Hareid kommune

HAREID KOMMUNE SI FACEBOOK-POLICY
Velkomen til Hareid kommune si Facebook-side. Det aller meste av informasjon blir delt på nettsidene våre, så du treng ikkje Facebook for å halde deg oppdatert på det vi driv med. Denne Facebook-sida er drifta av sentraladministrasjonen – i hovudsak av kommunikasjonsansvarleg. PERSONVERN
Du styrer sjølv kva du deler og kven du besøker på Facebook. Derfor er din ei

gen policy like viktig som kommunen sin. Når du følgjer, liker eller kommenterer noko på Facebook-sidene våre, får Facebook tilgang og vil bruke opplysningane og spora du legg igjen etter deg. Deler du noko med status «offentleg» gir du alle tilgang og tillating til å nytte informasjonen og knyte den til deg. I Facebook sine retningslinjer står det at «at offentlig informasjon er tilgjengelig for alle i eller utenfor tjenestene våre, og kan sees eller fås tilgang til gjennom søkemotorer på Internett, API’er eller media mv.» Det vil seie at spørsmåla du stiller, reaksjonane dine og det du kommenterer på våre Facebook-sider, kan lesast og brukast av andre. SPØRSMÅL ELLER KOMMENTARAR? Vi set pris på at du engasjerer deg i innhaldet vårt. Vi er på Facebook som ein service for innbyggarane våre og svarer gjerne på spørsmål og tek imot innspel. Innspel som er arkivverdige, blir lagra i arkivsystemet vårt og vil kome i postlistene våre som (også) er offentlege. Har du feilmeldingar på veg, vatn og avlaup kan du sende oss ei direktemelding. Dersom det hastar, kan du sende tekstmelding eller ringe til vakttelefonen vår på 97062360. Vi kan ikkje sakshandsame her på Facebook. Slike meldingar må du sende til [email protected] eller den enkelte sakshandsamar. Kontaktinfo til dei tilsette finn du på heimesidene våre. BLEI DET DU SKREIV SLETTA? Det er sjølvsagt heilt OK å vere ueinig med oss. Vi tar også imot sakleg og konstruktiv kritikk. God debatt og diskusjon er bra for demokratiet. Facebook slettar innlegg som inneheld enkelte upassande ord og uttrykk. Vi slettar også innlegg med upassande språk, som angrip person i staden for sak eller som kan opplevast som krenkande. Vi kan også velje å slette feilinnformasjon som blir spreidd, som eit bidrag i kampen styresmakter og medier står i for å stanse villeiande, falsk og skadeleg informasjon. Vi slettar også innlegg eller kommentarar der vi meiner forfattar utleverer seg sjølv eller andre og som bryt med personvern eller teieplikt. Kommentarar som ikkje har med saka å gjere eller som inneheld reklame for kommersielle produkt og teneste, blir også fjerna. HAR DU SPØRSMÅL TIL DENNE POLICYEN? Har du spørsmål til denne policyen? Send oss ein e-post på [email protected] eller direkte her på Facebook. Hareid, desember 2021