoda til saklege innlegg, og gjer merksam på at innlegg som inneheld rasisme eller personangrep vil bli fjerna frå sida. Gjentekne brot på retn

ingslinjene våre vil føra til utestenging. Spørsmål som krev saksbehandling (søknader etc.) må sendast som e-post til [email protected] eller post til Time kommune, postboks 38, 4349 BRYNE. Du finn også elektroniske skjema for mange tenester på www.time.kommune.no Me håper du er nøgd med sida, og tek gjerne imot tilbakemeldingar.

💪 Då er me i gang!👷‍♂️ Ordførar i Time - Andreas Vollsund fekk æra av å stå for den symbolske "fyrste støypen" under mar...
02/06/2026

💪 Då er me i gang!

👷‍♂️ Ordførar i Time - Andreas Vollsund fekk æra av å stå for den symbolske "fyrste støypen" under markeringa av byggestarten på utvidinga av Kvernaland omsorgssenter i dag.

🔨 – Her bygger me for framtida. Det skal vera godt å verta gamal i Time, og då treng me nok omsorgsbustadar, seier ordføraren.

🏗️ Tilbygget med 27 nye leilegheiter til ein kostnad av 170 millionar kroner skal vera ferdig i august 2027. Les meir på nettsidene våre: https://www.time.kommune.no/aktuelt/markering-av-byggestart-pa-kvernaland-omsorgssenter.29225.aspx

📖 Har du høyrt om Sommarles?🌞 Sommarles er ein digital lesekampanje som har som mål at barn frå 1. til og med 7. klasse ...
28/05/2026

📖 Har du høyrt om Sommarles?

🌞 Sommarles er ein digital lesekampanje som har som mål at barn frå 1. til og med 7. klasse skal lesa så mykje dei orkar gjennom heile sommarferien. Og dei kan vinna kule premiar!

⏳ Startskotet går 1. juni, så nå er det nedteljing på Time bibliotek! Les meir om kampanjen – og årets spesialskrivne forteljing, Farlege skurkestrekar – på nettsidene: sommarles.no 👍

🤳 Kva gjer du når du er fysioterapeut på Sivdamheimen og treng ei trapp som pasientane kan trena i? Du ringer bygglinja ...
20/05/2026

🤳 Kva gjer du når du er fysioterapeut på Sivdamheimen og treng ei trapp som pasientane kan trena i? Du ringer bygglinja på Bryne vidaregåande skule, sjølvsagt!

🚶‍➡️ Det gjorde Krister Bøckman. Han jobbar med pasientar på rehabiliteringsopphald som treng trappetrinn å gå i for å gjenvinna funksjon.

📐 Oppdraget med spesialbygd treningstrapp vart formidla, elevane Isak Lode og Even Mellemstrand fekk oppdraget – og i førre veke leverte både dei og lærar Trond Olav Horpestad varene!

👏 - Flott handverk og solid trapp, er tilbakemeldinga frå Sivdamheimen. Me gratulerer med nye trinn og takkar elevane for strålande utført jobb!

19/05/2026

🥳 Me heier på frivilligheita!

🎄 Så i desember (ja, det er lenge til, men hoi, kor tida går!) dreg me i gang ein frivilligheitskalender, i regi av Time frivilligsentral, der me kvar dag heidrar ein eldsjel, eller kvardagshelt, som står på for andre.

👏 Og då treng me hjelp av deg! Kjenner du ein kvardagshelt som absolutt burde få litt merksemd i desember? Gå inn og nominér din kandidat her:

🔗 bit.ly/kvardagshelten

😁 PS: Du kan ikkje nominera Andreas, sjølv om han er god til å vaska opp.

🐐 Hurra! Det er GEITETID! 🐐🌳 Den etter kvart så velkjende geitegjengen er nå på plass på beiteområdet sitt i Vardheia. D...
06/05/2026

🐐 Hurra! Det er GEITETID! 🐐

🌳 Den etter kvart så velkjende geitegjengen er nå på plass på beiteområdet sitt i Vardheia. Der skal dei gå i heile mai, og så flytter dei til Lyefjell i heile juni.

🧯 Der skal dei driva både skjøtsel og brannførebyggande tiltak. Dei føretrekk kratt og lauv framfor gras, og er vennlege og nysgjerrige, men dei må ikkje matast - då orkar dei jo ikkje å beita!

⚡ Dei vert ikkje inngjerda fysisk, men skal gå med såkalla Nofence-teknologi, som gjev ein liten straumstøyt viss dei går utanfor området som er programmert inn. Dette lærer dei av veldig fort, og så kan me sjå kor dei er.

🙏 Og så er det, spesielt fordi det ikkje er sett opp gjerde, viktig at hundeeigarar i området respekterer bandtvangen. 🐶

🕊️ Fredag 8. mai er det 81 år sidan den andre verdskrigen tok slutt i Noreg. Og sjølv om det finst mange stadar i resten...
05/05/2026

🕊️ Fredag 8. mai er det 81 år sidan den andre verdskrigen tok slutt i Noreg. Og sjølv om det finst mange stadar i resten av verda som er alt anna enn fredelege i dag, er det verd å markera ein så viktig dag her heime.

💐 Fylkesordføraren og 15 ordførarar frå Sør-Rogaland, inkludert Ordførar i Time - Andreas Vollsund, inviterer som tidlegare år til ei felles markering på Ruten i Sandnes frå kl. 17.00 fredag. Arrangementet er gratis.

❤️ Me ønsker alle ein god frigjerings- og veterandag.

🔗 Meir info: https://www.facebook.com/events/1460910258423669

😎 Vil du vera med på å gje barn og unge ein knallkjekk sommarferie?💰Lag og organisasjonar i Time kommune kan nå søka om ...
30/04/2026

😎 Vil du vera med på å gje barn og unge ein knallkjekk sommarferie?

💰Lag og organisasjonar i Time kommune kan nå søka om midlar til å arrangera kjekke aktivitetar for barn og unge i alderen 6-19 år i sommarferien. Me håper mange vil vera med på å skapa gode opplevingar!

🤸 Aktivitetane skal vera gratis eller ha svært låg kostnad for deltakarane.

🗓️ Søknadsfrist: 15. mai via nettsida vår. Meir informasjon finn du her: 👇

🔗 https://www.time.kommune.no/aktuelt/sok-om-tilskot-til-sommarferie-aktivitetar-for-barn-og-unge.27814.aspx

🚶‍➡️ På tur 7 i årets Ti turar i Time går løypa forbi Hålandstjødno, mellom Fårevatnet og Snorestad. Der hadde ei gammal...
29/04/2026

🚶‍➡️ På tur 7 i årets Ti turar i Time går løypa forbi Hålandstjødno, mellom Fårevatnet og Snorestad. Der hadde ei gammal plankebru meir eller mindre forsvunne i myra. Men så ... tok Jan Oskar Haugen affære!

🥾 Jan Oskar er ein av kommunen sine handymen, ein fotsoldat som faktisk gjekk av med pensjon ved nyttår. Men framleis har han ei prosentstilling som han brukar til å legga til rette for alle turgåarane me har.

🪚 Når du går ein av dei ti turane, eller ei anna av turløypene me har i Time, og følger tydelege merkepinnar, klatrar over ein gjerdeklyvar, registrerer ein QR-kode, les eit grønt skilt, legg turboka tilbake i postkassen – eller går tørrskodd over myra på den nye plankebrua ved Hålandstjødno, som nå òg har fått armeringsjern på overflata så du ikkje skal skli – så er sjansen ganske stor for at det er Jan Oskar som har vore der.

🥳 Tusen takk for jobben du gjer, Jan Oskar – og hipp hurra for deg!

🥳 Litt stas må det vera lov å gjera på dei tilsette når dei leverer dei beste tenestene i Rogaland!⏱️ I førre veke slo A...
28/04/2026

🥳 Litt stas må det vera lov å gjera på dei tilsette når dei leverer dei beste tenestene i Rogaland!

⏱️ I førre veke slo Aftenbladet fast at byggesaksavdelinga i Time kommune er raskast i Rogaland til å svara på byggesøknadar. Ordførar og kommunedirektør meinte at det måtte markerast.

📜 Avdelingsleiar for Byggesak, Svein Harald Dyngen, og gjengen hans bruker i snitt seks – 6 – dagar på å svara på søknadar med tolv vekers frist. Den nest raskaste kommunen i fylket bruker 17 dagar, og kommunen på sisteplass bruker 94 ...

🎂 Me slår fast at racer-behandlarane våre har har fortent kake med påskrifta "Steinbra!"

🛴 El-sparkesyklar kan ein seia mykje rart om!🧑‍🦯‍➡️ Men: Dei forsvinn nok ikkje med det fyrste. Så då må me ha reglar fo...
27/04/2026

🛴 El-sparkesyklar kan ein seia mykje rart om!

🧑‍🦯‍➡️ Men: Dei forsvinn nok ikkje med det fyrste. Så då må me ha reglar for å sikra trygg ferdsel langs gatene våre – for alle. Inkludert rullestolbrukarar, svaksynte og folk med barnevogn. Kan du hjelpa oss med det?

💸 Sykkelen til venstre på eksempelbiletet står fint parkert. Det gjer ikkje dei tre andre. Frå og med 1. mai vil el-sparkesyklar som står til hinder for trygg ferdsel verta ilagt gebyr på 900 kroner.

🤔 Lurer du på korleis du parkerer rett og trygt? Innanfor sonene med raud ramme på kartet er det for eksempel ikkje lov å parkera. Meir info finn du på nettsidene våre: https://www.time.kommune.no/tenester/veg-og-parkering/ -1372

Adresse

Arne Garborgsveg 30
Bryne
4349

Åpningstider

Mandag 09:00 - 15:00
Tirsdag 09:00 - 15:00
Onsdag 09:00 - 15:00
Torsdag 09:00 - 15:00
Fredag 09:00 - 15:00

Telefon

+4751776000

Nettsted

Varslinger

Vær den første som vet og la oss sende deg en e-post når Time kommune legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Organisasjonen

Send en melding til Time kommune:

Snarveier

Del

Type